– Изразуваме жалење за говорот на претседателката на државата Гордана Силјановска Давкова. Го згази Уставот уште на прва реченица неспомнувајќи Република, ниту Република Северна Македонија, со сите импликации кои ги има тоа. Рече време е за единство, а спомна само двајца лидери од македонскиот блок, исклучувајќи ги сите останати – рече Адеми.

Според Адеми, новата претседателка во нејзиниот говор не кажала ништо суштинско, посочувајќи дека Силјановска Давкова не се осврнала на евроинтеграцискиот процес на земјава и нејзините предизвици.

– Беше говор за 8 март без ништо суштински, ниту се спомна НАТО и членството на Република Северна Македонија во НАТО, како и сите предизвици кои ни претстојат, ниту кажа еден збор за Европската унија и евроинтеграцискиот процес на земјава со сите предизвици кои не очекуваат. Не кажа ниту збор за негувањето на меѓуетничките односи, ниту за Преспанскиот договор, ниту за Договорот за добрососедство со Република Бугарија, ниту за уставните измени – рече Адеми.

Вели во говорот не недостасувале апострофирања на жени лидери кои и честитале за изборот и потенцираше дека честитката на претседателката на Република Косово, Вјоса Османи, намерно не била спомената во нејзиниот говор.

– Намерно не ја спомна честитката на претседателката на Република Косово за нејзиниот избор, иако не недостасуваа апострофирања на жени лидери кои и честитаа за изборот. Со првата нејзина реченица веќе создаде криза помеѓу Репуиблика Северна Македонија и Република Грција – подвлече Адеми.

Силјановска Давкова во нејзиното обраќање пред присутните пратеници во Собранието, дипломатскиот кор, како и претставниците на политичкиот и општествениот живот, рече ќе биде претседателка на сите граѓани и нема да прави разлика меѓу нив ниту по етничка, ниту по верска, ниту по полова или било каква друга разлика.

Нејзиниот говор таа им го посвети на жените поради кои се нафатила да се кандидира, затоа што сака да ги инспирира жените, посочувајќи на „оние кои на Балканот често не се претседателки на држави“. Порача дека е време за единството „кое може да значи и женска филозофија, женска автентичност, бидејќи ние умееме да се грижиме не само за себе, туку пред се за сите останати“.

The post АДЕМИ ЈА ОБВИНИ НОВАТА ПРЕТСЕДАТЕЛКА Уште првиот ден Силјановска Давкова го прекрши Уставот appeared first on plusinfo.mk.

Десетици автобуси со туристи, претежно гостинки од државите од соседството, пристигнаа во градот, низ чии улици денеска е раздвижено како во деновите на летната туристичка сезона.

Гостите го искористија убавото сончево време за прошетки низ Стариот дел на градот, на Кејот на Охридското Езеро и кафе и пијалок на преполнетите тераси на охридските кафулиња.

Посебна атракција и изненадување за нив претставуваше гестот на Михајло Филев, од семејството Филеви кое ја негува традицијата на изработка на оригинален охридски бисер.

Педесеттина хрватски туристки на плоштадот пред Долна порта Филев ги запозна со процесот и начинот на изработка на охридскиот бисер, подарувајќи им бисер за спомен на нивната посета на Охрид.

The post ОСМИ МАРТ ГО НАПОЛНИ ОХРИД СО ГОСТИ Градот ќе биде полн и викендов appeared first on plusinfo.mk.

Станува збор за бонус кој ќе може да го искористат за видеолотариските игри или спортско обложување, секако по нивен личен избор.

– Обложувајте се и играјте одговорно со најдобрите на единствената легална платформа за интернет игри на среќа 2win.mk – порачуваат од Видеолотарија Касинос Австрија.

The post ОСМОМАРТОВСКА ЧЕСТИТКА ОД 2WIN.MK Забавно изненадување за жените кои се дел од програмата за лојалност appeared first on plusinfo.mk.

Сопругот ја нападнал со дрвен предмет, информираше Министерството за внатрешни работи.

„На 08.03.2023, полициски службеници од Полициската станица Штип го лишиле од слобода В.П.(54) од Штип затоа што околу 17 часот во семејниот дом со дрвен предмет ја нападнал неговата сопруга. По комплетирање на случајот против В.П. ќе биде поднесена соодветна пријава“, информираат од СВР Штип.

The post ЌОТЕК НАМЕСТО ЦВЕЌЕ Штипјанец со дрвен предмет ја тепал сопругата на Осми март appeared first on plusinfo.mk.

Како деца за Осми март правевме честитки за мајките, татковците ни даваа пари за да им купиме по некој подарок „од нас“, родителите одеа во театар, кино или на синдикална прослава во кафеана, а купувавме и подароци за учителките, најчесто, што поубаво цвеќе.

Потоа, кога јас станав сопруга, а во 1993. година и мајка, децата сè уште се занимаваа со истото. Ми се креваше косата на глава кога син ми ќе дојдеше со прашањето – што да им купиме на учителките во градинка, а потоа и на класната во училиште. Додека купувавме, а мораше да се купи нели, секогаш мрчев.

Сепак, не пропуштав да ѝ однесам на мајка ми букетче со мимози. Сега ме гризе малку совест затоа што на син ми му направив таква траума од овој празник и што се однесував толку контрадикторно, од една страна купував подароци за другите жени, за учителките, наставничките, за мајка и свекрва, а кога тој ќе се појавеше со некој подарок што ми го купил самиот од парите за ужинка или пак од оние што му ги тутнала баба, секогаш го карав и му велев: „Јас не славам Осми март“!

Целиот текст прочитајте го на порталот „Мајка и дете“.

The post СИТЕ (НА) МАРШ ВО КАФЕАНА! Среќен Осми март! appeared first on plusinfo.mk.

Институциите преспаа два страшни случаи како „Јавна соба 1“ и „Јавна соба 2“, додека во исто време кризата од пандемијата и веќе постоечката социјалната нееднаквост драматично ја засилуваат и родовата нееднаквост во нашата земја.

Жените ја плаќаат секогаш најголемата цена.

Оваа негрижа и нееднаквост има негативни реперкусии врз сите аспекти на нашиот национален живот и се закана за какво било економско, социјално, политички или културно заздравување на нашето општествено ткиво.

Правата на жените се правата на сите нас. Ако тие права се кршат, тогаш послаби сме сите ние, ако се почитуваат и применуваат, тогаш сите сме посилни. Ако сите ние сме индиферентни, тогаш сме индиферентни кон самите себе, а потоа и останатите.

Затоа е до сите нас, секојдневно да дадеме придонес. Секој во себе треба да ја втемели еднаквоста и рамноправноста и конкретно да ја практикува или за неа да се бори.

Кога треба да се подигне гласот – тоа да се направи. Кога треба да се просведочи насилството, неправдата или негрижата – тоа да не се премолчи. Нема друг начин, правата и еднаквоста на жената ќе се афирмираат само ако сите се залагаме.

(Фејсбук статус на авторот)

The post Жените ја плаќаат најголемата цена appeared first on plusinfo.mk.

А кој е виновен? Па сите сме. Дел е виновен нашиот менталитет и традиционалните вредности кои некои ги сфаќаат здраво за готово, а жената се гледа како суштество за расплод, машина за перење и миење садови, готвачка на која местото ѝ е во кујна без право на глас.

Сакале ние или не, овие вредности се во изумирање поради начинот на живот кој веќе не дозволува мажот да работи, а жената да седи дома и да готви и да гледа деца. За некој е добро ова, за некој е лошо.

Виновни се семејствата кои одгледуваат такви машини за расплод, кои од мали ги учат ќерките дека се помалку од синовите (уште некаде не добиваат наследство поради тоа што се женски).

Посебно тажно е што тоа често се случува од мајки кои цел живот се заробени во кујна, слуги, да ги учат ќерките да се како нив, да трпат сѐ, па и семејно насилство.

Виновен е менталитетот кој на секоја успешна жена гледа како некоја која стигнала на колена до нејзиниот успех. Ретко која жена од средината е гледана и вреднувана според нејзините квалитети. Ако има добра кола се ебе за пари, ако е на високо место се изебала до тоа место. Нормално ова ќе го кажат оние кои чекаат икс во два пред продавница со пиво.

Сите сме растени во истата мачо култура, која, пак, сакале или не, се менува. Она што беше нонсенс и беше папучар пред 20 години сега се гледа како грижлив сопруг, што е одлично. Бракот, партнерството е заедница. Некогаш мажот дава 90% кога жената не може, некогаш жената го води тој сојуз на рамноправни единки.

За жал, сите закони со кои се ставаат квоти на колку жени треба да има во собрание и целата таа позитивна дискриминација нема да го сменат нашиот менталитет. За тоа треба време, а времињата за среќа се менуваат на подобро за жените, а со тоа и за сите.

На крај, виновни се и самите жени. Еднаквоста значи и право на избор. Денес ќе има многу плукање по оние кои ќе одат по кафани, добиваат подароци и слично. Зошто? Еднаквоста значи дека жената може да одбере кариера, да има фер борба со мажите за истата позиција и работа, но исто така значи дека ако сака (по нејзина желба, не по желба на мажот) да биде домаќинка, да седи дома и да гледа деца, да оди на Осми март во кафана. Како што за некои е амбиција да изградат кариера, за некои е амбиција да се домаќинки и сѐ тоа е во ред, доколку е личен избор на жената.

За жал уште е точно она што го рекол Ленон: „Жената е црнецот на светот, роб на робот“. Но времињата се менуваат. Среќен Осми март.

(Фејсбук статус на авторот)

The post Времињата се менуваат на подобро за жените appeared first on plusinfo.mk.

Официјални податоци од Државниот завод за статистика од септември 2020 година покажуваат дека женскиот пол во периодот од 2000 – 2019 година е застапен како високообразован кадар со 59 проценти од вкупниот број високообразовани луѓе во државата. Во 2019 година, од вкупно одбранети магистерски студии дури 60,1 отсто се на жени, а одбранети докторски дисертации се 58,9 проценти се од жени.

Но, иако имаат соодветно образование, бројките покажуваат дека  со исто ниво на образование платите кај жените се пониски. Податокот на статистика достапен за 2014 година вели дека со високо обрзование мажите просечно имаат заработувачка од 24.834, додека жените 23.488, со средно 21.024 мажите, а жените 17.455…, а , исто така, и работниот час просечно кај жената е понизок за разлика од мажот.

– Наспроти високите бројки на образован женски кадар, постои видлив дисбаланс во однос на процентот на жените присутни на управувачки позиции во бизнисот и општеството воопшто, односно, само 28,7 проценти според последните истражувања од првото тромесечие во 2020 година. Констатирано е дека колку се оди повисоко во органите на управување, како надзорни и управни одбори, борд на директори и сл. толку застапеноста на жените е помала – вели за МИА Лидија Трипуноска, генерален менаџер на агенција „Марили“, која работи на  проекти посветени на жената во бизнисот и која веќе 25 години прави годишно избор на 10 најдобри жени менаџерки во земјава.

Според неа очигледно е дека постојат објективни и субјективни фатори за оваа состојба. Дел од нив, како што истакнува, се во традиционалните норми за улогата на жената во домаќинството и во општеството, а дел се во недоволното негување на културата на успешност на жените во професијата.

– За таа цел се преземаат активности за зголемување на процентуалната застапеност на жената во менаџерските тимови следејќи ги европските загарантирани норми.Сметам дека агенцијата „Марили“ со своите промотивни проекти за жените во бизнисот дава свој печат веќе четврт век и го канализира патот за поддршка и поттик на младите генерации образовани жени да бидат храбри, да се впуштат во бизнис водите и да градат успешни кариери во претприемаштвото, менаџерството и во женското лидерство – порачува Трипуновска.

Потенцира дека од нејзиното искуство може да се констатира дека процесите за женските права и рамноправноста, иако споро, сепак, напредуваат. Жената, вели, не само што е рамноправна во пристапот кон секое работно место, туку е и квалификувана. Па, дури и поквалификувана од мажот.

Последните податоци на Државниот завод за статистика покажува дека во земјава од вкупниот број работоспособно население жени се 376.111 или 39,9 отсто. Од вработените пак чиј број вкупно е 789.552 жени се 40,3 отсто или 317.813.

Најчести работи професии во кои се среќаваат жените во земјава се правните, економските, педагошките и медицинските дејности, а во поново време актуелни се маркетингот, управување со човечки ресурси, ИТ-индустријата и др. Доминантни се и во трудоинтензивните дејности и преработувачката индустрија.

Работата по дома традиционално е се уште на жената. Подготвувањето на храна кај жената зазема 37 отсто од домашните активности, додека кај мажите само 12 отсто. Миењето садови кај жената зазема 16 отсто од домашните активности, додека кај мажите само 2 отсто.

Од фондација Kvinna till Kvinna наведуваат дека и покрај постоечките квоти, жените се уште не се рамноправно застапени во процесите на донесување на одлуки на сите нивоа. -Само една криза, потенцираат за МИА, ковид пандемијата, беше доволна да ни покаже дека потребите на жените лесно се забораваат и се занемаруваат, се земаат како неутрални, и недостасуваат во одговорот од страна на државата, како на пример при креирањето одредени мерки за справување со пандемијата.

– Додека на институциите им требаше време да се прилагодат на новата состојба, женските организации беа тие кои неуморно продолжија да работат на терен пружајќи помош и поддршка на жените жртви на родово засновано насилство, но и на сите останати маргинализирани групи на жени, увидувајќи ги нивните реални потреби и застапувајќи се институциите да преземат конкретни активности, паралено водејќи сметка за тоа законите кои се носат да одговорат на реалноста во пракса – истакнуваат од Фондацијата.

Нивната оценка преку работата на нивните партнерски организации е дека се уште постојат дискриминаторски содржини во различни сфери од јавниот и политичкиот живот вклучително и во образованието, но неретко и дискриминаторски наративи од страна на клучни политички фигури, медиуми и генералната јавност, преку кои се одржуваат и се засилуваат веќе воспоставените родови стереотипи и предрасуди.

Сепак истакнуваат дека  во изминатиот период очигледен е напредокот во однос на законската регулатива која се однесува на родово заснованото насилство и дискриминација, а во тек се неколку процеси во однос на генералната системска рамка за родова еднаквост. Според нив навистина е важно овие законски промени да најдат соодветна и доследна примена во пракса, во спротивно, сметаат,  залудни се сите заложби и покрај „совршената” рамка ставена на хартија.

Порачуваат дека од исклучителна важност во сите овие процеси е секако институциите да ги земат предвид потребите, приоритетите и проблемите со кои се соочуваат жените низ целата територија на државата кои ги артикулираат, адресираат и пренесуваат преку женските граѓански организации.

Министерката за труд и социјална политика Јагода Шахпаска на јавна дебата Најави дека МТСП оваа година сериозно работи на подготовка на нова Стратегија за родова еднаквост.

Шахпаска потенцира дека родовата еднаквост е заедничка обврска и приоритет на Владата и дел од владината програмата за работа 2020-2024 година и обврска од агендата за одржлив развој до 2030 година, како на национално, така и на локално ниво.

Во насока на остварување на родовата активност, како што рече Шахпаска, важно е почитување на концептот на еднакви можности што означува дека жените и мажите треба да имаат еднакви права на човечки, социјален, економски и културен развој, како и подеднакво право на глас во општествениот и политичкиот живот.

The post Жена со завршен факултет заработува помалку од маж со завршен факултет appeared first on plusinfo.mk.

– Жените денес се активни учесници во патниот сообраќај. Освен како пешаци и велосипедисти, денес, сѐ поголем број жени, активно учествуваат во сообраќајот и како возачи на моторни возила и како мотоциклисти, а некои од нив и како професионални возачи. Ако пред дваесетина години жените претставувале само незначителен процент од возачите, денес таа бројка се доближува до 50%. Да се биде жена возач, денес во 21 век, не е ниту привилегија, ниту демонстрирање на општествен статус, ниту културен манир или моден детал, туку едноставно, тое е потреба и сериозна обврска. Динамиката на живеење и секојдневните и бројни обврски кои современата жена треба да ги исполни во еден работен ден и во рамките на семејството ја прават жената сигурна, цврста, решена, упорна и успешна во сите сфери на општествено живеење, па и во возењето – велат од РСБСП.

И покрај тоа што статистиката потврдува дека жените се безбедни возачи, дека брзото и агресивно однесување во сообраќајот не е својствено за жените, дека ретко може да се види жена да ги потценува последиците од управување на моторно возило под дејство на алкохол, сепак и покрај сите општествени напори, за жал, укажуваат, се уште постојат одредени суптилни форми на стереотипи за тоа дека жените се лоши и небезбедни возачи.

– Улогата и значењето на жената за безбедноста во сообраќајот не се ограничува само на нејзиното влијание како возач и како учесник во сообраќајот. Сообраќајната култура, етика, навиките на однесување во сообраќајот се учат од најмали нозе, а тука улогата на жената како мајка, родител, старател, воспитувач и едукатор отсекогаш била и ќе остане неприкосновена – истакнува РСБСП.

Честитајќи го меѓународниот ден на жената, Републичкиот совет за безбедност на сообраќајот порачува да бидат внимателни и одговорни учесници во сообраќајот.

– Мислете на себе, мислете и на другите во сообраќајот! Нека вашиот личен пример и личен придонес биде првиот чекор кон издигнување на безбедноста на сообраќајот на повисоко ниво. Вашата улога во семејството и општеството е незаменлива! Ништо и никој не може да ве замени како мајка, сопруга, другарка, партнерка, пријателка… Чувајте се, за вас и вашите најблиски – се пораките на РСБСП.

По повод денот на жената, Републичкиот совет за безбедност на сообраќајот на патиштата во соработка со партнерите организира женско возачко дефиле со цел подигање на свеста против стереотипите за жените како лоши возачи. Исто така, по повод 8-ми март, РСБСП во соработка со МВР организира едукативно превентивни настани и манифестации во повеќе градови истовремено.

Централниот настан ќе се организира во „Скопје Сити мол“ в недела на 8 Март, и опфаќа дистрибуција на цвеќе и едукативни материјали за жените учесници во сообраќајот.

The post РСБСП со порака го честита денот на жената: Мисли на себе, мисли и на другите! Вози одговорно! appeared first on plusinfo.mk.