Разликата помеѓу мене и мојот против кандидат на овие избори е прашањето на корупцијата. Ова го истакна кандидатот за градоначалник на Општина Чаир, Бујар Османи, во телевизискиот дуел со неговиот противкандидат за Чаир, Изет Меџити.

– Јас, ако имам некаков професионален и политички капитал, тоа е интегритетот. Дваесет години сум хирург, никој никогаш не поднел поплака против мене за корупција, дури и во Владата, ако имав направено само една запирка грешка, никој немаше да ми ја прости. Но, тоа е капиталот со кој влегувам – рече Османи.

Османи потсети дека поради начинот на работа на актуелното раководство на Чаир, довербата на граѓаните одамна е изгубена.

– Во 2016 година, ДУИ излезе како трета партија, нè победија и СДСМ, и Беса. Затоа во 2017 направивме промена, и верував дека со новиот градоначалник ќе се случи вистинска промена. Но, за жал, се продолжи со истата политика. Денес го кријат градоначалникот, кој цел мандат го помина без резултати – рече Османи за Висар Ганиу.

Тој јавно ја презеде одговорноста за довербата што ја дал во минатото.

– Ако имам чувство на совест во оваа кампања, тоа е што јас барав доверба за актуелниот градоначалник, верувајќи дека ќе донесе промена. Денес влегов сам, не за да сменам човек со друг човек, туку за да ја сменам културата на владеење во Чаир – потенцираше Османи.

Toj нагласи дека граѓаните не сакаат континуитет од 20 години и дека на Чаир му треба лидер кој работи чесно, посветено и без калкулации.

– Граѓаните не ги интересираат партиите, ним им треба човек кој ќе стане во пет наутро и ќе работи со народот, човек кој можеш да го обвиниш за сè, но не и за корупција – изјави Османи.

Османи потсети дека веќе ја има поддршката на граѓаните.

– Само минатата година бев кандидат за претседател на државата и победив во Чаир. Таму ја добив пораката дека граѓаните ме поддржуваат затоа што веруваат дека она што сум го направил, можам да го направам и во Чаир – порача Османи.

The post ПО 20 ГОДИНИ ДОАЃА ПРОМЕНА, ВЕЛИ ОСМАНИ Кандидатот за градоначалник на Чаир ветува чесна и посветена работа appeared first on plusinfo.mk.

Медиумот Алсат М дојде до договорот вреден 1,8 милиони евра кој екс-министерот за надворешни работи Бујар Османи во 2023 година го потпишал со компанијата „Еуровиа“, за која се тврди дека е донатор на партијата ДУИ, за обезбедување услуги за време на Самитот на ОБСЕ во Скопјe.

„Врз основа на овој документ и во отсуство на извештај од договорениот субјект ‘Еуровиа’, кој некогаш се чинеше дека го финансира ДУИ, надлежна институција неофицијално покрена постапка“, се вели во текстот.

Објавата на документот доаѓа во време кога Државниот завод за ревизија утврди дека 2 милиони евра биле потрошени без документација за самитот и коалицијата Вреди поднесе пријава до Јавното обвинителство да постапи по извештајот на ДЗР.

• ВРЕДИ ПОДНЕСЕ ПРИЈАВА ПРОТИВ БУЈАР ОСМАНИ Обвинителството да истражи како потрошил 2 милиони евра за самитот на ОБСЕ без документација

Само за боење на вентилационите канали во црвена боја биле потрошени 130.000 денари. Во договорот има многу такви активности со различни цени. Некои услуги биле извршени без да се утврди соодветната цена, туку со договор за „паушална сума“, пишува Алсат М.

Според документот кој го обезбедил Алсаст М, „Еуровиа“ била обврзана да изврши неколку услуги како работи поврзани со боење во различни делови од објектот. На пример, во договорот е наведено дека ќе бидат платени 9,2 милиони денари или околу 150 илјади евра.

Во текстот на Алсат понатаму се дадени и останатите ставки.

За демонтажа, реновирање и чистење на внатрешноста на објектот, според договорот, се предвидени 2,5 милиони денари. Над 1,3 милиони денари се платени за механичко чистење на надворешниот простор на ВИП влезот на салата „Борис Трајковски“ каде што се одржа самитот. За демонтажа и поставување на спортскиот под во зона 2.18 биле платени 166 илјади денари, додека за демонтажа и поставување на шанкот во истата зона биле платени 462.500 денари.

За машинско чистење на постоечки под со керамички плочки, линолеум, спортски и друго се платени 5.000 денари по квадратен метар или вкупно 250 илјади денари. За 96.000 денари била расчистена и обележана површината каде што е планирано проширување на паркингот. За демонтажа на штандот за прес-конференцијаи, екраните, металните држачи и слично, биле планирани 150.000 денари.

Само за боење на вентилационите канали во црвена боја биле потрошени 130.000 денари. Во договорот има многу такви активности со различни цени. Некои услуги биле извршени без да се утврди соодветната цена, туку со договор за „паушална сума“, пишува Алсат М.

Тендерската постапка за спроведување на работите за адаптација на салата „Борис Трајковски“ беше спроведена преку Министерството за надворешни работи, додека најголемата корист ја имаше компанијата донатор на ДУИ, „Еуровиа“, која го доби тендерот вреден 1,8 милиони евра.

Како одговор на острите критики во јавноста поради поврзаноста на компанијата со ДУИ, министерот за надворешни работи Бујар Османи одговори дека не знаел дека „Еуровиа“ е донатор на партијата на која припаѓа.

– Знам дека не ми верувате, но верувајте ми, дознав од медиумите дека компанијата е донатор. Не бев среќен кога ми го донесоа извештајот за рангирање, бидејќи очекував вакви реакции и никогаш не би ставил дамка на најважниот настан во историјата на оваа земја – изјави Бујар Османи, во својство на министер за надворешни работи во август 2023 година.

Денови претходно, откако случајот беше пријавен во Јавното обвинителство, Османи ги нарече обвинувањата невистинити, нагласувајќи дека правниот случај за оваа набавка е расчистен.

The post ИСПЛИВАА ДЕТАЛИТЕ ОД ДОГОВОРОТ КОЈ ОСМАНИ ГО ПОТПИШАЛ СО „ЕУРОВИА“ Боењето и чистењето за самитот на ОБСЕ чинеле цели 1,8 милиони евра appeared first on plusinfo.mk.

ВМРО-ДПМНЕ со остра реакција до поранешниот министер за надворешни работи Бујар Османи, обвинувајќи го дека се обидува повторно да се наметне на политичката сцена преку, како што велат, „лажен патриотизам и поделби меѓу граѓаните“.

„Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор, некаква транзиција или лична амбиција? Или можеби Османи е само нов портпарол?“, прашуваат од ВМРО-ДПМНЕ, обвинувајќи ја партијата ДУИ за 20-годишно владеење со, како што велат, корупција и злоупотреба на институциите.

Според нив, денешната структура на ДУИ предводена од Османи, функционира на начин сличен на озогласените српски кланови: „со навреди, закани и обиди за дестабилизација, но без сила да го запре враќањето на правдата“.

„Османи молчеше за криминалот во ДУИ, за уцените од Бугарија, за деградацијата на државата на меѓународен план. Наместо да даде одговори, денес се обидува повторно да ги дели граѓаните според етничка линија“, наведуваат од партијата.

ВМРО-ДПМНЕ потенцира дека Владата нема потреба од ничија дозвола за водење на надворешната политика и оти таа е обврска добиена директно од граѓаните.

„Македонија е демократска држава, а не приватна територија на ДУИ која треба да се раскрчми како во минатото“, велат од таму.

Во соопштението се обвинува Османи дека ги дели Албанците на „вистински“ и „предавници“ според тоа дали ја поддржуваат ДУИ и му се поставуваат прашања за потпишувањето на Францускиот предлог и молчењето за наводниот криминал во партијата.

„Тие што мислеа дека се вечни, нека се помират со реалноста: времето на ДУИ конечно заврши“, завршува соопштението на ВМРО-ДПМНЕ.

The post „ВРЕМЕТО НА ДУИ ЗАВРШИ“ Жестока порака од ВМРО-ДПМНЕ до Бујар Османи appeared first on plusinfo.mk.

Потпретседателот на ДУИ и поранешен министер во неколку влади, Бујар Османи, вели дека нема информација каде се наоѓа Артан Груби, по кого е распишана меѓународна потерница како осомничен во случајот „Државна лотарија“.

Османи во интервју за „360 степени“ на МРТ 1 рече дека тој не знае дали Груби има државјанство на Албанија, но порача дека „постапките на поединци не ја дефинираат целата партија“.

– Партијата ја дефинираат принципите, ја дефинираат политиките, колективните одлуки коишто таа ги носи во тој дел. Мислам дека не може да се најде нешто спорно во однос на политиките на ДУИ, посебно во однос на антикорупциската политика – рече Османи.

На забелешката дека тоа не може лесно да се сведе на поединец, со оглед на високите државни и партиски функции на Груби, Османи одговори дека „партијата не може да сноси одговорност за 34 илјади членови и нивните постапки.“

– Секој за којшто ќе се докаже во правна постапка дека го прекршил законот, треба да сноси одговорност. Немаме дилема во однос на тоа, секој. Меѓутоа многу е важно тоа да биде во еден непристрасен, политички неинструментализиран процес. Така што, еве, ако ме прашувате зошто бегал, јас мислам дека згрешил што бегал. Требало да остане, да се соочи и да си ја каже својата вистина. Партијата не може да сноси одговорност за 34 илјади членови и нивните постапки – рече Османи.

Во однос на ставањето на Груби на „црната листа“ на американскиот Стејт департмент, Османи рече дека одредени политички партии ја злоупотребиле довербата на Амбасадата на САД и ги искористиле информациите уште пред официјално да бидат објавени.

Играњето фудбал во кабинетот на Артан Груби, додека беше прв вицепремиер, беше повеќе сцена за снимање отколку за играње, коментира Османи, на прашањето дали и тој влезе во филмот на Груби снимајќи го тоа видео.

Во интервјуто Османи вели дека објавувањето на тоа видео било грешка.

– Мене ми е жал за тоа видео кое беше буквално сцена за снимање. Ниту беше играње, ниту беше… Онака, пауза меѓу состаноци. Меѓутоа, не требаше тоа да излезе во јавност. Тоа беше грешка. Јас сега не сакам да кажам дека јас бев против тоа да се извади во јавноста. Неблагодарно е тоа да се каже. Но, тоа беше грешка во проценка – рече Османи.

Османи додаде дека е убеден оти немало стратешки грешки во однос на тоа каде ја гледаат државата и граѓаните во иднина. Според него, во тој поглед лидерот на ДУИ, Али Ахмети, не направил грешка.

Османи вели дека нема забелешки на ставовите на ВМРО-ДПМНЕ за пристапниот процес кон ЕУ, бидејќи освоија мандат на реториката дека нема да прифатат уставни измени под бугарски диктат.

– Лично јас немам замерка на овие ставови на ВМРО-ДПМНЕ бидејќи тие добија мандат на таа тема. Дури беа и поостри кон прашањето отколку што тоа го прават сега. Излегоа на избори и рекоа нашиот став е овој, ако треба и да се блокира ЕУ. Граѓаните Македонци дадоа поддршка. Проблемот е со ’Вреди’, коишто, еве денеска е шест месеци од формирање на владата, прво потпишаа дека нема да влезат во влада каде што не е обезбеден прогресот во Европската Унија и второ дека ќе го преиспитаат нивното учество ако во рок од шест месеци не се обезбеди продолжување – рече Османи.

Прашан дали се согласува со тоа што ВМРО-ДПМНЕ бара уставни измени со одложено дејство, Османи коментира дека процесот е непревидлив и дека добро е постојано да се бара сигурност.

– Процесот е непредвидлив. Ние баравме гаранции. Треба Владата да продолжи да бара гаранции. Спремни сме тука да им помогнеме со предлози, со идеи, со заедничко работење, за да го обезбедиме тој пат. Мислам дека ЕУ е нешто што не треба да нѐ одвојува партиски и политички – рече поранешниот шеф на дипломатијата

На забелешката дека реториката на Османи како министер беше оти т.н. „француски предлог“ ги обезбедува сите гаранции, високиот функционер на ДУИ вели – тоа се однесува на Преговарачката рамка.

– Јас сум кажал, Преговарачката рамка не може да се менува. Не треба да се менува, бидејќи е добра преговарачка рамка. Согласно можностите коишто ги имаме за да обезбедиме некоја поволна позиција таму каде што може да се влијае во заклучоците на Советот. Таквите гаранции не се бараат само во изјави. Се бараат во заклучоци на Советот. И тука Владата има легитимно право да работи со земјите членки за да се обезбедат заклучоци во коишто колку-толку ќе се даде една предвидливост. Бидејќи не можете поинаку да го гарантирате процесот затоа што е таков, едноставно може да го злоупотребат кога сакаат на било која тема – рече Бујар Османи.

Тој повтори дека претходната власт се трудела билатерални прашања да не влезат во бенчмарковите од суштинскиот дел на Преговарачката рамка. И ги нема, вели Османи, освен Акцискиот план за малцинства.

Прашан зошто Акцискиот план за малцински прашања прво го пратил на консултации во Софија, а не во Брисел, Берлин и Париз, Османи одговори:

– Не, не е пратен никогаш официјално во Софија. Да, консултирани се повеќе земји членки, но ние никогаш не сме пратиле официјална верзија на Акциски план. Ние не можеме да се изложиме пред 27 земји членки без да знаеме кои се ставовите на секоја земја поединечно. Значи, во последниот месец мене ме прашуваа дипломатите дали да го пуштиме официјално драфтот, јас реков – не. Ќе дојде нова влада, тие си имаат мандат, они ќе одлучат дали воопшто ќе го предадат – додава Османи.

Сепак, тој не ја отфрла можноста Акцискиот план да стигнал во Софија преку дипломатите во Брисел.

The post „ТРЕБАШЕ ДА ОСТАНЕ И ДА ЈА КАЖЕ ВИСТИНАТА“ Османи не знае каде е Груби, но смета дека погрешил што побегнал appeared first on plusinfo.mk.

На социјалната мрежа Х беше објавен исечок од јавувањето во живо на ПорталХ на новинарот Фуркан Салиу, кој го снимил протестот на ДУИ пред Уставниот Суд.

Во исечокот се гледа моментот кога Бујар Османи и Арбер Адеми, додека се во живо, преку нивните мобилни телефони ја добиваат веста за новата американска „црна листа“ на која се наоѓа сопартиецот Артан Груби.

Објавата предизвика големо внимание на социјалните мрежи, а во неа може да се погледне реакцијата на Османи и Адеми, кои во тој момент се наоѓале на местото на протестот.

Накратко по добивањето на веста, портпаролот на ДУИ, Бујар Османи станува од столчето и го напушта местото.

Моментот кога Бујар Османи и Арбер Адеми сфаќаат дека Груби е ставен на американската црна листа… https://t.co/pkodKu3lIY pic.twitter.com/kqUEwoNhpI

— М (@arozgj) December 9, 2024

The post 📽️ ОСМАНИ И АДЕМИ ШОКИРАНИ ОД НОВАТА „ЦРНА ЛИСТА“ Погледнете ја нивната реакција откако дознаа за Артан Груби appeared first on plusinfo.mk.

– До 11 декември сигурно остануваме, а за понатаму дополнително ќе се решава. Денеска има состанок на Централното претседателство, има и координација на лидерите од Европскиот фронт каде што ќе се одлучува за следните чекори – рече Османи.

Како што посочи Османи, повикот за „Стража на јазикот“ значи одбрана на мултиетничка Северна Македонија, бидејќи, како што рече, ова не е само кауза на Албанците.

— Повикот за одбрана на јазикот е до сите, меѓутоа не само на јазикот, туку ова е повик за стража на мултиетничка, демократска и европска Северна Македонија, така што ова не е само кауза на Албанците, овде очекувам секој човек од добра волја, којшто смета дека требаше досега да ги надминеме прашањата кои што се однесуваат на основните права на етничките заедници и да градиме држава и општество кое што цели кон Европската унија, но, за жал, ретроградни сили се обидуваат да не вратат назад, предизвикувајќи го најсветото за граѓаните – рече Османи.

Според него, Уставниот суд извршува наредби од владејачката ВМРО-ДПМНЕ, која, како што рече, во партиската програма има забрана за етничка припадност.

– Жал ми е што како земја кандидат за членство во Европската унија имаме Уставен суд којшто нарачува партиска програма, знаете дека одлуката да се забрани етничката припадност е пишано во програмата на ВМРО-ДПМНЕ и се реализира со наредба на партијата преку Уставен суд – рече Османи.

The post ДУИ НА СОСТАНОК ЌЕ ГИ ОДЛУЧИ СЛЕДНИТЕ ЧЕКОРИ Османи од „стражата“ порача дека ова не е само кауза на Албанците appeared first on plusinfo.mk.

Претседателот на Србија, Александар Вучиќ, во обраќањето до јавноста ги коментираше инцидентот во општина Зубин Поток и актуелната состојба на Косово и Метохија, наведувајќи дека во саботата бил извршен обид за „голем и жесток хибриден напад“ врз Србија.

– Вчера се соочивме со обид за сериозен хибриден напад врз нашата земја. Следевме внимателно што соопштуваа претставниците на Приштина, нивните меѓународни поддржувачи и медиумите, но речиси немаше факти во нивните тврдења – изјави Вучиќ на почетокот од своето обраќање.

Вучиќ објасни дека силна експлозија одекнала во реонот помеѓу селата Вараге и Угљара, во општина Зубин Поток. Инцидентот се случил на локацијата каде што се наоѓа каналот Ибар-Лепенац. Според него, веднаш по експлозијата, на местото пристигнале припадници на косовската полиција, а подоцна и сили на КФОР.

• ОСУММИНА УАПСЕНИ ВО СЕВЕРНО КОСОВО Запленети се воени униформи, оружје и експлозиви
  

– Оваа локација беше посетена од министрите на косовските власти Џелај Свечља и Газмен Хоџа, кои подоцна тврдеа дека станува збор за терористички напад организиран од Србија и Русија – истакна Вучиќ.

• ЕКСПЛОЗИЈАТА ВО ЗУБИН ПОТОК Е ТЕРОРИСТИЧКИ ЧИН? Курти и Османи ја обвинуваат Србија за нападот

Експлозијата предизвика оштетување на каналот Ибар-Лепенац, што доведе до прекин во снабдувањето со вода и струја во регионот на Грачаница и околните места.

– Истрагата ќе покаже кој е одговорен за експлозијата – додаде Вучиќ, нагласувајќи дека и српските, и косовските институции ја спроведуваат својата истрага за инцидентот.

• ВОЈНИЦИ И ПОЛИЦАЈЦИ ЌЕ ГИ ЧУВААТ КРИТИЧНИТЕ ОБЈЕКТИ НИЗ КОСОВО Експлозијата во Зубин Поток го вклучи алармот

Во своето обраќање, претседателот ги повика граѓаните да останат смирени, додека истрагата не утврди конкретни детали за причините и одговорните лица.

Овој инцидент доаѓа во време на веќе тензични односи меѓу Србија и Косово, а оштетувањето на виталната инфраструктура дополнително го усложнува секојдневието на граѓаните во регионот.

The post ВУЧИЌ ТВРДИ ДЕКА Е ХИБРИДЕН НАПАД БРЗ СРБИЈА Косовската полиција и КФОР ја истражуваат експлозија, Белград демантира вмешаност appeared first on plusinfo.mk.

„Опиена од 20 години власт и заслепена од арогантното однесување, ДУИ го избра молкот пред вистината. Јавноста деновиве дозна шокантни детали за тоа како оваа партија преку свои експоненти, како во холивудско филмско сценарио, го оркестрирала сензационалното враќање на поранешниот премиер Никола Груевски во Скопје. Во месецот на албанските празници, кога треба да го славиме нашето единство и достигнувањата, избива скандал кој покажува дека оваа партија, која се нарекува албанска партија, тивко работела за враќање на теророт на државата и на Албанците – Груевски“, соопшти Вреди.

Овој план не успеа, се додава, но мрачните намери на ДУИ не треба да останат прикриени.

„Во шокантните детали за операцијата за враќање на поранешниот премиер Никола Груевски во Северна Македонија, вмешани се група шверцери, предводени од претседателот на партијата Али Груевски Ахмети, поранешниот вицепремиер Артан Казиномани Груби и поранешниот министер за надворешни работи Бујар Пациентот. Османи, кој додека беше министер се сретна со Груевски во Будимпешта. Во Вила Водно имаше средба за враќање на Груевски. На оваа средба, што се одржа во март, учествуваа Стево Пендаровски, Димитар Ковачевски, Али Ахмети, Бојан Маричиќ, Артан Груби, Бујар Османи“, обвини Вреди.

Според коалицијата, Ахмети на состанокот рекол дека има два начина да се врати Гревски.

„Али, кој има толкава носталгија за Никола Груевски, кој толку многу им нанел зло на Албанците, нагласи дека овој може да се врати на два начина, преку помилување од претседателот и преку „нашите луѓе“ во судовите. Сепак, ова беше најпозитивниот дел од средбата, која ја сними вработен во администрацијата. Тој успеа да го сними разговорот на телефон од кабината на преведувачот, а на крајот снимката му ја предаде на Блерим Ќосето Беџети“, открива Вреди.

Ахмети и ДУИ, се додава во соопштението, за да го спроведат својот план за ослободување на Груевски, вршеа силен притисок врз Врховниот суд.

„Но, тука наидоа на неволност на претседателката на овој суд, Беса Адеми, против која подоцна беше покрената иницијатива за разрешување, како резултат на неслушање на наредбите. Потсетуваме дека тогаш холандскиот амбасадор го посети Али Груевски во Мала Речица, каде го предупредил дека тој и неговата партија треба да се откажат од судовите и да престанат со притисоците. Потсетуваме и дека измените на Кривичниот законик што ги спроведе ДУИ беа донесени за да се активира од Будимпешта“, се вели во соопштението.

Вреди јавно ги прашува ДУИ и Ахмети зошто ја имаат „сета оваа носталгија за Никола“.

„Што ве спојува? Бевте ли уценети од Блерим Ќосето Беџети, кој ја сними тајната средба во Вила Водно, да ги вратите на сцената заедно со Муса Џафери, поставајќи како носители на листа за пратеници? Ваквиот пристап на Али Груевски кон Никола и покрај неговата антиалбанска политика нè натера да заклучиме дека е лесно да се врати Груевски и да се амнестира, затоа што неговите дела веројатно не се само негови, туку во соработка со злото на Албанците ДУИ. Вреди работи, Вреди демаскира, Вреди е надеж за светла иднина!“, соопшти владејачката коалиција Вреди.

The post НА ТАЈНА, НО СНИМЕНА СРЕДБА КАЈ ПЕНДАРОВСКИ СЕ ДОГОВАРАЛО ВРАЌАЊЕТО НА ГРУЕВСКИ Блерим Беџети ја снимал заверата помеѓу експретседателот, Ковачевски, Маричиќ, Ахмети, Груби и Османи, обвини Вреди appeared first on plusinfo.mk.

Барањето на Курти и Османи беше упатено на денешните одвоени средби што ги имаа со Фон дер Лајен, која престојува во Приштина во рамки на нејзината турнеја низ земјите од Западен Балкан.

Претседателката Османи на прес-конференцијата по средбата со Фон дер Лајен рече дека ЕУ треба да ги признае достигнувањата на Косово и да ги казни „сателитите и слугите на Русија“ во регионот, посочувајќи ја Србија како таква.

Османи истакна дека Косово дејствува со добрососедски пристап и дека Србија мора да сноси одговорност за терористичкиот акт во Бањска во северно Косово во септември минатата година.

– Жално е за безбедноста на регионот што во Западен Балкан една земја продолжува да биде најсилниот руски сателит во Европа, а тоа е Србија. Крајно време е решителноста што ЕУ ја покажа кон Русија да ја покаже и кон сателитите и слугите на Русија во нашиот регион – рече Османи.

Таа порача дека е време ЕУ да ги отстрани мерките против Косово, додавајќи дека тие го оштетиле и процесот на дијалог.

– Денес ни треба ЕУ да ги цени и препознае овие достигнувања. Крајно време е конечно да се отстранат неправедните мерки кон Косово. Освен што се неправедни, овие мерки им штетат на граѓаните и го оштетија процесот на дијалог, со што го прават целосно неурамнотежен, нерамноправен и недоверлив. Укинувањето на мерките е одраз на потребите на сите граѓани на Косово, но ќе биде и одговор на исполнувањето на предусловите што самата ЕУ ги постави на Косово – рече Османи.

Косовскиот премиер Курти во објава на платформата „Х“ по средбата со Фон дер Лајен мерките на ЕУ ги нарече неправедни, притоа потенцирајќи ја важноста од добивањето кандидатски статус за Косово во ЕУ.

– Ние сме посветени на спроведување на овие реформи преку процес заснован на заслуги. Исто така, ја повторив важноста од поднесување на прашалникот за членство и побарав целосно и итно укинување на неправедните мерки на ЕУ. Во време кога автократиите ги оспоруваат универзалните слободи, Косово стои како сидро на основните вредности на ЕУ во Западен Балкан –  напиша Курти.

Фон дер Лајен, на прес-конференција по средбата со Османи, порача дека на Косово сè уште му треба работа за укинување на мерките.

The post ИТНО УКИНУВАЊЕ НА ЕУ САНКЦИИТЕ КОН КОСОВО Еве што друго побарале Османи и Курти од Фон дер Лајен appeared first on plusinfo.mk.

Во реакцијата на кабинетот на Османи, по соопштението на АЦВ, во кое се вели дека аеродромските служби одговорни за безбедносните проверки постапиле според меѓународните прописи, се наведува дека „во ниту една земја во светот од шефот на државата не се бара да го предаде телефонот за скенирање“.

„Во други земји не се проверува ниту личниот багаж ниту личната чанта на шефот на државата, а камоли личниот телефон. Како Претседателство имаме доволно искуство од други патувања, нема потреба тоа да го докажуваме, бидејќи никаде, никогаш, ниту личната чанта, ниту куферот (личниот багаж) ниту телефонот на шефот на државата не биле подложни на контрола“, соопшти кабинетот на Османи.

Кабинетот на Османи нагласува дека, спротивно од наводите на македонската АЦВ, „нема ништо професионално во однесувањето на обезбедувањето“ на скопскиот аеродром. Косовското Претседателство исто така информира дека Османи по инцидентот не се вратила од патувањето преку скопскиот аеродром, бидејќи е оценето дека „по невидената пропаганда (во македонската јавност) нема основни безбедносни услови за такво нешто“.

„Како што неколкупати изјавивме, претседателката ја предаде на проверка чантата и таа го помина скенерот. Секоја друга изјава е пропаганда за политички цели. Нема ништо професионално во однесувањето на обезбедувањето кое му застанува на патот на шеф на држава и му го блокира движењето откако ќе ја стави чантата во скенерот. РСМ ги прекрши меѓународните правила кои важат насекаде во светот со барањето да се скенира телефонот на претседател на друга земја, што би претставувало потенцијално нарушување на националната безбедност. Претседателката не се врати во Косово преку скопскиот аеродром, туку ја смени маршрутата на патувањето, бидејќи нејзиниот тим за обезбедување оцени дека по невидената пропаганда ги нема ниту основните безбедносни услови за такво нешто“, се вели во реакцијата.

Од АЦВ претходно преку соопштение информираа дека, тим од инспектори од Агенцијата, предводен лично од директорот Драги Стојаноски, извршил повторен увид во доказите и спроведе вонреден инспекциски надзор во ТАВ Македонија, во врска со немилиот настан во кој беше инволвирана и претседателката на Косово, Вјоса Османи и дека „аеродромските безбедносни служби постапиле професионално и во согласност со меѓународните правила и практики во случајот“.

-При првичниот увид констатирано е дека, аеродромските служби надлежни за безбедносни проверки, во склоп на своите работни обврски постапувале професионално и придржувајќи се до правилата кои се наметнати согласно имплементираната меѓународна регулативата, не дозволувајќи заобиколување на стандардите и процедурите дури и под притисок на лицата кои биле во придружба на патникот, се вели во реакцијата од АЦВ.

Одбивање на спроведување на стандардните безбедносни проверки со истите патници, од АЦВ посочуваат дека, согласно евиденцијата се случиле и во 2022г. и 2023г. кога безбедносни проверки се прифатени дури откако водачот на воздухопловот одбил да ги прими патниците во воздухопловот без спроведена безбедносна проверка.

„Доколку службениците во ТАВ Македонија постапиле различно од пропишаните правила и дозволиле пропусти и заобиколување на пропишаните процедури истите ќе се соочеле со сериозни санкции од Агенцијата за цивилно воздухопловство како тело надлежно за нивна регулација. Со оглед на тоа што се работи за општо прифатени меѓународни стандарди, доколку било кој се сомнева во нивната веродостојност, препорачуваме истата пракса да ја примени на некој од европските меѓународни аеродроми како би можеле да се уверат во нивната примена, се вели во реакцијата од АЦВ.

The post ОСМАНИ Ѝ РЕАГИРА НА АЦВ Никаде во светот од шеф на држава не се бара да го даде телефонот за скенирање appeared first on plusinfo.mk.