„Додека бугарскиот претседател и премиер ги омаловажуваа македонската историја и македонската борба за државност, Бујар Османи со потценување ги убедува граѓаните дека треба да се направат промени на македонскиот Устав под бугарски диктат.

Османи ако сака може и на ѕид да пишува, но не може да го промени фактот дека источниот сосед отворено најавува нови и нови условувања кои имаат за крајна цел однародување на Македонците. Од Софија пристигаат пораки за менување на учебници, историски наративи за ликови и настани од макдонската историја, како услов за нашето пристапување кон Европската Унија“, се наведува во соопштението.

Османи наместо за пишување на табла, своето време требаше да го троши на барање институционални гаранции од ЕУ дека нашите евроинтеграции нема да се претворат во вечни преговори и подвижвна цел или барем да ја прифати подадената рака на ВМРО-ДПМНЕ, велат од партијата.

„Сега единствено што му преостанува на Османи е да си напише на табла ОСТАВКА, ама вистинска која ќе стапи на сила веднаш, заради катастрофалната дипломатија која ја води. Оваа влада и нејзиното барање за промена на устав под бугарски диктат се удри во ѕид и единствено решение за ќорсокакот се избори“, сосава ВМРО-ДПМНЕ.

The post НА ТАБЛАТА ТРЕБАШЕ ДА НАПИШЕ „ОСТАВКА“ ВМРО-ДПМНЕ бара Османи да запре со ароганцијата appeared first on plusinfo.mk.