На премиерата на филмот „Bunker“ на 83. Венециски филмски фестивал блеснаа главните ѕвезди, шпанските актери Пенелопе Круз и Хавиер Бардем.

Меѓу сопружниците, кои се партнери и приватно и деловно, на црвениот тепих „фрчеа искри“, а со своите нежни гестови јасно покажаа дека и по години заеднички живот се подеднакво вљубени.

Нивната љубовна приказна е една од оние што не се случиле преку ноќ. Круз и Бардем се запознале уште во 1992 година, повеќе од една деценија пред да станат пар.

Ги спои филмот „Шунка, шунка“ на режисерот Бигас Луна, еден од првите големи проекти во нивните кариери. Пенелопе тогаш била тинејџерка на почетокот од актерскиот пат, додека Хавиер бил во раните дваесетти години.

Хемијата меѓу нив постоела уште тогаш, што Бардем години подоцна и самиот го призна. Потсетувајќи се на нивната прва средба, рече дека уште на пробата на костимите се случило нешто што не можел рационално да го објасни. Сепак, и двајцата тогаш имале различни животи и цели, па не дошло до љубовна приказна. Наместо тоа, изградиле однос заснован на пријателство и меѓусебна почит, а нивните кариери во следните години се развивале одделно.

Повторно се сретнаа во филмот на Педро Алмодовар „Живо месо“ од 1997 година, иако немаа значаен заеднички простор на екранот. Вистинскиот пресврт дојде една деценија подоцна.

Во 2007 година повторно застанаа пред камерите за филмот на Вуди Ален „Vicky Cristina Barcelona“. Токму во тој период пријателството почнало да прераснува во нешто повеќе.

Бардем во филмот го глуми Хуан Антонио, додека Круз ја толкува неговата темпераментна поранешна сопруга Марија Елена. Нивната хемија е еден од највпечатливите делови од филмот, а Пенелопе подоцна за оваа улога го освои и својот прв „Оскар“.

Овојпат она што се случуваше пред камерите не остана само на филмот. Почнаа да се појавуваат написи дека Пенелопе и Хавиер се заедно, а во октомври 2007 година беа фотографирани за време на заеднички одмор на Малдивите. Тоа беше првиот сериозен знак дека меѓу долгогодишните пријатели се родила љубов.

Сепак, својата врска уште од самиот почеток ја чуваат подалеку од јавноста.

Иако двајцата веќе беа меѓународни филмски ѕвезди, Пенелопе и Хавиер не ја претворија својата врска во јавен спектакл.

Долго време не позираа како пар на црвените теписи, ниту во интервјуата зборуваа за приватниот живот. Пенелопе години подоцна објасни дека многу рано донеле одлука деталите од нивната врска да не ги споделуваат со јавноста и тоа се покажало како добра одлука.

Нивната свршувачка исто така никогаш не беше претворена во голем медиумски настан. Во октомври 2009 година се појави веста дека се свршиле, а извор тогаш тврдеше дека сè се обидувале да задржат што е можно поприватно.

Дури во февруари 2010 година заедно се појавија на доделувањето на наградите „Гоја“ во Мадрид, што се смета за нивното прво официјално јавно појавување како пар.

Неколку месеци подоцна, Бардем направи нешто што не беше вообичаено за него – јавно проговори за Пенелопе.

Кога на Филмскиот фестивал во Кан ја освои наградата за најдобар актер за „Biutiful“, својата среќа ѝ ја посвети на „пријателката, партнерката и љубовта“ Пенелопе и пред сите ѝ кажа дека ја сака.

Само неколку недели подоцна стигна нова голема вест – се венчаа во јули 2010 година на Бахамите. Немаше спектакуларна холивудска свадба, ниту парада на славни гости. Церемонијата се одржала во домот на нивен пријател, а присуствувале само членовите на семејството.

Приватноста што толку ја чуваа за време на врската продолжија да ја штитат и по венчавката.

Веќе во јануари 2011 година станаа родители на синот Лео, кој е роден во Лос Анџелес. Две и пол години подоцна, во јули 2013 година, ја добија и ќерката Луна, родена во Мадрид.

Децата од самиот почеток останаа надвор од нивниот јавен живот. Круз и Бардем ретко зборуваат за нив, а речиси никогаш не ги изложуваат пред фотографите и на социјалните мрежи.

Интересно е што бракот не значеше и крај на нивните заеднички проекти. По „Шунка, шунка“ и „Vicky Cristina Barcelona“, заедно се појавија во филмови како „The Counselor“, „Loving Pablo“ и „Everybody Knows“. Сега повторно се заедно пред камерите во филмот „Bunker“, кој ги донесе на црвениот тепих на Венецискиот филмски фестивал.

View this post on Instagram

 

A post shared by Variety (@variety)

Бардем претходно објасни дека заедничката работа не им претставува проблем бидејќи многу јасно ја одделуваат фикцијата од реалниот живот. По снимањето, како што вели, се враќаат во секојдневието, кое им е поинтересно од кој било филм.

Со текот на времето, семејството им станало и главен приоритет. Бардем зборува дека и двајцата се промениле откако добиле деца и дека количината на работа што ја прифаќаат ја приспособуваат на потребите на другиот и на семејството.

Уште еден посебен момент во нивните кариери се случи во 2022 година. Двајцата истата година беа номинирани за „Оскар“ – Пенелопе за главна женска улога во филмот „Parallel Mothers“, а Хавиер за главна машка улога во „Being the Ricardos“. Со тоа се најдоа меѓу ретките брачни парови кои во иста година биле номинирани за актерски „Оскар“.

И покрај светската слава, „Оскарите“ и децениите поминати пред камерите, нивната приватност остана една од константите на нивниот однос.

Пенелопе неодамна откри дека токму долгогодишното познанство со Хавиер е една од најубавите работи во нивниот брак. Иако се познаваат повеќе од три децении, вели дека сè уште има чувство дека за него открива нешто ново.

Нивното појавување во Венеција само повторно потсети на необичниот пат што го поминаа заедно. Се запознале како многу млади актери во 1992 година, повеќе од 15 години подоцна пријателството го претвориле во љубов, а денес зад себе имаат 16 години брак, две деца и низа заеднички филмови.

Во светот во кој љубовите на славните често траат пократко од нивните филмски проекти, Пенелопе Круз и Хавиер Бардем успеаја да го направат токму спротивното – да изградат еден од најдискретните и најстабилните бракови меѓу големите филмски ѕвезди.

The post 📽️ ОД ПРИЈАТЕЛСТВО ДО ЕДЕН ОД НАЈСТАБИЛНИТЕ ХОЛИВУДСКИ БРАКОВИ Страсните сцени пред камерите ја разбудиле меѓу нив хемијата која трае и денес! appeared first on plusinfo.mk.

Џон Малкович не можеше да ги сокрие емоциите во Венеција. По светската премиера на новиот филм „Wild Horse Nine“ на Мартин Мекдона, публиката го награди актерот и целиот филм со овации кои траеja повеќе од 13 минути. Малкович во еден момент изгледа како да се бори со солзите, додека аплаузите не престануваa.

Филмот, во кој Малкович игра заедно со Сем Роквел, Стив Бушеми и Паркер Поузи, имаше премиера на 3 септември на 83. Венециски филмски фестивал. Според Variety, приемот бил толку силен што „Wild Horse Nine“ веднаш започнал да се споменува како еден од потенцијалните кандидати во сезоната на награди, вклучувајќи ја и трката за Оскар.

Особено внимание привлече Малкович, кој за време на долгите овации е видно емотивен.

„Wild Horse Nine“ е црна комедија напишана и режирана од Мартин Мекдона, познат по филмовите „In Bruges“, „Three Billboards Outside Ebbing, Missouri“ и „The Banshees of Inisherin“. Приказната е сместена непосредно пред воениот удар во Чиле во 1973 година. Малкович и Роквел ги играат агентите на ЦИА Крис и Ли, кои од Сантијаго се испратени на Велигденскиот Остров, познат и по домородното име Рапа Нуи.

Таму, меѓу познатите камени статуи на островот, двајцата агенти се соочуваат со своето минато, личните тајни и последиците од работата што ја извршувале. Крис, кој го игра Малкович, започнува да се зближува со две бунтовни студентки, а нивниот престој на островот постепено излегува од контрола. Ројтерс оценува дека филмот, иако е исполнет со црн хумор, истовремено се занимава со вина, разочарување и моралните последици од американската интервенција во Чиле.

Реакциите по премиерата беа исклучително позитивни, иако не сите критичари сметаат дека филмот е на нивото на најдобрите дела на Мекдона. Гардијан го пофали односот меѓу ликовите на Малкович и Роквел, како и нивната хемија и дијалозите, опишувајќи го филмот како мрачна комедија со силни моменти, но и со одредени слабости.

Сепак, токму приемот во Венеција ја промени атмосферата околу филмот. Холивуд Репортер го нарече првиот навистина бурен прием на фестивалот годинава, додека некои медиуми веќе го вбројуваат меѓу потенцијалните кандидати за награди.

Малкович на прес-конференцијата во Венеција зборуваше и за својата кариера и јасно стави до знаење дека нема намера да се пензионира. Тој го минимизираше зборувањето за награди и потенцираше дека најважни му се филмот и екипата, но приемот што го доби „Wild Horse Nine“ веќе го постави како еден од насловите за кои најмногу ќе се зборува во продолжението на фестивалот.

„Wild Horse Nine“ во кината треба да пристигне на 6 ноември 2026 година.

The post 🎥 15 МИНУТИ СТОЕЧКИ ОВАЦИИ ЗА ЏОН МАЛКОВИЧ Актерот се бореше да ги задржи солзите по премиерата на новиот филм во Венеција appeared first on plusinfo.mk.

Долгометражниот игран филм „17″, во режија на Косара Митиќ и во продукција на „Црна Мачка Продукција”, е избран за македонски кандидат за наградата Оскар, во категоријата најдобар меѓународен долгометражен филм.

Одлуката ја донесе Комисијата за избор на национален кандидат за Оскар при Друштвото на филмските работници на Македонија, чиј состав е прифатен и одобрен од Американската академија за филмски уметности и науки: Марија Димитрова – претседател на Комисијата и продуцент, Антонио Митриќески – режисер, Дејан Димески – директор на фотографија, Иван Бартлинг – сценограф, Георги Унковски – режисер, Теута Ајдини Јегени – актерка и Сара Ферро – продуцент.

Во изборот оваа година беа пријавени два долгометражни играни филма: „Скејтбордингот не е за девојчиња” на Дина Дума и „17″ на Косара Митиќ.

„17″ ја имаше својата светска премиера во програмата „Перспективи” на 76. Берлински филмски фестивал, а до сега има освоено 11 меѓународни награди. Меѓу нив се наградата за најдобар филм на Меѓународниот филмски фестивал во Уругвај; наградата за дистрибуција на Филмскиот фестивал во Болцано; Наградата од публиката и Специјалното признание за Ева Костиќ на Меѓународниот филмски фестивал во Лас Палмас; наградата за најдобра актерка за Ева Костиќ на Bella Tofifest во Полска; наградата GWFF за најдобар меѓународен дебитантски филм на Филмскиот фестивал во Ерусалим; Срцето на Сараево за најдобра актерка за Ева Костиќ, Специјална награда за промовирање родова еднаквост, наградата Cineuropa и Наградата од публиката за најдобар игран филм на Сараевскиот филмски фестивал; како и „Златна мимоза” за најдобра режија за Косара Митиќ на Филмскиот фестивал во Херцег Нови.

Во филмот играат Ева Костиќ, Мартина Даниловска, Ева Стојчевска, Петар Маниќ, Ирена Димеска, Луна Бејков, Христијан Ристески, Алина Христовска, Даме Јовески, Јован Тодоров, Мина Јелушиќ, Тодор Стојковски, Иво Јездиќ, Ана Стојановска, Жаклина Стевковска, Сашко Коцев и Оливер Митковски.

Сценариото е на Косара Митиќ и Огњен Свиличиќ, продуценти се Томи Салковски и Кристијан Буровски, директор на фотографија е Наум Доксевски, сценографи се Дејан Ѓоршевски и Александра Чевреска, костимите се на Жаклина Крстевска, шминката и фризурата се на Карла Лазиќ (Србија), снимател на звук е Аљаж Лукан (Словенија), а монтажер е Владимир Павловски. Филмот е продукција на „Црна Мачка Продукција”, во копродукција со „Арт&Попкорн” од Србија и „Децембер” од Словенија, а меѓународен продажен агент е „Тотем”.

Свеченото доделување на 99. награди на Американската академија за филмски уметности и науки ќе се одржи на 14 март 2027 година во Лос Анџелес. Листата на филмови кои ќе влезат во потесниот избор за Оскар ќе биде објавена на 15 декември 2026 година, додека номинациите за 99. Оскари ќе бидат објавени на 21 јануари 2027 година.

The post ФИЛМОТ „17″ НА КОСАРА МИТИЌ Е МАКЕДОНСКИ КАНДИДАТ ЗА ОСКАР Ќе конкурира за најдобар меѓународен долгометражен игран филм appeared first on plusinfo.mk.

Ширли Меклејн на 92 години повторно ги воодушеви обожавателите со ретко видеообраќање, во кое покажа дека и по седум децении во светот на филмот не ја изгубила ниту харизмата ниту смислата за хумор. Оскаровката испрати порака до публиката на „Southampton Playhouse“ во Њујорк, каде на 25 август ќе биде прикажан нејзиниот култен мјузикл „Sweet Charity“ од 1969 година.

Во видеото Меклејн седи во својот дом, со очила со црни рамки и црвен елек, и со насмевка им се обраќа на оние кои ќе го гледаат филмот.

– Би сакала да бидам со вас. Би сакала повторно да го гледам „Sweet Charity““, рекла актерката, потсетувајќи ги гледачите колку многу труд бил вложен во филмот.

Но, потоа следува нејзината духовита забелешка. Меклејн додава дека, кога филмот бил премиерно прикажан, „не поминал баш најдобро“, па се пошегувала дека се надева оти публиката денес ќе ужива во него.

Токму оваа искреност предизвика симпатии кај обожавателите. „Sweet Charity“, кој го режираше легендарниот кореограф Боб Фоси, во времето на премиерата навистина не бил голем комерцијален успех. Филмот чинел околу 20 милиони долари, а во американските кина заработил околу четири милиони.

Иронично, со текот на годините филмот доби поинаков статус. Денес „Sweet Charity“ се смета за култен мјузикл, а повторните проекции покажуваат дека публиката не го заборавила. Во него Меклејн ја играла Шерити Хоуп Валентин, а филмот бил номиниран за три „Оскари“.

За Меклејн ова е едно од ретките појавувања пред јавноста во последниот период. Последен пат на голем јавен настан беше видена во декември 2025 година, кога доби награда за животно дело на првата церемонија на „Dance Hall of Fame“, именувана во нејзина чест.

Иако во последните години поретко се појавува на екран, 92-годишната актерка не се повлекла целосно од професијата. Нејзините последни објавени филмски и телевизиски појавувања се од 2022 година – во филмот „American Dreamer“ и во втората сезона на серијата „Only Murders in the Building“. Во меѓувреме го снимила и независниот филм „People Not Places“, во кој игра со Стивен Дорф, а кој сè уште го очекува своето пошироко прикажување.

Меклејн зад себе има кариера долга повеќе од седум децении, а меѓу нејзините најпознати улоги е онаа во „Terms of Endearment“, за која го освои „Оскарот“ за најдобра актерка. Во 2024 година ги објави и мемоарите „The Wall of Life“, во кои се навраќа на својот необичен живот и кариера.

На крајот од видеото, легендарната актерка им испрати „многу љубов“ на своите обожаватели – мал гест кој уште еднаш покажа зошто, и по толку години, Ширли Меклејн сè уште има посебно место во срцата на публиката.

The post 🎥 ШИРЛИ МЕКЛЕЈН ИМ СЕ ОБРАТИ НА ФАНОВИТЕ СО КРАТКО ВИДЕО Холивудската легенда покажа дека и на 92 години не ја изгубила смислата за хумор appeared first on plusinfo.mk.

Ако некој може да покаже дека годините се само бројка, тогаш тоа е Хали Бери. Холивудската актерка на 14 август, го слави својот 60. роденден, но фотографиите што ги објавува во последните денови предизвикуваат реакции како да станува збор за нејзин јубилеј од пред две децении.

Бери роденденот го одбележала и на тропскиот одмор на Фиџи, каде што уживаше со својот свршеник, музичарот Ван Хант и нејзините деца. Таа во изминатиот период сподели фотографии во костими за капење, проѕирни парчиња и смели комбинации, а само ден пред роденденот позираше во црн фустан со длабоко деколте.

На една од фотографиите што ја објави по повод јубилејот, актерката напиша едноставно: „60, еве ме!“

 

View this post on Instagram

 

A post shared by Halle Berry (@halleberry)

Но, Бери не застана тука. Во пресрет на роденденот сподели и фотографии во црно- црвена наметка, под која не носеше ништо, а покрај фотографиите напиша провокативна порака: „Денес… не ми е гајле за ништо.“

Нејзините фотографии се само продолжение на серијата објави од Фиџи. На одморот таа покажа дека и на прагот од седмата деценија се чувствува слободно и самоуверено.

 

View this post on Instagram

 

A post shared by Halle Berry (@halleberry)

„Не се чувствувам старо“

Самата Бери во неодамнешно интервју зборуваше за тоа како го доживува влегувањето во седмата деценија.

– Не се чувствувам воопшто старо – порача актерката, додавајќи дека во одредени аспекти денес се чувствува подобро отколку пред 20 години.

Таа објасни дека со текот на годините научила повеќе за своето тело, го променила начинот на вежбање и исхрана и почнала повеќе да размислува за долговечноста.

– Никогаш не очекував дека на 60 години ќе се чувствувам подобро отколку на 40, но на многу начини се чувствувам – изјавила Бери.

Оскар, „Џејмс Бонд“ и долга кариера

Бери зад себе има речиси четири децении кариера. Во 2002 година испиша историја кога за улогата во „Monster’s Ball“ стана првата и досега единствена црна актерка која го освоила Оскарот за најдобра актерка.

Публиката ја памети и по улогите во филмовите „X-Men“, „Die Another Day“, „Catwoman“, како и по бројни други холивудски остварувања.

Нејзината појава во филмот „Die Another Day“ како Бонд-девојката која излегува од морето остана една од најпрепознатливите сцени во историјата на франшизата „Џејмс Бонд“.

Но, Бери денес сака да зборува и за нешто многу посериозно од изгледот и филмските улоги – здравјето на жените во зрелите години.

Таа во последните години отворено зборува за менопаузата и за потребата од подобра информираност и медицинска грижа за жените во овој период од животот. Во 2024 година дури се вклучи и во иницијативи во американскиот Конгрес поврзани со истражувањето и едукацијата за менопаузата.

На 60 години, Бери очигледно нема намера да забави. Напротив – со смелите фотографии, новите проекти и отворениот став кон стареењето, таа испраќа јасна порака дека новата деценија за неа е само уште една причина за прослава.

 

View this post on Instagram

 

A post shared by Halle Berry (@halleberry)

The post ХАЛИ БЕРИ ВЛЕГУВА ВО СЕДМАТА ДЕЦЕНИЈА „Не се чувствувам воопшто старо“ appeared first on plusinfo.mk.

Новите фотографии на Расел Кроу од теретана привлекоа големо внимание на социјалните мрежи. На нив 62-годишниот актер ја покажа својата физичка подготвеност и мускулест изглед, а многумина веднаш се потсетија на Максимус – римскиот генерал што Кроу го играше во култниот филм „Гладијатор“.

Фотографиите ги објави шкотскиот кечер Дру Мекинтајр, кој заедно со Кроу одработил интензивен тренинг. Двајцата позираа по вежбањето покажувајќи ги бицепсите пред камерата.

Мекинтајр покрај фотографиите кратко напиша: „Гладијатор x Воин“.

Расел Кроу и Дру Мекинтајр ќе се појават во новата верзија на филмот „Хајлендер“, франшиза што ја прославија Шон Конери и Кристофер Ламберт.

Иако денес изгледа поинаку отколку пред 26 години, кога го снимаше „Гладијатор“, фотографиите од теретана кај многумина разбудија носталгија за неговата најпозната филмска улога.

 

View this post on Instagram

 

A post shared by Drew McIntyre (@dmcintyrewwe)

Кроу во 2020 година откри дека за малку ќе ја одбиел улогата која подоцна му го донесе Оскарот. Во интервју за „Variety“ раскажа дека на почетокот не бил сигурен дали физички одговара за ликот на римскиот генерал.

Непосредно пред тоа го завршил снимањето на филмот „The Insider“ од 1999 година, за кој се здебелил околу 23 килограми и целосно ја избричил главата.

– Само што го завршив снимањето на ‘The Insider’. Бев огромен. Немав коса затоа што во филмот носев перика, па ја избричив главата за полесно да ја ставам. Воопшто не изгледав како римски генерал – изјавил актерот.

Додал дека ниту првата верзија на сценариото за „Гладијатор“ не го воодушевила. Сепак, се предомислил кога дознал дека филмот ќе го режира Ридли Скот.

– Ми рекоа: ‘Ќе го режира Ридли Скот’, и тоа беше доволно за да прифатам да разговарам со него – открил Кроу.

Филмот во 2001 година му го донесе Оскарот за најдобар главен актер и дефинитивно го вброи меѓу најголемите холивудски ѕвезди.

Расел Кроу беше во брак со австралиската актерка и пејачка Даниел Спенсер. Тие се венчаа во 2003 година и заедно имаат двајца синови.

Се разделија во 2012 година, а разводот официјално беше финализиран шест години подоцна. Спенсер претходно за магазинот „Stellar“ изјави дека, и покрај разводот, останале добри пријатели.

– Многу се почитуваме и сè уште го сметам за член на семејството. Бракот заврши, но тоа не значи дека заврши и нашето пријателство. Одевме заедно на одмори и можеме нормално да седнеме и да разговараме – рекла таа.

The post ГЛАДИЈАТОР И ВОИН Расел Кроу тренира со познат борач со кој наскоро ќе го дели големото платно appeared first on plusinfo.mk.

Мет Дејмон откри дека тој и Бен Афлек речиси останале без пари кратко време откако го доживеале огромниот успех со филмот „Добриот Вил Хантинг“, за кој заедно го напишаа сценариото наградено со Оскар.

За финансиските проблеми од почетокот на кариерата зборуваше во дел од интервјуто за подкастот „New Heights“, кое деновиве повторно стана вирално.

Дејмон на браќата Тревис и Џејсон Келси им раскажа како изгледал нивниот прв голем хонорар.

– Сценариото го продадовме за 600.000 долари. Тогаш тоа ни звучеше како незамислива сума пари – вели Дејмон.

Но, по даноците, провизиите за агентите, адвокатите и останатите трошоци, на секој од нив му останале помалку од 150.000 долари.

– Првото нешто што го направивме беше да купиме нови Jeep Grand Cherokee – се присетил Дејмон. Потоа изнајмиле стан во Лос Анџелес, но многу брзо сфатиле дека парите нема да траат долго.

– Си рековме: Човече, мораме да најдеме нова работа. Кога го продадовме сценариото, бевме убедени дека финансиски сме обезбедени за цел живот. А една година подоцна практично немавме пари – раскажа тој.

На прашањето дали навистина останале без сè, Дејмон низ смеа вели: Па… не бевме баш на нула, но бевме многу блиску.

Една одбиена улога им ги промени кариерите

Минатиот месец Дејмон откри дека токму неуспешната аудиција за филмот „Исконски страв“ ги поттикнала него и Афлек да го напишат „Добриот Вил Хантинг“.

– Тоа всушност беше моментот што нè натера да почнеме да пишуваме – изјавил тој во емисијата „GOAT Talk“.

За улогата во криминалистичкиот трилер се пријавил и Дејмон, но ја добил Едвард Нортон.

– Едвард беше фантастичен и целосно ја заслужи таа улога – рече Дејмон.

После тоа двајцата сфатиле дека тешко ќе се пробијат ако само чекаат некој да им понуди работа.

– Се погледнавме и сфативме дека таква можност за непознат актер можеби никогаш повеќе нема да се појави. За една таква улога се пријавуваат 10.000 луѓе – објасни актерот.

Затоа решиле сами да создадат прилика и почнале да го пишуваат сценариото за „Добриот Вил Хантинг“.

– Навистина се фрливме на работа. Го напишавме речиси од очај. Тоа беше нужност. Тешко е да се успее во овој бизнис, а најтешко е да се добие првата шанса – рече Дејмон.

Филмот што им го промени животот

Драмата „Добриот Вил Хантинг“ премиерно беше прикажана во 1997 година. Дејмон и Афлек го напишаа сценариото, но ги играа и главните улоги, а во филмот се појавија и Робин Вилијамс, Мини Драјвер и Стелан Скарсгард.

Филмот ја следи приказната за Вил Хантинг, чувар кој е математички гениј и психотерапевтот кој му помага да го пронајде својот животен пат.

Со буџет од 10 до 16 милиони долари, филмот заработи околу 225 милиони долари во светските кина. Беше номиниран за девет Оскари, а освои два – Робин Вилијамс за најдобар актер во споредна улога, додека Дејмон и Афлек го добија Оскарот за најдобро оригинално сценарио.

Дејмон и Афлек се пријатели уште од детството, а низ годините заедно работеа на филмовите „Последниот дуел“, „Air“ и „The Rip“. Во 2022 година ја основаа и сопствената продукциска куќа Artists Equity.

The post 🎥 МЕТ ДАЈМОН И БЕН АФЛЕК ОСТАНАЛЕ ШВОРЦ ПО УСПЕХОТ НА „ДОБРИОТ ВИЛ ХАНТИНГ“ Двајцата пријатели добија Оскар, но мораа повторно да бараат работа appeared first on plusinfo.mk.

Холивудската актерка и добитничка на Оскар, 53-годишната Гвинет Палтроу, конечно отвори личен профил на ТикТок, а нејзината прва објава веднаш предизвика големо внимание. Во краткото видео, снимено на различни локации низ Европа, се појавуваат и неколку кратки сцени во кои актерката е топлес, додека лежи во кревет или се релаксира во када.

Видеото е направено во препознатлив, самоироничен стил. Палтроу се снима на брод, во хеликоптер, авион, музеј, во Париз и во Италија, постојано повторувајќи ја реченицата „Само момент, снимам ТикТок“, на англиски, француски и италијански јазик. На крајот, низ смеа, изговара: „Може ли конечно да го снимам овој проклет ТикТок?“

@goop A morning with Gwyneth, timestamped. #goop ♬ original sound – Goop

„Изгледа дека сега сум на ТикТок“, напиша актерката во описот на својата прва објава, која потоа ја сподели и на Инстаграм. Иако досега не објавувала на личен профил, таа и претходно се појавуваше во видеа на официјалниот профил на нејзиниот бренд Goop.

Палтроу последниве години е многу повеќе посветена на развојот на Goop – бренд за животен стил и велнес, отколку на актерската кариера. Неодамна го промовираше и новиот унисекс гел за туширање на компанијата, а годинава повторно се враќа и на филмското платно со улога во филмот „Marty Supreme“.

Гвинет Палтроу е родена во 1972 година во Лос Анџелес. Светска слава стекна со улогите во филмовите „Shakespeare in Love“, за кој го освои Оскарот за најдобра актерка, „Seven“, „The Talented Mr. Ripley“ и серијалот „Iron Man“, каде ја играше Пепер Потс.

The post 🎥 ГВИНЕТ ПАЛТРОУ ВОЗБУДЕНО ДЕБИТИРАШЕ НА ТИКТОК Првото видео го сними и топлес, па сега вие видете… appeared first on plusinfo.mk.

Ирскиот музичар, актер и добитник на Оскар, Глен Хансард, загина во сообраќајна несреќа со мотор во близина на Даблин. Имаше 56 години.

Веста за неговата смрт предизвика голема тага во Ирска и низ светот, а бројни јавни личности, музичари и политичари му оддадоа почит на уметникот кој остави длабока трага во современата музика.

Ирскиот премиер Михол Мартин изјави дека е длабоко потресен од загубата на талентираниот музичар и актер, кој со децении бил значаен дел од културниот живот на земјата.

 

View this post on Instagram

 

A post shared by LADbible Ireland (@ladbibleireland)

Хансард ја започнал својата музичка кариера како тинејџер, свирејќи на улиците на родниот Даблин. Во 1990 година го основал рок-бендот „The Frames“, кој подоцна стана еден од најпознатите ирски музички состави.

Во текот на кариерата објави повеќе соло албуми, а голем успех постигна и како дел од дуото „The Swell Season“, кое го формираше со чешката музичарка Маркета Ирглова.

Светска слава стекна со филмот „Once“ од 2007 година, во кој тој и Ирглова ги толкуваа главните улоги. Приказната за уличен музичар и млада чешка имигрантка освои милиони гледачи ширум светот и покрај скромниот буџет со кој беше снимен.

Нивната песна „Falling Slowly“ ја освои наградата Оскар за најдобра оригинална песна во 2008 година и стана еден од најпознатите филмски музички хитови на својата генерација.

При примањето на престижната награда од рацете на Џон Траволта, видно изненадениот Хансард тогаш кратко изјави:

– Што воопшто правиме овде? Ова е неверојатно.

Филмот подоцна беше адаптиран во успешен бродвејски мјузикл, кој во 2012 година освои осум награди „Тони“.

Со смртта на Глен Хансард музичкиот свет загуби еден од своите најавтентични автори, а неговите песни ќе останат траен дел од музичкото наследство на Ирска и светот.

The post 🎥 ЗАГИНА ГЛЕН ХАНСАРД, ДОБИТНИКОТ НА ОСКАР ЗА ПЕСНАТА „FALLING SLOWLY“ Музичкиот свет се простува од ирската легенда appeared first on plusinfo.mk.

Американскиот актер и активист Дени Гловер, најпознат по улогата на харизматичниот полицаец во серијата „Смртоносно оружје“, откри дека боледува од Алцхајмерова болест. Овој 80-годишен актер четири пати е номиниран за наградата Еми.

– Пред три години ми беше дијагностицирана прогресивната болест која ја уништува меморијата. Сè уште не можам да го прифатам тоа. Има моменти на кои сè уште се сеќавам, што ми потврдува дека можам да памтам, и има спомени што никогаш нема да ги заборавам, изјави Гловер за списанието Пипл.

Според направената статистика, повеќе од шест милиони луѓе во САД, како и уште милиони ширум светот, боледуваат од Алцхајмерова болест, која претставува најраспространета форма на деменција.

Дени Гловер (Danny Glover) спаѓа во најпрепознатливите американски актери, со долга и разновидна кариера во филмот и телевизијата, особено познат по улогите во акциони и драмски продукции. Неговиот опус опфаќа силни и влијателни улоги, а меѓу најважните филмови се издвојуваат: „Бојата на пурпурот“ (The Color Purple, 1985) каде игра во силна драмска приказна на Стивен Спилберг, „Сведок“ (Witness, 1985) каде е дел од оскаровскиот криминалистички трилер, и „Смртоносно оружје“ (Lethal Weapon, 1987) кој му ја носи најголемата популарност преку улогата на детективот Мерто. Во истиот серијал продолжува и со „Смртоносно оружје 2“ (Lethal Weapon 2, 1989), а меѓу значајните наслови се вбројува и „Предатор 2“ (Predator 2, 1990), каде ја проширува својата кариера и во научно-фантастичниот акционен жанр.

Гловер е добитник на почесен Оскар во 2022 година. Добивал признанија од Националната асоцијација за унапредување на обоените луѓе (НААЦП) и од телевизијата Блек Ентертејнмент, а бил номиниран и за наградите на Здружението на филмски актери (Скрин екторс гилд).

Од 1998 до 2004 година, Гловер, исто така, бил и амбасадор на добра волја на програмата за развој на Обединетите нации.

The post 🎥 АКТЕРОТ ДЕНИ ГЛОВЕР ОТКРИ ДЕКА ИМА АЛЦХАЈМЕРОВА БОЛЕСТ Му ја дијагностицирале пред 3 години appeared first on plusinfo.mk.