Задржувањето на повеќе од 400 патнички авиони во Русија по воведувањето на западните санкции предизвика голема правна битка меѓу нивните сопственици и осигурителните компании која заврши во корист на лизинг компаниите на кои треба да им се исплати надомест од 8 милијарди долари.

Додека конечната исплата на штетите се ближи кон крајот во Лондон, патниците ширум светот ги чувствуваат последиците од оваа правна битка директно во своите паричници преку сè поскапите авионски билети.

Сè започна по воведувањето на западните санкции и одговорот од официјална Москва, кога руските власти им дозволија на домашните авиокомпании да задржат и повторно да регистрираат повеќе од 400 патнички авиони што беа изнајмени од западните гиганти за лизинг како што се AerCap и SMBC Aviation Capital.

Вкупната вредност на оваа заробена флота беше проценета на десетици милијарди долари, што предизвика невиден превирања на финансиските и авијациските пазари.

Бидејќи сите обиди за физичко враќање на авионот целосно не успеаја, сопствениците на авионите одлучија да ги активираат своите обемни полиси за осигурување.

Осигурителите ја оспориле обврската за плаќање. Водечките осигурителни компании, предводени од познатиот лондонски гигант „Лојдс“, долго време одбиваат да платат отштета со образложение дека масовното запленување на авиони според меѓународниот режим на санкции не е опфатено со стандардните полиси за воен ризик. Покрена серија исклучително сложени постапки во кои учествуваа стотици адвокати и претставници на повеќе од 40 глобални корпорации.

Иако судот во Лондон пресуди во корист на сопственикот на авионот, обемот на овој спор целосно го трансформираше системот за осигурување.

Поради огромните загуби што мораа да ги покријат осигурителите и фондовите за реосигурување, премиите за осигурување за сите светски авиокомпании драматично се зголемија во изминатата година.

Тие оперативни трошоци беа префрлени директно на крајните корисници, па глобалните цени на летовите достигнаа рекордни максимуми.

Покрај поскапите билети, условите за изнајмување авиони за компании од земји со зголемен геополитички ризик станаа значително поригорозни и поскапи, поради што овој случај трајно ги промени правилата на играта во глобалниот воздушен сообраќај.

Случајот со задржаните авиони, исто така, го отвори прашањето за заштита на сопствениците при изнајмување авиони во земји со поголем геополитички ризик.

По покренувањето на спорот, условите за изнајмување за компаниите на ваквите пазари станаа построги и поскапи. За сопствениците на авиони и осигурителите, важен дел од проценката сега е можноста санкциите или одлуките на државните органи да спречат враќање на авионот.

The post НАЈГОЛЕМА СУДСКА БИТКА ВО АВИОНДУСТРИЈАТА Запленетите 400 авиони од Русија ги доведе на суд лизинг и осигурителните компании appeared first on plusinfo.mk.

Неколку осигурителни компании соопштија дека ќе го укинат покривањето за воен ризик за бродовите поради конфликтот во Иран и Персискиот Залив.

Осигурителните компании, меѓу кои се Gard, Skuld, NorthStandard, лондонскиот P&A клуб и Американскиот клуб, соопштија дека осигурувањето од воен ризик за бродовите ќе биде укинато од 5 март, пренесува Ројтерс.

Според соопштението, осигурувањето од воен ризик ќе биде укинато за бродовите во иранските води, како и во Персискиот Залив и соседните води.

Јапонската осигурителна група MS&AD изјави за Ројтерс дека привремено суспендирала низа полиси за осигурување кои покриваат воени ризици во водите околу Иран и Израел, како и соседните земји.

Тензиите на Блискиот Исток ескалираа откако американските и израелските сили започнаа напади врз Иран за време на викендот, по што Техеран ја затвори пловидбата низ Ормускиот Проток, клучна точка за глобалниот транспорт на нафта и гас.

Неколку сопственици на танкери, големи нафтени компании и трговски куќи од тогаш ја запреа испораката на сурова нафта, гориво и течен природен гас преку теснецот, а сателитските податоци покажуваат дека бродовите се собираат во близина на клучни пристаништа во Обединетите Арапски Емирати, како што е Фуџеира.

Податоците за следење на бродови од вчера покажуваат дека најмалку 150 танкери се закотвени во отворените води зад Ормускиот Проток.

The post ОКОЛУ 150 ТАНКЕРИ СЕ ЗАГЛАВЕНИ ЗАД ОРМУСКИОТ ПРОТОК Ќе останат без осигурување, берзите во неизвесност appeared first on plusinfo.mk.

Комисијата за одлучување по прекршок при Комисијата за заштита на конкуренцијата донесе решение со кое утврди постоење на картелно однесување меѓу десет осигурителни компании.

Од Комисијата информираат дека станува збор за Евроинс осигурување, Триглав осигурување, Македонинија Скопје – Виена Иншуренс, Сава осигурување, Еуролинк, Граце, Уника, Осигурителна полиса, Халк осигурување и Кроација осигурување.

Картелното здржување се однесува за осигурувањето од автомобилска одговорност кое секој сопственик на возило задолжително мора да го плати при регистрирација на возилото.

– Во постапката беше утврдено дека осигурителните компании во периодот 01.03.2024 – 07.05.2024 година, разменувале чувствителни информации, координирале активности и во исклучително краток рок донеле идентични или меѓусебно усогласени одлуки за зголемување на делот на премијата за вршење дејност – т.н. режиски додаток. Таквото однесување претставува ограничување на конкуренцијата „по своја цел“, односно најтешка форма на повреда согласно член 7 од Законот за заштита на конкуренцијата. Размената на информации и паралелното донесување на ценовни одлуки ја заменува независната деловна политика со координирано колективно дејствување на пазарот, што е строго забрането, велат од Комисијата.

Изречени се глоби во вкупен износ од 17.266.930 денари.

The post СЕ УЈДИСАЛЕ ЗА ДА ГИ ЦЕДАТ КЛИЕНТИТЕ ЗА АВТО-ОСИГУРУВАЊА Утврдено картелско однесување кај 10 осигурителни компании appeared first on plusinfo.mk.

Економските загуби предизвикани од шумските пожари во округот Лос Анџелес достигнаа рекордни нивоа, достигнувајќи близу 50 милијарди долари, според проценката на американската мултинационална компанија за финансиски услуги „Џеј Пи Морган“ (JP Morgan). Во последните 24 часа, штетите речиси се удвоија, пренесе Си-Ен-Ен.

Од вкупната сума, се проценува дека осигурените загуби надминуваат 20 милијарди долари, а оваа бројка може дополнително да порасне, во зависност од тоа кога пожарите ќе бидат ставени под контрола.

„Џеј Пи Морган“, најголемата банка во САД, во својот извештај за влијанието на пожарите врз индустријата, наведува дека овие загуби го прават шумскиот пожар во Лос Анџелес двојно поголем удар за осигурителната индустрија во споредба со пожарот во кампот на округот Бат во 2018 година, кој тогаш предизвика штети од 10 милијарди долари.

Оваа криза, освен што ги исцрпува ресурсите на осигурителната индустрија, има и огромно влијание врз економијата и животната средина во регионот.

The post ШОКАНТНИ БРОЈКИ ОД „ЏЕЈ ПИ МОРГАН“ ЗА ШТЕТИТЕ Околу 50 милијарди долари се загубите од пожарите, но крајот не се гледа appeared first on plusinfo.mk.

„Предложените измени се насока на утврдување на опсег од 15% до 30%, во кој друштвата за осигурување можат да го определат делот на премијата за вршење дејност на осигурување од автомобилска одговорност, а за секој износ на овие трошоци над 30%, да побараат претходна согласност од Агенцијата за супервизија на осигурување. Ова значи враќање на цената на осигурувањето од автоодговорност на ниво од пред 25 април 2024 година. Дополнително беше утврдено дека Комисијата најдоцна до 30 септември секоја година до Владата да доставува предлог за минимална и максимална стапка на техничка премија за осигурување за следната година“ – се наведува во соопштението од Министерството за финансии.

Предлог-одлуката на Комисијата, како што информира Министерството за финансии, е доставена на усвојување до Владата.

Одлуката се заснова на анализата на Агенцијата за супервизија на осигурувањето (АСО) со која се укажува дека на 23 април, 11 друштва за осигурување кои вршат работи на осигурување во групата на неживотно осигурување, доставиле известувања до АСО за донесени одлуки за зголемување на премиите за задолжително осигурување од автоодоговорност, при што се повикале на одредбите од тарифата на премии за осигурување од АО, објавена во „Службен весник на РМ“ број 191/2018, според кои одредби имаат можност самостојно да одлучат за висината на делот од премијата за спроведување на дејноста, односно т.н. режиски додаток при одредувањето на крајната премија по договор за осигурување – член 3 од тарифата.

„Притоа, известувањата на друштвата до АСО не содржат финансиски анализи за изминати периоди, ниту пак конкретни проекции за очекуван развој на ризиците кои ги преземаат во осигурување. Единствен аргумент, на кој се повикуваат друштвата за осигурување се растечките трошоци од работење, кои не се непосредно поврзани со настанување на ризиците, односно со настанатите и очекуваните штети“ – се појаснува во соопштението.

Ставот на Комисијата за осигурување од автомобилска одговорност е поткрепен со мислењето на АСО како регулатор дека ваквото постапување на друштвата за осигурување влијае врз стабилноста, сигурноста и предвидливоста на функционирање на целиот систем на осигурување во насока на штета на осигурениците, односно сопствениците на моторни возила.

„Состојбите на пазарот ќе се следат и во наредниот период и ќе се преземаат соодветни одлуки, врз основа на анализи и во еден отворен и транспарентен процес. Во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност во втората половина од април 2024 година, Министерството за финансии ја свика Комисијата за осигурување од автомобилска одговорност која одржа седници на 26, 29 и 30 април и 2 мај 2024 година, со цел да ги разгледа сите аспекти од носењето на овие одлуки“ – потенцираат од Министерството за финансии.

Претходно, денеска АСО ја повика Владата, согласно своите законски надлежности, да ги заштити правата на осигурениците и преку измени во тарифникот да ги намали цените на полисите за задолжително осигурување од автомобилска одговорност.

The post ЦЕНАТА НА АВТООСИГУРУВАЊЕТО СЕ ВРАЌА НА СТАРО? Комисијата за осигурување од автомобилска одговорност направи измени на тарифникот и ги достави до Владата appeared first on plusinfo.mk.

Највисоката исплатена штета покриена со осигурување, во првите девет месеци годинава, изнесува 308.000 евра. Станува збор за осигуран имот на правно лице.  Во овој период кај најголемата доброволна осигурителна класа – осигурување имот се исплатени штети во вкупна вредност од 7,6 мил.евра, покажуваат официјалните податоци на Агенцијата за супервизја на осигурување (АСО).

Втората највредна исплатена штета е за одговорност од осигуран воздухоплов. За настаната штета од тоа осигурување се исплатени 232.000 евра.

Во петте најголеми исплатени штети по една е за задолжително осигурување од автомобилска одговорност, за зелена карта и за осигурување од финансиски загуби.

По основ на задолжителна автомобилска одговорност осигурителна компанија, во овој период, исплатила 173.000 евра. За покривање финансиски загуби осигуреник од осигурително друштво наплатил 141.000 евра. За штета покриена со зелена карта осигурителна компанија на осигуреник исплатила 100.000 евра.

Во периодот јануари- септември најголемата штета исплатена за осигурани стоки во превоз (карго) изнесува 80.000 евра. Кај каско осигурување моторни возила по една штета биле исплатени 45.000 евра. Кај осигуран имот на физичко лице најголемиот износ за штета што го исплатила компанија за осигурување изнесува 48.000 евра.

Во доброволната класа со најмногу активни договори – осигурување од незгода за 9 месеци највисоката исплатена штета изнесува 58.000 евра. Кај приватното здравствено осигурување најголемата исплатена штета за овој период 10.000 евра, а кај патничкото осигурување 23.000 евра.

Осигуреници наплатија вкупно 47 милиони евра штети од осигурителните компании за неживотно осигурување.Вкупниот износ на исплатените штети за периодот јануари-септември е за 6,9 милиони евра или 17 отсто повисок во однос на истиот период лани. Вкупно 11 компании за неживотно осигурување во овој период исплатиле 55.008 штети што е за 20 отсто повеќе од истиот период минатата година.

The post КОМПАНИЈА НАПЛАТИ 308.000 ЕВРА ШТЕТА ЗА ОСИГУРЕН ИМОТ Кои се најголемите исплати во осигурувањето? appeared first on plusinfo.mk.

Во структурата на посредничка продажба на осигурителни продукти најголемо учество имаат осигурително-брокерските друштва. Тие согласно законската регулатива работат во корист на осигурениците односно ги снимаат ризиците и врз основа на тоа да ги дизајнираат полисите, а воедно во случај на штети ги застапуваат нивните интереси пред осигурителните компании.

За шест месеци преку овие друштва осигуреници (физички и правни лица) вложиле 24,4 милиони евра во различни осигурителни производи. Од тоа најголеми се вложувањата во полиси за законски задолжителната автомобилска одговорност. Тие изнесуваат 16,3 милиони евра. Во осигурување имот вложиле уште 12 милиони евра. За своите услуги 40 осигурителните брокерски друштва наплатиле 6,48 милиони евра провизија од осигурителните компании.

Друштвата за застапување во осигурување (компании кои можат да нудат полиси и од повеќе осигурителни компании само доколку тие осигурителни продукти не си конкурираат меѓусебно) за првите шест месеци продале полиси во вкупна вредност од 4,1 милиони евра. За своите услуги од осигурителните друштва наплатиле провизии во вкупна вредност од 1,1 милион евра).

На осигурителниот пазар работат 12 компании лиценцирани за застапување во осигурување.

Повеќе од 1.300 физички лица – лиценцирани застапници во осигурувањето во првата половина од годинава продале полиси во вредност од  8,7 милиони евра. Застапниците за таа услуга како провизија наплатиле 2,06 милиони евра од осигурителните компании чии полиси продавале.

Во овој период во нивната понуда доминира продажбата на задолжителните полиси за автомобилска одговорност со износ од 6,5 милиони евра односно 75 отсто од целата продажба на полиси преку овој канал за продажба.

Банките се јавуваат како посредници во продажбата на осигурителни продукти на нивни клиенти – кредитобаратели. Во првата половина на годинава банките продале осигурителни полиси во вредност од 1,63 милиони евра.

Во таа продажба најголемо учество имаат полиси за осигурување имот кои се поврзани со станбените кредити и тие изнесуваат 1 милион евра. Банките од друштвата за неживотно осигурување за првата половина од годинава наплатиле провизии во вкупен износ од 471.000 евра.

Како посредници во купопродажба на осигурителни продукти на пазарот учествуваат и салоните за автомобили и туристичките агенции. Преку салоните за продажба автомобили во овој период се продадени полиси за осигурување во вредност од 98.000 евра, а преку туристичките агенции продажбата за овој период изнесува 57.000 евра.

The post КОЛКУ Е ИСПЛАТЛИВО ДА СЕ БИДЕ ПОСРЕДНИК ПРИ ОСИГУРУВАЊЕ? Осигурителните компании платиле 10,2 милиони евра провизии за 6 месеци appeared first on plusinfo.mk.

Податоците за исплатени штети и продадени полиси потврдуваат дека приватното здравствено осигурување, во контекст на актуелната здравствена пандемија, станува многу популарно и се пошироко прифатено кај осигурениците (граѓани и правни лица). Истовремено се зголемуваат износите кои осигуреници ги вложуваат во приватно здравствено осигурување со цел да обезбедат поквалитетна здравствена заштита од јавното здравство, која не е на товар на државниот буџет и на државниот Фонд за здравствено осигурување.

Во првите шест месеци годинава осигурителните компании кои продаваат полиси за приватно здравствено осигурување ликвидирале т.е. исплатиле 9.144 оштетни побарувања на свои осигуреници. Тоа е за 68 отсто повеќе во споредба со истиот период претходната година кога друштвата за осигурување ликвидирале 5.432 штети. Во првото полугодие се продадени 9.870 полиси за приватно здравствено осигурување што е за 46 отсто повеќе од истиот период во 2020 година.

За првите шест месеци годинава до АСО се доставени само две претставки од незадоволни осигуреници за покритие на штета по полиса за приватно здравствено осигурување.

Вредноста на штети исплатени за приватно здравствено осигурување достигна 5 отсто во вкупниот износ на бруто исплатени штети (БИШ) за првото полугодие оваа година. За овој период учеството на исплатени штети за приватно здравствено осигурување порасна за 67 отсто во споредба со истиот период лани кога оваа класа осигурување во БИШ учествуваше со 3 отсто.

Највисоката поединечна исплатена штета покриена со приватно здравствено осигурување изнесува 10.000 евра.

The post ОСИГУРЕНИК НАПЛАТИЛ 10.000 ЕВРА ШТЕТА ПО ЗДРАВЈЕ Исплатени 1,5 милиони евра штети од овој вид осигурување appeared first on plusinfo.mk.

Во споредба со истиот период минатата година износот на бруто исплатени штети (БИШ) кои осигурителите ги платиле на осигуреници е повисок за 5,2 милиони евра односно 20 отсто.

Во значајна мерка влијание врз растот на исплатените штети има зголемувањето на вкупната мобилност како и активностите во сите општествени сфери. Тие се интензивираа по укинувањето на мерките и ограничувања кои, истиот период лани, беа на сила заради превенција од глобалната здравствена пандемија предизвика од коронавирусот.

Значаен раст на исплатените штети има кај осигурувањето имот. Во првите шест месеци годинава 11 осигурителни друштва за неживотно осигурување на своите осигуреници за штети на осигурен имот им исплатиле 4,75 милиони евра што е за 18,5 отсто повеќе од истиот период минатата година.

Кај осигурувањето од автомобилска одговорност (најзастапено осигурување задолжително со закон) износот на исплатени штети изнесува 17 милиони евра. Во споредба со истиот период лани износот на исплатени штети е зголемен за 21 отсто односно 3 милиони евра.

Кај класата на доброволно автомобилско осигурување т.е. каско осигурување за овој период компаниите исплатиле штети во вредност од 3,6 милиони евра.

Осигурителните друштва за останатите класи осигурување на своите осигуреници по пријавени штети им исплатиле 6,1 милиони евра во првата половина годинава. Тоа е за 38 отсто повеќе во споредба со истиот период минатата година.

Од вкупно 11 компании за неживотно осигурување кај десет друштва се зголемени износите исплатени за надомест на штети. Најголем раст во овој период имаат: „Кроација осигурување – неживот“ со 64 отсто, „Халк осигурување“ со 61 отсто, „Уника“ со 42 отсто,  „Евроинс осигурување“ и АДОР „Македонија“ со раст од 22 отсто и „Сава осигурување„ со раст од 17 отсто. Следува „Винер ВИГ“ со раст од 5 отсто па „Триглав Осигурување“, „Еуролинк Осигурување“ и „Граве неживот“ со по 4 отсто раст на износите на бруто исплатени штети.

Најголемо учество во вкупниот износ на исплатени штети за првото полугодие имаат „Триглав осигурување“ со 3,95 милиони евра, „Халк Осигурување“ и „Евроинс Осигурување“ кои исплатиле по 3,6 милиони евра. По нив следуваат: „Сава Осигурување“ и „Уника“ со по 3,25 милиони евра, „Еуролинк осигурување“ со исплатени 3,1 милиони евра, АДОР „Македонија“ и „Винер ВИГ“ со по 2,67 милиони евра. „Кроација осигурување – неживот“ исплатила 2,2 милиони евра, „Осигурителна полиса“ 2,1 милиони евра и „Граве неживот“ 1,06 милиони евра.

The post ОЛАБАВЕНИТЕ МЕРКИ ГИ ОЛЕСНИЈА ОСИГУРИТЕЛНИТЕ КОМПАНИИ За штети исплатиле 31,5 милиони евра appeared first on plusinfo.mk.

Како што рече Бошковска Јанковски на прес-конференција во Владата, Трговскиот регистар има поднесено 60.810 годишни сметки и 3.720 субјекти поднеле известување дека немале деловна активност или вкупно 64.530 трговски друштва. Од нив, 43.672 се микро субјекти, 19.506 се мали, 852 се средни и 500 се големи. Притоа, 44.798 субјекти оствариле добивка при своето работење, а 19.732 оствариле загуба.

– Од банките и другите финансиски институции кои се големи субјекти, годишни сметки поднеле 29. Од нив, 24 оствариле добивка, а пет загуба. Од осигурителните компании 17 поднеле годишни сметки. Од нив 11 работат со добивка, а шест со загуба. Од непрофитните организации, пак, до Централниот регистар се доставени 3.406 годишни сметки, 3.098 имаат вишок приходи, а 308 имаат непокриени расходи – информира директорката.

Според Бошковска Јанковски, од самостојните вршители на дејност се поднесени 10.504 годишни сметки, од нив 8.697 оствариле нето приход пред оданочување, а 1.807 загуба пред оданочување.

The post Пет банки и шест осигурителни компании пријавиле загуба за 2019 година appeared first on plusinfo.mk.