Италијанската влада денес постигна договор, според кој банките и осигурителните компании треба да придонесат со околу 11 милијарди евра во буџетот во период од три години, што ќе помогнат во финансирањето на намалувањата на данокот на доход за средната класа.

За 2026 година, финансискиот и осигурителниот сектор треба да издвојат 4,3 милијарди евра, приближно иста сума се очекува во 2027 година, додека во 2028 година таа бројка ќе изнесува повеќе од 2 милијарди евра.

Спогодбата е постигната по месеци јавни несогласувања меѓу коалициските партнери, а вклучува дополнителен данок што ќе го финансира и здравственото осигурување, како и опционален данок на резервите на капиталот на банките.

Се очекува дека дополнителното оданочување негативно ќе влијае на капиталот и профитот на банките, но и дека банките ќе успеат да се справат со оваа ситуација.

Оваа мерка е дел од стратегијата на премиерот Мелони за зајакнување на поддршката на гласачите од средната класа пред следните парламентарни избори во 2027 година.

The post МЕЛОНИ ГО НАМАЛУВА ДАНОКОТ НА ДОХОД ЗА СРЕДНАТА КЛАСА Загубата на приходот во буџетот ќе го покријат осигурителните компании и банките appeared first on plusinfo.mk.