Кривична пријава е поднесена против А.Л. (36) од село Пласница, општина Македонски Брод, поради оштетување на историскиот воз „Ќиро“ во Кичево, соопштија од полицијата.

Настанот се случил на 11 ноември 2025 година на булеварот Ослободување во Кичево, кога пријавениот бил затекнат како оштетува прозорец на еден од вагоните на познатиот музејски воз.

Станува збор за воз кој претставува дел од културното наследство и е заведен во музејска евиденција како историски предмет што потекнува од 1917 година.

По документирањето на случајот, против лицето е поднесена кривична пријава за оштетување или уништување на добра под привремена заштита или културно наследство или природни реткости.

Полицијата продолжува со постапката за целосно расчистување на случајот.

The post ГО ОШТЕТИЛ ВОЗОТ „ЌИРО“ И ДОБИЛ КРИВИЧНА Приведен жител на Пласница appeared first on plusinfo.mk.

 Лепенки со кирилични букви на сообраќајни знаци и јавна опрема ги довеле хрватските истражители до тројца државјани на Македонија. Полицијата во Дубровничко-неретванската жупанија соопшти дека против нив е поднесена кривична пријава поради сомнение за оштетување на туѓ имот.

Според полициските информации, случајот бил откриен по пријави добиени минатата недела во областа Цавтат.

Знаците ја изгубиле намената

Истражителите утврдиле дека биле облепени сообраќаен знак, информативна табла и корпа за отпадоци.

Од полицијата наведуваат дека поради поставените налепници предметите ја изгубиле својата намена и препознатливост.

Во соопштението се наведува дека лепенките содржеле кирилични букви.

Двајца пронајдени веднаш, третиот на аеродром

По добивањето на пријавата, полицијата пронашла двајца осомничени.

Третиот бил лоциран следниот ден, на 30 мај, на аеродром.

Станува збор за мажи на возраст од 23, 25 и 26 години.

Сите имаат престој во Хрватска

Според хрватската полиција, тројцата имаат регулиран престој во земјата. Тие биле приведени во полициски простории каде била спроведена кривична постапка.

Осомничените биле предадени на притворската единица на Полициската управа Дубровничко-неретванска.

The post МАКЕДОНЦИ ПРИВЕДЕНИ ВО ХРВАТСКА Ставале лепенки со кирилични букви на сообраќајни знаци appeared first on plusinfo.mk.

Основното јавно обвинителство Скопје отвори постапка против 55-годишен маж осомничен дека ја оштетил влезната врата на Амбасадата на Република Бугарија во Скопје.

Инцидентот се случил на 11 јануари, кога осомничениот, како што информираат од Обвинителството, од омраза фрлил камен кон влезната врата на амбасадата и го скршил стаклото, по што веднаш се оддалечил од местото на настанот.

По пријавата, полицијата започнала потрага по сторителот, а случајот бил преземен од Јавното обвинителство, кое сега води постапка за кривично дело оштетување туѓи предмети.

Јавниот обвинител побарал од судот да му биде одреден притвор на осомничениот, оценувајќи дека постои опасност тој да се даде во бегство или да го повтори делото.

The post ОД ОМРАЗА УДРИЛ СО КАМЕН ВО АМБАСАДАТА Покрената постапка против 55-годишен маж, ОЈО бара притвор appeared first on plusinfo.mk.

Полицијата го приведе 54-годишниот Ш.А. од Скопје, осомничен дека го оштетил стаклото на влезната врата на Амбасадата на Република Бугарија во Скопје.

Инцидентот се случил вчера, а по пријавата, полициски екипи започнале потрага по сторителот. Денеска напладне, околу 12:40 часот, осомничениот бил пронајден и уапсен на улицата Кирил и Методиј во центарот на Скопје.

Од Министерството за внатрешни работи информираат дека по целосно документирање на случајот ќе биде поднесена соодветна кривична пријава. Засега не се соопштуваат дополнителни детали за мотивите на инцидентот.

 

View this post on Instagram

 

A post shared by Plusinfo.mk (@plusinfo.mk)

ПОГЛЕДНЕТЕ КАКОВ СТРАШЕН НАПАД ВРЗ БУГАРСКАТА АМБАСАДА ВО СКОПЈЕ Опасен хулиган свиткал џам

The post РАСЧИСТЕН ИНЦИДЕНТОТ ПРЕД БУГАРСКАТА АМБАСАДА Уапсен 54-годишниот скопјанец кој го скрши стаклото appeared first on plusinfo.mk.

Во неделата попладне на прилепската улица Тризла се случила масовна тепачка меѓу две групи лица, при што бил нарушен јавниот ред и мир, а според информациите од полицијата, настанала и материјална штета.

Според соопштението на Министерството за внатрешни работи, инцидентот бил пријавен на 19 октомври околу 14:30 часот во ОВР Прилеп. Во тепачката учествувале седум лица — Д.С. (24), Б.С. (40), Е.С. (24) и еден 14-годишен малолетник од една страна, и Џ.Д. (19), А.Д. (45) и уште еден 14-годишен малолетник од другата страна.

Во физичката пресметка биле употребени различни предмети, при што е оштетено патничко возило и дел од еден продажен објект.

Од МВР информираа дека се преземаат мерки за целосно расчистување на настанот и утврдување на одговорноста на сите учесници.

The post ИСКРШИЛЕ ВОЗИЛО И ОШТЕТИЛЕ ПРОДАВНИЦА Малолетници учествувале во масовна тепачка во Прилеп appeared first on plusinfo.mk.