Основното јавно обвинителство Битола отвори предистражна постапка против две физички и две правни лица по кривична пријава поднесена од СВР Битола. Според пријавата, осомничените со лажни ветувања за исплата успеале да измамат вкупно 27 лица, од кои 25 земјоделци и две превозни фирми, при што се стекнале со противправна имотна корист од 141.650 евра.

„Постапката е во почетна фаза и се преземаат сите потребни дејствија за обезбедување докази. Согласно пријавата, осомничените со намера за прибавување имотна корист ги довеле во заблуда оштетените, преземајќи житна култура без да ја платат“, соопштија од полицијата.

Како што информира МВР, првопријавениот Д.Н. (30) од село Долно Оризари, како управител во двете правни лица, заедно со второпријавениот П.Н. (57) од село Путурус, сопственик на истите фирми, во текот на 2023 и 2024 година убедувале земјоделци од Пелагонија да им ја предадат својата жетва со ветување дека ќе бидат исплатени во договорен рок.

Сепак, откако земјоделците и двете транспортни компании ја исполниле својата обврска, осомничените не извршиле ниту една исплата.

The post 27 ЗЕМЈОДЕЛЦИ ИЗМАМЕНИ ЗА ПОВЕЌЕ ОД 140.000 ЕВРА Масовна измама во Пелагонија со откуп на жито appeared first on plusinfo.mk.

Сѐ повеќе граѓани се жртви на измами со биткоини во Македонија, а овој пат, мета се охриѓани. Во вторникот двајца охриѓани биле жртви на телефонски измами, еден од нив бил оштетен за сума од 730.000 денари, а другиот бил измамен за сума од околу 6.000 евра.

На 26 ноември 2024 година, во 11.00 часот во СВР Охрид, 54-годишник од Охрид пријавил дека бил измамен од едно лице за сума од околу 730.000 денари. Според пријавеното, лицето му се јавило на 15 ноември 2024 година и се претставило како претставник на фирма која работи со биткоини и дека е добитник на 15.000 долари како нивен корисник, а потоа му кажало дека за да ги подигне, ќе треба да инсталира апликација преку која ќе се изврши наплатата, но дека прво ќе треба да изврши уплата на одредена сума на пари.

„Како што е пријавено, во два наврата тој ги уплатил парите, за што подигнал и брз кредит од финансиско друштво. Исто така, според пријавеното, на 24 ноември 2024 година им пишал на нивната електронска адреса со барање за информација кога ќе ги добие парите, а откако го известиле дека биле заглавени во Народна банка, пишал и на официјалната електронска адреса на банката, од каде што добил известување дека тие не се нивни уплатници и дека најверојатно станува збор за измама“, соопшти Министерството за внатрешни работи.

Се преземаат мерки за расчистување на случајот.

• СКОПЈАНЕЦ ИЗМАМЕН ЗА 683.000 ДЕНАРИ Го убедиле да даде код од мобилниот телефон
• ИСТА ШЕМА, РАЗЛИЧНИ ЖРТВИ Втора измама со биткоини во Куманово, жена била оштетена за околу 88.000 денари

„На 26 октомври 2024 година, во 15.30 часот во СВР Охрид, 47 -годишник од Охрид пријавил дека бил измамен од едно лице за сума од околу 6.000 евра. Според пријавеното, пред извесно време на една апликација отворил негов електронски паричник и уплатил 100 евра, но парите му пропаднале и не пријавил затоа што станувало збор за помала сума. Како што е пријавено, на 20 ноември 2024 година, на социјална мрежа забележал објава со понуда за враќање на украдени пари и се регистрирал, а по неколку дена му се јавило лицето и тој го запознал со неговиот проблем“, се наведува во соопштението на МВР.

Исто така, според пријавеното, по неколку дена лицето повторно му се јавило и го известило дека на неговата сметка во Народна банка имал заглавени 15.630 долари и „за да можат да ја извршат уплатата, ќе требало да инсталира една апликација и да го зголеми лимитот во неговата банка на приближно иста сума колку што треба да му биде исплатено“. Откако сторил како што му било кажано, забележал дека од неговата сметка биле направени две трансакции од 6.000 евра.

Се преземаат мерки за расчистување на случајот.

The post ПРЕДУПРЕДУВАЊЕ, СУРОВИ ИЗМАМИ СО БИТКОИНИ ЈА ТРЕСАТ МАКЕДОНИЈА Двајца охриѓани останаа без илјадници евра appeared first on plusinfo.mk.

„Во периодот од 30 април до 13 мај 2024 година, Е.И.В. и уште едно лице телефонски се јавувале кај повозрасни граѓани на Охрид и лажно се претставувале како службени лица, по што им кажувале дека членови на нивните семејства предизвикале сообраќајни незгоди во кои имало жртви“, велат од СВР Охрид.

Полицијата објаснува дека измамниците ги доведувале во заблуда и на оштетените им барале пари со цел да ги ослободат од затворски казни, по што А.Т. одел на средба со оштетените, ги земал парите и во соседна земја ѝ ги предавал на Е.И.В.

На овој начин, тие извршиле три кривични дела со што се стекнале со вкупна противправна имотна корист од 1.894.983 денари.

The post „ВАШИОТ СИН УСМРТИ ЧОВЕК, ПЛАТЕТЕ ДА НЕ ОДИ ВО ЗАТВОР“ Бугарин и Македонец мамеле повозрасни охриѓани и им изнудувале пари appeared first on plusinfo.mk.

Како што објавува Основното јавно обвинителство Гостивар донесена е Наредба за спроведување истражна постапка против едно лице за продолжено кривично дело – Измама согласно член 247 став 3 во врска со став 1 и во врска со член 45 од Кривичниот законик.

– Осомничената, во периодот од март 2022 до март годинава, прикажувајќи се како вработено лице во Германската амбасада во Скопје и во Министерството за внатрешни работи на РСМ, довела во заблуда осум оштетени лица од Гостивар. Целта и била, искористувајќи исти или слични прилики, да прибави за себе противправна имотна корист – велат од ОЈО.

Таа на жртвите им нудела да им обезбеди работни визи за Германија или сертификати за познавање на германски јазик, а во замена наплатувала парични средства. На тој начин, од сите оштетени, успеала да се стекне со вкупна противправна имотна корист од околу 18.500 евра. Откако ќе им ги земела парите, потоа повеќе не им се јавувала на телефонските повици – објаснуваат од ОЈО.

Од Обвинителство додаваат дека со цел обезбедување во секој од случаите поединечно, надлежниот јавен обвинител најпрвин предложи на два пати по 48 часа притвор за осомничената, а по истекот поднесе и предлог за определување мерка притвор. Со Решение на Основниот суд во Гостивар на осомничената и е определен притвор во траење од 30 дена.​​

The post ПОЛИЦИЈАТА Ѝ ЗАТРОПА НА ВРАТА Притвор од 30 дена за измамничката која лажно нудела германски работни визи и заработила 18.500 евра appeared first on plusinfo.mk.

Како што соопшти Јавното обвинителство, на барање на Истражен судија од Основниот суд на Бамберг, за потребите на предмет оформен во Бамберг – Германија, преку македонскиот јавен обвинител за врски во ЕВРОПРАВДА, јавен обвинител од Основното јавно обвинителство за гонење на организиран криминал и корупција и обвинители од обвинителство Бамберг – Германија реализираа заеднички активности.

Според наводите во доставеното барање, како што е наведено во соопштението, тамошниот суд донел одлука за спроведување на истражна постапка против македонски државјани за кои постои основано сомнение дека сториле кривично дело – Измама.

– Имено, во 2016 година, со цел да извршува заеднички континуирани кривични дела на измама во форма на т.н. сајбертрејдинг, била создадена организирана криминална група на која припадници станале многу лица од голем број европски земји, меѓу кои и осомничените. Групата инсталирала голема мрежа на лажни фирми и управувала со бројни трејдинг платформи. Воедно, со цел да ги извршува делата отворила повикувачки центри, организирани во т.н. дескови според мајчиниот јазик на клиентите – информираат од Обвинителството.

Оттаму посочуваат дека, членовите на групата во улога на агенти, на различни домени се обраќале на заинтересирани лица и создавале привид дека тргуваат со различни финансиски инструменти, особено со бинарни опции, ЦФД-а, Форекс и криптовалути. Користејќи т.н. афилијативен маркетинг и манипулативни реклами групата врбувала бројни клиенти да пополнат контактен формулар во кој ги оставале нивните лични податоци. „Агентите” потоа преку повикувачките центри телефонски стапувале во контакт со интересентите и им ветувале високи добивки за првична уплата од 250 евра. Овие центри функционирале во две одделенија – одделение со конверзиони агенти чија задача била да го убедат клиентот да изврши прва уплата и одделение со ретенциони агенти кои понатаму се грижеле за клиентите, односно на жртвите лажно им ја прикажувале нивната уплата и можностите што им се нудат преку различни финансиски продукти. Најголем број на вакви центри се отворени во Албанија, Грузија, Северна Македонија и Украина.

Откако средствата биле уплаќани, „агентите” симулирале наводна трговија со финансиски инструменти која никогаш не се случувала. Уплатените пари, членовите на групата ги присвојувале за себе и според пресметките на ЕВРОПРАВДА причинетата штета се проценува на 50 милиони евра годишно.

Во Скопје од 2019 година групата инсталирала два повикувачки центри што работеле на истиот начин, а каде осомничените се јавуваат како сопственик и управители на повикувачките центри. При извршените претреси се одземени уреди за електронска комуникација, а јавните обвинители ги сослушаа осомничените лица.

Во рамките на целата акција се претресени 15 повикувачки центри (шест во Албанија, пет во Грузија, три во Украина и еден во Северна Македонија), како и 27 други локации, а пет осомничени од кои четири во Албанија и едно во Грузија се уапсени. При претресите одземени се околу 500 електронски уреди, 344.101 евро во готовина, мобилни телефони, банкарски сметки, паричници за криптовалути, имот, лични документи и банкарски картички, како и стотици други документи. Во акцијата освен надлежните органи на државите каде што беа спроведени активностите, учествуваа и Финска, Германија, Латвија, Шведска и Шпанија.

Бројот на жртвите на оваа голема онлајн измама се проценува на стотици илјади, што укажува на потребата потенцијалните инвеститори да бидат дополнително внимателни при онлајн инвестирање и да проверуваат дали веб-страниците припаѓаат на правните лица што легитимно работат, се наведува во соопштението од Јавното обвинителство.​

The post НАВЛЕКУВАЛЕ ЛУЃЕ ДА ВЛОЖАТ 250 ЕВРА Македонци вмешани во голема крипто-измама вредна 50 милиони евра годишно appeared first on plusinfo.mk.

Потпретседателот на хрватската влада, Томо Медвед, министерот за просторно планирање Иван Паладина и министерката за земјоделство Марија Вучковиќ ќе ја посетат Чазма, откако областа денеска беше опустошена од силно невреме.

Како што потврдиле од Владата, во Чазма ќе го посетат подрачјето кое настрадало во силното невреме.

Силниот ветер однел покриви, корнел дрвја и превртел камиони, а според првичните информации, причинета е голема материјална штета на покривите на семејните куќи и деловните објекти, возила и на основното училиште. Делови од градот останале без струја поради паднати далноводи.

The post ПРЕВРТЕНИ КАМИОНИ, СМАЧКАНИ ВОЗИЛА Страшно невреме ја зафати Хрватска (ВИДЕО) appeared first on plusinfo.mk.

Се претпоставува дека причината за паѓањето на дрвото е дождот што интензивно врнеше деновиве, а особено денеска.

The post СЕ ОТЦЕПИ ДЕЛ ОД ЛИПА НА ЛЕНИНОВА Настрадаа две возила appeared first on plusinfo.mk.

Телевизијата од извори во полицијата дознава дека мотивот за кршење на камерите бил да не се снимаат докази од ситуации кога полицајци ја злоупотребуваат службената положба. МВР повело повеќе истражни постапки за докажување на одговорноста за намерно уништување на камерите, но засега нема кривични пријави.

МВР пред два дена соопшти дека води истрагата за скандал со земањето поткуп на овој граничен премин.

The post ПОЛИЦАЈЦИ ОШТЕТИЛЕ КАМЕРИ ЗА ДА НЕ СЕ ГЛЕДА ДЕКА ЗЕМААТ МИТО Внатрешната контрола во МВР поведе истрага appeared first on plusinfo.mk.

Во 21.15 часот вчера Б.И.(32) од Скопје пријавил дека истиот ден околу 20 часот на ул Дижонска оштетено било неговото патничко моторно возило „фолксваген пасат“ со скопски регистарски ознаки и патничко моторно возило „форд“ со скопски регистарски ознаки, сопственост на Х.А.(46) од Скопје.

Возилата биле паркирани на улицата веднаш до ѕидот на соседот Н.И.(54), а во еден момент од непознати причини ѕидот паднал врз возилата и ги оштетил.

Од полициски службеници од СВР Скопје било излезено на местото на настанот.

The post НА ДИЖОНСКА ПАДНАЛ ЅИД Оштетени се две возила appeared first on plusinfo.mk.

Едногласна одлука за пренамена на средствата во буџетот донесе Советот на Општината на денешната вонредна седница, на која беше формирана и стручна комисија за проценка на штетите од огнената стихија.

– Со оглед на итноста на одлуката, ги зголемуваме средствата определени со програмата на Советот за постојани резерви, при што се прави привремено намалување во делот наменет за уредување на градежното земјиште. Се работи за првично надоместување на штетите што ќе ги утврди Комисијата за проценка, а ќе се бара дополнителна финансиска помош од државниот буџет – истакна Александар Јосифов, секретар на Општина Кочани.

Од пожарот во западниот дел на Кочани настрадаа куќи и помошни објекти во Белско Маало, како и штали со крупен добиток и живина, во кои настрада дел од добитокот.

The post Општината Кочани ќе даде пари за оштетените во пожарот appeared first on plusinfo.mk.