Најмалку четири лица загинаа, а 17 беа повредени кога цистерна со течен  гас(LPG) се преврте и експлодираше на автопат во метрополитенската област Сантијаго, Чиле., предизвикувајќи огромна огнена топка и сообраќаен хаос.

Цистерната превезувала течен гас од терминал во Кинтеро, крајбрежен град во регионот Валпараисо, околу 160 километри северозападно од Сантијаго, до фабриката на Гаско во Маипу, главната фабрика за течен гас.

Според извештаите, возилото ја изгубило контролата, се превртело, удрило во заштитни бариери и во други возила, по што бил ослободен голем облак од гас, кој се запалил и се претворил во огнена топка.

Експлозијата била почувствувана во радиус од 150 до 200 метри, оштетувајќи најмалку 50 возила.

Според информациите, службите за итни случаи се бореле со пожарот со часови, спроведувајќи контролирано согорување на преостанатиот гас и ладење на резервоарот за да спречат понатамошни експлозии.

Deadly gas truck blast rocks Chile’s capital

Gas truck explodes on highway in Renca district of Santiago, killing at least four people and injuring 17 others

Moment of explosion shows massive fireball engulfing roadway pic.twitter.com/axPSHzf5WA

— Anadolu English (@anadoluagency) February 20, 2026

Делот од автопатот останал затворен, што предизвикало голем сообраќаен метежи.

Чилеанските власти потврдија четири смртни случаи, вклучувајќи го и возачот на камионот, додека 17 лица се повредени, од кои неколку се во критична состојба поради тешки изгореници.

Според извештаите, Обвинителството истражува снимки од безбедносните камери, кои укажуваат на можност за грешка на возачот, како што се пребрзо возење или губење на контролата врз возилото.

The post 🎥 ЦИСТЕРНА СО ТЕЧЕН ГАС СЕ ПРЕВРТЕ И ЕКСПЛОДИРА НА АВТОПАТ ВО ЧИЛЕ И ПРЕДИЗВИКА ХАОС Четири лица загинаа, 17 се повредени, а ударот е почувствуван во радиус од 200 метри appeared first on plusinfo.mk.

Силниот ветер синоќа собори повеќе дрва во Скопскиот регион и предизвика штети, информира Центарот за управување со кризи.

„Како резултат на силниот ветер во Скопската Котлина, на 6 локации се пријавени паднати дрвја и искинати кабли, при што е причинета материјална штета на повеќе автомобили. За состојбата се известени СВР Скопје и Јавното претпријатие „Паркови и зеленило“, кои преземаат мерки во рамки на своите надлежности“, информира ЦУК.

Од „Паркови и зеленило“ ги предупредуваат граѓаните да внимаваат каде ги паркираат своите автомобили.

„Според најавата од Управата за хидрометеоролошки работи, денеска се очекува да дува умерен до засилен ветер од северен правец, особено претпладне. Ги информираме граѓаните да не ги паркираат возилата под дрвјата, со цел да се избегнат несакани последици. Доколку забележите паднато дрво ве молиме да пријавите во ЦУК на телефонот 112 или на дежурните телефони објавени на веб страната на претпријатието“, соопшти „Паркови и зеленило“.

Градоначалникот на Скопје Орце Ѓорѓиевски соопшти дека екипите се на терен и се реагира навремено и координирано.

„Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Нашите служби веднаш излегоа на терен и постапуваат со целосна мобилизација, за да се отстранат опасностите и да се обезбеди безбедно движење за граѓаните. Се сечат и расчистуваат паднатите дрвја, се отстрануваат скршените гранки и се нормализира сообраќајот таму каде што имаше застој. Приоритет ни е безбедноста на граѓаните и непреченото функционирање на градот“, објави Ѓорѓиевски на својата страница на Фејсбук.

Апелирам до сите на зголемена внимателност додека траат активностите на терен, додаде тој.

The post СИЛЕН ВЕТЕР СОБОРИ ПОВЕЌЕ ДРВЈА ВО СКОПЈЕ Има оштетени автомобили и искинати кабли, надлежните ги санираат проблемите appeared first on plusinfo.mk.

Триесет и четири патнички возила биле оштетени на паркинг на булеварот „АСНОМ“, а вкупната материјална штета е проценета на околу 11.000 евра, информираат од МВР.

– Денеска е пријавено дека од синоќа во 23.00 часот до 09.00 часот денеска паркинг простор на булеварот  АСНОМ се оштетени 34 патнички возила со вкупна материјална штета од околу 11.000 евра информираа од  МВР.

На местото и направен увид, а полицијата го бара сторителиот.

The post НЕКОЈ ЦЕЛА НОЌ СЕ „ЗАБАВУВАЛ“ НА ПАРКИНГ НА БУЛЕВАРОТ АСНОМ Зад себе оставил 34 оштетени возила appeared first on plusinfo.mk.

23-годишниот К.Ж. од Куманово синоќа беше приведен откако по кошаркарскиот натпревар меѓу МКК Куманово и КК Пелистер учествувал во пресметка меѓу навивачите и оштетувал возила на гостинскиот тим. Инцидентот се случил околу 21 часот во спортската сала во Куманово.

Според информациите од кумановската полиција, веднаш по завршувањето на натпреварот настанала масовна тепачка меѓу двете навивачки групи, при што биле нападнати и полициски службеници кои се обиделе да воспостават ред.

„Лицето К.Ж. е забележано како со тврд предмет оштетува неколку возила на гостинскиот клуб. Тој беше приведен веднаш по интервенцијата, а случајот е целосно документиран“, информираа од СВР Куманово.

Полицијата додава дека работи на идентификација и пронаоѓање на сите лица кои учествувале во пресметката.

„Во тек е постапка за утврдување на учесниците во групната пресметка и ќе следуваат соодветни пријави“, велат од МВР.

The post ПРИВЕДЕН КУМАНОВЕЦ ПО ТЕПАЧКА НА КОШАРКА Навивачи се пресметаа, а еден од нив оштети возила на гостинскиот тим appeared first on plusinfo.mk.

Ја скршиле вратата од нејзиниот дом, а оштетиле и четири соседни куќи и возила, кавадарчанка пријавила напад во полиција, информираа денеска од Секторот за внатрешни работи Велес.

„Рано утрово по полноќ во 00.00 часот во ОВР Кавадарци, 22-годишната А.Б. од Кавадарци пријавила дека неколку машки лица ја скршиле влезната врата од нејзиниот дом, по што оштетиле и четири соседни куќи, сопственост на М.Ф., Е.Ф., Р.Ф. и А.Р. а во некои од нив влегле и ја оштетиле и покуќнината, а потоа оштетиле и три возила кои биле паркирани во близина на куќите“, соопштија од СВР Велес.

Известен бил јавен обвинител, а увид извршила увидна екипа од ОВР Кавадарци. Се преземале мерки за расчистување на настанот и пронаоѓање на сторителите.

The post СКРШЕНИ ВРАТИ, ДЕМОЛИРАНИ КУЌИ И ВОЗИЛА Млада девојка од Кавадарци пријавила масовен вандализам appeared first on plusinfo.mk.

Преку Единствениот повикувачки број за итни случаи 112 во ЦУК е добиена пријава за паднато дрво на ул. Анкарска кај популано именуваниот реон „Млечен ресторан“.

Паднатото дрво има оштетено 3 автомобили. Полиција е на лице место и настанот е пријавен во ЈП „Паркови и зеленило“ за да го отстранат паднатото дрво од улицата.

Исто така, дрвото, при паѓањето, има скинато кабли од бандера. Од ЦУК, преку Секторот за операции и координација (СОК), паралелно со известувањето на Полицијата, се известени и координирани надлежните институции за санација на скинатите и откачени кабли.

The post ДРВО ОШТЕТИ ТРИ ВОЗИЛА КАЈ „МЛЕЧЕН“ Инцидент во Скопје, надлежните го расчистуваат хаосот appeared first on plusinfo.mk.

Локалниот медиум „Кумановски муабети“ јави дека за време на дивеењето при прославата по кумановските улици биле оштетени шест возила во центарот на градот. Притоа, полициски службеници го привеле Б.Џ.(20) од село Липково поради непочитување на наредба. Од полицијата информираат дека по целосното документирање на случајот против него ќе следува соодветен поднесок.

Медиумот јави дека синоќа во Куманово се одржа прослава на плоштадот, поддржана од Општината, но потоа групи од луѓе го попречувале сообраќајот, дивееле по улиците, скандирале „УЧК“ и пееле националистички песни.

Вчерашните инциденти остро ги осуди градоначалникот на Општина Куманово Максим Димитриевски, кој ги повика институциите итно да реагираат.

„Јавно ги осудувам ваквите настани и барам од институциите на прогонот да истите вакви поединци и групи ги открие и изведе пред лицето на правдата и истите да бидат санкционирани според закон. Истото го очекувам и за мои колеги градоначалници на кои оваа не им е прв пат да го кршат законот без да поднесат одговорност. Да газиш и кинеш, уништуваш знаме на држава која те израснала, образовала платила и плаќа, вложува во тебе, е злосторство против истата и треба да одговараш,“ порача Димитриевски.

The post ОШТЕТЕНИ ШЕСТ ВОЗИЛА ВО КУМАНОВО ПРИ ПРОСЛАВАТА НА АЛБАНСКОТО ЗНАМЕ Полицијата привела жител на Липково appeared first on plusinfo.mk.

Според информациите, најголемиот дел од оштетените возила биле паркирани кај плажата во непосредна близина на хотелот „Зевс“, но имало оштетени возила и во центарот на Калитеа.

Сопствениците на оштетените возила се чувствуваат загрозено од овој немил настан, а истиот е пријавен и во полиција.

The post СКРШЕНИ СТАКЛА, ДУПНАТИ ГУМИ Оштетени десетина македонски возила во Грција appeared first on plusinfo.mk.

„ Осомничениот 48-годишник, на 22 јули, во алкохолизирана состојба, во катната гаража наспроти Трговскиот центар „Буњаковец“ во Скопје, со метална шипка (хебла) и брава од врата оштетил 18 паркирани моторни возила“,  соопшти ОЈО – Скопје.

Со оглед на тоа што е утврдено дека осомничениот со своите дејства причинил материјална штета од поголем обем, чиј вкупен износ се проценува на најмалку 208.000 денари, јавниот обвинител оцени дека е исполнет елементот на наведеното кривично дело, кое се гони по службена должност и за кое е предвидена казна затвор од една до 10 години.

„До судијата на претходна постапка од Основниот кривичен суд – Скопје, надлежниот јавен обвинител достави предлог за определување мерка притвор за осомниченото лице, оценувајќи дека постои опасност тој да се даде во бегство или да го повтори делото“, се додава во соопштението.

The post ПОВЕДЕНА ИСТРАГА ЗА ПИЈАНИОТ ШТО ОШТЕТИ 18 ВОЗИЛА ВО „БУЊАКОВЕЦ“ Направил штета од 208.000 денари appeared first on plusinfo.mk.

Според информациите автомобилите во катната гаража се со скршени стакла, скршени предни и задни шофершајбни, уништени врати…

Од Министерството за внатрешни работи за Плусинфо го потврдија случајот, велат дека работат на расчистување на истиот и дека во моментов немаат информации која е причината за овој вандалски чин.

– На 22.07 во 07.25 часот во СВР Скопје било пријавено дека во катна гаража во близина на трговски центар на подрачјето на Центар имало оштетено неколку возила. На лице место излезени полициски службеници и се работи на расчистување на случајот – велат од МВР за Плусинфо.

The post СКРШЕНИ СТАКЛА, ШОФЕРШАЈБНИ Вандали оштетиле околу 20 возила во катна гаража спроти „Буњаковец“ appeared first on plusinfo.mk.