Според неофицијални информации, убиен во престрелката во Чаир е Хебиб Буњаку, син на поранешниот функционер на ДУИ, Екрем Буњаку, кој бил директор на Државниот инспекторат за техничка инспекција. Според информациите на радио Лидер, ранет е Бесник Буњаку, кој е брат на убиениот Хебиб.

На социјалните медиуми граѓаните се простуваат од Хебиб и изразуваат сочувство до семејството Буњаку.

Според МВР, конфликтот, во кој едно лице беше убиено, а две беа ранети, настанал поради недоразбирање во сообраќајот, кое набрзо екалирало во оружен судир меѓу две групи.

– На 10.02.2025 околу 23.50 часот во СВР Скопје било пријавено дека на паркинг простор на подрачјето на Чаир, поради претходно недоразбирање во сообраќајот, настанала расправија помеѓу две групи, при што било употребено огнено оружје – рекоа од МВР.

Според МВР, пукањето се случило десетина минути пред полноќ, а потоа од Градската општа болница „Свети Наум Охридски“ било пријавено дека кај нив со повреди се донесени две лица од Скопје на возраст од 35 години.

– На 11.02.2025 во 00.06 часот, од Градската општа болница „Св. Наум Охридски“ било пријавено дека кај нив со повреди од огнено оружје биле донесени Х.Б.(35) и А.Д.(35), двајцата од Скопје, и дека подоцна Х.Б. починал, а над А.Д. била извршена интервенција и бил задржан на лекување. Поради повреди од огнено оружје, во Комплексот клиники „Мајка Тереза“ бил пренесен и Н.Д. од Скопје. По наредба на јавен обвинител, телото на починатиот било дадено на обдукција – додаваат од полицијата.

По преземени мерки, а поради сомнение дека учествувале во престрелката, полициски службеници од СВР Скопје околу 01.40 часот во болницата го лишиле од слобода Б.Б.(39) од Скопје, на подрачјето на Чаир го лишиле од слобода Н.Д.(22) од Скопје, додека, подоцна биле пронајдени и лишени од слобода Р.Р.(41) и К.Т.(28), двајцата од Скопје.

– Исто така, по преземени мерки, на местото биле пронајдени два пиштоли, неколку возила и други предмети поврзани со делото. Лицата биле задржани во полициска станица и по целосно расчистување и документирање на случајот, ќе бидат поднесени соодветни пријави – велат од полицијата.

На местото на инцидентот увид извршил дежурен јавен обвинител од Основното јавно обвинителство – Скопје, кој потврди дека се работи на детално расчистување на случајот.

„Според првичните сознанија, во престрелката учествувале повеќе лица, а од местото на настанот се подигнати траги и чаури кои ќе бидат предмет на вештачење. Обезбедени се и снимки од видео надзор кои се прегледуваат. Исто така, издадена е наредба за обдукција на телото на починатиот, а се работи на целосно испитување на настанот и утврдување на причините“, соопшти Јавното обвинителство.

ЕДЕН УБИЕН И ДВАЈЦА РАНЕТИ ВО ЧАИР Крвава престрелка во Скопје, полицијата уапси четири лица

The post УБИЕНИОТ ХАБИБ БУЊАКУ БИЛ СИН НА ФУНКЦИОНЕР НА ДУИ Недоразбирање во сообраќајот било причина за пукањето appeared first on plusinfo.mk.

Пукањето се случило околу 16 часот и 30 минути, кога двајца мажи на велосипед испукале рафал кон него. Во престрелката тоа бил повреден и државјанин на БиХ.

Напаѓачите имале ранец, во кој паѓале чаурите и многу брзо побегнале од местото на пукањето.

Полицијата потврди дека едно лице е убиено, а се утврдува степенот на повреди на уште едно лице. Полицијата блокираше дел од населбата, а потрагата по напаѓачите е во тек.

Сараевските медиуми јавија дека, според шведската полиција, станува збор за 30-годишен маж кој заедно со неговиот брат Денис се занимавал со продажба на наркотици, за што биле осудени.

Како што пишуваат шведските медиуми, Остердал бил лидер на нарко мрежата „Профит“, а пред пет години последен пат бил осуден на четири години затвор поради организирање на нарко синџир.

Покрај тоа, заедно со неговиот брат, тој е осуден и за прекршоци поврзани со употреба на оружје, поткуп, допинг, нелегално возење, како и употреба на Фејсбук за продажба на дрога.

The post 📽 ОРУЖЕНА ПРЕСТРЕЛКА ВО САРАЕВО Убиен Швеѓанец, водач на нарко картел appeared first on plusinfo.mk.