Американскиот претседател Доналд Трамп вчера го означи синтетичкиот опиоид фентанил како „оружје за масовно уништување“, како дел од напорите за справување со тековната криза со дрогата во САД, јави ДПА.

– Формално го класифицираме фентанилот како оружје за масовно уништување, што тој и е. Ниедна бомба не го прави она што го прави оваа дрога – рече Трамп додека ја потпишуваше наредбата во Вашингтон.

ДПА пренесува дека Трамп при тоа истакнал оти стотици илјади луѓе умираат секоја година од злоупотребата на фентанилот.

Фентанилот е моќен лек против болки кој медицински се користи за лекување на силна болка и во анестезија, но предизвикува голема зависност. Трамп рече дека самата супстанца не е по природа лоша, но може сериозно да се злоупотреби кога се меша со други супстанции.

Опиоидот предизвика сериозна криза со дрогата во САД. Фентанилот е до 50 пати посилен од хероинот, а предозирањето останува водечка причина за смрт кај американските граѓани на возраст од 18 до 44 години, покажуваат владините податоци. Само неколку милиграми можат да бидат фатални, велат властите.

Останува нејасно какво практично влијание ќе има ова означување од страна на Трамп. Во извршната наредба се наведува дека администрацијата ќе испита дали ситуацијата бара вклучување на Министерството за одбрана, вклучително и можна употреба на воени сили. Американската војска веќе спроведува операции против наркотици во Карибите, потсетува ДПА.

Според дефинициите на Обединетите нации, оружјето за масовно уништување вклучува нуклеарно, биолошко и хемиско оружје. Федералното биро за истраги на САД (ФБИ) смета дека и радиолошкото и експлозивното оружје може да предизвика широка штета врз луѓето, имотот и инфраструктурата, потсетува германската агенција.

The post „НИЕДНА БОМБА НЕ ПРАВИ ВАКВА ШТЕТА“ Трамп го прогласи фентанилот како оружје за масовно уништување appeared first on plusinfo.mk.

Иранскиот министер за надворешни работи, Абас Аракчи, изјави дека неговата земја, како најголема жртва на хемиско оружје во модерната историја, постојано била на чело на борбата против оружјето за масовно уништување, објави иранска новинска агенција.

Министерот издаде соопштение по повод 38-годишнината од монструозниот хемиски напад од страна на режимот на Садам Хусеин во Ирак против беспомошните жители на градот Сардашт во северозападен Иран (за време на иранско-ирачката војна во 1980-те години на минатиот век), а го одбележа и Националниот ден на борба против хемиското и биолошкото оружје.

„Исламската Република Иран, која е најголемата жртва на хемиско оружје во модерната историја, е силен поддржувач на свет без оружје за масовно уништување и иницијатор за ослободување на Блискиот Исток од нуклеарно оружје. Земјата отсекогаш била на чело на борбата против овој вид оружје“, се вели во соопштението.

Арагчи изрази надеж дека, благодарение на заедничките напори и решителноста, ќе дојде ден кога никој нема да стане жртва на оружје за масовно уништување, а мирот и пријателството ќе триумфираат над војната и насилството.

The post ИРАН СЕРИОЗНО ПОДДРЖУВА СВЕТ БЕЗ ОРУЖЈЕ ЗА МАСОВНО УНИШТУВАЊЕ Министерот Аракчи потсети на иранскиот напад со хемиско оружје врз Сардашт appeared first on plusinfo.mk.