Eлена Христова е пејачка, композиторка и основачка на бендот „Баклава“, кој досега снимил и објавил 5 албуми, од кои последниот – „Од Скопје со љубов“, беше објавен во 2023 година за CPL Music. Во 2022 година, „Баклава“ беше избрана да биде дел од проектот MOST Music.
Покрај работата со „Баклава“, Елена Христова неколку години беше пејачка на турскиот бенд „Баба Зула“, а имаше и многу други соработки, меѓу кои, работата со „The Backyard Jazz Orchestra“ и со Горан Трајковски од бендот „Анастасија“ во нивниот проект „Биоскопија“.

Со својот стил, Елена е синоним за светска музика, а тоа што го создава е секогаш поинакво и ново. Таков е и секој од петте албуми на Баклава. Пет албуми, секој различен од претходниот и постојано излегување од конфор-зоната.
„Баклава сум јас”, вели Елена, инсистирајќи на нови изрази и оригиналност, иако е свесна дека тоа понекогаш ги збунува луѓето.
Сепак, веќе добро знае кои се оние песни кои на концертите на „Баклава“ едноставно, мора да се отпеат. Така беше и на неодамнешниот концерт со кој овој бенд одбележа две децении од своето постоење.
Но, овојпат, повод за нашиот разговор беше нејзиниот прв соло албум „Јоруклук“, инспириран од животот и традицијата на Турците-Јуруци кои таа ги истражувала цели 15 години и не само што ги истражувала туку, како што вели, се соживеала со нив, едноставно, ги почувствувала како дел од себе. Песните од овој албум кој се најде и на винил и на ЦД, се комплетно авторски на Елена и отпеани на автентичен турски, јазикот на кој зборуваат Турците-Јуруци.

Целиот текст прочитајте го ТУКА. 

The post ОД ЏИМИ ХЕНДРИКС И ИНДЕКСИ, ДО СЕЛСКАТА ЧЕШМА ВО ЛЕСНОВО Таа е архитектка на звуци, мост помеѓу културите и чувар на традицијата appeared first on plusinfo.mk.

Утре вечер, 1-ви јули, на преубавата тераса на Бифе Тафталиџе, ќе се одржи слушачка промоција на албумот „Јоруклук“ на Елена Христова од „Баклава“, а ќе може да се купи и цеде или плоча од албумот.

Во пресрет на промоцијата, Елена ни кажа само дека албумот „Јоруклук“ е комплетно нејзин авторски албум, инспириран е од нејзините долгогодишни истражувања на Јуруците од Македонија. Целата приказна за неговото создавање Елена ќе ја раскаже на самата промоција.

Ако и вас ве збунува називот на албумот Јоруклук, да објасниме дека Yörük на турски е името за Јуруците, номадски или полу-номадски народ кој живее претежно во планинските подрачја на југозападна и јужна Турција, но историски и на Балканот (вклучително и во Македонија). „Yörüklük“ е турски збор и се користи за да го означи „јоручкиот начин на живот“, „јоручката традиција“ или „припадноста на јоруците“.

Интересно е и дека дизајнот на албумот е на Дивна Пешиќ Грозданов, македонска сликарка и членка на тимот на Македонија на Олимписките игри во 2000 и 2004, во стрелаштво.

Инаку, ова не е прва промоција на албум на Елена во Бифе Тафталиџе. Таму таа и нејзиниот бенд Баклава пред две години го промовираа албумот „За Скопје со љубов“, затоа што тоа е вистинското место кога станува збор за сите муабети, во случајов и песни, поврзани со Скопје.

Инаку, годинава Баклава прославува и две децении од своето постоење во текот на кои имаше пет различни изданија, претежно авторски песни, мешавина од повеќе јазици и музички стилови…

Нивниот прв албум „Баклава“ е концертен, „Калемар“ е нивниот прв студиски албум, создаден од композиции од самите членови. На третиот албум „Многу ми недостигаш“, се мелодии од различни народи, култури и религии.

„Четворката“ е нивниот најличен албум, кој излезе првпат и на винил, и буквално е дефиниција за World Music или музика на светот.

Петтиот албум „За Скопје со љубов“ излезе на ЦД и винил во 2023 година, под брендот на издавачот CPL Music.

Со музиката на Елена Христова, тие успеваат да ги спојат традиционалните звуци со модерни звуци од целиот свет…

The post „ЈОРУКЛУК“, НОВИОТ БИСЕР ОД ГРЛОТО НА ЕЛЕНА ХРИСТОВА Слушачка промоција на новиот албум на пејачката на „Баклава“ appeared first on plusinfo.mk.