Руската инвазија на Украина ја зголеми заканата од употреба на оружје за масовно уништување, вклучително и хемиско оружје, изјави денеска шефот на Организацијата за забрана на хемиско оружје – ОПЦВ (OPCW), Фернандо Аријас.

На годишниот состанок на ОПЦВ, тој додаде дека Организацијата внимателно ја следи ситуацијата во Украина.

– Ситуацијата во Украина повторно ја зголеми реалната закана од оружје за масовно уништување, вклучително и хемиско оружје – рече Ариас на состанокот во седиштето на организацијата во Хаг, нагласувајќи ја важноста на единството на меѓународната заедница во соочувањето со заедничките глобални предизвици поврзани со мирот и безбедноста.

Аријас ги потсети Русија и Украина дека се меѓу 193 земји кои „свечено и доброволно се обврзаа дека никогаш, под никакви околности, нема да развиваат, произведуваат, набавуваат, складираат, транспортираат или користат хемиско оружје“.

Тој потсети дека ОПЦВ ѝ обезбеди на Украина, на нејзино барање, обука на луѓе за итна интервенција во случај на хемиски напади.

The post РИЗИК ОД УПОТРЕБА НА ХЕМИСКО ОРУЖЈЕ ВО УКРАИНА Реална е заканата за употреба на оружје за масовно уништување appeared first on plusinfo.mk.