Кувајтски танкер кој носел нафта за Кина е погоден од неидентификуван проектил покрај брегот на Дубаи. Информацијата ја објави фирмата за поморско разузнавање „Вангард“. Според компанијата, пожарот на бродот е локализиран и нема пријавени повредени или штета.

Властите во Дубаи го потврдија инцидентот, но не го објавија името на бродот, што е вообичаена практика.

Танкерот превезувал околу 1,2 милиони барели саудиска и 800.000 барели кувајтска сурова нафта. Според достапните податоци, товарењето било завршено минатиот месец, а крајната дестинација е пристаништето Кингдао.

Во исто време, два контејнерски брода на кинеската компанија „Коско“ успешно поминале низ Ормускиот теснец. Вака сугерираат податоците на познатата вебстраница „Марин Трафик“.

Иранскиот министер за надворешни работи Абас Арагчи претходно изјави дека теснецот е „затворен само за непријатели“.

– Иранската војска веќе обезбеди безбеден премин за бродови од пријателски земји – додаде тој.

Во Дубаи се слушнале повеќе експлозии, објави Би-Би-Си. На социјалните мрежи се појавија снимки од ракети во небото на Дубаи. Се шпекулира дека пресретнувањето го чини Дубаи десетици милиони долари.

Властите соопштија дека системите за воздушна одбрана реагираат на ракетна закана. Граѓаните добиле итни известувања на мобилните телефони со повик да побараат засолниште. Овие аларми, карактеристични за регионот, почесто се активираат ноќе.

Според официјалните информации, повеќето закани биле пресретнати.

И други земји од Персискиот Залив утринава пријавија дека во текот на ноќта пресретнале ракети на Иран.

ИРАН ПРОДОЛЖУВА СО РАКЕТНИТЕ НАПАДИ ВРЗ ЗЕМЈИТЕ ОД ПЕРСИСКИОТ ЗАЛИВ Сирени се огласија во Кувајт, Бахреин и во Дубаи

The post ТАНКЕР ПОГОДЕН КАЈ ДУБАИ НОСЕЛ НАФТА ЗА КИНА Кинески бродови можат да поминуваат низ Теснецот? appeared first on plusinfo.mk.