Шест мостови, железничка станица и аеродром се меѓу објектите што биле погодени во последниот бран американски воздушни напади врз Иран, тврдат иранските власти.

Техеран го обвини Вашингтон дека директно нападнал цивилна инфраструктура, додека американската војска соопшти дека цел на операцијата биле иранските воени капацитети.

Според иранските медиуми, нападите биле изведени во покраината Хормозган, а локалните власти соопштија дека загинале седум лица.

Еден од највпечатливите детали се нападите врз мостовите кои поврзуваат населени места и локални патни правци во јужниот дел на земјата.

Би-Би-Си Верифај потврди оштетување на мостот Гариве, откако анализираше снимки од местото на нападот. На видеата се гледа голема експлозија, а подоцнежните снимки покажуваат урнат дел од коловозот и оштетена конструкција.

Американската Централна команда не објави список на погодени цели, но соопшти дека нападите имале за цел „понатамошно деградирање на иранските воени капацитети“.

#US strikes hit multiple civilian bridges, railways & infrastructure in #Iran‘s southern Bandar Khamir district; targeting civilian vehicles that were using the bridge. It was the sixth consecutive night of attacks.

Authorities said at least eight people have been killed in… pic.twitter.com/NLY4dsIbqJ

— Shafek Koreshe (@shafeKoreshe) July 17, 2026

Трамп претходно ги спомена мостовите

Дополнително внимание привлекува фактот што Доналд Трамп уште во април јавно најави дека мостовите и електраните би можеле да станат цел на американски напади доколку Иран не се врати на преговарачката маса.

Тогаш високи претставници на Обединетите нации предупредија дека намерното напаѓање цивилна инфраструктура може да претставува кршење на меѓународното право.

The US military has destroyed a key bridge and maritime control tower in southern Iran as it carried out its sixth consecutive night of attacks.

Authorities said at least seven people were killed in the strikes. pic.twitter.com/UtK3nT8IQd

— Al Jazeera English (@AJEnglish) July 17, 2026

Расте притисокот и врз светската енергија

Нападите доаѓаат во момент кога Ормутскиот теснец останува затворен, што дополнително ги зголемува стравувањата на енергетските пазари.

Низ овој теснец вообичаено минува околу една петтина од светската трговија со нафта и течен природен гас.

Шефот на Меѓународната агенција за енергија, Фатих Бирол, предупреди дека продолжувањето на кризата може да има сериозни последици врз глобалното снабдување со енергија.

The post 📽️ САД ПОГОДИЛЕ 6 МОСТОВИ ШТО ГИ ПОВРЗУВААТ ИРАНСКИТЕ ГРАДОВИ Техеран обвинува за удари врз цивилни објекти appeared first on plusinfo.mk.

Американските сили погодија околу 140 ирански воени цели откако иранска ракета запали контејнерски брод во Ормускиот Теснец. Техеран возврати кон земји во Заливот, додека еден морнар се води како исчезнат.

Контејнерскиот брод под кипарско знаме пловел покрај брегот на Оман. Иранскиот проектил предизвикал пожар и голема штета во машинскиот простор.

Екипажот морал да го напушти запалениот брод. Еден негов член сè уште се води како исчезнат.

Бродот гореше, одговорот стигна брзо

Централната команда на САД соопшти дека нападнала околу 140 цели во Иран. Меѓу нив имало ракетни позиции, лансери за дронови и складишта за муниција. Американските сили погодиле и комуникациска опрема и други воени објекти. Вашингтон тврди дека целта била да се намали иранската способност за напади врз цивилни морнари.

„Нападите ја намалуваат способноста на Иран да напаѓа цивилни морнари и трговски бродови“, соопшти ЦЕНТКОМ.

Американскиот министер за одбрана Пит Хегсет испрати уште поостра порака.

„Иран донесе лоша одлука. Сега ја плаќа цената“, напиша тој на социјалните мрежи.

U.S. Central Command (CENTCOM) announced it has completed a third round of strikes this week against Iranian military targets in response to another attack on a commercial vessel in the Strait of Hormuz.

According to CENTCOM, approximately 140 military targets were struck during… pic.twitter.com/qyqOhYttD7

— OSINTdefender (@sentdefender) July 12, 2026

„Реалноста тропа на вратата“

Одговорот од Техеран стигна преку претседателот на иранскиот парламент Мохамед Багер Калибаф. „Времето на еднострани договори е завршено. Ви рековме да се држите до зборот или да ја платите цената. Реалноста тропа на вратата“, напиша Калибаф на платформата Икс.

Иран потоа извршил напади кон американски и сојузнички позиции во Катар, Кувајт, Бахреин и во Обединетите Арапски Емирати. Регионалните армии пресретнувале ракети и беспилотни летала.

Во Катар три лица биле повредени од шрапнели. Меѓу нив имало и едно дете, соопштиле катарските власти. Сирени се огласиле и во Бахреин, каде што се наоѓа американската Петта флота. Кувајтската војска, исто така, пријавила пресретнување проектили.

Iranian forces carried out a second ballistic missile attack targeting Al Udeid airbase in Qatar this morning.

Multiple explosions were reported as coalition SAM systems fought the raid. pic.twitter.com/bd2MCtdAhg

— OSINTtechnical (@Osinttechnical) July 12, 2026

Иран ја заклучува нафтената порта

Иранската Револуционерна гарда тврди дека погодениот брод ги игнорирал предупредувањата. Според Техеран, бродот не се движел по одобрената рута. Иран објави дека Ормутскиот Теснец останува затворен до дополнително известување. Вашингтон, пак, тврди дека комерцијалниот сообраќај не е целосно запрен. )

Овој тесен морски премин пред војната пренесувал околу една петтина од светската трговија со нафта. Затоа секој нов удар веднаш ги потресува енергетските пазари.

Иран и Оман продолжиле разговори на техничко и на политичко ниво. Сепак, Техеран не најавил слободно отворање на теснецот за сите бродови.

Одмазда од новиот ирански лидер

Нов и опасен тон внесе и иранскиот врховен лидер, ајатолахот Моџтаба Хамнеи. Тој вети одмазда за убиството на својот татко, Али Хамнеи.

„Таквата одмазда е волја на нашиот народ и сигурно мора да се изврши“, порача иранскиот лидер.

Американски претставници тврдат дека тврда струја во Техеран се обидува да го урне секој договор. Иран инсистира дека раководството останува обединето зад новиот врховен лидер.

The post 📽️ ИРАН ПОГОДИ БРОД, САД ВОЗВРАТИЈА СО 140 УДАРИ Реалноста тропа на врата, порача Техеран appeared first on plusinfo.mk.

Само неколку дена по новата размена на напади меѓу САД и Иран, Доналд Трамп објави дека Техеран побарал продолжување на преговорите, а Вашингтон ја прифатил понудата.

Но американскиот претседател истовремено испрати далеку поостра порака.

„Исламската Република Иран побара да продолжи со преговорите. Ние се согласивме на тоа. Но САД им ставија до знаење дека прекинот на огнот е завршен“, напиша Трамп на својата социјална мрежа „Трут Соушл“.

Изјавата доаѓа во момент кога регионот сè уште ги чувствува последиците од последната ескалација во Ормутскиот теснец, каде што Техеран беше обвинет за напади врз бродови, по што следуваа американски воздушни удари врз цели во Иран.

Катар повторно ја игра улогата на посредник

Според дипломатски извори за Си-Ен-Ен, катарски преговарачи, во координација со САД, веќе отпатувале во Иран на разговори со иранските власти.

Ова укажува дека, и покрај жестоката реторика и воените операции, дипломатскиот канал меѓу двете страни останува отворен.

Американски функционер за Си-Ен-Ен објаснил дека стратегијата на администрацијата на Трамп била прво да изврши воен притисок, а потоа привремено да ги запре операциите за да се избегне поширока ескалација и да се создаде простор за преговори.

Мир преку притисок?

Пораката од Вашингтон остава впечаток дека Белата куќа сака истовремено да ги користи и дипломатијата и военото одвраќање.

Додека Иран бара враќање на преговарачката маса, Трамп јасно става до знаење дека САД немаат намера повторно да се повикуваат на прекинот на огнот што претходно го прогласија за завршен.

The post ТРАМП ПРОГЛАСИ КРАЈ НА ПРИМИРЈЕТО СО ИРАН По нападите Техеран побарал средби, САД се согласиле appeared first on plusinfo.mk.

Иран и САД втора ноќ по ред разменија удари, дополнително зголемувајќи ги стравувањата дека кревкото примирје би можело целосно да пропадне. Техеран тврди дека погодил американски воени цели во Кувајт, Катар, Бахреин и во Јордан, додека Вашингтон соопшти дека претходно нападнал околу 90 ирански воени цели.

Во исто време, иранските медиуми објавија дека имало нови експлозии во Бушер, Бандар Абас и во други делови на јужен Иран. Според локални власти, еден американски проектил погодил и дел од периметарот на нуклеарната централа Бушер.

Американскиот претседател Доналд Трамп синоќа објави 19 пораки и видеа на својата социјална мрежа Truth Social, претежно поврзани со американските напади врз Иран. Во една од објавите, Трамп рече дека американските напади се одговор на иранските напади врз бродови.

Heavy plumes of smoke rising from the US Navy 5th fleet Headquarters in Bahrain after Iranian strikes.

It’ll be completely wiped out… pic.twitter.com/1VGkIxY3x1

— IRAN ARMY ☫ (@IranArmySpoofX) July 9, 2026

Иранските власти соопштија дека во последните два дена загинале 14 лица, а 78 биле повредени.

U.S airbase in kuwait burning after Iranian missiles

This is what the US officials called minor damages pic.twitter.com/4PhZRaCWMN

— IRAN ARMY ☫ (@IranArmySpoofX) July 9, 2026

Ескалацијата се случуваше додека Иран го испраќаше во вечниот дом ајатолахот Али Хамнеи, убиен на почетокот на војната во американски воздушен напад.

Илјадници луѓе се собраа во Машхад на кулминацијата од повеќедневните погребни церемонии. Дел од присутните носеле транспаренти со пораки против САД и американскиот претседател Доналд Трамп.

Паралелно со воените операции, драматично е намален бројот на бродови што минуваат низ Ормутскиот Теснец, една од најважните поморски рути за светската трговија со нафта.

The post 📽️ ИРАН ТВРДИ ДЕКА ГАЃА АМЕРИКАНСКИ БАЗИ ВО ЗАЛИВОТ Во сенка на погребот на Хамнеи, повторно се тресе Блискиот Исток appeared first on plusinfo.mk.

Блискиот Исток останува на работ на нова ескалација откако САД и Иран втора ноќ по ред разменија напади, а израелскиот државен и воен врв порача дека конфликтот е далеку од завршен. Во центарот на вниманието денеска беше пораката од Тел Авив дека Иран нема да добие нуклеарно оружје и дека израелската армија се подготвува за нови операции.

„Војната не е завршена“

Израелскиот премиер Бенјамин Нетанјаху порача дека кампањата против Иран продолжува и дека Тел Авив нема да дозволи Техеран да дојде до нуклеарно оружје.

– Со или без договор, Иран нема да има нуклеарно оружје – изјави Нетанјаху.

Тој истовремено најави дека израелските сили ќе останат во јужен Либан колку што е потребно и дека Израел ќе ја зачува својата воздушна супериорност во регионот.

Втора ноќ напади, 14 загинати

Според ирански извори, во последните два дена загинале најмалку 14 лица. Вашингтон соопшти дека погодил околу 90 воени цели, дел од нив во близина на Ормускиот Теснец, додека Техеран возврати со напади врз американски цели во Кувајт, Бахреин и Катар, а подоцна беа пријавени удари и во Јордан и во Ирак.

Паралелно со воените дејства, набљудувачите предупредуваат на драматично намален сообраќај низ Ормускиот Теснец, еден од најважните енергетски коридори во светот.

„На маса се нови големи планови“

Уште подиректна порака испрати началникот на Генералштабот на израелската армија, генерал-потполковник Ејал Замир.

– На маса се нови планови. Сè уште има големи операции пред нас. Бидете подготвени – рече Замир пред новата генерација пилоти на израелските воздухопловни сили.

Тој откри дека армијата и понатаму е во состојба на висока борбена готовност и внимателно ги следи случувањата во Иран и во Либан.

Арагчи ги предупреди САД

Од иранска страна, министерот за надворешни работи Абас Арагчи побара Вашингтон да се воздржи од нови воени „авантури“. Во разговори со претставници на Пакистан, Оман и Турција, Арагчи ги осуди американските напади и повика на дипломатско решение за кризата.

Иранското Министерство за надворешни работи соопшти дека сите соговорници ја нагласиле потребата од користење дипломатски канали за да се спречи понатамошна ескалација.

Ормускиот Теснец пак главна тема

Додека политичарите разменуваат закани и предупредувања, загриженоста расте и поради состојбата во Ормускиот Теснец. Според поморски набљудувачи, бројот на бродови што минуваат низ теснецот нагло се намалил по последните напади.

Токму овој воден пат е клучен за глобалната трговија со нафта и течен природен гас, па секое ново влошување на безбедносната состојба може да има последици далеку надвор од Блискиот Исток.

The post ЗА ИЗРАЕЛ ВОЈНАТА НЕ Е ЗАВРШЕНА Додека САД и Иран разменуваат напади, генерал најави „големи операции“ appeared first on plusinfo.mk.

Церемонијата за потпишување на меморандумот за разбирање меѓу САД и Иран, која беше закажана за утре во Женева, е откажана бидејќи документот веќе е потпишан по електронски пат и стапил во сила, соопштија дипломатски извори вклучени во процесот.

Пакистанскиот министер за надворешни работи Ишак Дар изјави дека повеќе нема потреба од свечена церемонија, поради што и пакистанскиот премиер Шехбаз Шариф го откажал патувањето во Швајцарија. Според Дар, следната фаза од процесот ќе се одвива преку одвоени технички разговори за прашањата опфатени со пошироката рамка на договорот, кои ќе бидат фокусирани на имплементацијата и деталното усогласување на одредбите.

Во меѓувреме, Белата куќа го доставила текстот на договорот до американскиот Конгрес. Документот, кој според дипломатски извори е насловен „Исламабадски меморандум за разбирање меѓу Исламската Република Иран и Соединетите Американски Држави“, предвидува прекин на воените операции, постепено укинување на американската поморска блокада врз иранските пристаништа и повторно отворање на Ормутскиот Теснец за слободен комерцијален сообраќај.

Во рок од 60 дена двете страни треба да продолжат со преговори за финален мировен договор кој би ги опфатил сите спорни прашања, вклучително и безбедносните гаранции, санкциите и статусот на нуклеарната програма на Иран.

Портпаролот на иранското Министерство за надворешни работи потврди дека текстот на меморандумот е официјално потпишан од претставници на двете држави, додека американски извори наведуваат дека документот бил финализиран неколку дена порано од првично планираното и бил потпишан по електронски пат.

Според објавените детали од договорот, двете земји се обврзуваат на итен прекин на непријателствата и воздржување од нови воени дејствија. Иран, според истиот текст, потврдува дека нема да развива нуклеарно оружје, додека прашањата за збогатениот ураниум и укинувањето на санкциите ќе бидат предмет на дополнителни преговори во следните два месеца.

Иако свеченото потпишување во Женева е откажано, дипломатски извори наведуваат дека контактите меѓу делегациите ќе продолжат, но во формат на работни и технички состаноци, кои ќе бидат насочени кон имплементација на меморандумот и подготовка на конечен мировен договор меѓу Вашингтон и Техеран.

The post ОТКАЖАНА ЦЕРЕМОНИЈАТА ВО ЖЕНЕВА, ДИГИТАЛНИОТ ПОТПИС ФИНАЛЕН? Иран и САД го активираа мировниот меморандум appeared first on plusinfo.mk.

Само неколку дена пред најавеното потпишување на договорот меѓу САД и Иран во Женева, израелски медиуми објавија детали за наводен таен финансиски аранжман меѓу Катар и Техеран.

Според „Israel Hayom“ и „Times of Israel“, Катар, со премолчено одобрение од Вашингтон, му овозможил на Иран пристап до милијарди долари во замена за безбедно поминување на катарските танкери низ Ормускиот Теснец, една од најважните енергетски артерии во светот.

Милијарди долари и Ормускиот Теснец

Повикани на тројца дипломатски извори, медиумите тврдат дека договорот бил постигнат пред околу еден месец, во екот на безбедносните стравувања во Персискиот Залив.

Според истите извори, дел од средствата биле ослободени од иранските фондови што се наоѓале во Катар, додека бил воспоставен и кредитен механизам вреден до една милијарда долари за купување стоки преку катарски посредници.

Наводно, дел од плаќањата биле прикажани како такси за премин на катарски танкери и трговски бродови низ Ормутскиот Теснец.

Зошто Катар барал договор со Техеран?

Извештаите тврдат дека Доха решила директно да ги зајакне контактите со Иран по нападот врз една катарска гасна постројка за време на неодамнешниот конфликт во кој беа вклучени Иран, САД и Израел.

Додека неколку земји од Заливот беа погодени од ракетни и беспилотни напади, Катар во голема мера останал надвор од тие удари, што дел од аналитичарите го поврзуваат токму со финансискиот аранжман со Техеран.

Кој ќе ги даде парите?

Наводите доаѓаат во момент кога се сè погласни написите дека меморандумот меѓу САД и Иран содржи одредена финансиска поддршка за Иран. Претседателот на САД ги отфрли написите дека САД ќе му предрлат 300.000 долари на Иран, додека потпретседателот Џеј Ди Венс изјави дека со договорот Иран автоматски не добива пари и дека поддршката зависи од исполнување на обврските.

Според досега објавените информации, рамковниот документ предвидува продолжување на прекинот на огнот, отворање на Ормускиот Теснец и почеток на технички преговори за нуклеарната програма на Иран.

Ди Венс изјави дека меморандумот е само краток документ кој поставува основа за идните преговори. Дел од американските безбедносни кругови веќе изразија сомнежи дека Техеран ќе ги исполни сите преземени обврски.

Израел предупредува на ново јакнење на Иран

Веста предизвика реакции во Израел, каде дел од опозицијата и безбедносните аналитичари предупредуваат дека секое финансиско олеснување може дополнително да го зајакне регионалното влијание на Иран.

Според нив, клучните прашања поврзани со нуклеарната програма и балистичките ракети остануваат отворени, додека Техеран би можел од кризата да излезе со поголемо влијание врз поморските патишта и сојузничките структури во регионот.

Премиерот на Израел Бенјамин Нетанјаху изјави дека додека тој е премиер, Иран нема да поседува нуклеарно оружје, со или без договор со САД.

The post ДОДЕКА СЕ ЧЕКА ЖЕНЕВА, ИСПЛИВА НОВ „ДОГОВОР“ Милијарда за Иран ќе обезбеди Катар со амин од САД? appeared first on plusinfo.mk.

Фјучерсите за суровата нафта утрово паднаа, откако американскиот претседател Доналд Трамп изјави дека Вашингтон ќе премине на „ослободување“ на заглавени товарни бродови во Ормускиот теснец и посочи на напредок во преговорите со Иран иако спротивната страна не го прифаќа планот.

Фјучерсите за суровата нафта Брент се тргуваат близу 107,4 долари, додека американската сурова нафта WTI се тргуваат за 101,1 долари за барел.

Иницијативата на Трамп, наречена „Проект слобода“, која треба да почне денеска има за цел да им помогне на цивилните бродови кои пловат со знаме во земји кои не се поврзани со конфликтот да излезат од спорниот воден пат за да можат да го продолжат својот бизнис. Централната команда на САД соопшти дека во операцијата ќе учествуваат уништувачи со наведувани ракети, повеќе од 100 авиони и 15.000 војници, но Пентагон сè уште не одговорил на прашањата за деталите за нивното распоредување.

Иран од своја страна, соопшти дека го разгледува одговорот на Вашингтон на неговиот последен предлог од 14 точки, зголемувајќи ги надежите за дипломатско решавање на конфликтот.

Од друга страна производителите на нафта од составот на ОПЕК+ се согласи на симболично зголемување на квотите за производство во јуни, сигнализирајќи став за вообичаено работење по напуштањето на организацијата од страна на Обединетите Арапски Емирати.

Цените на нафтата нагло скокнаа оваа година, бидејќи конфликтот на Блискиот Исток и ефикасното затворање на Ормускиот теснец ги нарушија глобалните пазари.

The post ПАДНА ЦЕНАТА НА НАФТАТА Оптимизам на пазарите по најавената акција за ослободување на бродовите во Ормускиот теснец appeared first on plusinfo.mk.

Белата куќа објави видео на платформата X во кое американскиот претседател Доналд Трамп цели 60 минути го повторува зборот „победа“, што веднаш предизвика лавина реакции на социјалните мрежи.

Во описот на видеото стои: „Претседателот Доналд Трамп вели ‘победа’ еден час. Тој не може да запре, тој нема да запре“.

President Trump saying WINNING for 1 hour.

Can’t stop, won’t stop. pic.twitter.com/1RhnINVAKT

— The White House (@WhiteHouse) May 2, 2026

Објавата доаѓа во период на засилени тензии околу Иран, откако Трамп го отфрлил новиот предлог од Техеран за завршување на војната. Според ирански функционер, предлогот предвидува отворање на Ормутскиот теснец за бродови и укинување на блокадите, додека нуклеарните преговори би биле одложени за подоцнежна фаза.

Истиот извор наведува дека Иран смета дека ова би можело да биде чекор кон деескалација, но Вашингтон засега не прифаќа компромис.

Во меѓувреме, од иранскиот парламент се најавуваат и нови мерки, меѓу кои нацрт-закон за ограничување на пловидбата низ Ормутскиот теснец, со кој би се забранило минување на израелски бродови и би се вовеле дополнителни рестрикции за пловила од „непријателски држави“.

The post 📽️ БЕЛАТА КУЌА ОБЈАВИ ШОКАНТНО ВИДЕО Трамп цел час потворува само еден збор appeared first on plusinfo.mk.

Ормутскиот теснец е прогласен за целосно отворен за комерцијален сообраќај, соопшти иранскиот министер за надворешни работи Абас Арагчи.

Тој објави дека одлуката важи во периодот на прекинот на огнот, додавајќи дека преминот ќе биде достапен за сите трговски бродови по однапред координирана рута.

„Во согласност со прекинот на огнот во Либан, преминот за сите комерцијални бродови низ Ормутскиот теснец е прогласен за целосно отворен за преостанатиот период од примирјето, по координираната рута како што веќе беше објавена од Организацијата за пристаништа и поморство на Исламската Република Иран“, напиша Арагчи на социјалната мрежа X.

По објавата реагираше и поранешниот американски претседател Доналд Трамп, кој кратко напиша „Ви благодарам!“ на социјалните мрежи.

Според информациите, двонеделното примирје меѓу Иран и САД треба да заврши на 22 април. Отворањето на Ормутскиот теснец се смета за значаен чекор бидејќи станува збор за една од најважните поморски рути за глобалната трговија со нафта.

The post ОТВОРЕН ОРМУТСКИОТ ТЕСНЕЦ Трамп им се заблагодари на Иранците appeared first on plusinfo.mk.