Потенцијалниот договор на САД со Иран ќе зависи од одлуката на американскиот претседател Доналд Трамп, изјави денеска американскиот министер за финансии Скот Бесент и повтори дека Трамп „нема да направи лош договор за американскиот народ“.

– Сè зависи од тоа што тој сака да направи – рече Бесент за време на брифинг со новинари во Белата куќа.

Тој одби да сподели детали од прелиминарниот договор што го постигнале тимовите на САД и Иран, но истакна дека каков било договор мора да вклучува точка според која Иран го предава збогатениот ураниум и се согласува дека нема да прави нуклеарно оружје.

Говорејќи за потенцијалната точка од договорот според која САД наводно би требало да ги укинат санкциите за Иран, тој рече дека тоа „би одело многу бавно“.

– Тоа е повеќеслоен договор и ништо нема да биде на маса додека не го видиме отворањето на Ормускиот Теснец и додека Иранците не се согласат дека мора да го предадат високо збогатениот ураниум и дека нема да имаат нуклеарна програма – рече Бесент.

Тој истакна дека оманските власти му понудиле уверувања оти Оман не планира да наплаќа такси за Ормуската Теснина.

– Утрово разговарав со оманскиот амбасадор и тој ме увери дека нема планови за наплаќање такси за протокот. Како што рече, нашите земји имаат 200 години добри односи. Тој сака да има уште 200 години, и, знаете, му реков дека ова не е можно и дека не сака да ризикува ниту поединци од Оман, ниту оманските финансиски институции да бидат санкционирани – рече Бесент.

Американскиот портал Аксиос (Axios) претходно денеска, повикувајќи се на американски официјални лица, јави дека преговарачите САД и Иран постигнале договор за меморандум за разбирање со кој примирјето би се продолжило за 60 дена и би се покренале преговори за иранската нуклеарна програма.

„Џерузалем пост“ потоа информира дека иранскиот врховен лидер, ајатолахот Моџтаба Хамнеи, не го одобрил нацрт-меморандумот за разбирање со САД, поради што ниту Трамп не се согласи со договорот.

The post ТЕНЗИИ МЕЃУ САД И ИРАН Договорот виси поради нуклеарната програма appeared first on plusinfo.mk.

Иранската државна телевизија соопшти дека Иран добил нацрт на првична, неофицијална рамка за меморандум за разбирање со САД за прекин на конфликтот меѓу двете земји.

Според предложената рамка, Иран во рок од еден месец ќе ја обнови комерцијалната пловидба низ Ормускиот Теснец на нивото од пред војната, додека САД ќе ги повлечат своите воени сили од регионот околу Иран и ќе ја укинат поморската блокада.

Државната телевизија јави дека рамката, која ги исклучува воените бродови и предвидува Иран да управува со бродскиот сообраќај низ теснецот во соработка со Оман, сè уште не е финализирана и дека Техеран нема да преземе никакви чекори без „опиплива проверка“.

Медиумот додава дека, доколку се постигне конечен договор во рок од 60 дена, тој би можел да биде усвоен како правно обврзувачка резолуција на Советот за безбедност на Обединитетите нации.

Појавата на меморандумот за разбирање меѓу САД и Иран произлегува од индиректните преговори што започнаа по војната, која изби во февруари, а во кои Пакистан има централна посредничка улога меѓу Техеран и Вашингтон.

Војната избувна по наглата ескалација на тензиите меѓу Иран и Израел претходно годинава. Двете земји разменија ракетни удари и напади со дронови, што ја наруши пловидбата во Персискиот Залив и доведе до воена интервенција на САД, предизвикувајќи загриженост за поширок регионален конфликт.

The post ИРАН ТВРДИ ДЕКА ДОБИЛ РАМКА ЗА ДОГОВОР СО САД Во игра е отворање на Ормускиот Теснец appeared first on plusinfo.mk.

Иран е подготвен да продолжи со преговори со САД, но само доколку Вашингтон го промени своето однесување, пораката што денеска била испратена преку Јапонија, пренесува „Sky News“.

Во телефонски разговор со јапонската премиерка Санае Такаичи, иранскиот министер за надворешни работи Абас Арагчи повторил дека нестабилноста во регионот е последица на американските потези. Тој се осврнал и на блокадата на Ормускиот Теснец, која ја нарекол „американско поморско пиратство“.

Иранските државни медиуми го цитираат Арагчи со порака дека Техеран е подготвен за дипломатија, но само ако САД го променат пристапот.

Иранскиот претседател Масуд Пезешкијан исто така разговарал со јапонската премиерка, при што нагласил дека за нестабилноста во регионот се одговорни Израел и САД, според државните медиуми.

Ставовите на Техеран се континуирани и претходно повеќепати повторувани. Меѓутоа, дипломатските разговори се во застој, бидејќи САД не се откажуваат од притисокот, додека Иран инсистира на промена на условите пред какви било нови преговори.

The post БЕЗ ПРОМЕНА ОД САД, НЕМА ПРЕГОВОРИ Техеран постави црвена линија appeared first on plusinfo.mk.