Иран остро возврати на заканите од американскиот претседател Доналд Трамп дека земјата ќе биде „вратена во камено доба“. Во Техеран порачаа дека нивната цивилизација трае илјадници години и дека нема да биде скршена со воени закани.

Командантот Маџид Мусави директно ја нападна реториката на САД и ја нарече „холивудска илузија“, додавајќи дека Америка ги испраќа своите војници во смрт, а не ја загрозува Иранската држава.

„Се заканувате на цивилизација стара 6 милениуми“

– Со само 250 години историја, вие се заканувате на цивилизација што постои повеќе од шест милениуми – порача Мусави.

Тој нагласи дека Иран е подготвен да ја брани својата држава и дека ваквите закани нема да останат без одговор.

„Луди изјави“

Портпаролот на претседателот Масуд Пезешкијан оцени дека изјавите на Трамп се „луди“.

– Трамп се вмеша во луди изјави – рече Елиас Хазрати.

Во Техеран тврдат дека ваквата реторика само го зајакнува единството во земјата.

„Не знаете каде произведуваме оружје“

Портпаролот на иранската Револуционерна гарда испрати директна порака:

– Центрите за кои мислите дека сте ги таргетирале се незначителни, а нашето стратешко воено производство се одвива на локации за кои немате знаење и никогаш нема да стигнете – рече Ебрахим Золфагари.

Дополнително, иранските власти тврдат дека земјата има целосна контрола врз Ормускиот теснец и дека е подготвена за секое сценарио.

Трамп со закани за „камено доба“

Трамп претходно во своето обраќање во рече дека војната ќе продолжи сè додека на биде отворен Ормускиот Теснец. Притоа тој најави дека во следните 2 до 3 недели САД „силно ќе го удрат Иран“ и дека операцијата треба да биде брза.

– Ќе ги вратиме во камено доба, каде што им е местото – порача американскиот претседател.

The post ИМАТЕ 250 ГОДИНИ ИСТОРИЈА, А СЕ ЗАКАНУВАТЕ Џабе гаѓате, не знаете каде е оружјето, му порача Иран на Трамп appeared first on plusinfo.mk.

Иранските дипломати со слика од детски волан јавно се потсмеаја со изјава на американскиот претседател Доналд Трамп. Тој  претходно рече дека САД и Иран би можеле заеднички да го контролираат Ормускиот теснец.

На ова следеше реакција од иранската амбасада во Саудиска Арабија. На неа, детски волан-играчка е закачен на совозачко седиште од автомобил.

Техеран испрати ретка дипломатска порака во време додека војната трае. Додека Трамп најави дека имал добри разговори со Иран и најави дека го одложува за 5 дена нападот врз иранските електрани Техеран тврди дека немало комуникација и дека Трамп сам се повлекол,

Исто така, Трамп во Флорида изјави дека „договорот со Иран се приближува“.

– Јас и ајатолахот, кој и да е нивниот нов ајатолах – додаде тој.

Во меѓувреме, војната и заканите околу Ормускиот Теснец продолжуваат. Цената на барелот нафта утринава повторно надмина 100 долари, иако претходно падна за 10% поради изјавата на Трамп за одложување на нападите.

„Волстрит џурнал“ напиша дека две од Заливските земји размислуваат за вклучување во војната.

The Strait of Hormuz will be controlled by me and the Ayatollah pic.twitter.com/IxIgo1Pn6S

— Iran Embassy SA (@IraninSA) March 23, 2026

The post 📷 ИРАН ГО ИСМЕА ТРАМП СО ФОТКА ОД ДЕТСКИ ВОЛАН „Јас и ајатолахот“ стана меме appeared first on plusinfo.mk.