Кинескиот танкер кој претходно беше гонет од американски брод и нагло сврте во правец на Оманскиот Залив се враќа во Ормускиот Теснец. Вака покажуваат информациите на Марин Трафик, сајт за следење на поморскиот сообраќај.

Бродот кој пренесува 250.000 барели метанол продолжил да се движи кон Оманскиот Залив по инцидентот со американскиот брод, но потоа свртел назад кон Ормус. Сега е близу островот Кешм, а според сајтот неговата дестинација е „по наредба“ („for orders“), што значи дека бродот можеби крие каде се упатил.

Оваа пракса е стандардна за санкционирани бродови.

Дали е успешна блокадата која уште во неделата ја најави американскиот претседател откако пропадна првата рунда преговори со Иран?

Во првите 24 часа, американската војска тврдеше дека ниту еден брод не ја пробил блокадата.

– Шест бродови се вратија по наредба на американските сили – соопшти Централната команда.

Но податоците за поморски сообраќај покажаа поинаква слика. Најмалку осум бродови сепак поминале низ теснецот, меѓу нив и кинескиот танкер.

• ГО БРКАА, КИНЕСКИОТ ТАНКЕР НАГЛО СВРТЕ „Ова не е видено од Кубанската криза“

Во вторникот медиумите пишуваа дека кинескиот брод е еден од бродовите кои успеале да поминат низ Теснецот. „Рич Стари“ и неговиот сопственик, фирмата „Шангај Сјуанрун Шипинг Ко“, се ставени под санкции на САД поради водење бизнис со Иран.

Друг танкер, „Алиција“, влегол во Заливот празен и се упатил кон Ирак за товарење. Во истиот период, бродот „Агиос Фануриос I“ успеал да влезе во Заливот при втор обид.

Во средата Иран се пофали дека неговите бродови можат да поминат низ Теснецот. Според новинската агенција Фарс, ирански супертанкер кој може да носи околу 2 милиони барели сурова нафта, пловел во меѓународни води и низ Ормускиот Теснец со вклучен систем за следење, без никакво прикривање на сигналот.

Блокадата  на САД создаде дополнителна неизвесност за превозниците, нафтените компании и осигурителите.

Сообраќајот остана на дел од повеќе од 130 дневни преминувања пред почетокот на американско-израелската војна против Иран на 28 февруари, соопштиле извори од индустријата во вторникот.

Иранската војска издаде предупредување дека би можела целосно да го блокира поморскиот сообраќај во Персискиот Залив, Оманското Море и Црвеното Море ако САД продолжат да ги блокираат иранските пристаништа.

The post 📽️ СЕ ВРАТИ КИНЕСКИОТ БРОД ШТО ГО БРКАА АМЕРИКАНЦИТЕ „Рич Стари“ е повторно во Ормускиот Теснец appeared first on plusinfo.mk.

Околу 20.000 морнари се заглавени во Ормускиот теснец по иранската блокада, дел од нив одбиваат да пловат дури и ако преминот се отвори. По шест недели во зоната на конфликт, екипажите се соочуваат со сериозен психолошки притисок, додека танкерите стојат неподвижни во еден од најопасните морски коридори во светот.

Десетици танкери се закотвени. Никој не се помрднува.

– Закотвени сме, опкружени со десетици натоварени танкери. Никој не се помрднал ни сантиметар – вели член на екипаж.

Морнарите сведочат за напади, ракети и постојан ризик. Само неколку часа по примирјето, небото повторно било исполнето со траги од пресретнати ракети пишува „Гардијан“.

„Не сме подготвени да пловиме“

Многумина одбиваат да минат низ Теснецот. Безбедноста е главната причина.

– Му кажав на капетанот дека не сум подготвен да пловам. Станува збор за безбедност – рекол морнар за британскиот медиум.

Околу 90% од екипажот на некои танкери размислуваат исто.

„Ментални сломови се случуваат“

Стресот остава сериозни последици. Дел од морнарите веќе доживуваат психички кризи.

– Бев скршен и не знаев како да се справам со чувствата – сведочел друг морнар.

Според синдикатите, најголем проблем е неизвесноста и чувството дека се „седнати како мети“.

„Единствено решение е да се извлечат“

Меѓународни организации добиле стотици барања за помош. Дел бараат репатријација, други основни услови.

Компаниите размислуваат за замена на екипажи. Нови морнари, често од кризни региони, се подготвени да го преземат ризикот.

Но за многумина, одлуката е лична и тешка.

– Ако останам, можеби повторно ќе се вратам тука. Ако заминам, губам сè што сум изградил – изјавил еден морнар.

Toj не е сигурен дали ќе се врати на море откако ќе заврши војната.

The post „НЕМА ДА ПЛОВИМЕ“ Морнарите кои 6 недели се заглавени во Ормуз се под голем стрес appeared first on plusinfo.mk.

Движењето Ансар Алах, познато како Хути, предупреди дека може да го затвори стратешкиот теснец Баб ел-Мандеб во Црвеното Море. Заканата доаѓа во момент кога Иран веќе го блокира Ормускиот теснец во Персискиот Залив, што дополнително ја зголемува опасноста за глобалните трговски и енергетски рути.

– Доколку се донесе одлука за воена интервенција против Иран, една од првите мерки ќе биде прогласување поморска блокада – изјави функционерот на Хутите, Абед ал-Тавр.

Според него, трговски и воени бродови што се движат кон САД или кон израелските пристаништа би можеле да бидат запрени.

Втората мерка што ја разгледуваат Хутите е целосно затворање на теснецот Баб ел-Мандеб за бродови што пловат кон Израел.

Овој теснец е клучна врска меѓу Црвеното Море и Аденскиот Залив. Преку него минува голем дел од глобалната трговија меѓу Европа и Азија.

Заканата доаѓа во момент на драматична ескалација во регионот. Според извештаите, Корпусот на исламската револуционерна гарда веќе го блокира Ормускиот теснец.

Тоа значително го забавува еден од најважните светски енергетски коридори. Доколку се затвори и Баб ел-Мандеб, глобалната трговија и транспортот на нафта би можеле да се соочат со сериозен удар.

The post УШТЕ ЕДЕН КЛУЧЕН ТЕСНЕЦ НА ИСТОКОТ ПОД ЗАКАНА Се јавија Хутите од Јемен, еве го нивниот услов appeared first on plusinfo.mk.