Во близина на реката Лепенец во селото Орман, скопско, било пронајдено човечко тело во напредна фаза на распаѓање, информираат од полицијата.

Настанот бил пријавен на 8 јуни околу 18:30 часот во СВР Скопје, по што полициски екипи излегле на терен и извршиле увид.

Според првичните информации, кај телото била пронајдена автобуска картичка на име Ј.М. (70), женско лице од Скопје, што засега се смета за можен индикатор за идентитетот.

По наредба на јавен обвинител, телото е пренесено во Институтот за судска медицина, каде што ќе се врши обдукција за утврдување на точните околности за смртта.

The post ПРОНАЈДЕНО ЖЕНСКО ТЕЛО ВО РАСПАЃАЊЕ ВО ЛЕПЕНЕЦ Автобуска карта откри дека тоа е 70-годишна скопјанка appeared first on plusinfo.mk.

-Вчера во 18.50 часот во село Орман до паркирано возило „лексус“ со скопски регистерски таблички е пронајдено машко лице кое крварело во пределот на главата, а покрај него имало пиштол и чаура. Утврдено е дека станува збор за Р.Ч.(67) . Со возило на  Итна медицинска помош бил пренесен во Клиничкиот центар „Мајка Тереза“ каде им подлегнал на повредите. СВР Скопје презема мерки за расчистување на случајот, наведуваат од МВР.

Според медиумите, станува збор за бизнисменот Чедомир Радомировиќ кој беше основач на фирмата „Техноком“ и на Радо банка.

Се очекуваат детали за случајот МВР да соопшти во текот на денов. 

The post МАЖ СО ТЕШКИ ПОВРЕДИ НА ГЛАВАТА Е ПРОНАЈДЕН ВО СКОПСКО ОРМАН Пренесен е во болница каде што им подлегна на раните appeared first on plusinfo.mk.

Приватната дива депонија се наоѓа на парцела која е во сопственост на компанија која е под истраги за други дела, како и на лице вработено во општина Ѓорче Петров во секторот финансии, а од неодамна е избран и за член на раководството на синдикат на вработените во општината, рече Арсовска.

По неколку денови следење од страна на инспекторите, одговорните биле фатени на лице место додека вршеле екоцид, спречени се во вршење нелегални активности, прибрани се докази, а состојбата е фотографирана. Дополнително случајот е пријавен во МВР, а на лице место излегла и полицијата.

– Нема да дозволиме никој свесно и за профит да ги труе Скопјани. Констатирано е дека приватната дива депонија се користела како бизнис од наведените лица, кои не само што предизвикале екокатастрофа со истурање отпад во заштитната зона на реката Лепенец, туку и се осомничени за финансиски криминал. Прашањето е дали најголем клиент на овие лица кои вршеле екоцид е општината Ѓорче Петров. Во документацијата во која се водела илегална евиденција, може јасно да се констатира дека покрај градежните фирми и приватни лица од кои се наплаќало од 1.000 до 1.200 денари, најчест клиент кој депонирал опасен отпад е општината. На оваа локација, од истата илегална евиденција може да се види дека меѓу 50 и 100 тешки товарни возила на ден истурале токсичен и канцероген отпад – рече Арсовска.

Општината, како штo додаде градоначалничката, немала склучено договор со ЈП Дрисла, за одлагање на комунален и општински отпад.

Нагласи дека случајот е „криминален и скандалозен“ и апелираше процесирањето да биде што е можно побрзо.

– Град Скопје поднесе и кривична пријава до МВР против лицата кои правеле бизнис со кој го загрозуваат здравјето на граѓаните, а ќе поднесеме и посебна кривична пријава против градоначалникот на Општина Ѓорче Петров. Најмалку што може е да понесе морална одговорност во овој момент, а потоа и одговорност од функцијата градоначалник…. Град Скопје, ниту јас како негов градоначалник, нема да дозволиме кој било свесно и за профит да ги труе скопјани – рече Арсовска.

Појасни дека од земените примероци, според увидот на инспекторите, отпадот е многу опасен зашто имало големи количини салонитни елементи, како и голем дел гуми, и тоа се фрлало истовремено во Лепенец и „во масивни волумени“ се закопувало покрај реката. Исто така, имало и металоструготини што е, рече, „сериозно канцерогено и опасно“.

– Подигнат е материјал и извештаите од сите позиции на коишто беше детектирано дека има потенцијална опасност, како и од водите, ќе ги имаме во наредните неколку дена. Меѓутоа и од увидот на лице место беше евидентно дека тоа е сериозно загрозувачки по животот и здравјето на граѓаните и животната средина – истакна градоначалничката на Скопје.

Аросовска апелира што побрзо да се процесуира случајот, а најави и посебна кривична пријава за градоначалникот на општината Ѓорче Петров, Александар Стојкоски. Го повика си поднесе морална одговорност и одговорност од функцијата градоначалник.

The post ДАНЕЛА ОТКРИЛА ЕКОЦИД ВО ЃОРЧЕ ПЕТРОВ Арсовска најави кривични пријави за одговорните appeared first on plusinfo.mk.

„По добивање на овластено известување на инспектор за животна средина направен е вонреден инспекциски надзор на 24.10. Утврдивме дека на плац на две физички лица оставена е одредена количина на отпад кој потекнува од рецикал Еко-Старт Скопје, со А еколошка дозвола, лоциран на територија на општина Чучер Сандево. Отпадот е од оловни акумулатори“ – информираа од Државниот инспекторат за животна средина.

Директорот на Инспекторатот, Сретен Стојковски, на денешната прес-конференција информираше дека ќе следи и соодветна постапка за санкционирање за неколкуте законски прекршувања, односно за загрозување на животната средина и природа со отпад.

– Иако постои меѓусебен договор меѓу Рецикл Еко-Старт и сопствениците на парцелите на локација на приватен имот во Орман, несоодветно е транспортиран и складиран отпад кој потекнува од правниот субјект Рецикл Еко-старт, на локација која не е наменета за складирање на ваков отпад, односно нема добиено дозвола од МЖСПП што е казниво по закон – појасни Стојковски.

Изминатиот месец инспектор од општина „Ѓорче Петров“ утврди дека на приватен плац во селото Орман биле најдени 600-тони опасен отпад од акумулатори за кој граѓаните велат дека таму стои веќе шест месеци.

The post ЧЕТИРИ ФИРМИ И ДВЕ ФИЗИЧКИ ЛИЦА ЌЕ ОДГОВАРААТ ЗА ОПАСНИОТ ОТПАД ВО ОРМАН Државниот инспекторат за животна средина најави секции  appeared first on plusinfo.mk.

-Лабораториските анализи уште ги чекаме, за жал. Секој ден сме во контакт со лабораторијата, заедно со Државниот инспекторат за животна средина. Ветија дека ќе ги имаме најдоцна до понеделник. Утврдивме дека таму има незаконски дејствија. Носена е згура од Пробиштип во Скопје и оној што го направил прекршокот прво ќе го санира местото, а и ќе плати за прекршокот. Нема да дозволиме во иднина повторно истата активност да се случува не само во Скопје, туку и на локацијата од каде што доаѓа згурата. Точно знаеме за што се работи, какви активности имало, само чекаме за каков тип на отпад станува збор, рече министерката на денешната најавна прес-конференција за отпочнување на годинешната акцијата за пошумување – Пошумуваме заедно 2023.

 

 

Не би сакала, додаде  таа, да шпекулирам додека не ги добиеме резултатите, но мислам дека во понеделник ќе ги има и Државниот инспекторат за животна средина заедно со Министерството ќе ја информира јавноста.

На новинарско прашање дали ќе побара одговорност од сопственикот на отпадот, Шукова истакна дека во моментов не може да даде други податоци бидејќи, како што рече, целата оваа постапка се води од Градот Скопје, а не од државата.

Шукова нагласи дека Минисерството во 2020 година од својот буџет одвоила 20 милиони денари за чистење на депонијата во Визбегово, иако се расчиствува, како што рече, граѓаните постојано ја наполнуваат депонијата со отпад.

– Меѓутоа во овие години, за жал, таа повторно стана нелегална депонија. За жал, граѓаните повторно ја наполнија депонијата. Имаме и еден случај во последните денови, кој е ингеренција на Градот Скопје и знам дека излегоа на увид и таму има на некој приватен посед каде што се носи и се создаваат количини на отпад и тоа е неоправдано и спротивно на законот  – рече таа.

The post ОТРОВНИОТ ОТПАД ВО ОРМАН БИЛ ДОНЕСЕН ОД ПРОБИШТИП Шукова најави казни и кривични пријави appeared first on plusinfo.mk.

Драган Ковачки, пратеник од ВМРО-ДПМНЕ и поранешен воен офицер, објави информација на Фејсбук дека униформирани полицајци и војници од Косово влегле на македонска територија и биле задржани од македонската полиција.

„До нас стигна информација дека тројца полицајци и еден војник на Косово се влезени на наша територија и дека биле задржани од нашите полицајци во селото Орман. Главното прашање е како може припадници на странски униформирани вооружени сили да престојуваат на наша територија без придружба на МВР? Спасовски нека шета по кампањи рамо до рамо, а странски униформирани лица нека ни шетаат во државата“ – напиша Ковачки.

Засега нема потврда од МВР, ниту во соопштение ниту во дневниот билтен, дека странски униформирани лица биле задржани од македонската полиција.

The post КОСОВСКИ ПОЛИЦАЈЦИ И ВОЈНИЦИ ЗАДРЖАНИ ВО СЕЛО ОРМАН? Тврдење на пратеникот Драган Ковачки appeared first on plusinfo.mk.

Стојан кога излегол бил облечен во сив џемпер со карирано црно-бела кошула и панталони.

„Ве молиме, доколку некој го препознае или има некаква информација да ни се јавите на телефонскиот број: 070 342 689“, велат од семејството.

The post СЕМЕЈСТВОТО ТРАГА ПО НЕГО Исчезнат е Стојан од село Орман appeared first on plusinfo.mk.

Имено, во неделата група велосипедисти кои се движеа на овој пат беа „поздравени“ од група од десетина кучиња, но интересното беше во тоа што кучињата беа качени на покривот на една работиница и оттаму лаеја кон минувачите.

The post ДА ТЕ ЛААМ ОД ЌЕРАМИДИ Зошто Волково требаше да се вика Кучково? appeared first on plusinfo.mk.

Тој посочува дека во следните четири години ќе работи чесно и макотрпно, па самите граѓани, како што вели, ќе сфатат дека имаат градоначалник кој заслужил да не се менува.

За извојуваната победа во првиот круг на локалните избори, Стојкоски вели дека била очекувана, но дека ни самиот не верувал оти ќе победи со толку голема разлика во гласовите.

На ѓорчепетровци им ветува дека повеќе нема да газат во кал, на помладите генерации им ветува паркови и зеленило во секое маало, а на најмладите, пак, им ветува детски градинки.

Стојкоски, кој инаку е лекар-радиолог по професија, упатува и јавен апел до граѓаните да не практикуваат да пијат млеко директно од крава, оти, како што вели, во незовриеното млеко можно е да живеат бактерии кои можат да предизвикаат трајни последици по здравјето на човекот.

По професија сте лекар и кај граѓаните ве бие добар глас дека сте човек кој помага секогаш кога е потребно. Зошто мислите дека добар лекар може да биде добар градоначалник?

– Добар лекар може да биде добар градоначалник од проста причина што пристапот на лекарите кон луѓето е неселективен и лекарите имаат поголема емпатија кон луѓето, сочувствуваат со пациентите и постојано се обидуваат да ги излекуваат. Лекарите имаат еднаков пристап кон секој поединец, а тоа мене ми е најважно. Јас како градоначалник ќе се обидам да ја задржам неселективноста и на тој начин општината ќе бележи подобри резултати. Општиот впечаток е дека Општина Ѓорче Петров досега беше затворена општина, луѓето немаа пристап до градоначалникот и до администрацијата, а јас силно ќе се насочам кон подобрување на комуникацијата со народот. Тоа ќе биде вовед во натамошните процеси и на тоа што го планирам во делот на дигитализација, односно исклучувањето на човечкиот фактор во носењето одлуки.

Победата во првиот круг на локалните избори може да се смета за изненадување, со оглед на тоа што повеќето предизборни анкети покажуваа дека во Општина Ѓорче Петров ќе се води тесна трка. Очекувавте ли вие лично ваква лесна победа и дали сметате дека победивте поради тоа што им го понудивте најдоброто на граѓаните, или, пак, поради тоа што вашиот противкандидат од СДСМ, а досегашен градоначалник, не ги исполнил во целост своите ветувања?

– Воопшто не беше лесно да се извојува победа во првиот круг, постојано бев присутен на терен и имав многу директни средби со граѓаните. Тоа е клучот за ваквиот успех. Комуникацијата со граѓаните ни помогна да ги воочиме проблемите, а теренските активности ми помогнаа да осознаам и за проблеми кои воопшто не ни беа вметнати во кампањата, а кои добиваат приоритет за решавање. Не можам да кажам дека не очекував победа во прв круг, но од друга страна, имав петмина противкандидати. Сепак, победив со голема разлика во гласовите и таквата масовна поддршка дополнително ми ја зголеми одговорноста.

Во предизборната кампања ветивте повеќе од 200 проекти на територијата на Ѓорче Петров. Што е тоа што прво ќе го направите откако ќе влезете во градоначалничкиот кабинет?

– Добро се сеќавам на сите работи што им ги ветив на граѓаните, а тоа што прво ќе го направам е реализација на проектот „Ѓорче Петров без кал“. Планираме да ги реализираме, односно да ги асфалтираме сите улици во руралниот дел на општината и да извршиме реконструкција на дотраените коловози во урбаниот дел на општината. Секаде каде што има техничка можност ќе поставиме атмосферска канализација. Ќе се фокусирам силно и на детските градинки, бидејќи ветив изградба на две нови детски градинки. Секако, тоа ќе го сториме во соработка со Министерството за труд и социјална политика и верувам дека нема да имаме кочници, бидејќи се работи во интерес на граѓаните. Ако дојде до промена на централната власт по локалните избори, тогаш тој процес сигурно ќе тече подинамично и не би се појавувале препреки во работењето.

Ветувавте зеленило и паркови во секое маало, но што ќе направите со депониите и со насипите?

– Решавањето на проблемот со депонијата во Ново Село ќе го решаваме заеднички со Град Скопје, бидејќи и Данела Арсовска го има наведено овој проблем во нејзината програма. Прво што ќе направиме е да поставиме 24-часовна чуварска служба која нема да им дозволува на камионите и на тракторите да го истураат ѓубрето во депонијата, а ќе поставиме и видео-надзор. Првичниот услов за да започнеме со решавање на депонијата е да го оневозможиме пристапот до самата депонија. Јас како градоначалник ќе склучам договор со ЈП „Дрисла“ и ѓубрето ќе се фрла во таа депонија. Нашиот проблем се јавува во руралниот дел, бидејќи таму има приватна фирма која го собира ѓубрето од дворовите на куќите, но анализите покажуваат дека една канта не е доволна за едно домаќинтво. Затоа, треба да разговараме дали да се понудат субвенции за втора канта или да се намали цената на услугата. Исто така, мора да стимулираме и рециклирање на отпадот. Втор голем проблем претставува депонијата кај реката Лепенец во близина на последната автобуска станица во Волково. Таму луѓето најчесто фрлаат градежен отпад и за решавањето на овој проблем ќе ни биде потребна и државна интервенција. Јас лично ќе барам од општинските инспектори за животна средина да бидат строги и ригорозни кон лицата кои истураат отпад во близина на Лепенец.

Што да очекуваат жителите на Волково, Ново Село, Даме Груев, Кисела Јабука и на Орман во првата година од вашиот градоначалнички мандат?

Фамозната улица 21 во Волково, на пример, каде што во 21 век жителите се принудени да облечат гумени чизми за да појдат до продавница, конечно ќе биде поплочена со бекатон-плочки.

Александар Стојкоски Градоначалник на Ѓорче Петров

– Планираме да ја завршиме канализацијата во селото Орман и ќе ги асфалтираме сите улици во Волково каде што е завршен подземниот инфраструктурен дел. Фамозната улица 21 во Волково, на пример, каде што во 21 век жителите се принудени да облечат гумени чизми за да појдат до продавница, конечно ќе биде поплочена со бекатон-плочки. А верувајте ми, такви катастрофални улици има многу во нашата општина и ветувам дека уште во првата година од мојот мандат ќе се потрудам да ги решам овие критични точки. Во населбата Даме Груев планираме да направиме нова паркова површина покрај новата црква и месната заедница. Исто така, ќе започнеме со проектирање на пешачка зона на улицата Шарпланинска, која е позната и под името Кокта. Не можам сега да зборувам со тврдење, но можно е да успееме и да ја пробиеме оваа улица кон Ново Село. Ова не го ветувам, бидејќи не знам во каква состојба ќе ја начекам општината, но доколку имаме доволно средства, тогаш со сигурност ќе го реализирам и овој проект.

Мандат подолг од четири години?

– Јас сè уште не сум влегол во кабинетот, а веќе размислувам за освојување нов мандат на следните избори. И тоа сметам дека е моја добра особина, бидејќи избран сум за да работам одговорно и ќе работам одговорно. Ние не можеме да сме фиксни за самата програма, меѓутоа треба да го прошируваме опсегот на работи коишто сме ги ветиле и да се движиме во правилен правец. Луѓето тоа ќе го почувствуваат и ќе видат дали сте излезени на терен, дали работите, дали ги слушате и дали правилно изведувате работи со одредена динамика. Јас нема да ја направам истата грешка како мојот претходник, а тоа е да си седам три години, а само пред изборите да почнам со работа. Ингеренциите ни се испреплетуваат, имаме координација со градската и со централната власт и тоа треба сите да го имаат на ум. Но, она што можеме сами да го изработиме како општина, јас стојам позади тоа дека максимално ќе се трудиме да ги исполниме ветувањата. Вие ако се покажете како успешен градоначалник, тогаш нема зошто да не ја добиете заслугата. И тоа е правилниот репер. На овие избори ја добив шансата да се докажам, а на следните избори ќе ја добијам вистинската оценка за тоа како сум работел.

Треба ли да се очекува политички реваншизам? Ќе го добие ли јавноста на увид „валканиот веш“ на поранешниот градоначалник на Општина Ѓорче Петров, Александар Наумовски?

– Да, јавноста ќе дознае за сите валкани работи што се правеле во изминатите четири години, секако, доколку утврдиме дека мојот претходник правел нешто што не би требало да го прави. Ќе има детална ревизија за претходното работење, но тоа нема да биде кочница за моето работење. Ќе ангажираме овластени ревизорски куќи, а го имаме и Државниот завод за ревизија на располагање. Веднаш ќе поднесам барање за вонредна ревизија и тоа не го правам поради мојот претходник, туку поради себеси. Јас сакам да имам увид во работите до каде се стигнати, но сакам да имам и поголемо чувство на одговорност за тоа јас што ќе го правам во иднина. Оти, истото ќе го направи и тој што ќе дојде на мое место по четири или по осум години. Затоа, јас сакам да бидам чист во делот на работењето во текот на мојот мандат, меѓутоа сакам да направам пресек за да знам до каде сум во моментов. На граѓаните ќе им ги презентирам податоците и народот ќе знае со што располага општината и во кој правец се движи.

И за крај, како лекар, што ги советувате граѓаните кои практикуваат да пијат млеко директно од крава?

– Зависи во какви услови е чувано животното и колку се запазени хигиенските услови, но јас не им препорачувам на луѓето да пијат млеко директно од крава. Во млекото може да живеат бактерии доколку животното е чувано во неадекватни услови, а може да има и други болести коишто си ги пренесуваат животните. Пиењето пресно млеко може да предизвика трајни последици по здравјето на човекот.

The post СО ГУМЕНИ ЧИЗМИ СЕ ОДИ ПО РИБА, А НЕ ПО ЛЕБ Интервју со новиот градоначалник на Ѓорче Петров, Александар Стојкоски appeared first on plusinfo.mk.

The post Тешка сообраќајка на патот Волково-Орман, автомобил се преврте на кров (ФОТО) appeared first on plusinfo.mk.