Според грчката полиција станува збор за двајца Грци на возраст од 40 и 48 години, кои се во роднинска врска, а едниот од нив се товари и за друго убиство извршено во декември 2021 година.

Портпаролката на грчката полиција Константина Димоглиду на прес-конференција објасни дека од полициската истрага произлегло дека сторителот на убиството  на Карајваз, заедно со уште едно лице, за да побегнат користеле мотор, како и комбе, кое всушност припаѓа на компанија во која одговорен бил еден од уапсените.

Дополнително, полицијата открила дека моторот и комбето биле регистрирани претходниот ден на иста релација, во исто време и на истата локација со убиството.

– Од предистражниот процес, кој се фокусираше на дополнителна проверка на податоците и испрашување на лица, произлезе учеството на 40-годишниот и 48-годишниот во извршувањето на убиството – соопшти портпаролката на грчката полиција.

На 9 април 2021 година, кусо пред 15 часот, по завршувањето на емисијата во која беше соработник Карајваз, непознати лица со мотор го пресретнале и го застрелале пред неговиот дом во јужниот дел на Атина.

Карајваз беше познат и искусен новинар, кој долги години следеше црна хроника и покриваше теми поврзани со полицијата, криминалот, грчката мафија, за истите теми имаше информативен портал, а паралелно работеше во претпладневна информативна емисија на телевизијата „Стар“.

Две години по настанот, не се откриени ниту сторителите, ниту евентуалните нарачатели на убиството, ниту пак причините.

Од Здружението на новинари, преку соопштение, велат дека не постои било каков напредок во расветлувањето на убиството „што е императив, не само во однос на кривичниот дел од случајот, туку и за да се врати чувството на сигурност кај грчките новинари и грчкото општество“.

Меѓународните организации на новинари, како и Меѓународната федерација и Европската федерација, продолжуваат да упатуваат прашања за текот на случајот, кој се појавува во сите извештаи за слободата на медиумите и владеењето на правото во Грција, како показател за закана за безбедноста на новинарите.

The post СЕ РАСВЕТЛУВА ЛИ ЛИКВИДИРАЊЕТО НА ГРЧКИОТ НОВИНАР КАРАЈВАЗ? Две лица уапсени за учество во убиството appeared first on plusinfo.mk.

Банерите со фотографијата и пораката се поставени на зградата на Здружението во центарот на Атина, со оглед на тоа дека ЕСИЕА оваа 2023 година ја посвети на убиениот новинар.

На 9 април 2021 година, кусо пред 15 часот, по завршувањето на емисијата во која беше соработник Карајваз, непознати лица со мотор го пресретнале и го застрелале пред неговиот дом во јужниот дел на Атина.

Карајваз беше познат и искусен новинар, кој долги години следеше црна хроника и покриваше теми поврзани со полицијата, криминалот, грчката мафија, за истите теми имаше информативен портал, а паралелно работеше во претпладневна информативна емисија на телевизијата „Стар“.

Две години по настанот, не се откриени ниту сторителите, ниту евентуалните нарачатели на убиството, ниту пак причините.

Од Здружението на новинари, преку соопштение, велат дека не постои било каков напредок во расветлувањето на убиството „што е императив, не само во однос на кривичниот дел од случајот, туку и за да се врати чувството на сигурност кај грчките новинари и грчкото општество“.

– Меѓународните организации на новинари, како и Меѓународната федерација и Европската федерација, продолжуваат да упатуваат прашања за текот на случајот, кој се појавува во сите извештаи за слободата на медиумите и владеењето на правото во Грција, како показател за закана за безбедноста на новинарите, пишува во соопштението од ЕСИЕА.

The post „20 КУРШУМИ ЈА УБИВААТ ДЕМОКРАТИЈАТА“ Две години нерасчистено убиството на грчкиот новинар Карајваз appeared first on plusinfo.mk.

Според медиумите, на видеото се две лица на скутер, а облеката и видот на моторот, одговараат на описите на очевидците, додека пак снимени се на помалку од 500 метри од местото на убиството и три до четири минути претходно, а полицијата и понатаму ги прегледува сите безбедносни камери во околината.

Сѐ погласни се сценаријата во Грција дека станува збор за нарачано убиство, а потрагата и истрагата на полицијата се во тек, како за пронаоѓање на сторителите, така и за откривање на нарачателот или нарачателите.

Дел од грчките медиуми анализираат дека Карајваз бил ликвидиран од професионални убијци, кои можеби биле најмени од странство или од балканските земји, а се проверуваат хотелите, ер-би-ен-би становите, компаниите за изнајмување возила, како и аеродромите и копнените гранични премини.

Скутерот со кој се превезуваа двете лица, сѐ уште не е пронајден.

Онлајн изданието на „Катимерини“ пишува дека компјутерот, автомобилот и мобилниот телефон на новинарот веќе се во Дирекцијата за криминолошки истраги на грчката полиција.

Во петокот, кусо по 14 часот, 52-годишниот грчки новинар Јоргос Карајваз беше застрелан пред неговиот дом од две лица, во моментите додека се враќал од работа.

Обдукцијата покажа дека бил убиен со десет куршуми, шест во градите, два во пределот на главата, еден во вратот и еден завршил во дланката.

Во саботата грчкиот премиер Кирјакос Мицотакис се сретна со министерот за цивилна заштита Михалис Хрисохоидис од кого побара брзо расчистување на случајот и пронаоѓање на сторителите.

За убиството на Карајваз реагираа и од Европската Унија, а ладнокрвната ликвидација на искусниот новинар кој покриваше црна хроника, полиција, криминал и слично и понатаму е една од главните теми во Грција.

The post Убијците на новинарот Карајваз снимени со скутер на камери appeared first on plusinfo.mk.

Средбата на Мицотакис со Хрисохоидис е по вчерашното убиство на 52-годишниот грчки новинар, кој неколку минути по 14 часот беше застрелан пред неговиот дом од две лица, кои откако испукале најмалку десет куршуми, со мотор побегнале во непознат правец.

Министерот за цивилна заштита на Грција истакна дека станува збор за громорозно злосторство, а статусот новинар „му дава посебна тежина на случајот“.

– Пред малку се сретнав и го информирав премиерот. Со неговата експресна наредба, истрагите ќе бидат забрзани. Според сите статистички податоци, Грција е земја со многу ниска стапка на убиства низ цела Европа. Грција е безбедна и мирна земја. Грчката држава, грчката демократија придаваат големо значење на слободата на медиумите и заштитата на правата – истакна Хрисохидис и додаде дека грчката полиција ќе дејствува многу брзо и ќе ги пронајде сторителите.

Првичните процени на полицијата, според грчките медиуми, се дека станува збор за добро смислено и веројатно нарачано убиство, додека пак балистичката анализа покажала дека оружјето било „чисто“, односно не е поврзан со друго криминално дело во минатото.

Грчката новинска агенција АНА-МПА пишува дека новинарот имал десет повреди на телото и главата, а во текот на денот ќе се изврши и обдукција на телото, за да се одреди со колку куршуми бил застрелан.

Карајваз беше познат и искусен новинар, кој долги години следеше црна хроника и покриваше теми поврзани со полицијата, за истите теми имаше информативен портал, а паралелно работеше во претпладневна емисија на телевизијата „Стар“.

За убиството на новинарот, преку Твитер, синоќа реагираше и претседателката на Европската Комисија Урсула фон дер Лајен, која рече дека е одвратен и кукавички чин, истакна дека новинарите мора да можат безбедно да работат и изрази надеж дека криминалците набргу ќе бидат изведени пред лицето на правдата.

The post За убиството на новинарот Карајваз загрижена и ЕУ, Мицотакис бара брзо решавање на случајот appeared first on plusinfo.mk.