Според наводите од извештајот, во првиот предмет, определена е мерка куќен притвор без да се наведат различни причини од оние кога бил определен притвор. Додека, за другите два случаја, не се дадени причини на околностите.

Судскиот совет на итна седница претходно донесе одлука да се формира Комисија што ќе ја констатира фактичката состојба по однос донесените одлуки од страна на Основниот кривичен суд Скопје, а поврзани со случајот на Блерим Рамадани, кој избега од куќен притвор додека беше во тек екстрадициона постапка.

Блерим Рамадани, врз основа на меѓународната потерница издадена до Интерпол од Србија, беше уапсен на 17 јули 2024 година на граничниот премин Јажинце и однесен на 30 дена екстрадиционен притвор во затворот во Шутка. Содржината на налогот за апсење се заснова на сомневањата на Србија дека Рамадани, како поранешен војник на ОВК, извршил воени злосторства во регионот на Неродиме.

На 1 август, мерката на Рамадани од надлежен македонски суд му беше преиначена од „притвор“ во „куќен притвор“ и тој, според решението, беше упатен на адреса во Скопје. Со оваа одлука се предвидуваше тој да остане во „куќен притвор“ до 16 август. На 15 август од страна на надлежен судски орган доставена е документација до МВР за распишување на централна потерница за Блерим Рамадани, бидејќи е недостапно за органите на прогонот.

Другите два предмети се однесуваат на спогодбата на Основното јавно обвинителство за гонење на организиран криминал и корупција со осомничениот судија во Врховен суд, Наќе Георгиев, за кој постоеше основано сомнение дека сторил кривично дело Примање награда за противзаконито влијание. Георгиев прифатил да му биде изречена казна затвор од три години, и забрана за вршење на професија.

Додека, членот на Советот на јавни обвинители Иџет Мемети, исто така, признал вина и се спогодил со ОЈОГОКК на условна казна затвор од една година и забрана за вршење на професија, дејност или должност на службено лице во период од три години за кривичното дело „примање награда за противзаконито влијание“.

Советот денеска едногласно го разгледа и усвои и извештајот од работна група за констатирана состојба по предмет на Апелационен суд Скопје кој се однесува на одлуката на Апелација за случајот во кој Телеком треба да плати 4 милиони евра на човек фирма.

The post РАМАДАНИ ТРЕБАЛО ДА БИДЕ ВО ПРИТВОР, А НЕ ВО КУЌЕН Судскиот совет пресече за приведениот член на ОВК, усвоени спогодбите на Георгиев и Мемети appeared first on plusinfo.mk.

Тој, во емисијата „Топ тема“ на ТВ Телма, меѓутоа, очекува жестока дебата меѓу историчарите од двете земји за крајот на 19 и почетокот на 20 век.

– Јас сметам дека тука е многу појасна ситуацијата, јас се плашам ако трае работата на Комисијата во следните години, крајот на 19 век, почетокот на 20 век, ќе биде многу проблематичен. Периодот на Втората светска војна е многу јасен, нема за што да дебатираме. Постојат документи од бугарските архиви, од бугарската Влада дека се подготвуваат да извршат окупација на Македонија. Искрено тука не очекувам поголема дебата и одолговлекување, бидејќи ние тука сме на многу посигурен терен, постојат еден куп документи за нашата борба во Втората светска војна, за идеите за кои се борат Македонците. Јас сум тука прилично голем оптимист дека ќе можеме полесно да се договориме, рече Ѓоргиев.

Според него, нападите и изјавите од страна на колеги историчари од земјава создале една непријатна атмосфера кон работата на Комисијата, и особено, вели, во јавноста која не е директно запознаена со работата на Комисијата.

– Јас не знам на што се должи тоа, никогаш тие колеги не дошле да прашаат за што ние разговараме, кои се нашите намери, кои се нашите идеи за препораките. Нивните пишувања најчесто се изјави и тоа не од страна на македонски политичари, туку од бугарски. Доколку некој во Бугарија изјави тоа е апсолутна вистина и тие го земаат тоа како основа за свои пишувања – вели Ѓоргиев.

Тој наведува дека таков бил случајот со објавувањето на вториот протокол од Бугарија.

– Дваесет пати во делот за работата на историската комисија се употребува терминот „двете страни“, значи има 99 отсто реципроцитет во работата на Комисијата – вели копретседателот Ѓоргиев.

The post ЃОРГИЕВ Е ОПТИМИСТ Нема да има жестока дебата со бугарските историчари за Втората светска војна appeared first on plusinfo.mk.

Може да се користат термините окупација, инвазија, па дури и анексија, меѓутоа не и терминот бугарска фашистичка окупација, зашто Бугарија не била фашистичка земја, профашистичка да, меѓутоа фашистичка не, вели за РСЕ копретседателот на заедничката комисија за историски и образовни прашања Драги Ѓоргиев.

– Ние може да ја третираме Бугарија како пронацистичка, профашистичка земја, меѓутоа Бугарија не е фашистичка земја во тоа време. Профашистичка да, меѓутоа фашистичка не. Бугарија не е фашистичка земја, според мене, но и според видувањата на голем број научници на запад, нема фашистичко уредување во Бугарија. Постои еден авторитарен режим на Цар Борис таму, кој го суспендира работењето на бугарското собрание, меѓутоа Бугарија нема фашистичко уредување. Постојат внатре, условно кажано, фашистички движења, кои имаат фашистички идеи во себе, меѓутоа тие не се во рамките на самата бугарска држава, во структурата на владините тела. Така што, од тој аспект најсоодветно би било користењето на бугарска окупација, бугарска инвазија – додава вели Ѓоргиев.

The post ЃОРГИЕВ ВЕЛИ ДЕКА БУГАРИЈА НЕ БИЛА ФАШИСТИЧКА ТУКУ ПРОФАШИСТИЧКА Може да се каже окупација, инвазија или анексија appeared first on plusinfo.mk.

Според него, духот на работата на Комисијата се смени заради некои други работи, не затоа што Бугарија даде поддршка за влез на Македонија во НАТО и со тоа ја исполнивме нашата цел и повеќе не сакаме да работиме.

– Видете, ако ние треба да изградиме заеднички став во комисијата за тоа, на пример, дека треба заеднички да го чествуваме Гоце Делчев, а притоа државата со која треба заеднички да го чествуваме Гоце Делчев не го признава македонскиот јазик, тврди дека ние сме нација од 44-та година, Титова? Како може ние една таква препорака да дадеме до нашата Влада? Како можеме да дадеме таква препорака за држава која не нè признава онака како што сметаме ние дека како нација постоиме? И на кој начин таа јавност овде ќе ја прифати таа препорака? – посочува Ѓоргиев.

На прашањето дали има докази дека Самуиловото царство не е наследник на Првото бугарско царство, тој му одговара на новинарот дека не би сакал да навлегува во материјална расправа и толкување на изборите од средниот век, меѓутоа во книгите и студиите што се напишани во тој период постојат размислување дека таа држава може да се толкува и како држава која е различна од бугарската држава.

За професорот, Ангел Димитров, кој е копретседател на Комисијата од бугарска страна, Ѓоргиев вели дека бил револтиран од од неговиот однос.

– Ние уште бевме во Министерството, не бевме излезени од зградата после средбата, тој веќе даваше изјава со таа негова позната обвинувачка реторика кон нашата страна. Досега не сме имале таква реакција од која било страна дека ние зборуваме невистина и шириме некакви лажни вести во нашата јавноста – вели тој.

The post Ѓоргиев: Како да препорачаме заедничко чествување на Гоце Делчев кога не ни го признаваат македонскиот јазик и нација? appeared first on plusinfo.mk.

Од Институтот реагираат преку соопштение на актуелната состојба во која, како што велат, цела една нација и историска наука се квалификуваат како фалсификаторство и се бара целосна ревизија на историјата на македонскиот народ и нација.

Драги Ѓоргиев, предводникот на македонските историчари во мешовитата комисија со Бугарија, вели дека позициите на премиерот Зоран Заев нема да им наштетат и дека историските факти се над индивидуалните ставови на политичарите.

– Ставовите на премиерот нема да ни ги врзат рацете и да не стават во подредена положба – изјави тој за телевизија Алфа.

The post Ѓоргиев: Изјавите на Заев нема да им ги врзат рацете на историчарите appeared first on plusinfo.mk.

Ова го изјави Драги Ѓоргиев, претседател на македонскиот тим експерти во заедничката македонско-бугарска Комисија за историски и образовни прашања, во вечерашната емисија „Само вистина“ на Канал 5 телевизија.

Според него, било кое решение во кое ќе надвладее едната или другата страна нема да биде решение, нема да биде прифатено од општеството, од народот во соодветната држава.

– И затоа доколку сакаме во овој момент да се мрднеме ние од таа мртва точка треба да го прифатиме овој став во овој момент кој, според мене, не пречи да се слави Гоце Делчев заеднички. Согласно македонскиот наратив Гоце Делчев е македонски национален херој, според бугарскиот тој е бугарски национален херој, меѓутоа има елементи кои дозволуваат тој лик, важен за двата народи и за двете мемории, да се слави заеднички – подвлече Георгиев.

Тој појасни дека во бугарската историографија терминот Македонец во тоа време значи само регион, дека означува човек со географско потекло од Македонија, меѓутоа не и по националност Македонец и оти таа е тезата до која се држат и колегите во бугарската Комисија и колегите во бугарската историографија.

– Документација има, но како што реков од најразлична провиниенција, и од европска провиниенција и од османлиска и од бугарска и од преписките во рамките на самата организација и сакам да кажам дека кога се зборува за тие извори мора да се внимава на контекстот, на времето во кое се создадени тие извори и без тоа толкување многу тешко ќе успееме да дојдеме до некоја, условно кажано, објективна вистина, иако објективна вистина не постои во историографијата – оцени тој.

Во однос на Гоце Делчев, Ѓоргиев потсети дека тој е роден во Македонија, во Кукуш.

– Гоце Делчев ги поминува бугарските образовни институции, од основно, средно школо, Воена академија. Меѓутоа, лојалноста на Гоце Делчев не е кон Бугарија. Лојалноста како татковина на Гоце Делчев е кон Македонија – вели Ѓоргиев, додавајќи оти тоа го разбираат и неговите бугарски колеги.

– Меѓутоа мора повторно да се вратиме на тоа да го прифатиме и тоа дека постојат документи во кои Гоце Делчев се декларира како Бугарин. И тоа исто така ние треба да го имаме предвид, не може да го апстрахираме тоа. Меѓутоа, не може тоа да биде единствениот елемент околу кој ќе се фатиме ние за идентитетот на Гоце Делчев. Гоце Делчев покрај неговиот силен политички македонски идентитет, тој има силен географски идентитет. Тој живее во времето кога веќе Македонија како територија е перципирана од тоа население како татковина. Како татковина, тие луѓе не се борат за ниедна друга држава, туку за Македонија – да биде автономна држава, па подоцна, хипотетички независна држава или, како што велат бугарските колеги, да се приклучи кон Бугарија. Постои таква хипотеза. Но Гоце Делчев и целата организација силно се спротивставуваат исто така и на државниот бугарски национализам во тоа време во однос на проширувањето на територијата и на тие судири меѓу малите балкански држави за Македонија. Тој се спротивставува, така што неговата политичка лојалност, неговиот политички идентитет е македонски во однос на оваа територија, на татковината Македонија кој тој ја доживува како татковина и никако поинаку – појаснува Ѓоргиев.

Тој вели дека со бугарските колеги се уште разговараат за Гоце Делчев, иако немаат нешто премногу напишано на хартија.

– Уште разговараме. Немаме нешто премногу напишано на хартија, разговараме, дискутираме. Сите тие фактографски податоци за Гоце Делчев се прифатливи и за двете страни коишто се општо познати – роден, починат, се школува. Меѓутоа, проблемот е околу тој содржинскиот дел како ќе биде претставен и тука разговараме и дискутираме. Текстуалниот дел што ќе биде напишан, оној што ќе ја отслика важноста на Гоце Делчев и за двата народа зошто е важен – вели Ѓоргиев.

Според него, треба многу трпение и мудрост со цел да се задоволат и двете страни, за да може да се препознае она што ќе го дадеме пред јавноста и двата народи.

The post Ѓоргиев: Гоце Делчев припаѓа и на Македонија и на Бугарија и јас тука го гледам патот appeared first on plusinfo.mk.

– Архивска документација за Гоце Делчев постои. Постојат документи во кои тој се декларирал како Бугарин. Но, постојат и документи во кои Гоце Делчев зборува за Македонци, Македонки, за држава Македонија. Овој спор ќе се реши само ако се напуштат тврдите ставови. Треба да го чествуваме заеднички и да се земат предвид двете перцепции – истакна професорот Ѓоргиев.

Тој очекува Комисијата наскоро да продолжи со работа и најави дека македонскиот тим ќе се сретне со бугарските колеги на крајот на септември или почетокот на октомври.

Проф. д-р Ѓоргиев објасни дека работата на Комисијата била прекината поради тензијата која се јавила по декларациите усвоени во бугарскиот Парламент и од БАН, со кои се негира македонскиот јазик. Ѓоргиев потенцира дека прашањето за македонскиот јазик не смее да се отвора и тоа не треба да биде предмет на расправа на Комисијата.

The post Ѓоргиев: Работата на Комисијата не е да го утврдува идентитетот на Гоце Делчев, треба да го чествуваме заедно appeared first on plusinfo.mk.

На прашањето дали ќе се промени на некаков начин македонскиот концепт кога повторно ќе се седне на масата за разговори во комисијата, со оглед на полноправното членство на Северна Македонија во НАТО и добивањето на датум за преговори со Европската Унија, историчарот посочи дека не смета оти земјава на некој начин ќе го злоупотреби тоа.

– Ако имаме предив дека во претходните две години кога течеа разговорите во таа комисија понекогаш од страна на Бугарија беше потенцирано дека „треба ние да гласаме за почнување на преговори со ЕУ“ и „треба Бугарија во текот на тие преговори со Унијата да даде согласност за одредени прашања“, тоа беше понекогаш користено во разговорите како еден вид притисок. Меѓутоа не сметам дека тоа можеше да се оствари од бугарската страна и затоа и сега не сметам дека Македонија со добивањето на преговори со ЕУ и со членството во НАТО на некој начин тоа ќе го злоупотребува. Во секој случај сега нашата позиција, ако зборуваме политички е подобра, веќе не виси над нас тоа условување. И тој аспект може да се каже дека нашата позиција сега е полесна, меѓутоа не сметам дека ние сега треба да се однесуваме неодговорно и да ја злоупотребуваме таа позиција, рече Ѓоргиев.

На прашањето дали смета дека концептите на Бугарија и Северна Македонија за интерпретација на историјата се разликуваат цврство и суштински, тој вели дека Бугарија треба да го промени погледот кон Северна Македонија.

– Бугарија треба да го промени погледот на Македонија за сегашноста, односно да ја признае таа реалност која е создадена на територијата на денешна Северна Македонија. Од друга страна македонската историографија треба малку похрабро и поотворено да проговори за минатото и во таа смисла доколку двете држави, политики, историографии пораснат во тие два погледи истовремено, растат и ги надминуваат тие радикални сфаќања, цврсто националистички сфаќања за минатото или за денешната реалност, тогаш може да се дојде до резултат. Меѓутоа надминувањата мора да одат паралелно, оцени Ѓоргиев.

Тој нагласи дека македонскиот и бугарскиот народ се најблиски народи и доколку не можат да најдат меѓусебно решение тогаш тоа би било едно голема трагедија за нивните односи.

Во однос на тоа дека во текот на преговорите за интеграција на Северна Македонија во ЕУ, Бугарија како полнорпавна членка на Унијата има право да наложува вето или да определи услови, на прашањето дали смета дека Софија ќе го употреби тоа ако не биде реализиран историаки концепт близок до бугарските сфаќања, Ѓоргиев рече дека не смета оти тоа ќе биде премногу експлоатирано од страна на Софија.

– Не сметам дека тоа ќе биде премногу експлоатирано од страна на Бугарија. Јас верувам дека Бугарија како полноправна членка на Унијата ќе настојува да си ги оствари своите интереси, меѓутоа не сметам дека тоа толку силно ќе го експлоатира и дека безусловно ќе стои на тие ставови. И македонската страна не може да стои на радикалните ставови и да нема поместување во однос на некои гледања, на некои проблеми. Јас сум целосно оптимист дека може да се постигне решение, истакна историчарот.

Во однос на полноправното членство во НАТО на Северна Македонија, Ѓоргиев потенцираше дека приемот на земјава во Алијансата е сигурно еден од најважните моменти во нејзината современа историја.

– Тоа многу значи за самодовербата на Северна Македонија како држава, па и на нејзините жители, наведе историчарот Ѓоргиев.

The post Ѓоргиев: Доколку прекине работата на македонско-бугарската комисија, ќе остане чувство дека добрососедството не е искрено appeared first on plusinfo.mk.