Тој информираше дека МВР во координација со Јавното обвинителство до овој момент во врска со овој настан има осомничено повеќе од 20 лица, од кои 15 се во полициска станица.

Дел од осомничените за предизвикување на овој кривично правен настан се починати, дел се во болница.

– Дел од приведените лица кои што моментално се во полициска станица се луѓе кои имаат директна вина со овој настан, согласно досега собраните докази. Приведено е едно лице, кое што е организатор на настанот и за кое што имаме сомнение дека еден од оние кои што имаат директна вина. Исто така, приведени се поранешен државен секретар на Министерство за економија, поранешен раководител на еден сектор во Министерство за економија, поранешен директор на Дирекција за заштита и спасување и тројца вработени во рамки на дирекцијата – изјави Тошковски.

Вчера 13 лица во Штип биле приведени сопственикот на дискотеката, продавачите на билети, две лица од обезбедување, приведени се тројца пазарни инспектори, еден од трудова инспекција, како и полициски службеници. На 14 лица, вели министерот им е одреден притвор од 48 часа.

Министерот исто така изјави дека е повлечена локалната потерница која беше распишана за 4 лица, бидејќи тие се веќе обезбедени.

ЗАГИНАЛ ОДГОВОРНИОТ ЗА ПИРОТЕХНИКАТА Тошковски најави нови апсења за трагедијата во Кочани

The post ЕКС МИНИСТЕРОТ БЕКТЕШИ СЀ УШТЕ Е ВО СТАНИЦА Тошковски најави приведувања на уште лица за несреќата во Кочани appeared first on plusinfo.mk.

На годинашното издание ќе настапат Kaly со песната „Невера“, „The solution“ со „Ти и јас“, Александра Трајчевска со „Навика“, Ален Хрбиниќ Росси со „Со тебе“, Антониа Гиговска –„Жена“, Бојана Арсовска-„Никогаш доволно“, Васил Ангелов – „Без извини“, Дамјан Стоименовски – „Исти сме“, Дани Димитровска- „Пијана“, Дрио- „Засекогаш млад“, Димитар Андоновски- „Бура“, Елена Ристеска- „Ме боли за се“, Ивана ЈО- „Себично“, Јана Мрческа – „Убава и храбар“, Калина Александар- „Да не те познавав“, Марија Атанасова- „Ти си ми се“, Марија Спасовска- „Страв“, Мирјана Митрева- „Плачев во себе“, Павле Камиловски-Дали можам“, Полина Тасева – „Сцена“, Сања Тодоровиќ- „Јас сум виновна“, Сергеј Поповски- „Сите утра“, Симона Поповска- „Без тебе“, Славица Ангелова- „Сама“, Тамара Волческа- „Кажи ми да знам“, Тианна Димова – „Сто пати, “Тоше Ангелески – „Не прашувај“, Теа Трајковска и Таско со песната „Сатурн“.

Рефрените од песните се веќе ставени на официјаната страна на „Макфест“ на Инстаграм, а сите кои ќе сакаат пред време да знаат какви се песните што ќе бидат отпеани ќе може да видат на овој линк: https://www.instagram.com/makfestfestival/profilecard/?igsh=Zms2eDc1ODBodGRv

Организатор на фестивалот и годинава е Општина Штип, на чело со градоначалник Иван Јорданов, продуцент е Александар Арсовски, уметничкиот директор Роберт Саздов и член на уметничкиот совет е Јован Јованов.

The post АНТОНИА, ЕЛЕНА, ТЕА И ТАСКО Еве кои пејачи и песни ќе ги слушнеме на „Макфест“ appeared first on plusinfo.mk.

Претседателот на Судечкиот совет, судијата Илија Трпков, информираше дека по барањето на одбраната за примена на Законот за амнестија од 2018 година за обвинетите за случајот и добиеното мислење на Јавниот обвинител, донел одлука дека со која барањето се отфрла како неосновано.

– Се одбива како неосновано барањето за амнестија, бидејќи не се исполнети условите од член 1, став 2, алинеја еден и два од Закон за амнестија – изјави судијата Трпков.

Со оглед дека обвинетите имаат право на жалба на одлуките, судењето се одложува за 6 јули 2023 година.

Судот, на почетокот информираше дека го добил мислењето на Јавниот обвинител, дека обвинетите не се лица кои ги опфаќа Законот за амнестија и дека во оваа фаза не постои правна можност Судот да одлучува по амнестијата.

Адвокатот Еленко Миланов, во однос на мислењето на јавниот обвинител, наведе дека не го ограничува Судот да донесе решение со кое ќе ја запре постапката согласно одредбите од Законот за амнестија од 2018 година, со што примената на институтот амнестија не е врзан само во делот со одлучување на пресуда.

Случајот го води судијата Илија Трпков, а застапник на обвинението е Трајче Пеливанов.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Од Скопска апелација, во соопштението до медиумите, „информира дека при разгледување на првостепената пресуда оцени дека при постапувањето по овој кривичен предмет сторени се суштествени повреди на одредбите на кривичната постапка од член 415 став 1 точка 11 и став 3 од Законот за кривичната постапка, кои придонеле првостепениот суд да не биде во можност правилно да го примени материјалното право”.

The post НЕМА АМНЕСТИЈА ЗА „ОРГАНИЗАТОРИ ЗА 27 АПРИЛ“ Кривичен смета дека обвинетите не ги опфаќа Законот за амнестија appeared first on plusinfo.mk.

„Ставот на Кривичен суд е нивни. Но, против одлуката на Апелација – нема што да се изразува став. Судовите не можат да комуницираат на тој начин, да лоцираат вина еден во друг. Апелација по закон има овластување да донесе пресуда односно решение, да укине пресуда, да даде напатствија, да образложи“, велат од Апелација.

Претходно, Кривичниот суд го впери прстот во петорката судии од Апелација кои ја укинаа пресудата и го вратија на судење предметот. Од Кривичен се надоврзаа на изјавата на министерот за правда, Кренар Лога, кој посочи дека за одредени судии пропустите со суштествени повреди стануваат пракса.

Од Кривичен за ова изјавија:

„Во правец на изјавата на Министерот за правда, како суд ги повикуваме медиумите и стручната јавност да анализираат каде и заради кои „суштествени повреди“ предметите со години чекаат правосилност и застаруваат, а граѓаните ја губат довербата во судството“.

The post АПЕЛАЦИЈА МУ ОДГОВОРИ НА КРИВИЧЕН ЗА 27 АПРИЛ „Судовите не можат меѓусебно да си јa лоцираат вината“ appeared first on plusinfo.mk.

Службата соопшти дека привела 5 лица. Пет се државјани на Русија и тројца државјани на Украина и Ерменија.

ФСБ соопшти дека заедно со Истражниот комитет е утврдено дека „организатор на терористичкиот напад на мостот на Крим бил Главната разузнавачка управа на Министерството за одбрана на Украина, нејзиниот шеф Кирил Буданов, вработени и агенти“.

Како што утврди истрагата, експлозивната направа била камуфлирана во ролни со градежна полиетиленска фолија на 22 палети со вкупна тежина од 22.770 килограми и на почетокот на август „испратена од морското пристаниште Одеса во бугарскиот град Русе по договор бр. 02.08.2022 помеѓу Транслогистик ДОО УА“ Киев  и „Балтек Капитал СА“.

Разузнавачката служба нагласи дека истрагата за нападот продолжува, а сите нејзини организатори и соучесници, „вклучувајќи и странски државјани, ќе одговараат во согласност со руските закони“, наведува Интерфакс.

Рускиот претседател Владимир Путин на 9 октомври изјави дека експлозијата на клучниот мост што го поврзува Крим со Русија е терористички чин, планиран од украинските специјални служби.

The post РУСИЈА ОТКРИ КОЈ СТОИ ЗАД ЕКСПЛОЗИЈАТА НА КРИМСКИОТ МОСТ Досега се уапсени 8 лица appeared first on plusinfo.mk.

Исклучиво домашни организатори, изведувачи и подизведувачи ќе учествуваат на јавниот повик за финансиска поддршка за индустријата и операторите за организација на настани, за реализација на настани осмислени од апликантите, на теми избрани од компаниите, а со кои се одбележува 30 години независност на Македонија, во периодот јуни – септември 2021.

Како што соопштија од Владата, Битиќи и Забрчанец информирале дека повикот за финансиска поддршка ќе биде објавен во најбрз можен рок, во текот на наредната недела, за вкупен износ од 61 милион и 500 илјади денари, а на него ќе може да аплицираат и да бидат поддржани сите компании кои организираат настани и кои ќе исполнат јасни и прецизни критериуми.

Владините претставници потенцирале дека повикот има цел да обезбеди финансиска поддршка за заживување на економските активности на оваа гранка, а настаните кои ќе бидат поддржани не се дел од официјалните државни настани кои Владата преку засебна програма ќе ги организира за официјално одбележување на 8 септември, Денот на независноста.

На состанокот, како што соопштија од Владата, биле прифатени голем дел од барањата на Асоцијацијата, меѓу кои и тоа компаниите со поголема загуба да добијат повеќе бодови при оценувањето, а ќе можат да аплицираат сите компании со пад на приход поголем од 30 проценти.

Потоа еден подизведувач нема да може да се најде на повеќе од седум пријави за предлог-проекти, со цел да се оневозможи монополизација во делот на подизведувачите, а спортските настани посветени на „30 години независност“ ќе бидат додадени како тип на настани за кои може да се аплицира.

Ќе се обезбеди авансно плаќање од 30+40 отсто пред реализација на настанот, со препорака истото сразмерно да биде распоредено и кај носителите на проектите и кај подизведувачите, за да помогне во ликвидноста на компаниите.

Од Владата појаснуваат дека прифатено е и тоа дека една од областите кои ќе се оценуваат, а се однесува на капацитетот на апликантот за организација на настан, да биде број на вработени или број на хонорарно ангажирани лица, за зголемена конкурентност на компаниите.

„Владата ги информираше претставниците на ИВАП дека не може да го прифати предлогот кој се однесува на создавање конкурентска предност на одредени компании со одредени шифри на дејност, односно вицепремиерот и националниот координатор останаа на принципиелниот став на Владата дека целта на овој јавен повик е да даде можност за поддршка на сите компании кои организираат настани, а кои имаат загуби поради корона кризата, без да се фаворизираа која било компанија и без да се исклучува која било компанија, затоа што тоа не е праведно, ниту правично“, се наведува во соопштението на Владата.

Битиќи и Забрчанец ги информирале претставниците на Асоцијацијата дека ќе се оценува секоја апликација поединечно и ќе се бодува според поставените критериуми и согласно тоа, бројот на апликанти нема да влијае врз оценките за секоја индивидуална апликација.

– Тоа значи дека одлуката дали еден предлог проект зависи од оценката на апликацијата за тој проект, а не од тоа колку апликации стигнале на повикот – има доволно буџет за сите кои ќе ги исполнат условите. Владата има обврска да обезбеди можности за сите, а не да исклучува, заклучи Битиќи.

Вицепремиерот информирал дека преку Развојната банка на Република Северна Македонија подготвува нова линија на бескаматни кредити, со грејс период од 12 месеци, а околу еден милион евра се проценува дека ќе бидат наменети за одржување на ликвидноста на компаниите кои организираат настани. Дополнително Битиќи потсети дека Владата обезбеди поддршка и за плати за месеците февруари и март 2021, којашто фирмите ќе ја добијат веднаш штом се усвојат потребните измени за петтиот пакет мерки во Собранието, односно штом се надмине блокадата на опозицијата.

The post Протестите во мирување, се чека на јавен повик од милион евра за организаторите на настани appeared first on plusinfo.mk.

Од таму информираат дека јавноста знае дека оваа дејност е затворена повеќе од 1 година и дека сите се сведоци дека нема јавни настани, концерти, и други случувања каде има масовно собирање. Ниту пак, со оглед на состојбата со пандемијата, има надеж дека наскоро ќе можат да работат.

– Но, исто така јавноста треба да знае дека овие компании добија нула денари помош од државата. И покрај сите наши барања, дописи, молби за помош, Владата остана глува а ние невидливи во сопствената држава. Од друга страна, сведоци сме дека некои други сектори повеќепати беа помогнати со грантови и друга помош. Но, според официјалната статистика на Централниот регистар, нашиот сектор има пад на промет од 62,103 отсто за 2020 година и тоа е можеби највисокиот пад споредено со другите индустрии – велат од Асоцијација ИВАП.

Од ИВАП велат дека цела година трпеливо чекале Владата да го препознае нивниот сектор и да ги согледа загубите, не правеле скриени и тајни настани, не го загрозувале јавното здравје, но заради нивната конструктивност, го загрозиле опстанокот на нивните фирми.

– Веќе немаме што да изгубиме, приморани сме нашите права да ги бараме на поинаков начин! Од понеделник излегуваме на улица. До сега бевме тивки, но не натераа да станеме гласни! Ќе останеме на улица се додека не ја добиеме помошта што ја бараме и која ја заслужуваме. Ги повикуваме сите колеги кои работат во овој сектор како и сите други придружни дејности без кои нашата индустрија не може да постои да ни се приклучат. Не сме многу, но нема да дозволиме да останеме невидливи – велат од ИВАП.

The post Организаторите на настани од понеделник на протести appeared first on plusinfo.mk.

Законодавецот и покрај силните реакции на организаторите на игри на среќа се определи да предложи да ги оддалечи 500 метри од училиштата деловните деловните простории во кои се приредуваат игри на среќа во обложувалница и автомат клуб, томбола од затворен тип и електронски игри на среќа.

„Деловните простории во кои се приредуваат игри на среќа во обложувалница и автомат клуб, томбола од затворен тип и електронски игри на среќа се отвораат на оддалеченост од 500 метри од основни и средни училишта, до кои се доаѓа по најкраткиот безбеден пат“, стои во нацрт измените на законот.

Организаторите на игри на среќа за да можат да работат односно да отворат просторија во која ќе вршат уплати и исплати ќе треба со посебен документ да докажат дека просторијата е оддалечена 500 метри од училиште. Документот и начинот како тоа ќе се реализира ќе го определи Министерството за финансии во посебен акт.

Законодавецот покрај ова прашање предвидува и драстично зголемување на надоместоците за организирање игри на среќа. Цената на лиценцата за обложувалница се зголемува на 125.000 евра. Досега се плаќаа 105.000 евра. За отворање на уплатните места редовно ќе се плаќа само ако се отворат најмногу 25, а за секоја наредна ќе се плаќа по 5.000 евра.

Лиценца за приредување интернет игри на среќа по донесувањето на овие измени на законот ќе чини 500.000 евра. Таа досега чинеше 40.000 евра.

За приредување на електронските игри на среќа, приредувачот на игрите плаќа надоместок во износ од 70 наместо 30 евра, месечно по терминал. Приредувачите на електронските и интернет игри на среќа се должни да обезбедат и надзорен информациски систем.

Надоместокот на приредување на лотариските игри на среќа сега ќе се плаќа 6 отсто, наместо досегашните 4 отсто од вкупно остварените уплати, односно средства прибрани преку продажба на лозови, на месечна основа.

Секој електронски видеолотариски терминал на кој се приредуваат електронските игри на среќа во деловни простории во сопственост на друг субјект кој не приредува игри на среќа, мора да содржи читач на податоци од лична карта преку кој се овозможува ставање во функција на електронскиот видеолотариски терминал на кој се приредуваат електронските игри на среќа.

„Доколку износот на посебната давачка од 20% е помал од вкупниот износ добиен како збир на производот на сите автомати помножен со 70 евра и на производот на сите електронски рулети помножен со 140 евра, приредувачот плаќа 70 евра месечно по автомат, односно 140 евра месечно по електронски рулет“, стои во измените.

За добивање лиценца за приредување на игри на среќа во казино се плаќа надоместок во износ од 600.000 евра.

За приредување на игри на среќа во автомат клуб лиценцата ќе чини 100.000 евра наместо досегашните 78.750 евра и ќе се издава на шест години.

Приредувачот на игри на среќа во автомат клуб има право да го зголеми бројот на деловните простории при што за отворање на секоја нова деловна просторија плаќа надоместок во износ од 30.000 евра.

Автомат клубовите на месечна основа за финансирање на спортот плаќаат посебна давачка во висина од 1,5 отсто на сметка на Агенцијата за млади и спорт и за финансирање на здравствената заштита плаќаат посебна давачка во висина од 1,5% која се уплаќа на сметка на Министерството за здравство.

Се зголемува и износот на посебните давачки кои се однесуваат на Агенцијата за промоција и поддршка на туризмот.

„Од уплатените средства за посебната давачка од игрите на среќа, секоја година до 31 јануари се распределуваат средства не помалку од 20 милиони денари и не повеќе од 80 милиони денари на сметка на Агенцијата за промоција и поддршка на туризмот во Република Северна Македонија, во рамки на Трезорската сметка“, стои во измените.

Досега оваа обврска се пресметуваше во проценти и тоа 7 отсто од средствата кои се распределуваат.

Лиценца за производител, сопственик или овластен корисник на интернет игри на среќа се издава за период од четири години, а лиценцата за приредувач на интернет игри на среќа се издава за период од пет години.

Нови износи плаќаат и носителите на лиценци. Носителот на лиценцата за производител плаќа надоместок за издавање на лиценцата во износ од 100.000 евра наместо досегашните 25.000 евра. Носителот на лиценцата за приредување на интернет игри на среќа плаќа надоместок за издавање на лиценцата во износ од 250.000 евра наместо досегашните 50.000 евра.

Барателот на лиценца за приредувач на интернет игри на среќа, покрај досегашните услови треба да ги исполнува и дополнителни услови: да е лиценциран приредувач на игри на среќа во земјава најмалку 12 месеци пред поднесувањето на барање за добивање на лиценца, бројот на вработени лица да биде не помалку од 300 и да остварува годишен приход од игри на среќа не помалку од 10.000.000 евра.

За разлика од актуелниот закон сертификат за хардверска и софтверска платформа (хост) со измените ќе се издава на правно лице кое е регистрирано само во земјава, но не и во странство.

Заради обезбедување на исплатата на добивките спрема учесниците во интернет игрите на среќа, измирување на надоместокот за приредување на интернет игри на среќа, како и даноците и другите јавни давачки, како и другите обврски, приредувачот на интернет игрите на среќа е должен за целиот период на важност на лиценцата за приредување на интернет игри на среќа да има обезбедено банкарска гаранција на износ од 500.000 евра наместо како досега 50.000 евра.

Законодавецот со новите измени го ограничува правото на пристап кон интернет страниците на странските приредувачи на интернет игри на среќа.

„Операторите на јавните комуникациски мрежи и на јавно достапните услуги за електронска комуникација, како и правни и физички лица кои по основ на посебни прописи поставуваат, употребуваат или даваат на користење електронска комуникациска мрежа или нудат услуги за електронска комуникација на територијата на Република Северна Македонија се должни да оневозможат пристап кон IP адресите на приредувачите на интернет игри на среќа кои не поседуваат лиценца издадена од страна на Владата на Република Северна Македонија“, стои во измените. Казната за непочитување на оваа одредба е 10.000.000 денари.

Измените на законот за игри на среќа предизвикаа реакции кај организаторите. Тие сметаат дека со примената на овие измени на законот ќе згасне индустрија која носи прилив од 280 милиони евра во државната каса, овозможува 10.000 работни места, односно 70.000 индиректно вработени.

Посебно спорно за нив е растојанието од нивните деловни простории до училиштата да биде 500 метри.

– Ако се воведе предложената дистанца, на индустријата на игрите на среќа ѝ се заканува целосно затворање. Дислокацијата на деловните објекти на бараното растојание од училиштата во реалностa е апсолутно неприменлива, во Скопје поради густината на населението и по неколку образовни институции во населбите, а проблемот е уште поголем во помалите градови каде буквално има само една главна улица и неколку споредни – велат тие.

Организаторите сметаат дека таквото решение нема да придонесе за подобрување на состојбата, бидејќи и сега има забрана за влегување на деца во просториите за игра на среќа. Тие посочуваат дека вакво законско решение значи ризик за отворање на нелегален пазар на игри на среќа.

Нацрт измените на Законот за игри на среќа предвидува усогласувањето со законските измени за сите организатори на игри на среќа да биде во рок од една година од нивното донесување.

Владата треба да даде мислење за овие измени до 30 јуни, а потоа Собранието треба да ги донесе.

The post Власта се намерачила да ги сотре обложувалниците и да ги втера во сива зона appeared first on plusinfo.mk.

Перица Голомеиќ, еден од организаторите на протестот, ова го соопшти во разговор за ТВ21.

Тој на протестот којшто се одржува на раскрсницата на булеварот Александар Македонски во Автокоманда побара Владата да им дозволи да работат на организаторите на свадби, ноќните клубови на фотостудијата и музичките бендови.

– Ние не работиме затоа што ни е забрането. Нашата примарна дејност е спречена. Владата ни даде неколку плати за вработените , а остатокот и покрај што не работевме цела година им ги исплаќавме сами на вработените. Свесни сме за епидемиолошката состојба и во прва фаза не бараме да одганизираме традиционална македонска свадба, туку да работиме под исти услови и протоколи како и другите – рече Голомеиќ.

Тој ја прокоментира и изјавата на министерот за економија Крешник Бектеши кој рече дека во четвртиот пакет мерки добиле грантови.

– Нека ни каже дали со 10.000 евра може цела година да се одржуваат објектите од 1000 квадратни метри. Ние не остваруваме никаков профит една година, а банките не притискаат за плаќање на кредитите. Ние не бараме да не работиме, туку обратно да ни се даде шанса да работиме и да не ја пропуштиме сезоната  –  рече  Голомеиќ.

Тој соопшти дека покрај во Скопје денеска се протестира и во Гостивар и најави дека наредните денови протестите се прошируваат во сите градови во земјата.

The post Угостителите предлагаат: Свадби под маски, да се вади маската кога ќе се јаде, а на маса да седат до осум гости appeared first on plusinfo.mk.

Како што е соопштено од средбата, предлозите за решенија на проблемот ќе ги разгледаат стручните тела на Владата, од економски и од здравствено-епидемилошки аспект, а ќе бидат организирани и дополнителни средби.

На средбата засегнатите сектори од угостителството, се додава во соопштението од Владата, изразиле разбирање и свесност за ризиците кои групирањето на граѓаните на отворени и затворени простори ги носи по јавното здравје.

Во исто време, премиерот Заев и претставниците на Владата демонстрираа запознаеност и разбирање за економските ризици и загуби кои се случуваат во дејноста прослави и свадби.

Притоа заеднички е констатирано дека со оваа средба дијалогот е започнат, а решението треба да овозможи  намалување на  усовите кои доведуваат до зголемен број на заразени од ковид-19 , но истовремено да се најде можност за поддршка на засегнатите во дејноста прослави и свадби која е меѓу најпогодените, со цел намалување на економската штета.

The post Организаторите на свадби и музичарите до Владата ќе достават предлози за решавање на застојот во дејноста appeared first on plusinfo.mk.