Шокантниот инцидент на изборот за Мис Универзум што моментално се одржува во Тајланд доби свој епилог.

Извршниот директор на натпреварот, Нават Ицарагрисил, кој навреди една од убавиците, се обиде да се извини откако предизвика вистинска контроверзност на натпреварот пред неколку дена, а особено за неговото однесување кон Фатима Бош, Мис Мексико.

Видеото од преднатпреварот на кој функционер на натпреварот јавно ја понижи Мис Мексико, се појави на социјалните мрежи за неколку секунди, а многу од присутните убавици, меѓу кои и актуелната Мис Универзум 2024, Викторија Теилвиг, веднаш реагираа напуштајќи еден од официјалните настани.

За време на церемонијата на доделување ленти во хотелот каде што престојуваа натпреварувачките, Ицарагрисил јавно ја прекори Бош затоа што не се појавила на спонзорското снимање претходно во текот на денот.

Тој ѝ рече пред камера да „стане и да се изјасни“, а кога таа се обиде да одговори дека не сака да биде прозвана пред сите, Ицарагрисил ја нарече „глупава“. Дури и побара од обезбедувањето да ја исфрлат од просторијата, но додека Мис Мексико се упатуваше кон излезот, десетици натпреварувачки решија да ја следат во знак на поддршка.

Организацијата „Мис Универзум“ подоцна издаде соопштение во кое се вели дека „сите планирани настани и активности се одвиваат според планот“ и дека целта е да се „прослават различноста, зајакнувањето и инклузивноста“.

 

View this post on Instagram

 

A post shared by Miss Universe (@missuniverse)

Потоа, Ицарагрисил низ солзи се обиде да се извини на сцената и пред медиумите. Тој се извини и на Инстаграм.

– Ако некој не се чувствувал добро, ако некој се чувствувал непријатно. Ако некој бил погоден, им се извинувам на сите – рече тој во видеото, додавајќи дека им се извинил и на присутните натпреварувачки.

На прес-конференцијата, тој рече дека сака да им се извини на сите.

– Немав поим колку голем ќе стане овој проблем.

 

View this post on Instagram

 

A post shared by The Great Pageant Community ® (@tgpc_official)

The post 🎥 ОРГАНИЗАТОРОТ НА МИС УНИВЕРЗУМ СЕ ИЗВИНИ СО ПЛАЧЕЊЕ По навредата на Мис Мексико, директорот на натпреварот се обиде емотивно да се извини пред целиот свет appeared first on plusinfo.mk.

Во духот на спортот, дружењето и здравите навики, пред Клиничката болница „Аџибадем Систина“ во Скопје се одржа деловната трка на 5 километри „Croatia Osiguruvanje Business Run 5K 2025“, на која оваа здравствена установа беше горд домаќин. Стартот и целта беа поставени пред болницата, каде што се собраа стотици вработени од компании од различни сектори, обединети со една цел – да ја промовираат физичката активност, тимската поврзаност и деловното дружење.

„Оваа трка е симбол на заедништвото и тимскиот дух. Горди сме што ‘Аџибадем Систина’ беше домаќин на настанот и што преку спорт повторно ја покажавме важноста на активниот и здрав животен стил“, соопштија од болницата.

Голем број компании учествуваа со свои тимови, меѓу кои беа и домаќинот „Аџибадем Систина“ заедно со „Премиум спорт центар“, кои имаа повеќе од 50 учесници. Со голема енергија и ентузијазам тие ја истрчаа целата патека, гордо носејќи ги боите на своите брендови.

Како дополнителна поддршка на здравиот животен стил, болницата овозможи бесплатно мерење на шеќер во крвта за сите учесници, пред и по завршувањето на трката. За резултатите и препораките беше задолжена д-р Надица Божиновска Димова, специјалист по ендокринологија, која им даде корисни совети на сите заинтересирани.

По трката следуваше неформално дружење со музика, освежување и доделување признанија за најуспешните учесници. Просторот пред болницата беше претворен во зона на спортски дух, позитивна енергија и тимска мотивација.

Од болницата велат дека и понатаму остануваат посветени на иницијативи кои промовираат здрави навики и тимска култура, како клучни вредности на нивната организација.

The post БЕСПЛАТНИ ПРЕГЛЕДИ ЗА СИТЕ УЧЕСНИЦИ „Аџибадем Систина“ домаќин на трката „Croatia Osiguruvanje Business Run 5K 2025“ appeared first on plusinfo.mk.

20-годишен Македонец бил уапсен во Сант Пелтен, Австрија бидејќи е осомничен дека предводел група за поддршка на терористичката организација Исламска држава (ИСИС). Момчето, кое моментално издржува петгодишна затворска казна, било лидер на оваа група, пренесува австриски „Die Pressе“.

Според австриската полиција, на прес-конференција одржана во вторникот, откриено е дека групата регрутирала осум тинејџери на возраст од 13 до 15 години за да им се приклучат на ИСИС.

Овој случај е исто така поврзан со крајнодесничарски групи. Осомничениот 20-годишник претходно бил забележан во 2023 година кога оставал графити на ИСИС на главната железничка станица во Сант Пелтен. Поради ова, во јавноста станал познат како „ИСИС-спреер од Сант Пелтен“. Роланд Шершер, шеф на Државната служба за заштита на државата и борба против екстремизмот во Долна Австрија, изјави дека младиот човек бил осуден на затворска казна поради поддршка на терористичка организација и оштетување на јавен имот.

Пропаганда за ИСИС и Хамас

По неговото ослободување во ноември минатата година, 20-годишникот повторно бил активен, регрутирајќи луѓе за ИСИС и поддржувајќи го нападот на Хамас врз Израел.

– Имало неколку места каде што се среќавале – изјави Шершер.

Родителите на некои од тинејџерите го пријавиле случајот, што довело до понатамошна истрага.

Тинејџерите што биле регрутирани ширеле видеа и песни кои ја величале идеологијата на ИСИС, а се смета дека тоа било со цел да привлечат нови членови за терористичката организација. Исто така, била спроведувана и антисемитска пропаганда во корист на Хамас и против Израел.

– Информациите главно се споделувале преку мобилни телефони и интернет – изјави министерот за внатрешни работи, Герхард Карнер, на прес-конференцијата.

Во октомври, осомничениот 20-годишник повторно бил осуден, овој пат на петгодишна казна затвор поради членство во терористичка организација.

The post 20-ГОДИШЕН МАКЕДОНЕЦ УАПСЕН ВО АВСТРИЈА ЗА ВРСКИ СО ИСИС Полицијата спречила регрутирање на тинејџери во терористичка група appeared first on plusinfo.mk.

-Таа беше трет човек по хиерархија во институцијата, која имала можност да придонесе за подобри плати и услови за работа на наставниците, таа заедно со нејзиниот министер со кого беа во коалиција, не предвидоа средства во буџетот за оваа намена за 2024 година. Ситуацијата, едноставно опишана е следна – Казанџиска свесно турнала некого на земја и сега му подава рака за да стане, претставувајќи му се како заштитник – рече Попов.

Според него, СДСМ и ДУИ вршат брутална злоупотреба на наставниците организирајќи партиски протест со што докажуваат кој седи зад наводниот синдикат.

– Казанџиска е дел од раководството на претходната Влада на СДСМ и ДУИ која ги угнетуваше наставниците, која не ги консултираше за ниту една промена што предизвикаа тешки штети по македонското образование. Влада која доцнеше со исплатата на платите и манипулираше дека ги зголемува, без да ја споменува високата инфлација која ги изеде платите на сите граѓани, па и на наставниците. 7 години СДСМ можеше да реализира покачување колку што сакаа, тоа не го направија, затоа што намерата никогаш не им била таква. Ниту во овој буџет предвидоа пари за поголеми плати, затоа што го правеа буџетот за пред избори и да трошат пари пред кампања што и го направија – рече Попов.

Тој додаде дека наставниците никогаш не биле во приоритет на СДСМ.

-ВМРО-ДПМНЕ има поинаков пристап, и ќе го вратиме достоинството на наставниците. Апелираме до наставниците да не наседнуваат на партиски хушкања. Да не подлегнуваат на притисоци на опозицијата која 7 години беше власт и не се погрижи да им обезбеди достоинство и пристоен живот. Актуелната Влада предводена од ВМРО – ДПМНЕ има конкретен план како да го врати дигнитетот на наставниците. Со враќање на девастираните институции во нормала и со креирање на нов буџет за 2025 година кој домаќински и транспарентно ќе се користи, ќе се обезбедат пари за повисоки плати, за подобри услови за работа и за повеќе можности за кариерен и професионален развој – вели Попов.

The post НАСТАВНИЦИТЕ ДА НЕ ПОДЛЕГНУВААТ НА ПРИТИСОЦИТЕ НА ОПОЗИЦИЈАТА Попов предупредува дека протестот е партиски appeared first on plusinfo.mk.

„По добиените информации за пропустот поврзан со истакнувањето на официјалното знаме на Република Северна Македонија на тенискиот турнир Австралија Опен, Министерството за надворешни работи, преку амбасадата во Канбера, веднаш реагираше до Министерството за надворешни работи и трговија на Австралија, како и до организаторот на турнирот, Австралија Опен“, се вели во соопштението од МНР.

Оттаму додаваат дека е добиено уверување дека се работи за ненамерен пропуст – техничка грешка која е веднаш исправена и која не предизвикала ефективни ограничувања. Било испратено длабоко извинување и уверување дека инцидентот нема да влијае врз силните врски помеѓу граѓаните на Австралија и Северна Македонија, кои се карактеризираат со пријателство и љубов кон спортот.

„Организаторот појасни дека согласно важечките правила, на трибините за време на натпреварите на турнирот дозволено е да се веат само знамиња на учесниците на натпреварот; воедно добивме и потврда дека за време на учеството на нашата натпреварувачка Лина Ѓорчевска, официјалното знаме на земјава било присутно на трибините меѓу гледачите без никакви ограничувања“, додаваат од МНР.

Инаку медиумите во Македонија споделија информација дека македонското државно знаме, како и знамето од Кутлеш (Вергина) се забранети за снимање на Австралија опен, по објава во групите на Македонците во Австралија на социјалните мрежи.

Организаторот на турнирот на снимателите од Канал 9, кои ги реализираат преносите од првиот гренслем-турнир во годината, им поделил флаери со знамиња кои не треба да бидат снимани доколку се појават на трибините.

На флаерот со инструкции се знамињата на Палестина, Белорусија, Русија, Тајван, Израел и верувале или не – на Македонија. Освен државното знаме на Македонија, забрането е да се снима и знамето со 16-кракото сонце, во неговата црвена и сина (грчка) варијанта.

МАКЕДОНСКОТО ЗНАМЕ НА „ЦРНАТА ЛИСТА“ НА АВСТРАЛИЈА ОПЕН Земјата членка на НАТО доби ист третман со Русија, Белорусија, Палестина, Израел и Тајван

The post НЕНАМЕРНА ГРЕШКА БИЛА ЗАБРАНАТА НА МАКЕДОНСКОТО ЗНАМЕ Организаторите на Австралија Опен се извинија за пропустот appeared first on plusinfo.mk.

Туристичката организација се извинува за настанот:

„Во оваа прилика чувствуваме потреба да им се извиниме на граѓаните на Лесковац и пошироката јавност и да побараме разбирање за контроверзниот настап за кој чувствуваме морална одговорност. По четири години соработка, а според проблемот што го направија на петтиот настап во Лесковац, ве известуваме дека акробатската група ‘USB’ од Ниш никогаш повеќе нема да се појави на Лесковачкиот карневал од горенаведените причини“, велат тие.

(ВИДЕО) „ВАЛКАН ТАНЦ“ ВО ЛЕСКОВАЦ На татковците им паднаа вилиците, на децата им ги покриваа очите

The post ДА ГО ПРЕКИНЕВМЕ СТРИПТИЗОТ ЌЕ ИМАШЕ УШТЕ ПОГОЛЕМА ЗАБУНА Се јави организаторот на карневалот во Лесковац appeared first on plusinfo.mk.

Како организатор на демонстрациите е идентификувана една жена, јави британскиот дневен весник „Гардијан“.

На вчерашниот протест во главниот град на Обединетото кралство се собраа околу 150 лица, кои маршираа низ неколку делови од градот, во моментот кога беше објавено дека Лондон и југоистокот на Англија одат кон четврто ниво на ограничувања.

На демонстрациите имаше неколку судири меѓу полицијата и немаскираните демонстранти, кои извикуваа: „Ние бараме слобода“.

Полицијата соопшти дека протестот го загрозил здравјето на жителите на Лондон и дека уапсените биле обвинети за кршење на прописите за здравствена заштита.

The post Казна од 10.000 фунти за огранизаторот на протестот во Лондон против „локдаун“ appeared first on plusinfo.mk.