– Медицинските сестри не смеат како професија на ваков лесен начин да бидат нерешени. Имате можност да го распишете конкурсот и да ги вработите како дел од јавниот здравствен систем. Се работи за осум ординации. Ако се работи за пациенти кои се помалку од две илјади, тоа се можеби над 8 илјади корисници на здравствени услуги во тој дел. Има начини и решенија со кои може на медицинските сестри достоинството да им биде задржано како што треба. Сметаме дека ова е непристоен предлог од Здружението на приватните лекари кој е атак на целокупната сестринска професија и на целокупниот здравствен систем – рече Бешлиоска пред одржувањето на вториот симпозиум на Друштвото на медицински сестри – инструментарки при ЗМСТАС „ЗА НАС“ на тема: „Тимската работа на инструментарките во кадаверичната трансплатација“.

Таа потенцира дека разочарувачки е ставот на Здружението на приватните лекари од кој добиле впечаток дека, како што рече, медицинските сестри ги доживуваат како трошок.

– Она што е многу разочарувачки е ставот на приватните лекари, односно на Здружението на приватните лекари каде добивме впечаток дека медицинските сестри ги доживуваат како трошок. Медицинските сестри не се трошок. Медицинските сестри се инвестиции и во нив треба да се инвестира, бидејќи инвестицијата во нив е инвестиција во здрава нација. Медицинските сестри не се пиши-бриши и не се само бројки. Пристапот не смее да биде таков – дека сме имале конкурси на кои не се пријавиле и да не бараме дополнителни други решенија – рече таа.

Бешлиоска информира дека разговарале со директорот на Фондот за здравствено осигурување и очекува да бидат повикани на средба наредната недела и потоа да го кажат својот став што ќе се одлучи на таа средба.

– Ние разговаравме со директорот на Фондот за здравствено осигурување. Тој апсолутно ја прифати нашата реакција и рече дека врз основа на неговите можности, на неговата агенда во текот на наредната недела по нашето побарување кое ние го испративме ќе обезбеди можност и термин за Унијата и здруженијата да се видиме и да ги понудиме нашите решенија за овие состојби за кои што тој пренесе дека се исклучително осетливи затоа што во овие рурални средини, наводно, на повеќе распишани конкурси немало пријавување на медицински сестри. Меѓутоа, ние имаме решенија да ги понудиме од типот дека постојат разни услови и начини на кои тие конкурси можат да се обноват, па овие пациенти да не ги оставиме во овие средини без медицинските сестри кои фундаменталното ниво во професијата за испорака им е нормално напредување на здравјето, спречување на болестите – превенцијата, рече таа.

Бешлиоска наведе и дека тие имаат искуства и од регионот и од Европа.

– Во овој момент сме во еден проект, кој што сакаме да го пресликаме од словенскиот проект и од образовен и други аспекти кој одговара на нашиот здравствен систем каде што толку многу се инвестира во медицинските сестри, во образованието и субвенционира во нивните напреднати методи за да бидат независни во овие рурални средини и да работат како такви, а не да ги избришеме и да не постојат во превентивниот систем – вели Бешлиоска.

На 26 ноември беше донесена одлука според која следните 24 месеци, на лекари во мали места ќе им биде дозволено да продолжат да работат без медицински сестри. Одлуката беше поздравена по состанок на директорите на Фондот за здравствено осигурување (ФЗО), Сашо Клековски и Бранко Аџигогов, со раководството на Здружението на приватни лекари (ЗПЛ) и координатори од градови.

The post НЕ СМЕЕ ПАЦИЕНТИТЕ ДА ОСТАНАТ БЕЗ МЕДИЦИНСКИ СЕСТРИ Бешлиоска вели дека имаат решенија за конкурсите во руралните средини appeared first on plusinfo.mk.

Ветеринарите претходно предупредија дека ситуацијата е алармантна и дека ако Владата не преземе итни мерки доведен ќе биде во прашање нивниот опстанок. Тие бараат усвојување на методологијата за формирање цени која е веќе утврдена, итно зголемување за 30 отсто на сите цени за превентивните ветеринарни услуги кои се на товар на државниот буџет, како и 50 отсто кофинансирање на вакцинацијата против болеста ентеротоксемија кај овци и кози.

– Директорот на АХВ бил спречен да дојде на нашиот денешен состанок. Затоа, ние се упативме кај него, а имаме три конкретни барања: усвојување на методологијата за формирање цени која е веќе утврдена од работната група со претставници на АХВ, МЗШВ и Ветеринарната комора, итно зголемување за 30 отсто на сите цени за превентивните ветеринарни услуги кои се на товар на државниот буџет, како и 50 отсто кофинансирање на вакцинацијата против ентеротоксемија кај овци и кози која засега е на товар на сопствениците на грлата – изјави за МИА извршниот директор на Комората, Томислав Николовски.

Како што истакнува Николовски, ветеринарите ќе го причекаат Бабовски, но ако тој не се појави во догледно време, најверојатно ќе замнинат пред МЗШВ.

Ветеринарната комора во повеќе наврати досега предупредуваше дека секторот е пред колапс и дека опстанокот на ветеринарните друштва е доведен во прашање што може да има несогледиви импликации врз сточарството, како и врз справувањето со актуелните и идни здравствени предизвици. Комората реагираше и со допис до премиерот и до министерот за земјоделство.

The post БАРААТ ПОМОШ ЗА ДА ОПСТАНАТ Ветеринарите сакаат средба со Бабовски appeared first on plusinfo.mk.

На тој начин грчките државјани ќе имаат готови тестови со кои ќе можат да влезат во својата земја. Тоа било едно од барањата на гевгелиските стоматолошки ординации, казина и маркети кои на Филипче му се пожалиле дека, грци се помалку доaѓале во Гевгелија оти немало услови за брзи тестови.

Гевгелиското стопанство трпи огромни загуби. Во казината, стоматолошките ординации речиси и да нема гости од Грција во последните месеци. Градоначалникот Сашо Поцков вели дека затворената граница кај Богородица го погоди услужниот сектор.

Од гевгелиската болница информираа дека имаат просторни услови за инсталирање на дополнителна опрема за изработка на брзи ПЦР тестови кои доколку добијат дозвола од здравствните власти ќе ги изработуваат со гевгелиcкиoт центар за јавно здравје.

The post Грците се враќаат во Гевгелија, ќе им се прават брзи ПЦР тестови appeared first on plusinfo.mk.

Како што соопшти Министерството за здравство, службата за Итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

The post Утре ќе работат дежурните ординации во трета смена appeared first on plusinfo.mk.