Градоначалникот на Општина Центар, Горан Герасимовски, изврши увид во градежните активности на улицата Ленинова, каде што е во тек претпоследната фаза од реконструкцијата.

Во моментов се поставува втор слој асфалт на потегот од булеварот Партизански одреди до крстосницата со улицата Илинденска, во должина од 412 метри.

Паралелно се асфалтира и кружниот тек на крстосницата со улицата Орце Николов, кој ќе остане како трајно сообраќајно решение. Според Општина Центар, кружниот тек се покажал како успешен во намалувањето на бројот на сообраќајни несреќи во овој дел од градот.

Во рамки на досегашните активности, од двете страни на улицата се изградени нови пешачки патеки со вкупна должина од 825 метри. Извршено е подигнување и нивелирање на сливниците и уличните шахти, поставени се нови рабници, а паралелно се реконструира и мрежата за јавно осветлување.

Во следниот период е предвидено поставување ново урбано зеленило, делумно во жардињери, со што дополнително ќе се уреди просторот околу улицата.

Реконструкцијата на вториот дел од улицата Ленинова го опфаќа потегот од булеварот Партизански одреди до објектот на Министерството за земјоделство, шумарство и водостопанство, во должина од над 600 метри.

– Со ова го заокружуваме уредувањето на улицата Ленинова како една од клучните сообраќајници во општината. Општина Центар континуирано вложува во современа, безбедна и функционална инфраструктура, со цел побезбеден и поефикасен сообраќај за сите учесници – изјави градоначалникот Горан Герасимовски.

Првиот дел од улицата Ленинова беше реконструиран во 2023 година, на потегот од булеварот Партизански одреди до Клубот на пратеници.

The post ЗАВРШНИ РАБОТИ НА ЛЕНИНОВА Асфалтиран кружниот тек кај Орце Николов, реконструкцијата влегува во претпоследна фаза appeared first on plusinfo.mk.

Дваесетина ученици од Оркестарот на СУГС Гимназија „Орце Николов“ во септември ќе имаат можност да станат млади амбасадори на македонската култура во САД, откако годинава го освоија првото место на престижниот меѓународен натпревар International Youth Music Competition (IYMC).

Како награда за освоеното признание, оркестарот доби покана за два настапа во Њујорк, каде што пред меѓународна публика ќе ја претстави македонската народна музика – богатството што со генерации го гради нашиот музички идентитет.

Народните песни што ќе ги изведат се во автентични аранжмани на шеф-диригентот Марко Балоски, создадени специјално за овој младински оркестар. Во само две години постоење, овие средношколци успеаја преку четири големи концерти и своите настапи да ја доближат македонската народна музика до младите и да покажат дека традицијата може да звучи современо, а притоа да го зачува својот автентичен дух.

Настапот во Њујорк е можност македонската народна музика да се слушне на една од најзначајните светски музички сцени и пред публика од различни земји. Но, за тој сон да стане реалност, потребна е финансиска поддршка за патувањето и престојот на оркестарот. Затоа младите музичари упатуваат повик до институциите, компаниите, банките и сите општествено одговорни поединци и организации да помогнат овие талентирани ученици достојно да ја претстават Македонија.

Нивниот настап нема да биде само концерт, туку можност македонската традиција, музика и култура да добијат свое место пред светската публика. Сите што сакаат да го поддржат проектот или да добијат повеќе информации можат да се обратат на orkestar.orce@gmail.com или на телефон 071 972 352.

The post СРЕДНОШКОЛЦИТЕ ОД „ОРЦЕ НИКОЛОВ“ ЈА НОСАТ МАКЕДОНСКАТА НАРОДНА МУЗИКА ВО ЊУЈОРК Потребна им е поддршка за патувањето во септември appeared first on plusinfo.mk.

Општина Центар ја урна нелегално изградената доградба на деловен објект на улица Орце Николов број 139, која без одобрение за градење го узурпираше просторот наменет за граѓаните.

„Продолжува акцијата за воспоставување ред на јавните површини“, напиша градоначалникот на Центар Горан Герасимовски.

Тој додава дека општината продолжува со засилени инспекциски, контроли и со активности за расчистување на бесправно изградени и нелегално поставени објекти.

„Целта е јасна – заштита на јавниот интерес и враќање на јавниот простор на сите граѓани“, порачува Герасимовски.

The post 📷 ОТСТРАНЕТА ДИВОГРАДБА НА УЛИЦА ОРЦЕ НИКОЛОВ Продолжува акцијата за воспоставување ред на јавни површини appeared first on plusinfo.mk.

Просветен инспектор на 26 и на 27 февруари годинава извршил вонреден инспекциски надзор во скопската гимназија „Орце Николов“ во однос на спроведувањето постапка за избор на директор на училиштето, па според затекнатата состојба, констатирано било дека училиштето спротивно на законските и подзаконските акти ја спровело постапката за избор на директор на училиштето. Била направена суштествена повреда на постапката на Училишниот одбор и погрешно било применето материјалното право при изработката и објавувањето на јавниот оглас.

Ова за Плусинфо го потврдија од Град Скопје откако професори од гимназијата „Орце Николов“ предупредија за злоупотреби од разрешениот директор Митко Димовски и кои испратија итна претставка до градоначалничката Данела Арсовска од која побараа да испрати инспекција по допрен глас.

– Во преамбулата на јавниот оглас за избор на директор на училиштето со дел. број 02-378/5 од 02.09.2022 година кој бил објавен во 3 (три) дневни весници и тоа „Нова Македонија”, „Слободен печат” и „Лајме” на ден 05.09.2022 година, Училишниот одбор се повикува на Член 89 од Законот за средното образование („Службен весник на Република Македонија” број 44/95, 24/96, 34/96, 35/97, 82/99, 29/02, 40/03, 42/03, 67/04, 55/05, 113/05, 35/06, 30/07, 49/07, 81/08, 92/08, 33/10, 116/10, 156/10, 18/11, 51/11, 06/12, 100/12, 24/13, 41/14, 116/14, 135/14, 10/15, 98/15, 145/15, 30/16, 127/16, 67/17, 64/18 и „Службен весник на Република Северна Македонија” број 229/20), а истата законска одредба се однесува на државните средни училишта, а СУГС Гимназија „Орце Николов” – Скопје е средно училиште на Град Скопје – објави Град Скопје.

Оттаму додаваат:

– Во условите во објавениот јавен оглас било наведено кандидатите да имаат педагошка, психолошка и методска подготовка на соодветни факултети, а истиот услов не е предвиден во Член 91, став (2) од Законот за средното образование („Службен весник на Република Македонија” број 44/95, 24/96, 34/96, 35/97, 82/99, 29/02, 40/03, 42/03, 67/04, 55/05, 113/05, 35/06, 30/07, 49/07, 81/08, 92/08, 33/10, 116/10, 156/10, 18/11, 51/11, 06/12, 100/12, 24/13, 41/14, 116/14, 135/14, 10/15, 98/15, 145/15, 30/16, 127/16, 67/17, 64/18 и „Службен весник на Република Северна Македонија” број 229/20). Овој услов отворил дилема и ги ставил во нерамноправна положба кандидатите коишто се стекнале со факултет со наставна насока да можат да аплицираат на истиот јавен оглас. Условот за педагошка – психолошка и методска подготовка требало да биде наведен со забелешка дека се однесува само за лицата коишто се немаат стекнато со наставна насока и тоа само во делот 2 – потребна документација. Во условите во објавениот јавен оглас било наведено дека кандидатот треба да ги исполнува условите за наставник, педагог или психолог во средно училиште, но во документацијата не било побарано доказ за истото освен Диплома / Уверение за завршено високо образование и Уверение за државјанство. Училиштето не ги побарало и  останатите услови предвидени во Член 3, став (1) и Член 39, став (1) од Законот за наставниците и стручните соработници во основните и средните училишта („Службен весник на Република Северна Македонија” број 161/19), како што за наставници се: положен стручен испит по истекот на приправничкиот стаж и познавањето на македонскиот јазик и неговото кирилско писмо и како што за стручните соработници (педагог и психолог) е познавањето на македонскиот јазик и неговото кирилско писмо – велат од Град Скопје.

Во продолжение ви го пренесуваме одговорот на Град Скопје во поглед на разрешувањето на директорот на училиштето:

– потребна документација побарано било да се достави само сертификат, не постар од пет години, за познавање на англискиот јазик ТОЕФЕЛ ИБТ (TOEFL IBT) – најмалку 30 бода, ИЕЛТС (IELTS) – најмалку 3 бода, БУЛАТС (BULATS) – најмалку 20 бода или КЕТ (КЕТ) (Cambridge English) – положен или АПТИС (АPTIS) – најмалку ниво Б2 (B2), а без притоа да биде прецизирано дека сертификатот бидејќи е на странски јазик треба да биде доставен заедно со заверен превод, што е спротивно на Член 59, став (2) од Законот за општата управна постапка („Службен весник на Република Македонија” број 145/15 и 65/18), каде што прецизно е пропишано дека исправите што се издадени на странски јазик се поднесуваат заедно со заверен превод.

– Училишниот одбор на СУГС Гимназија „Орце Николов” – Скопје конкретно и прецизно во денови не го навел и пресметал рокот во којшто ќе се изврши изборот, туку само навел дека изборот ќе се изврши во роковите предвидени со Законот за средното образование, што е спротивно на Член 45, став (1) од Законот за општата управна постапка („Службен весник на Република Македонија” број 145/15 и 65/18), каде е прецизно пропишано дека роковите се пресметуваат во денови, месеци и години.

– Доказот дека на кандидатите за директор не била изречена прекршочна санкција – забрана за вршење на професија, дејност или должност во јавниот оглас било побарано да биде не постар од 6 (шест) месеци, што е спротивно на Член 91, став (2) од Законот за средното образование („Службен весник на Република Македонија” број 44/95, 24/96, 34/96, 35/97, 82/99, 29/02, 40/03, 42/03, 67/04, 55/05, 113/05, 35/06, 30/07, 49/07, 81/08, 92/08, 33/10, 116/10, 156/10, 18/11, 51/11, 06/12, 100/12, 24/13, 41/14, 116/14, 135/14, 10/15, 98/15, 145/15, 30/16, 127/16, 67/17, 64/18 и „Службен весник на Република Северна Македонија” број 229/20), каде прецизно е наведено дека на кандидатот во моментот на избирањето треба да не му е изречена прекршочна санкција – забрана за вршење на професија, дејност или должност, кој доказ треба да биде издаден во моментот додека трае рокот за доставување на документите по јавниот оглас.

– Училишниот одбор на училиштето во јавниот оглас, навел дека истиот трае 5 (пет) дена, што е спротивно на Член 104 од Статутот на СУГС Гимназија „Орце Николов” – Скопје, каде е наведено дека истиот јавен оглас треба да трае 5 (пет) работни дена.

– Во јавниот оглас било предвидено кандидатите да имаат општа здравствена состојба, услов кој не е предвиден во ниту еден законски или подзаконски нормативно – правен акт, а наведената одредба од Член 25, став (7) од Законот за работните односи („Службен весник на Република Македонија” број 62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/15, 72/15, 129/15, 27/16, 120/18 и „Службен весник на Република Северна Македонија” број 110/19, 267/20, 151/21, 288/21) се однесувала на кандидати за вработување, а не се однесува за кандидати за избор на директор на средно училиште.

Врз основа на горенаведеното, постапувајќи по Член 124 од Законот за општата управна постапка („Службен весник на Република Македонија” број 145/15 и 65/18), се донесе акт со кој се поништува Решението за избор на директор на Средното училиште на Град Скопје – Гимназија „Орце Николов” – Скопје со дел. број 08-11744/1 од 12.10.2022 година.

Оттука, врз основа на Член 93-в од Законот за средното образование („Службен весник на Република Македонија” број 44/95, 24/96, 34/96, 35/97, 82/99, 29/02, 40/03, 42/03, 67/04, 55/05, 113/05, 35/06, 30/07, 49/07, 81/08, 92/08, 33/10, 116/10, 156/10, 18/11, 51/11, 06/12, 100/12, 24/13, 41/14, 116/14, 135/14, 10/15, 98/15, 145/15, 30/16, 127/16, 67/17, 64/18 и „Службен весник на Република Северна Македонија” број 229/20), во рок од 3 (три) дена од денот на разрешување на постојниот директор, се именува Вршител на должноста Директор од редот на вработените кој ги исполнува условите за избор на Директор пропишани во Член 91, став (2) и став (3) од Законот за средното образование („Службен весник на Република Македонија” број 44/95, 24/96, 34/96, 35/97, 82/99, 29/02, 40/03, 42/03, 67/04, 55/05, 113/05, 35/06, 30/07, 49/07, 81/08, 92/08, 33/10, 116/10, 156/10, 18/11, 51/11, 06/12, 100/12, 24/13, 41/14, 116/14, 135/14, 10/15, 98/15, 145/15, 30/16, 127/16, 67/17, 64/18 и „Службен весник на Република Северна Македонија” број 229/20).

ПРОФЕСОРИ ОД ГИМНАЗИЈАТА „ОРЦЕ НИКОЛОВ“ ОТКРИВААТ ЗЛОУПОТРЕБИ ОД РАЗРЕШЕНИОТ ДИРЕКТОР Испратиле итна претставка до Данела Арсовска и бараат инспекција по допрен глас

The post ДИРЕКТОРОТ НА „ОРЦЕ НИКОЛОВ“ Е РАЗРЕШЕН ПОРАДИ ПОВРЕДА НА ПОСТАПКАТА ЗА ИЗБОР Именуван е в.д. директор од редот на вработените appeared first on plusinfo.mk.

Професори од скопската гимназија СУГС „Орце Николов“ испратиле итна претставка до градоначалничката на Скопје Данела Арсовска во врска со, како што наведуваат, противзаконските активности и неправилности во работењето, на сега веќе разрешениот директор на Гимназијата – Митко Димовски.

„Ја поднесуваме оваа претставка итно до Кабинетот и до Градоначалничката на град Скопје, за кривичните и противзаконски дејаниа кои беа спроведувани во нашата Гимназија, злоупотреба на позицијата и кршењето на законот за Образование, од страна на сега веќе разрешениот директор Митко Димовски, во претходните седум години на неговото директорување со Гимназијата.

1. Најпрвин Ве известуваме дека денес на 10.03.2025 година, во неколку класови за време на изведување на наставата, од страна на некои од колегите професори, се пуштени бланко листови за потпишување на учениците своерачно, каде после потпишувањето на учениците им е соопштено дека потписите кои ги ставиле на листот, се за поддршка на разрешениот директор и за поддршка да се врати на функцијата.

2. Во исто време им е соопштено на учениците дека утре во текот на денот, за време на наставата, ќе има прекин на наставата со протести од страна на учениците кои сакаат и со губење на часови, за поддршка за враќање на функција на разрешениот директор Митко Димовски.

Истакнуваме дека ова е класична злоупотреба на малолетни ученици, во остварување на политичка и лична корист за поддршка на разрешениот директор Митко Димовски, организирана од мала група професори во Гимназијата, кои имале големи бенефиции во текот на неговото директорување. Цели два мандати на владеење на сега бившиот директор на Гимназијата Митко Димовски, беа проследени со финансиски скандали, зделки со поедини фирми од кои корист имаше само лично тој, како и со злоупотреба на пари од буџетот, кои претежно завршуваа во неговиот џеб или поделени со дел од вработените кои го подржуваа.

3. Целиот колектив веќе знае, за зделката која лично тој си ја направил со фирмата Forza од Скопје, за закуп и користење на простории, салата и игралишта на училиштето, за кои не е исплатен ниту денар на училиштето, а за што на една од седниците на Училишниот одбор, директорот нон-шалантно го информирал УО дека долгот сега затарел и нема правен основ за побарување на истиот, како и неможност да се тужи фирмата и да се бараат парите од Forza за закупот на училишните простории!

На сите вработени ни е јасно дека парите се исплаќани лично на директорот Митко Димовски за сите овие години, лично на рака и без валидни трансакции што го прави делото уште покривично. Инаку како е возможно тој и училишните служби, досега да заборавиле да го покренат прашањето за исплата на парите за училиштето од страна на фирмата Forza, за закупот на рентаните училишни простории???

Дел од колегите тврдат дека имаат сознанија, дека парите фирмата му ги исплатила со купување на стан за директорот Митко Димовски, од страна на фирмата во Грција и дека е можно купувањето на станот и да не е на негово име, туку да е на име на некој член од неговото семејство. Како и да е, невозможно е фирмата долги години да рента и користи простории во училиштето, каде сѐ уште во дворот на училиштето се наоѓаат и нејзините рекламни табли и логоа, а тој и училишните служби да заборават дека рентањето требало сукцесивно да се плати и наплати, а не наводно да се сетат кога долгот застарел!!!

Оваа криминална активност службите на градот Скопје можат лесно да ја докажат и веднаш треба да ја расчистат и да поднесат Кривична пријава, за сега бившиот директор Митко Димовски.

4. За злоупотреба на буџетските пари треба да се разгледаат и баснословните суми кои многу често ги трошеше директорот на училиштето за време на неговото директорување, за кречење и реновирање на училиштето, со по неколку милиони денари секоја година.

5. Злоупотреба за сите овие години, постои и при организирање на училишните екскурзии, кои се организирани тотално нетранспарентно и со кршење на законот, при што се бирани агенциите со најскапи понуди за екскурзии, затоа што секако провизијата која се добивала од овие најскапи понуди – била најголема! Секако во целата зделка биле вклучени и дел од колегите професори вработени во Гимназијата. Имаме информација дека многу често на седниците на Училишниот одбор, посебно надворешните членови ја покренувале дискусијата како и на кој начин се бирани агенциите за организирање на училишните екскурзии, дали се запазени законските процедури во изборот и секогаш добивале ист одговор од директорот Митко Димовски, дека така решил Советот на родители и родителите на учениците!

6. Меѓутоа познато е дека Советот на родители на Гимназијата, не решавал ништо во последните 5 години и воопшто не бил свикан Советот на родители во Училиштето, од 2020 година до денот на разрешување на директорот Митко Димовски. Имено сите професори знаеме дека никогаш не е свикан Советот на родители во полн состав, со претставници на родителите од сите класови за последните 5 години, туку директорот сам своеволно си избираше по 8 претставници од родителите (по двајца претставници за секоја година) блиски до него, кои делуваа противзаконски и се нарекуваа Одбор на родители, кои во договор со него интерно си одлучуваа кои тројца претставници од родителите ќе ги кандидираат за членови на Училишниот одбор, комплетно абстрахирајќи го Советот на родители како институција. Со тоа директорот секогаш си обезбедуваше мнозинство во УО од професорите од Гимназијата кои воглавном тој ги предлагаше за членови на УО и тројцата родители во УО, кој лично тој со неколку родители од т.н. Одбор на родители си ги предлагаа и ставаа како членови на УО.

7. Со тоа секогаш беа надгласувани надворешните членови на УО, делегирани од страна на градот Скопје, за што тие во знак на револт, или скоро никогаш не гласаа за одлуките на УО или ставаа свои забелешки во записниците. Поради вака нелегално конституираниот УО, излегува дека сите негови одлуки последните 5 години се нелегални и противзаконити, а директорот наместо да го спроведува законот и редот во училиштето, бил тој што го потикнувал и спроведувал беззаконие!

Со ова нашата Гимназија е егзамплар за еклатантно кршење на Законот за средно образование, со намерно блокирање и нефункционирање на толку важната институција Совет на родители, за остварување на нивните обврски и права во образовниот процес на нивните деца и незнаеме дали воопшто постои друг ваков случај во државата?

8. Исто така имаме информации дека со некои од родителите кои биле членови на ова приватизирано тело од страна на директорот Одбор на родители, се вршени префрлања на пари од државни и приватни фирми, како донации за Гимназијата, на кои потоа им се губи секаква трага, поточно истите тие- директорот и родителите ги злоупотребувале за свои цели!

Како резултат на овие дејаниа никогаш законски не се направени и потпишани завршните сметки во училиштето, како во сите други нормални училишта, што Вашата инспекција може многу лесно да го утврди и докаже, при проверка на документацијата. Децата од овие родители кои биле членови на Училишниот одбор, како ученици биле привилигирани и фаворизирани во однос на останатите ученици, се однесувале кон останатите ученици како училиштето да припаѓа на нивните родители, при што поради несанкциониран и толериран булинг од нивна страна врз останатите ученици, се испишувани многу деца од Гимназијата последните години, што исто така може да се провери во деловодните книги.

9. Ја замолуваме градоначалничката и Кабинетот на град Скопје, да ги побараат сите записници од Училишниот одбор УО за последните 5 години, или најмалку за последните две години, за да ги согледате сите аномалии и незаконското постапување на директорот Митко Димовски, претседателката на УО и секретарот на училиштето, кои заедно со директорот требале и морале да го почитуваат законот, а не перманентно да го кршат и да делуваат со параструктури и противзаконски, за остварување на лична и имотна корист од својата функција.

10. Да не навлегуваме во другите перманентни кршења на законите и самоволие од страна на директорот, во фаворизирањето и толерирање на колеги послушници, многу од нив и гонети за кривични дела и кои не заслужуваат ни да се наречат професори, или пак малтретирањето на останати колеги, кои совесно и самопрегорно си ја вршевме работата, сите овие години.

Ова е само мал дел од криминалите кои се правени од страна на разрешениот директор на Гимназијата Орце Николов Митко Димовски, за кои градот Скопје е законски надлежен и обврзан да изврши надзор по сите наведени точки и наводи наведени погоре и соодветно на утврдените противзаконски деанија на разрешениот директор, да му се поднесат кривични пријави и најстрого да бидде казнет поради кршење и неспроведување на менаџерскиот договор за раководење и менаџирање на Гимназијата, од негова страна.

Воедно имаме сознание дека одговорната инспекторка за секторот Образование во градот Скопје, има блиска релација со разрешениот директор, при што Ве предупредуваме да го имате ова во предвид, поради можно прикривање на докази во текот на инспекцијата која по закон треба да ја извршите по оваа наша пријава, по допрен глас.

Поради негативните реперкусии кои може да ги имаме по нас професорите од Гимназијата, кои решивме да ги споделиме со Вас овие направени криминали и противзаконски активности од страна на разрешениот директор Митко Димовски, засега не можеме комплетно да го откриеме нашиот идентитет, што сигурно ќе го сториме по спроведената инспекција и истрага од Ваша страна, Ве замолуваме за се што е потребно и доколку требаат дополнителни информации, привремено да нѐ контактирате на овој маил. За полесно докажување на сите овие противзаконски активности на разрешениот директор Митко Димовски, Ве замолуваме од Ваша страна да биде свикан Училишниот одбор со сите негови членови, со Ваше присуство и во присуство на разрешениот директор, со повлечени сите записници од седниците на УО пред Вас, при што полесно ќе се разоткријат сите факти погоре изнесени, за незаконското постапување и смисленото кршење на законите од страна на разрешениот директор, за остварување исклучиво на лична и материјална корист од неговото директорување и менаџирање со Гимназијата.

Однапред благодарни, група професори од СУГС Гимназија ‘Орце Николов’ – Скопје: С.Б. с.р; А.В. с.р.; Е.Р. с.р.; С.Н. с.р.; А.Г. с.р.; Е.М. с.р.; Е.Л. с.р.; Г.С. с.р.; Е.С. с.р. Скопје, 10.03.2025 г.“, се наведува во претставката испратена до градоначалничката Арсовска.

The post ПРОФЕСОРИ ОД ГИМНАЗИЈАТА „ОРЦЕ НИКОЛОВ“ ОТКРИВААТ ЗЛОУПОТРЕБИ ОД РАЗРЕШЕНИОТ ДИРЕКТОР Испратиле итна претставка до Данела Арсовска и бараат инспекција по допрен глас appeared first on plusinfo.mk.

Синоќешната 36 изведба на претставата „Чудна случка со кучето во ноќта“ во режија на Зоја Бузалковска, се играше во вонреден термин на иницијатива на учениците од гимназијата „Орце Николов“ од Скопје.

Актерите ја имаа честа да играат пред преполна сала на ученици кои во еден здив ја следеа претставата и по изведбата останаа заедно со своите класни раководители и со училишниот психолог Ана Попризова да ги споделат своите импресии со режисерката Зоја Бузалковска, драматургот Александра Бошковска и актерите Дамјан Цветановски, Александар Степанулески, Емилија Мицевска, Трајанка Илиева Вељиќ – Таци, Соња Стамболџиоска, Филип Трајковиќ, Златко Митрески, Јасмина Василева и Нела Павловска.

– На некои од клучните места учениците реагираа токму онака како што секој режисер, актерски и креативен тим би посакал. Восхитени сме од зрелоста на младите луѓе, кои толку точно „прочитале“ многу од намерите кои ги имавме додека работевме на оваа претстава. Нивната анализа, моќ за забележување, потреба да се искаже своето мислење и способност да се излезе од рамките на очигледното и да се дофатат и најскриените поенти на она што имаа можност да го видат, нè направи навистина среќни и е поттик да продолжиме со оваа практика и понатаму – изјави режисерката Бузалковска.

Романот на Марк Хадсон „Чудна случка со кучето во ноќта“ е лектирно издание за учениците во нашата земја. Претставата е авторска адаптација на Сајмон Стивенс направена според мотивите од романот на Хадон.

Во режисерската белешка за претставата се посочува дека „Чудна случка со кучето во ноќта“ е приказна за Кристофер Џон Френсис Бун, математички гениј, кој има неспецифицирано нарушување од аутистичен спектар, иако неговата состојба никогаш не е експлицитно изречена во драмата. Светот на Кристофер е свет на „посебниот“, „различниот“, „отфрлениот“, „исмеаниот“, „потценетиот“. Оваа претстава, направена во време во кое многу општества, па така и нашето, се борат за инклузија на луѓето со посебни потреби, на најдиректен начин им се спротивставува на предрасудите и стереотипите. Зашто, драмата отвора навистина многу прашања: „што е нормално, а што не“; каков е дијалогот на „заостанатиот во развојот“ со „напредниот“; зошто треба да се сожалува или да се успорува еден брилијантен ум, кој совршено добро се снаоѓа во лавиринтите на математиката и на физиката; каква е перцепцијата на другиот од позиција на моќ и можните жртви на таквата перцепција и сл. Но, ова е и претстава во која сериозно се ставени на испит прашањата за фамилијата, семејството, довербата и изневерените очекувања. Фантастична и крајно луцидна приказна на односи преку толку специфичниот свет на Кристофер Бун, во кој не постојат лаги и нема концепт за толеранција на неискреноста. Постои само вистина и затоа е тој свет толку посебен и нежен“.

Од Драмски театар информираат дека вакви организирани посети на гледање претстави со простор за средба, поставување на прашања и споделување на размисла помеѓу учениците и актерите ќе продолжат да се организираат и во иднина и ги покануваат и охрабруваат младите луѓе да ги посетуваат институциите од културата и да иницираат свои идеи за соработки и проекти преку нивните училишта.

The post УЧЕНИЦИТЕ ОД „ОРЦЕ НИКОЛОВ“ ДИСКУТИРАА СО АКТЕРСКАТА ЕКИПА ОД ДРАМСКИ Инспирација беше претставата „Чудна случка со кучето во ноќта“ appeared first on plusinfo.mk.

Сообраќајот ќе се одвива од улица Коле Неделковски до улица Ленинова во една насока.

Се замолуваат сите учесници во сообраќајот да бидат внимателни и да се прилагодат на времениот сообраќај во текот на утрешниот ден.

The post УТРЕ ЌЕ СЕ САНИРА КРУЖНИОТ ТЕК ВО ДЕБАР МААЛО Сообраќајот времено ќе се одвива во една насока appeared first on plusinfo.mk.

Како што е наведено во полицискиот билтен, случајот бил пријавен вчера утрото околу 09.30 часот.

Се преземаат мерки за расчистување на случајот.

Ова не е првпат да се одземе дел од некој споменик, а ваквите случки сѐ почесто се присутни во главниот град.

The post УКРАДЕН Е ДЕЛ ОД СПОМЕНИКОТ НА ОРЦЕ НИКОЛОВ Вандали ја уништиле бистата во Градскиот парк во Скопје appeared first on plusinfo.mk.

Нови 19 дојави за бомби пристигнале на електронските адреси во скопските средни училишта попладнево. Меѓу нив се и гимназиите „Ѓорѓи Димитров“, „Јосип Броз Тито“ и „Орце Николов“.

„Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, велат од полицијата.

The post 19 НОВИ ДОЈАВИ ЗА БОМБИ ВО СКОПСКИТЕ УЧИЛИШТА Во тек се евакуации и проверки appeared first on plusinfo.mk.

Едни велат дека за тоа се виновни скапите парфеми коишто родителите им ги подаруваат на наставниците во замена за висока оценка за нивното дете.

Други велат дека виновна е мрзеливоста и разгаленоста кај децата, кои, и покрај сите обезбедени услови за учење, поважни им се видео-игрите и поинтересно им е глупирањето на социјалните мрежи.

Трети велат дека виновен е целокупниот лош образовен систем, кој зачинет со пандемијата и со потребата за онлајн-настава, не ни има капацитет за да произведе квалитетна генерација поткована со знаење.

А што велат четвртите? Четвртите велат дека наместо да се разочаруваме од неуспехот и да плукаме по нашите деца, треба да собереме храброст и истите тие приемни тестови да почнеме да им ги даваме на административците (и на политичарите!) кои се веќе (пре)вработени и кои чекаат да бидат (пре)вработени. Фер инаф, нели?

Лесни прашања

Уште појако е тоа што ваквиот мајтап-предлог доаѓа во моментите кога токму административците во земјава излегуваат на масовен штрајк и бараат да им се зголемат платите за 2.800 денари.

И стварно, да ни се сега властите ербап колку што не ни се, и да им речат: „Добро бе, ќе ви одобриме зголемување на платите, ама ај прво решете го тестов“. А тестовите и не мора да бидат толку тешки колку што биле во „Орце Николов“. Нека има едноставни прашања од типот: „Кој е Кочо Рацин?“; „Кој е автор на романот ‘Пиреј’?“; „Што е БДП?“; „Колку се 8 Х 9? (пресметај без дигитрон)“;…

И замисли на кондуктер во ЈСП (со чест на исклучоци), кој најголемиот дел од работното време го троши во кладилница, да му дадеш ливче со прашање: „Кој го напишал ‘Сердарот’?“. Или, пак, на кандидатот за полицаец (со чест на исклучоци), кој еднаш пред неколку години успеал да прочита цела книга, да му поставиш прашање: „Кој е главен лик во романот ‘Злосторство и казна’?“. Или на оној рамковнион што работи на шалтер (со чест на исклучоци) и чија задача е на граѓаните да им издава државјанства и изводи, да го прашаш: „Наброј три филмови од Милчо Манчевски“, на пример.

Јас се извинувам ако некој кондуктер, полицаец или шалтерџија се почувствувал навредено од напишаното, ама брате, основна култура и некакво општо знаење мора да се има.

Ти, кондуктеру, не можеш како шериф да ми се качуваш во автобус и да ми речеш: „Дај бе да видам карта дали имаш!“. Оти, ако знаеше кој е авторот на „Сердарот“ и ако те интересираше литературата, верувам дека и пристапот на работното место ќе ти беше поинаков. А веројатно ќе си ја ценеше и професијата, па немаше да се мрштиш и да буричкаш во педерката небаре си вработен во шеста управа.

Ти, полицаецу, не можеш без причина да ми се шириш како пајак со раката потпрена за пиштолот врзан за појасот само затоа што „така ти се може“. Оти, да си пораснал со Достоевски или со каква било друга литература, сега ќе беше покултурен и попрофесионален во односот кон граѓаните. Сѐ си има свое, така да си знаеш.

Ти, шалтерџијо, немаше сега дрско и со висок тон по третпат да ме враќаш од шалтер и да не ми издадеш извод само за да ме натераш да платам мито „таму кајшто треба“. Оти, ако беше образован, макар и неформално, токму ти ќе беше поборник и ќе се бореше против таквиот корумпиран систем.

Затоа, ајде најпрво да видиме кој колку вреди и на кој колку му фаќа кликерот, па потоа да разговараме за зголемување на платите, ок?

Како стоиш со поезија?

Преведувачот од кинески и од древнокинески јазик и мој драг пријател, сезнајкото Игор Радев, минатата недела во Скопје ја промовираше филозофската книга „Менциј“, најпознатиот конфучијанец по Конфучиј.

Таму, на промоцијата, по феноменалното излагање на професорот Ристо Солунчев, збор-два зеде и самиот Радев, кој меѓудругото, ги спомна и „државните испити“ во древна Кина кои морале да ги полагаат сите оние коишто сакале да се занимаваат со државна работа.

И тука веднаш се отвори дебата со присутните. Па како, па зошто, па кој…? Еден ќе додаде едно, друг ќе додаде друго, третиот нема да се согласи ни со првиот ни со вториот. А кој би рекол дека на промоција на книга за некојси Кинез ќе се произведе таква плодна дебата…

Нејсе, друго ми беше муабетот. Игор Радев објасни дека државните испити се практикувале во време на династијата Хан (206 п.н.е. — 220 н.е.) и во зависност од нивото коешто го достигнал кандидатот по автоматизам му била доделувана државна политичка служба. Ако некој едвај го положил испитот како основците во „Орце Николов“, на пример, тој ќе добиел пониска државна позиција на локално ниво. Тој што ќе го положел испитот со висока оценка, добивал висока државна позиција на централно ниво.

А што тоа полагале и какви прашања биле поставувани? Се полагала класичната литература, се тестирале други знаења и способности, а присутна била и можеби една од најважните работи – поезијата. Но, не се вршело испрашување врз основа на анализирање туѓи песни, туку од кандидатите се барало да творат поезија. Јако, нели? Сакаш да работиш во јавна администрација? Ај напиши неколку стиха да те чујам…

Радев ова идеално го опиша со еден цитат од книгата:

„Кога Менциј се виде со кралот Хуј од Лјанг, кралот стоеше крај брегот од едно езерце од каде што ги гледаше дивите гуски и елените, па праша: Дали и доблесните луѓе наоѓаат задоволство во вакви нешта? Менциј одговори: Човек кој најпрво е доблесен може сетне да почувствува задоволство и од овие работи, меѓутоа, таквиот кој не е доблесен, дури и соочен со вакви глетки, пак нема да види никакво задоволство“.

Оттука, станува јасно зошто од кандидатите во древна Кина било барано да пишуваат поезија и таа поезија да биде оценувана во естетски критериуми, па дури потоа, врз основа на оценката да се донесе одлука дали кандидатот е доволно доблесен и креативен за да извршува одредена државна функција. Оти, по пат на испит вие можете да го тестирате знаењето и способноста на некој друг човек, ама моралната состојба е невозможно да се истестира.

Па така, претпоставката е дека ако некој може да твори убава поезија, тогаш тој човек не може да биде лош човек.

Па, другари, ако сѐ уште сметате дека системот на Кинезите им бил лош, тогаш погледнете каде е и што прави сега Кина, а каде е и што прави сега Македонија.

The post Ајде да бидеме Кинези appeared first on plusinfo.mk.