Оракл една од водечките светски технолошки компании, специјализирана за софтвер за бази на податоци, облак инфраструктура (OCI) и Enterprise апликации кон крајот на март и почетокот на април отпушти десетици илјади луѓе низ целиот свет, претежно во одделенијата за здравство, продажба, cloud услуги, поддршка на корисници и NetSuite.

Компанијата соопшти дека овие отпуштања се дел од стратегијата за пренасочување на финансиските ресурси кон развој на вештачка интелигенција.

Но, она што особено ги шокираше работниците се  отпремнините и отказите добиени преку е-пошта.

Oracle според некои медиуми  нуди отпремнина во износ од четири недели основна плата и дополнителна недела за секоја година работен стаж, но до максимум 26 недели, што се оценува како многу ниско во однос на она што го даваат другите ИТ компании.

Компанијата Блок отпушти повеќе од 40% од вработените, но им обезбеди отпремнина еднаква на 20 недели плата, со дополнителна недела за секоја година работен стаж, шест месеци здравствено осигурување, бонус од 5.000 долари и можност за чување на службена опрема.

Минатата година, Мета им понуди на отпуштените вработени пакет за отпремнина од 16 недели плата и дополнителни две недели за секоја година работен стаж, а Амазон објави дека ќе им обезбеди на отпуштените работници целосна плата и бенефиции за 90 дена и дополнителен пакет за отпремнина.

The post „ОРАКЛ“ ОТПУШТИ ДЕСЕТИЦИ ИЛЈАДИ РАБОТНИЦИ Тие се шокирани од отпремнината appeared first on plusinfo.mk.

Кинеската компанија и сопственик на платформата ТикТок – „БајтДенс“, објавила дека ќе ја пренесе контролата врз американскиот дел на група инвеститори од САД. Одлуката, според објавата, е преземена за да се избегне нова забрана за користење на апликацијата во земјата, каква што беше најавена уште во времето на првиот мандат на Доналд Трамп во 2020 година.

Во 2020 година, администрацијата на Трамп тврдеше дека апликацијата е потенцијална закана за националната безбедност на САД.

Во новиот мандат , Трамп го одложил спроведувањето на законот, оставајќи можност за продажба на американскиот дел на платформата.

Во најновиот аранжман, 80,1 процент од сопственичкиот удел ќе премине во рацете на американските компании „Оракл“, „Силвер Лејк“ и „МГХ“, додека „БајтДенс“ ќе задржи 19,9 проценти.

Потпретседателот на САД, Џеј Ди Венс, изјавил дека вредноста на апликацијата се проценува на околу 14 милијарди долари.

Извршниот директор на Тик-Ток, Шоу Зи Чу, нагласил дека новоформираната компанија ќе функционира како независен ентитет со овластувања за заштита на податоците, безбедност на алгоритмите и модерирање на содржината.

– Американските сопственици ќе управуваат со глобалната интероперабилност на производите и со деловните активности поврзани со е-трговија, рекламирање и маркетинг – изјавил Чу, додавајќи дека тоа ќе се спроведува одделно од заедничкото сопствеништво.

The post ТИК-ТОК ВО АМЕРИКАНСКИ РАЦЕ, ТРАМП ПОБЕДИ? Кинескиот „БајтДенс“ ќе задржи малцински удел за да избегне забрана во САД appeared first on plusinfo.mk.