Да се префрлите од задолжително на доброволно членство, а притоа да останат сите тие 15.000 членки, несомнено е доказ дека сите тие луѓе, сите тие бизнисмени веруваат дека Комората, со една нова поставеност и со еден нов фокус, може да биде вистински гласноговорник на бизнисот и застапник на интересите на приватниот сектор, изјави Ѓорѓи Петрушев, генерален директор на „Млекара” АД Битола и еден од првите луѓе кои заедно со претседателот на Стопанската комора Бранко Азески ја започнаа реформата на Комората во 2005 година, во најновото издание на поткастот „Бизнис-клуб” со Бранко Азески.

Во разговорот со Бранко Азески, Петрушев зборува за трансформацијата на Комората во времето кога настанала најголемата криза во коморското организирање и за донесувањето на новиот Закон за стопанските комори, во кој бил предвиден нов начин на коморско организирање, кој ја поттикнал трансформацијата на членување на фирмите од задолжителен на доброволен принцип.

Според него, трансформацијата настанала во време кога веќе била заокружена приватизацијата и кога биле етаблирани компаниите што успеале во тој процес, но и кога се појавиле мали и средни претпријатија. Со тоа, истакна тој, Комората престанала да биде место само за големите директори.

Тој истакна дека од периодот на трансформација во 2005 година до денес Комората бележи позитивни резултати и постојан раст и развој.

– Комората се претвори во место каде што секоја компанија може да дојде и да го најде својот интерес, нејзиниот глас да биде чуен и низ соодветните тела, органи и механизми на Комората да се овозможи тој глас да стигне таму каде што треба. Комората веќе одамна не е комора на големите, комора на избраните или на ограничен број луѓе, туку комора во која секој субјект, секоја невладина организација, па и секој проект за енергетска ефикасност, продуктивност и за едукација може да го најде своето место – потенцираше Петрушев.

Во продолжение на поткастот, запрашан од претседателот на Комората Бранко Азески дали се созреани условите за враќање на младите назад во државава, Петрушев истакна дека сè уште не се созреани условите за тоа и образложи дека е потребно да се поработи на создавање услови за да нема реверзибилен процес. Според него, потребно да се овозможи добар образовен систем во кој ќе се образуваат нивните деца, добар социјален систем за да бидат сигурни дека нивните деца од предучилишната возраст се соодветно згрижени и амбиент во кој повеќе нема да се зборува за борба против корупцијата, туку во кој тоа ќе биде оставено во минатото.

The post КОМОРАТА ВЕЌЕ НЕ Е МЕСТО САМО ЗА ГОЛЕМИ ДИРЕКТОРИ Ѓорѓи Петрушев во „Бизнис-клуб” говори и за тоа како да се вратат младите appeared first on plusinfo.mk.

Ова го истакнаа денеска од Групацијата за производство, откуп и преработка на млеко при Стопанската комора.

Ѓорѓи Петрушев, претседател на Здружението рече дека во млечната индустрија, обезбедувањето висок квалитет на производите почнува уште од преземањето на сировото млеко од фармите, преку дистрибуцијата, па сè до нивното правилно складирање и чување во директните продажни места.

– Ова е особено важно за кисело-млечните производи, како што се јогуртот, киселото млеко, павлаката и други производи од овој тип, кои се температурно осетливи и за кои е задолжително, во целиот процес на производството, дистрибуцијата, продажбата, па сè до крајното сместување во фрижидер во домаќинствата, да бидат чувани во специфични услови. Токму овој процес се нарекува ладен ланец, а контролирана оптимална температура на целиот ланец е од 2 до 8 степени – рече Петрушев.

Петрушев вели дека има ситуации кога млечните производи не се чуваат соодветно и затоа е потребна едукација на потрошувачите.

– Среќаваме ситуации во кои правилата за соодветно чување на производите во маркетите или на други продажни места не се почитуваат, некогаш од страна на дистрибутерите, некогаш од страна на крајните продавачи, но има ситуации кога не се почитувани ни од самите потрошувачи. Токму затоа, сметаме дека особено е важно и самите потрошувачи да бидат запознаени со сите процеси што треба да претходат за да се добие производ со врвен квалитет. Доколку дојде до прекин на ладниот ланец, се скратува рокот на траење на кисело-млечните производи и доаѓа до промена на квалитативните карактеристики на производот – рече тој.

Според него, унапредувањето на млечниот пазар во земјата не подразбира исклучиво инвестиции во агроиндустрискиот комплекс, туку и континуирана едукација на сите засегнати страни во комплексниот процес на млекопроизводството, почнувајќи од фармерите и самите млеко-преработувачи, преку дистрибутерите и трговците, па сѐ до крајните потрошувачи.

Петрушев информира дека мерка бр. 4 од страна на Агенцијата за поддршка на земјоделството и руруалниот развој, за набавка на висококвалитетни говеда, овци и кози, ќе влијае на подобри генетскиот материјал на сточниот фонд како и квалитетот на крајниот производ на пазарот.

Петрушев рече дека проблем за  преработувачите е и тоа што имаат  за 20 до 30 отсто повисоки трошоци но крајната цена на млекото останува иста поради намалената куповна моќ на потрошувачите.

– Во такви услови, кога и фармерите и преработувачите се соочуваат со поскапување на влезните компоненти, а не постои можност тоа да се компензира со зголемување на цената на крајниот производ, логично е да се бара интервенција од страна на државата преку пакет кризни мерки за оваа индустрија (забрзана исплата на субвенции, бескаматни кредити и сл.). Притоа, свесни за ограничената можност за ваквите интервенции, би барале целокупниот фокус да се насочи кон примарните производители на сурово млеко, затоа што тие се основа на која се потпира целокупната млечна индустрија -рече Петрушев.

Тој забележа и дека откупот на млекот со години се врши не спорет квалитетот туку  според количината.

– Моментално иако законската регулатива постои веќе со години, млекото се плаќа по количина – како литар течност, без оглед на квалитетот. На долг рок, и имајќи ги особено предвид нашите аспирации за влез во унијата, таквата состојба е неодржлива. Затоа е крајно време да заживее исплата на млекото според матрица на квалитативни компоненти (масти, протеини, сува материја, микробиологија, вода).
За да ова профункционира, потребно е да заживее цел еден систем на поврзани институции- земање мостри, проширување на капацитетот на лаборатории за испитување, национална лабораторија за супер контрола, регистар на фармери со историјат на производство и квалитет на истото, исплата на субвенции според квалитет – рече Петрушев.

Производството на млеко во земјата се карактеризира со голем број мали фарми – традиционални фармери (75% од вкупниот број) кои имаат нископродуктивни 1 – 3 крави со ниско годишно производство на млеко од 2-3 илјади литри по крава. Многу е мал бројот на големи специјализирани фарми со повеќе од 20 крави (околу 5% од вкупниот број) со висока продуктивност и годишно производство на млеко околу 5 илјади литри по крава. Само 3% од фармите имаат повеќе од 50 грла и треба да бидат носители на производството на квалитетен генетски материјал за преостанатите фарми (репродуктивни центри).

The post Петрушев: Произведуваме квалитетни млечни производи, но не успеваме да го сочуваме „ладниот ланец“ до потрошувачот appeared first on plusinfo.mk.