Ѓорѓи Галетановски поднесе оставка од претседател на градската организација на СДСМ, објави телевизијата 24, според високи партиски извори во СДСМ.

Оставката е неотповиклива и е од морални и од лични причини, а се случува по првиот круг од локалните избори, на кои СДСМ доживеа пораз и освои 5 мандати во Советот на Град Скопје,

„Оставката е поднесена од лични и морални причини и е доставена до партијата. Во однос на понатамошните одлуки органите на СДСМ ќе постапат согласно статутарните одредби на партијата, за што ќе ја информираме јавноста“, одговориле од СДСМ.

Галетановски е еден од новоизбраните членови на СДСМ во Советот на Град Скопје. Во мандатот на градоначалникот Петре Шилегов беше директор на Зоолошката градина.

The post ПАДНА ПРВАТА ОСТАВКА ВО СДСМ ПО ПОРАЗОТ НА ИЗБОРИТЕ Галетановски се повлече од функцијата претседател на градската организација appeared first on plusinfo.mk.

Поранешниот директор на Зоолошката градина во Скопје и актуелен претседател на Градската организација на СДСМ, Ѓорги Галетановски, се огласи по неодамнешниот инцидент, благодарејќи им на пријателите и колегите за поддршката.

„За жал, некогаш треба да ни се деси лоша работа за да видиме кој е до нас. Фала ви другари за поддршката и за сите пораки и повици и извинете што стварно не беше можно на сите да вратам и кренам. Не ви го заборавам ова и на сите ви должам. Ме знаете добро, никогаш не се сменив и нема да се сменам. Помагав и ќе помагам на кој можам без да се фалам, така и ќе продолжам“, напиша Галетановски на својот профил.

Тој најави дека од денес ќе преземе активности за да помогне органите во спречување на криминални дејствија што, како што вели, го нарушуваат мирот на граѓаните.

„Од денес натаму ќе направам сè да дознаам и помогнам органите да спречат криминални дејствија да го зимаат мирот на граѓаните. А ќе се дознае тоа сум сигурен“, додаде Галетановски.

Притоа, тој повика сите граѓани кои имаат веродостојни информации за извршителот или нарачателот на случката да го контактираат, најавувајќи симболична награда од 2.000 до 3.000 евра.

ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега

The post ЧОМБЕ НУДИ 2-3 ИЛЈАДИ ЕВРА НАГРАДА ЗА ТОЈ ШТО ЌЕ МУ КАЖЕ КОЈ МУ ГО ЗАПАЛИЛ АВТОМОБИЛОТ Галетановски им се заблагодари на пријателите за поддршката appeared first on plusinfo.mk.

Денеска во СВР Скопје е пријавено дека на улицата Иван Козаров во Скопје опожарено било патничко возило „бмв“ со скопски регистарски ознаки сопственост на Ѓорѓи Галетановски од Скопје, а од пожарот биле зафатени уште две патнички возила „опел“ со скопски регистарски ознаки сопственост на Е.К.(30) од Скопје и „форд“ со скопски регистарски ознаки сопственост на А.М.(47) од Скопје.

Пожарот е изгаснат од Бригадата за противпожарна заштита. Повредени лица нема, информираше Министерството за внатрешни работи (МВР).

„Извршен е увид од увидна екипа од СВР Скопје и се преземаат мерки за расчистување на случајот“, се наведува во соопштението.

Галетановски во изјава за медиумите рече дека се сомнева оти пожарот е намерно предизвикан.

ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега

The post ПОКРАЈ ВОЗИЛОТО НА ЧОМБЕ ИЗГОРЕЛЕ УШТЕ ДВЕ ВОЗИЛА Полицијата со детали за пожарот во Кисела Вода appeared first on plusinfo.mk.

Ноќеска околу 3 часот по полноќ, запален и пеплосан бил автомобилот на Ѓорги Галетановски – Чомбе, претседател на скопската организација на СДСМ и поранешен директор на скопската Зоолошка градина.

Галетановски ја потврди информацијата и појасни дека возилото му било паркирано пред зградата во којашто живее во скопската населба Кисела Вода.

Противпожарна екипа интервенирала и го изгаснала пожарот.

– Некој намерно го запалил автомобилот, го виделе како бега. Бил слаб, висок, со дуксер. Аплерирам до МВР и до министерот за внатрешни работи што побрзо да го фатат сторителот – изјави Галетановски.

СДСМ го осудува криминалниот чин и палењето на возилото на претседателот на Градската организација, Ѓорѓи Галетановски.

„Со доаѓањето на ВМРO-ДПМНЕ на власт безбедноста на граѓаните е сериозно загрозена. МВР наместо да се занимава со тоа како лица блиски до ВМРО-ДПМНЕ да земат милионски тендери нека земе конечно нешто да работи. Бараме МВР и сите надлежни институции веднаш да постапат, целосно да го расчистат случајот и сторителите да одговараат“, соопшти СДСМ.

The post 📷 ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега appeared first on plusinfo.mk.

– Законот утврдува на кој начин се прави тоа, односно Управниот одбор е тој кој треба да го направи првиот чекор, пред документите да бидат доставени и разгледани во Градот, така што тоа го чекаме од Управниот одбор на институцијата – рече  градоначалничката на Скопје, Данела Арсовска, вчера одговарајќи на новинарско прашање.

В.д. директорот Зоран Попов го известил Градот за оваа ситуација и побарал итно да се изберат нови членови за да се овозможи нормално функционирање на Установата. Тој за „Фокус“ вели дека Арсовска не можела да знае дека двајца членови од ОУ ќе бидат назначени за директори на други установи, бидејќи нивното назначување се случило неколку дена откако бил распишан огласот за нов директор и дека не станува збор за никакви намерни опструкции.

Како што објави Мета, членката на УО на Зоолошка градина, Розета Влаховиќ била именувана за в.д. директор на Јавна установа Детски дом „11-Октомври“ Скопје, а претседателот на УО, Јовица Никчевски, дал оставка оти бил именуван за в.д. директор на НУ Универзитетска библиотека „Климент Охридски“ – Скопје.

Поранешениот директор, Ѓорѓи Галетановски, е единствен пријавен кандидат на конкурсот кој најверојатно ќе биде поништен.

Тој најави дека ќе се пријави и на следниот конкурс за директор на Зоолошката градина доколку се објави.

The post ЗООЛОШКА НЕ МОЖЕ ДА ИЗБЕРЕ ДИРЕКТОР ЗАШТО ОСТАНАЛА БЕЗ УПРАВЕН ОДБОР Кога го распишала Конкурсот Арсовска не знаела за тоа appeared first on plusinfo.mk.

Тој ова го соопшти на социјалните мрежи објавувајќи архивски број од апликацијата.

„Денес на ден 13.08.2024 поднесувам документи на огласот на град Скопје за директор на ЗОО Скопје. Се одважив и поднесувам во името на многу засегнати граѓани на Скопје и Македонија кои ми пишаа деновиве но најповеќе поради животните и моите колеги кои заслужуваат мир, благосостојба и услови достојни за нив. Барам од градоначалничката Данела Арсовска и советот на Град Скопје мандат од една година во кој тврдам и ветувам дека со моите колеги и многу општествено одговорни компании и јавни личности од државава ќе ги подобрам условите и ќе ја вратам нивната и гордоста на ЗОО Скопје“, пишува Галетановски.

Тој во својата објава ја има прикачено и програмата за работа.

Кратка програма за директор на Зоолошката градина во Скопје со фокус на враќање во Европската асоцијација на зоолошки и аквариуми (EAZA), со неколку клучни точки:
1. Дијагностика на моменталната состојба
– Анализа на инфраструктура: Детална анализа на тековната состојба на инфраструктурата во зоолошката градина. Проценка на квалитетот на објектите, безбедноста и удобноста за животните.
– Проценка на благосостојбата на животните: Испитување на тековната состојба на здравјето, благосостојбата и условите за чување на животните. Вклучување на ветеринарни стручњаци за проценка.
– Ревизија на управување и персонал: Анализа на управувањето со зоолошката градина, вклучувајќи ги компетенциите на персоналот и нивното тренинг.
2. Планирање на потребните интервенции
– Модернизација на инфраструктурата: Препораки за реконструкција и модернизација на објектите. Примена на најновите стандарди за хуман и одржлив живот на животните.
– Подобрување на благосостојбата на животните: Спроведување на програми за подобрување на животната средина на животните, обезбедување на соодветна исхрана, медицинска грижа и социјална интеракција.
– Едукација и тренинг на персоналот: Развивање на програми за постојано едуцирање и тренинг на персоналот според меѓународните стандарди за грижа и управување со животни.

3. Развој на стратегија за одржливост и конзервација
– Програми за зачувување на загрозени видови: Иницијативи за зачувување и репродукција на загрозени видови во зоолошката градина.
– Енергетска ефикасност и зелени технологии: Примена на мерки за подобрување на енергетската ефикасност и користење на обновливи извори на енергија.
– Едукација на посетителите: Развој на образовни програми за подигнување на свеста за заштита на животната средина и зачувување на дивиот свет.
4. Реструктурирање на управувањето и регулации
– Развивање на нови политики и процедури: Воспоставување на нови политики кои се во согласност со стандардите на „EAZA“.
– Подобрување на соработката со други зоолошки градини: Воспоставување на мрежа за соработка со други зоолошки градини во Европа и светот.
– Регуларна евалуација и надзор: Воспоставување на системи за постојана евалуација и ревизија на условите во зоолошката градина.
5. Апликација за враќање во „EAZA“
– Подготвување на документација: Комплетирање на потребната документација за апликација за враќање во „EAZA“.
– Презентација на постигнатите реформи: Подготовка на извештаи и презентирање на резултатите од спроведените реформи пред претставниците на „EAZA“.
– Одржување на тековни стандарди: Осигурување дека сите новововедени стандарди се одржуваат и по добивање на членството.
6. Промоција и ангажирање на јавноста
– Промоција на зоолошката градина: Користење на медиуми и социјални мрежи за промовирање на новите достигнувања и програми.
– Вклучување на заедницата: Организирање на настани, работилници и презентации за јавноста за поддршка на зоолошката градина.

„Со ваква програма, ќе се обезбеди дека Зоолошката градина во Скопје не само што ќе ги исполнува потребните стандарди за повторно членство во „EAZA“, туку и ќе стане пример за одржливост и грижа за животните во регионот“, вели поранешниот директор во својата програма.

Галетановски си замина од функцијата во периодот кога на чело на градот дојде Данела Арсовска. Според резулатите од работењето, може да се заклучи дека во неговиот мандат градината забележа неверојатен развој и успешно менаџирање.

The post ГАЛЕТАНОВСКИ НАЈАВИ ВРАЌАЊЕ, БАРА ДАНЕЛА ДА МУ ДАДЕ ШАНСА Поранешниот директор во обид да ја спаси скопската зоолошка градина appeared first on plusinfo.mk.

„Другарки и другари, сакам да ве известам дека денес поднесувам оставка од работното место директор на ЗОО Скопје. Им благодарам на довербата што ми ја укажаа екс градоначалникот Петре Шилегов, сите медиуми, спонзори, донатори, здружениjа за животни, а најмногу на вработените во ЗОО Скопје кои ги сакам како мое семејство и со чија помош успеавме да дојдеме на чекор до членство во ЕАЗА (Европска асоцијација на зоолошки и аквариуми). Се надевам дека Зоолошката ќе продоложи да се развива и да се прават нови проекти со кои ќе се продолжи успехот на оваа институција. Јас денес се враќам на улица, достапен во секое време да придонесам за подобра иднина на државата и младите“, напиша Галетановски.

Набројувајќи ги своите успеси тој додаде дека во изминатите три и пол години рекордно е зголемена посетеноста, донесени се многу нови животни за првпат во нашата земја.

„Зоолошка градина Скопје стана најпосетената институција во државата, го отворивме и најзелениот Дино Парк со најмногу диносауруси на Балканот со преку 400 дрва и садници. Успеавме да средиме делови од градината кои со години не биле санирани, ги исчистивме езерата после 13 години, ја отворивме Бејби ЗОО и направивме живеалишта за фламинга и пингвини по светски стандарди. Организиравме многу хуманитарни акции, помагавме секаде каде што можевме и тоа беше нашата најголема сатисфакција за успех. ЗОО Скопје стана прва дигитализирана зоолошка на Балканот, со своја апликација и онлајн продажба на билети“, додаде Галетановски.

The post ДИРЕКТОРОТ СЕ ВРАЌА НА УЛИЦА Галетановски поднесе оставка во Зоолошка appeared first on plusinfo.mk.

Тој вели дека никаде и никогаш не изразил мизогени и сексистички навреди кон ниедна жена.

„Никаде и никогаш не сум изразил мизогени и сексистички навреди кон ниедна жена. Ако независната кандидатка некаде се пронашла навредена бидејќи сум прашал дали е независна и сум искоментирал дека потценува интелигенција, јавно ѝ се извинувам, бидејќи не сум знаел дека тоа спаѓа во мизогенија и сексизам“, напиша Галетановски на Фејсбук.

По неговиот коментар на Фејсбук остро реагираше и политичката партија ВМРО-ДПМНЕ, која најави дека за случајот ќе ја информира меѓународната заедница

The post ГАЛЕТАНОВСКИ Ѝ СЕ ИЗВИНИ НА АРСОВСКА Не сум знаел дека тоа е мизогенија и сексизам appeared first on plusinfo.mk.

The post Галетановски – Чомбе тврди дека не бил со уапсениот директор со кокаин, ниту го претресувале за дрога appeared first on plusinfo.mk.