Акционерите на „Тесла“ со убедливо мнозинство му го одобрија на Илон Маск најголемиот платен пакет во историјата на корпоративна Америка, речиси една милијарда долари (1.000.000.000). Со оваа одлука, 75% од гласовите му дадоа зелено светло на најбогатиот човек на светот, но и јасен услов: ќе ги добие акциите само ако во наредните 10 години ја зголеми пазарната вредност на „Тесла“ до осум ипол милијарди долари, јави Би-Би-Си.

По изгласувањето во Остин, Маск излезе на сцената со широка насмевка и дури заигра под аплаузот на публиката, извикувајќи дека „ова не е само ново поглавје, туку нова книга на иднината на Тесла“.

Меѓутоа, новиот пакет ја подели инвеститорската јавност. Поддржувачите сметаат дека Маск е единствениот што може да ја трансформира компанијата во водечки играч на пазарот на вештачка интелигенција, додека критичарите тврдат дека со ваков бонус тој станува премоќен и над контрола на одборот.

Понатаму, Маск најави дека неговата иднина не е само во електричните возила, туку во роботите Optimus и во роботакси-системите што ќе го направат „Тесла“ симбол на новата индустриска револуција.

– Она што започнуваме денес е нешто поголемо од автомобилите. Тоа е целосна еволуција на човечката технологија – изјави Маск.

Сепак, финансиските аналитичари предупредуваат дека компанијата се соочува со пад на продажбата и зголемена конкуренција од „Вејмо“ и другите стартапи. Американските регулатори сè уште ја истражуваат безбедноста на автопилот системот на „Тесла“, по неколку несреќи со повредени возачи.

Од друга страна, неговите поддржувачи велат дека токму овој ризик е она што го прави Маск „неповторлив“. Технолошкиот аналитичар Ден Ајвс оцени дека „Тесла конечно ја отклучува својата АИ-вредност“, а неговиот колега Рос Гербер додаде дека договорот е „уште една невозможна приказна што станува реалност“.

Во годината кога Маск повторно се поврзува со политички теми и јавни контроверзии, неговиот лик повторно го поларизира пазарот – некои инвеститори ја зголемуваат довербата, а други ја повлекуваат. Но едно е сигурно: ниту еден друг извршен директор во историјата не добил толку голема шанса за награда – ниту толкава одговорност.

The post ПАКЕТ НА ВЕКОТ ЗА ИЛОН МАСК, НО ЌЕ СЕ ПОМАЧИ ЗА МИЛИЈАРДАТА Еве што мора да исполни за да ја добие сумата со 9 нули appeared first on plusinfo.mk.

Еден од најбогатите луѓе на светот побара од сопствената компанија Тесла четвртина од уделот и гласачката моќ, заканувајќи се дека во спротивно ќе го премести развојот на вештачка интелигенција и роботика во својата друга компанија, xAI.

Техномилијардерот Илон Маск со својата одлука ги зголеми стравувањата на инвеститорите. Неговиот ултиматум може да ја наруши долгорочната конкурентност на Тесла.

Маск изјавил дека не се чувствува сигурно во лидерската улога за вештачка интелигенија и роботика во Тесла со сегашните акции кои ги поседува, бидејќи постои ризик да биде сменет од големи акционери.

Западните медиуми пишуваат дека неговата одлука не е финансиска, туку е обид за контрола на технологиите за вештачка интелигенција.

Ројтерс јави дека си даде отказ извршната директорка на Икс, Линда Јакарино, која раководеше со социјалната мрежа во соработка со милијардерот.

Назначена пред две години со цел да ги врати огласувачите на мрежата, таа беше под притисок да ги спои во функционирањето Икс и xAI.

„После две неверојатни години решив да си дадавам оставка од функцијата извршен директор на Икс“, напиша Јакарино на Икс.

Маск ѝ одговори: „Благодарам за твојот придонес“.

Аналитичарите предупредуваат дека барањето на Маск за 25% акции создава огромен конфликт на интереси во Тесла.

Доколку акционерите се согласат, Маск ќе стекне непропорционална контрола врз делот со вештачка интелигенција(xAI), потенцијално нарушувајќи демократските принципи на управување во јавна компанија.

Ако го одбие Маск, Тесла ризикува да ја изгуби предноста во автономно возење што го нудат нејзините електрични автомобили, но и предноста во роботиката, како кај роботот Оптимус, кој исто така користи вештачка интелигенција.

Овие технологии би можеле да бидат преселени во xAI, компанијата за која Маск веќе бара поголем удел.

Овој пресврт не е само финансиски судир, туку се чини дека Маск ја отвора глобалната дебата за тоа која компанија може поефикасно да ги води граничните технологии?

Дали Тесла ќе остане автомобилска компанија или ќе се трансформира во АИ лидер под целосна контрола на својот основач?

The post МАСК ЈА ПРИТИСКА ТЕСЛА, БАРА ЧЕТВРТИНА ОД АКЦИИТЕ Еве што се крие зад потегот на техномилијардерот appeared first on plusinfo.mk.

Технолошката компанија „Тесла“ сподели видео од својот човеколик робот „Оптимус“ што учи сѐ повеќе и сѐ поразлични задачи, сега вклучувајќи и прикажување јога-вежби, како и самостојно редење коцки по боја.

Описот на видеото нагласува: „Оптимус сега може автономно да ги подели предметите“. Снимката првично ја прикажува способноста на роботот да ги подреди коцките со леснотија и брзина како на човек. А, кога човекот отспротива интервенира за да создаде дополнителна сложеност на задачата, роботот брзо се прилагодува на таа промена и успешно продолжува со задачата. Роботот потоа изведува јога-пози како што се стоење на една нога, рамнотежа, истегнување на екстремитетите и флексибилност.

„Неговата невронска мрежа е целосно обучена од почеток до крај. Придружете ни се за да му помогнеме на Оптимус да расте (и да ја подобри својата јога-рутина)“, се додава во придружниот опис на видеото.

Следачите на Оптимус на социјалната мрежа Х се главно воодушевени од можностите на роботот. „Намасте“ (јога-жаргон за „Ти се поклонувам“); „Неверојатен напредок“; „Како инженер, потполно сум воодушевен од сите ситници што треба да бидат и се точни за да се постигне тоа навидум едноставно движење“ – гласат дел од коментарите.

The post 📽 ШТО НАУЧИ ДОСЕГА РОБОТОТ НА ИЛОН МАСК? Јога, коцки и стој на една нога appeared first on plusinfo.mk.