Претседателката на ОИК-Штип, Сенка Андреева за МИА вели дека на овие 40 избирачки места гласале 4.891 граѓанини, од кои 3.963 се за кандидатот за градоначалник на СДСМ, Сашко Николов, а останатите гласови се за другите четворица кандидати. Неважечки ливчиња се 368 од 40 те избирачки кутии. Официјалните резултати од Општинската изборна комсија се очекуваат за 40 тина минути, кога се очекува да се пребројат и гласовите од останатите 37 избирачки места.

Штип денеска имаше мирни, фер и демокртаски избори, а во 21 часот победа прогласи кандидатот за градоначалник на СДСМ, Сашко Николов на прес-конференција на која се обратија и лидерот на СДСМ, Зоран Заев, генералниот секретар, Љупчо Николовски и поранешниот градоначалник и актуелен министер за транспорт и врски, Благој Бочварски.

The post Штипската изборна комисија официјално објави резултати од 40 избирачки места appeared first on plusinfo.mk.

Во Штип за да се исполни цензусот недостасуваат уште 2. 295 гласови, со што изборите за градоначалник можат да се прогласат дека се успешни. По пребројувањето на гласовите ќе се знае дали штипјани уште во првиот круг избрале градоначалник или ќе има втор круг, кој е предвидено да се одржи на 27 декември.

Според претседателката на Општинската изборна комисија, Сенка Андреева на избирачкиот список се запишани 41.777 граѓани со право на глас, кои можат да гласат до 19 часот, кога се затвараат 77 избирачки места.

– Доколку нема една третина излезност, тогаш се прекинуваат изборите и се оди од почеток – се распишуваат нови избори, вели Андреева.

Гласачите кои МИА ги анктерираше велат дека граѓанска обврска е да се излезе на гласачкото место и да се гласа за еден од кандидатите, а од новиот градоначалник очекуваат решавање на инфраструктурните проблеми во нивните маaла, населби, но и во централното градско подрачје.

Според членовите на избирачките одбори изборите за градоначалник во Штип се мирни и се спроведуваат во фер и демократска атмосфера. Штипјани можат да го искористат своето право на глас за еден од петмината кандидати за градоначалник, кој би имал мандат од девет месеци се до редовните Локални избори во 2021 година. 

The post Во Штип до 17 часот гласале 11.701 граѓанин, за да се исполни цензусот потребни се уште 2. 295 гласови appeared first on plusinfo.mk.