Градоначалникот на Врапчиште доби пријава од Управата за финансика полиција. Постојат сомнежи дека И.Ш. незаконски склучил и реализирал тендер за реконструкција на локален пат, иако постапката по жалба сè уште не била завршена.

Според Финансиската полиција, со исплатата фирмата која била избрана се стекнала со 193.000 евра противправна имотна корист.

Според соопштението, пријавениот во текот на 2025 година постапил спротивно на Законот за јавни набавки при реконструкција на локален пат во селото Добридол.

Станува збор за договор за реконструкција на патот од центарот на селото до вкрстувањето со сервисниот пат покрај државниот пат А2, делницата Тетово-Гостивар.

Од Финансиската полиција тврдат дека договорот бил склучен на 3 април 2025 година со избраниот економски оператор без да се дочека конечната одлука по поднесената жалба пред Државната комисија за жалби по јавни набавки.

Подоцна, одлуката за избор била поништена.

И покрај тоа, според пријавата, градоначалникот извршил исплата кон фирмата.

„Пријавениот извршил плаќање по однос на склучениот договор на правното лице во вкупен износ од 11.848.675 денари и со овие дејства му овозможил на правното лице да стекне противправна имотна корист“, соопшти Управата за финансиска полиција.

Случајот сега е во рацете на Основното јавно обвинителство во Гостивар.

The post ГРАДОНАЧАЛНИК ЗАРАБОТИ КРИВИЧНА ПРИЈАВА Исплатени речиси 193.000 евра по спорен тендер appeared first on plusinfo.mk.

„Во однос на објавените невистинити информации кои се споделуваат на социјалните мрежи, а се преземени од повеќе медиуми и се однесуваат за настан во близина на верски објект во гостиварско, Основното јавно обвинителство Гостивар ја известува јавноста дека јавен обвинител нема издадено наредба за приведување или задржување на ниту едно лице. Основното јавно обвинителство Гостивар е известено дека МВР постапува во конкретниот случај по поднесена пријава од Општина Врапчиште за недозволено вршење градежни работи во непосредна близина на магистрален пат. Работите се прекинати, а по насоки на јавен обвинител денеска полициски екипи ќе извршат увид на лице место со цел да се утврди каков е статусот на објектот и работите кои се извршувале, како и дали во целиот настан воопшто има елементи на кривично дело“ соопшти денеска Обвинителството.

На социјалната мрежа „Фејсбук“ е објавено видео на кое се гледаат багери во дворот на црквата, десетина граѓани и повеќе полицајци. Граѓанинот кој го снимил видеото коментира дека тие само ја расчистуваат и ја средуваат црквата, а полицајците наводно дошле сите да ги приведат и да им го одземат багерот, по наредба на јавен обвинител. Видеото масовно се споделува и е проследено со бурни реакции на граѓаните за постапките на надлежните институции.

Видеото е објавено овде.

The post ОБВИНИТЕЛСТВО НЕГИРА ДЕКА ИМАЛО ПРИВЕДУВАЊА ВО ГОСТИВАРСКО Општина Врапчиште пријавила граѓани за недозволена градба близу пат, тие тврдат дека ја расчистувале црквата appeared first on plusinfo.mk.

Засега сè уште не е утвредена причината за цревната зараза и дали се работи за вирусна или за бактериска инфекција, но од Центарот за јавно здравје во Гостивар потврдија дека вонредно се прават анализи на водата за пиење во околината на Општина Врапчиште и дека комплетните резултати ќе се знаат наредните денови.

Раководителот на детското одделение во болницата во Гостивар, Ферит Муча, во изјава за „ГостиварПрес“ вели дека освен децата, исти симптоми имале и нивните родители.

– Изминатите 5 дена имавме зголемен број на пациенти со цревна инфекција, а поголемиот дел од нив доааа од селата во Општина Врапчиште. Сите пациенти повраќаа, имаа покачена температура и течна столица. Дневно беа третирани од 50 до 70 деца. По примената инфузија со одредена терапија, пациентите ги препраќавме на домашно лекување, а мал дел од нив се задржани во болница. Добивмe информација дека и родителите на децата со исти симптоми барале помош на Инфективното одделение, што значи дека фамилијарно заболеле. Информирана е епидемиолошката служба, тие беа на нашето одделение, задоа податоци и останува да преземат мерки да видат за каква зараза станува збор – изјави Муча.

The post Цревна зараза се шири во Гостиварско, дневно по 50 деца завршуваат во болница appeared first on plusinfo.mk.