Општина Ѓорче Петров обезбеди 30 нови персонални компјутери за основното училиште „Мирче Ацев“, со што се подобруваат условите за изведување на наставата по информатика и се овозможува секој ученик да работи на сопствен компјутер во рамки на информатичкиот кабинет, соопшти локалната власт.

Градоначалникот на Ѓорче Петров, Александар Стојкоски, вели дека општината продолжува со инвестиции во образованието и создавање современи услови за учење.

– Инвестициите во образованието се инвестиции во иднината. Нашата цел е учениците да имаат подобри услови за настава и можност да стекнуваат знаења и вештини кои ќе им бидат потребни понатаму – изјави Стојкоски.

Од Општината информираат дека до крајот на годината сите основни училишта во општината Ѓорче Петров ќе добијат современи кабинети по информатика, како дел од континуираните активности за подобрување на образовната инфраструктура.

The post КАБИНЕТИ ПО ИНФОРМАТИКА ВО СИТЕ УЧИЛИШТА ВО ЃОРЧЕ ПЕТРОВ Општината обезбеди нови компјутери за учениците во „Мирче Ацев“ appeared first on plusinfo.mk.

Општина Ѓорче Петров денеска промовираше нови спортски содржини, маси за текбол на јавен простор наменет за спорт и рекреација.

„Со оваа инвестиција, општината создава современо и достапно место каде младите ќе можат активно да го поминуваат своето слободно време, да спортуваат, да се дружат и да развиваат здрави животни навики. Текболот како иновативен и динамичен спорт станува сè попопуларен меѓу младите, нудејќи можност за рекреација, натпреварување и за развој на спортскиот дух. Со воведувањето на вакви модерни спортски содржини, Општина Ѓорче Петров продолжува континуирано да инвестира во подобрување на јавните простори и во унапредување на спортската култура во заедницата“, соопшти Општина Ѓорче Петров.

Текбол е модерен, динамичен спорт кој комбинира елементи од фудбал, пинг-понг и футсал, а се игра на специјална закривена маса. Се игра со фудбалска топка, при што не смеат да се користат рацете, туки топката се префрлува на протвничката страна со нозе, глава, гради и со рамења.

Поставувањето на тениските маси е реализирано во партнерство со организацијата Sports Social Solutions и текбол федерацијата, во рамките на европскиот проект Youth Balkan Placemaking, со поддршка на Европската Унија.

The post ПОСТАВЕНИ МАСИ ЗА ТЕКБОЛ ВО ЃОРЧЕ ПЕТРОВ Нов јавен простор за рекреација и забава на младите appeared first on plusinfo.mk.

За празникот Водици во Скопје ќе има посебен режим на сообраќај, информира Министерството за внатрешни работи.

„На 19.01.2026 (понеделник) Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во Скопје.

Во центарот на Скопје за сообраќај ќе биде затворена ул. Филип Втори Македонски на потегот од крстосницата со бул. Гоце Делчев до крстосницата со ул. 11 Октомври во двете насоки.

Во општина Ѓорче Петров за сообраќај ќе бидат затворени сообраќајницата од црквата Свети Петар и Павле, бул. Партизански Одреди до ул. Ѓорче Петров, ул. Ѓорче Петров до ул. Васил Чакаларов, како и од црквата Свети Пантелејмон, ул. Козле, дел од ул. Васил Чакаларов до Железничкиот мост на реката Вардар.

Во општина Аеродром за сообраќај ќе биде затворен локалниот пат кон Горно и Долно Лисиче.

СВР Скопје апелира со сите учесници во сообраќајот да ги прочитуваат наредбите кои ќе ги даваат униформираните полициски службеници“.

The post ПОСЕБЕН СООБРАЌАЕН РЕЖИМ ВО СКОПЈЕ ЗА ВОДИЦИ Ќе бидат затворени улици во центарот, во Ѓорче Петров и во Аеродром appeared first on plusinfo.mk.

Ние добро се познаваме, јас сум вашиот човек, вашиот градоначалник. Заедно поминавме и добро и лошо, и продолжуваме по патот кон успехот, по патот кон развојот на Општината Ѓорче Петров, наведува кандидатот за градоначалник на Ѓорче Петров, Алескандара Стојкоски, во изјавата за медиуми.

– Успеавме во изминатите четири години Општината Ѓорче Петров да ја извадиме од кал и да ја направиме институција вредна за почит, а сега продолжуваме да ја видиме општината Ѓорче Петров на врвот. Во наредниот период ќе го посетиме секој дом, ќе ја претставиме нашата програма, ќе ги поставиме нашите визии, нашата желба да продолжиме да го трасираме патот на успешно и на развиено Ѓорче Петров. На овие избори ќе понудиме програма, заедно со мојот тим од советници во 140 проекти. 140 проекти кои што ќе значат раст и развој на општината во секој сегмент. Ќе се задржиме со фокусот на младите, на дечињата, на младите семејства, на младите брачни парови. Ќе изградиме пет нови детски градинки во Ѓорче Петров, од кои едната во Стопански Двор, другата во Дексион, на булеварот Македонска војска во дворот на ООУ „Димитар Поп Георгиев Беровски“, а првпат детска градинка ќе добијат и жителите на населбата Александрија. Ќе продолжиме да ги подобруваме условите за престој на учениците во основните училишта на цела територија, со цел да воведеме едносменска настава во сите наши основни училишта – рече Стојкоски.

Ќе изградиме пет доградби на основните училишта, односно во ООУ „Јоаким Крчоски“, во централното „Димитар Поп Георгиев Беровски“, во подрачното „Димитар Поп Георгиев Беровски“, во ООУ „Мирче Ацев“, во ООУ „Страшо Пинџур“, а ќе изградиме и ново основно училиште за населбата Александрија, додаде Стојкоски.

– Покрај младите, во фокусот ни остануваат и возрасните. Тие се луѓето кои што со своето искуство и со својот животен пат придонеле многу за нашата општина и за Република Македонија. За нив ќе го изградиме првиот нов пензионерски дом во Ѓорче Петров, а пак, за решавање на проблемот во сообраќајот, покрај тоа што ќе пробиеме повеќе улици, Алексо Демниевски, Веле Марков, улицата Шарпланинска, ќе ја изградиме и првата катна гаража во Ѓорче Петров. Продолжуваме да бидеме посветени на изградбата на современа и модерна спортска инфраструктура, како што тоа го правевме и досега, и покрај осумте новоизградени спортски терени, продолжуваме со изградба на три нови спортски комплекси од кои едниот во Стопански Двор, вториот на полјана во Кучково, и третиот во дворот на ООУ „Тихомир Милошевски“. Поминавме заедно, продолжуваме заедно. Знаете дека јас сум човекот на кој што можете да му верувате.  Јас сум вашиот човек. Сигурен сум дека на 19 октомври ќе го направите вистинскиот избор – порача Стојкоски.

The post ЌЕ НИКНЕ СПОРТСКИ КОМПЛЕКС НА ПОЛЈАНА ВО КУЧКОВО, ЌЕ СЕ ПРОБИЕ УЛИЦАТА ШАРПЛАНИНСКА ВО ДАМЕ ГРУЕВ Стојкоски има план за напредок на општината Ѓорче Петров appeared first on plusinfo.mk.

Во функција на подобрување на јавната хигиена, ефикасно справување со еколошки предизвици и брза реакција на терен, Општина Ѓорче Петров денес, во присуство на министерот за локална самоуправа Златко Перински, официјално го презентираше новиот специјализиран камион за отстранување отпад и санација на критични точки долж реката Лепенец.

Настанот ја означи завршницата на прекуграничниот проект „Паметен систем за рано предупредување на поплави и следење на отпадот во сливот на реката Лепенец“, финансиран од Европската Унија преку ИПА II програмата.

Како дел од овој проект, покрај специјализираното возило, Општина Ѓорче Петров доби и современа опрема и технолошки решенија за рана детекција и мониторинг, вклучувајќи: 2 паметни камери со сензори, кои во реално време детектираат нелегално фрлање отпад, сензор за следење на водостојот, кој овозможува навремено предупредување од поплави и 2 дрона за аеронадзор, кои се користат за следење на ризични подрачја и контрола на отпадот.

Возилото е наменето за интервенции во кризни услови, отстранување диви депонии и пристап до тешко достапни терени, што претставува сериозен чекор напред во зајакнувањето на теренската подготвеност и оперативните капацитети на општинските служби.

Министерот Перински и градоначалникот Александар Стојкоски ги разгледаа натамошните можности за развој на општинската инфраструктура и продлабочување на соработката со меѓународни партнери.

– Ова возило е резултат на одлична меѓуопштинска и регионална координација и претставува заокружување на значаен проект со директна корист за граѓаните. Нашата општина продолжува со заложбата за еколошки поодговорно, поефикасно и побезбедно општинско функционирање – изјави градоначалникот Стојкоски.

Проектот беше реализиран преку заедничко партнерство со неколку институции, предводени од Општина Хани и Елезит од Република Косово, која ја имаше улогата на водечки партнер. Од македонска страна, во имплементацијата активно учествуваше и Дирекцијата за заштита и спасување, како и Меѓународниот институт за развој и истражување „Д-р Југослав Ачковски“ од Скопје, кој даде значаен придонес во делот на стручната анализа и техничката подготовка на проектните активности.

Како краен корисник на проектот се јавува Општина Ѓорче Петров, чии општински служби се целосно вклучени во процесот и веќе поминале обука за користење на специјализираната опрема и современите системи за мониторинг.

The post ЃОРЧЕ ПЕТРОВ ДОБИ СПЕЦИЈАЛЕН КАМИОН Возилото е наменето за отстранување диви депонии и пристап до тешко достапни терени appeared first on plusinfo.mk.

– Општината Ѓорче Петров нема донирано ниту педа земја, ниту метар квадрат било каков тип на простор туку едноставно преку системот на министерството за финансии преку кој што се издава просторот за кој што располага општина Ѓорче Петров, за што има и соодветна одлука на Совет пред повеќе години. Морам да напоменам, просторот на старата општинска зграда е издаден. Повторувам, издаден. Ниту е дониран на невладината организација „Во мојот свет“, согласно критериуми кои што сме ги поставиле во огласот за изнајмување, а преку законски и транспарентен процес кој што го контролира министерството за финансии – изјави во изјава за Сител Стојкоски.

Стојкоски навави лична тужба и тужба од страна на општината против Левица.

-А јас исто така во консултација со мојот адвокатски тим ќе поднесам лична и тужба од општината Ѓорче Петров. Тоа што сакаат да го направат се должи на резултат на константно опаѓање на нивните гласови во Ѓорче, бидејќи за последните парламентарни избори имаа дури 30 посто помалце гласови од тоа што го имаа на локалните избори – вели Стојкоски.

Претходно Левица најави дека ќе поднесе кривична пријава против градоначалникот на Општина Ѓорче Петров, Александар Стојкоски, поради пречекорување на границите на своите службени овластувања и сериозни сомнежи за криминална и коруптивна бизнис зделка.

„За жал, зад превезот на најавениот Центар за лица со аутистичен спектар во општина Ѓорче Петров, градоначалникот Стојкоски и ДПМНЕ со намера да ги прикријат игрите за личен профит, грубо и неколкукратно прекршија низа Закони и целосно го прескокнаа Советот на Општина Ѓорче Петров при донесувањето на Одлуки од надлежност на Советот. Центарот којшто вчера беше најавен пред медиумите, ќе се наоѓа во старата општинска зграда и претставува донација од бугарската амбасада. Како што потенцираа на вчерашната прес-конференција бугарскиот амбасадор, министерот Таравари и градоначалникот Стојкоски, општинската зграда, односно земјиште, е донирано“, велат од партијата.

Оттаму додаваат дека примената и дадената донација, односно располагањето со имотот во општинска сопственост, се противзаконски дејствија бидејќи надлежен орган за донесување вакви одлуки е Советот на Општината. За овој Центар и преземените чекори, Советот и советниците воопшто не беа ниту информирани, односно за преземените дејствија и донесените своеволни одлуки од страна на Градоначалникот се информираа од вчерашната прес-конференција!

The post ОПШТИНА ЃОРЧЕ ПЕТРОВ НЕМА ДОНИРАНО НИТУ ПЕДА ЗЕМЈА Стојкоски ја демантира Левица и најави лична тужба и тужба од општината appeared first on plusinfo.mk.

Општина Ѓорче Петров демантира дека депонирала отпад нелегално и дека создавала диви депонии и ја оцени како „политички мотивирана“ денешната прес- конференција на градоначалничката на Скопје Данела Арсовска.

Општината реагираше со допис до медиумите откако Арсовска соопшти за еколошка катастрофа со истурање опасен отпад на приватна депонија во Ѓорче Петров каде што најчесто, како што рече, клиент била самата општина.

„Општина Ѓорче Петров никогаш не депонирала отпад нелегално на посочената локација, ниту создавала диви депонии. Напротив, Oпштината го чисти таквото ѓубре. За тоа дека ја говориме вистината, градоначалничката Арсовска може да провери во пунктот на ЈП Комунална хигена во Карпош, каде јасно ќе види дека општинските служби таму одлагале кабаст отпад. Големиот помпезен случај на Арсовска се решава за 5 минути и еден телефонски разговор со нејзиниот директор на ова јавно претпријатие. Ја разбираме потребата и жедта за политички пресметки и кавги на градоначалничката и намерата преку тоа да дојде до израз, бидејќи со работа и проекти тешко, но мора да потенцираме дека и оваа нејзина помпезна прес-конференција е промашена“, пишува во реакцијата од Кабинетот на градоначалникот на Ѓорче Петров.

Општината во реакцијата наведува дека Арсовска „нема да ги покрие со политички мотивирани прес-конференции катастрофалното работење на јавните претпријатија, нехигиената, неуредените зелени површини“.

„Добро ќе биде наместо водење висока политика и кажувањето ловечки приказни, градоначалничката да се погрижи за акутните проблеми на градот, па на следната прес-конференција да се пофали со некој изграден булевар, почист воздух или, пак, решение за чекањето по повеќе часови автобуски превоз, кој секако, согласно нејзините заложби, треба да биде бесплатен“, пишува во реакцијата на Општина Ѓорче Петров.

ДАНЕЛА ОТКРИЛА ЕКОЦИД ВО ЃОРЧЕ ПЕТРОВ Арсовска најави кривични пријави за одговорните

The post ДАНЕЛА НЕ РАСКАЖУВАЈ ЛОВЕЧКИ ПРИКАЗНИ, СРАБОТИ НЕШТО Општина Ѓорче Петров ја демантираше Арсовска за дивата депонија appeared first on plusinfo.mk.

КМALL е спој на модерна архитектура и атрактивни содржини прилагодени на потребите на современиот животен стил. За незаборавно шопинг искуство засега се задолжени КАМ, Sport Reality, Sinsay, Office plus, LL Gourmet, Sara Fashion, Premio optics, a во план се и многу нови содржини и брендови како Зегин, Авиатор итн.

Со отворањето на трговскиот центар се отвораат и 200 нови работни места, кадар од најразлични профили поврзани со функционирањето на молот и разнвидни услуги за посетителите. Трговскиот центар е распределен на неколку нивоа со 240 паркинг-места, четири нивоа простории за изнајмување и три нивоа за административни и канцелариски капацитети.

– Нашата цел е овој простор да стане вистинско срце на општината каде секој посетител ќе најде свое катче и простор за пазарување, релаксација и ќе мине убави моменти. Една вистинска мала оаза за забава и за опуштање што ни беше главна мисија уште од самиот почеток. Спој на модерна архитектура веднаш до паркот со доволно места за паркинг каде потрошувачите ќе влезат и излезат задоволни од поминатото време. Ова е само почеток и константно размислуваме уште отсега како целиот простор уште повеќе да го надградиме и подобриме со нови брендови, но и со нови и креативни идеи – посочуваат од „Кам Имобилиен“.

Трговскиот центар почна да се гради во 2015 година и помина повеќе фази на изградба со цел да се изгради урбан објект кој ќе биде од корист за жителите на Ѓорче Петров. Севкупно станува збор за простор од 21.000 квадратни метри, а околу трговскиот има пристапни улици кои што се поврзуваат со општината и  паркот. Станува збор за инвестиција на фирмата за недвижности „Кам Имобилиен“ дел од Камчев Груп.

The post 📷 ГОЛЕМО ОТВОРАЊЕ НА KMALL Општина Ѓорче Петров добива модерен трговски центар appeared first on plusinfo.mk.

„Советниците воедно изгласаа и доградба на ООУ „Јоаким Крчоски“ и изградба на нова детска градинка во Дексион, што е од особено значење за граѓаните на Ѓорче Петров, или одлука со која ќе се решат децениски проблеми со недостиг на капацитети во образовните институции“, соопшти Општина Ѓорче Петров.

На денешната седница, Советот ја изгласа и одлуката за кофинансирање за реализација на проектот „Пилот-интервенции за третман на отпадни води и управување со цврст отпад во прекуграничниот регион“ кој, како што наведува Општината, треба да донесе првпат пречистителна станица во село Орман.

Партијата Левица денеска излезе со соопштение дека македонските бранители ќе ги добијат овие олеснувања поради иницијатива која партијата ја поднела во општината Ѓорче Петров уште пред еден месец.

The post ОПШТИНА ЃОРЧЕ ПЕТРОВ ИМ ИЗЛЕЗЕ ВО ПРЕСРЕТ НА БРАНИТЕЛИТЕ Нивните семејства нема да плаќаат за градинка и за оброци во основно училиште appeared first on plusinfo.mk.

Во разговор за Плусинфо, Стојковски објасни дека општината во моментов има ограничен буџет, воведени се мерки за штедење, бидејќи сметките за струја се значително зголемени, па поради тоа оваа година нема да има новогодишно украсување на општината.

– Постојано алоцираме средства од едно место на друго. Трошоците се зголемуваат постојано и поради тоа принудени сме да одложиме некои проекти за следната година. Оваа криза не е само кај нас, со неа се соочува целиот свет, но се обидуваме да ја менаџираме – вели Стојковски.

Како што ни посочи, украсување нема да има, но затоа во план им е да организираат базар со учениците викендот пред Нова година и со сопствени сили да ги анимираат граѓаните.

– За градинките има насока да се набават новогодишни пакетчиња за дечињата, а стандардно даваме пакетчиња и за првачињата, но овој пат тие ќе бидат во вид на училиштен прибор или нешто што ќе им користи во процесот на образование, па сметам дека со тоа ќе им помогнеме и на родителите – вели градоначалникот.

Тој додава дека не ги забораваат и социјалните случаи на кои секоја година со помош на компании кои се соработници на општината, им донираат храна, облека, средства за одржување хигиена и слично.

– Ќе се обидеме и покрај многубројните предизвици кои се пред нас, да ги оттргнеме малку жителите на Ѓорче Петров од секојдневните проблеми со кои се соочуваат. За сето ова имаме во план да потрошиме што е можно помалку средства од општинската каса, а сепак на граѓаните да им ја доловиме празничната атмосфера – вели градоначалникот на Ѓорче Петров.

The post ЃОРЧЕ ПЕТРОВ НЕМА ДА СВЕТНЕ ЗА НОВА ГОДИНА Стојковски најави базар, пакетчиња и помош за најранливите appeared first on plusinfo.mk.