Општина Кратово во март оваа година добила правосилна пресуда против двете лица кои ги узурпираат влезот и брвнарата на локалитетот Куклица и нелегално наплаќаат за влез, но се чека исходот од обжалувањето на тужбата во предметот. Општината се огласи со соопштение откако денеска на социјалните мрежи граѓани револтирано реагираа за овој проблем кој се провлекува подолго време.

Општината извести дека во моментот е спречена да постапува по Законот за прогласувањена на локалитетот за споменик на природата.

„Пресудата е обжалена и во моментов се наоѓа на второстепена судска инстанца. По нејзината правосилност, Општина Кратово очекува нејзино брзо и ефикасно спроведување преку овластен извршител и со поддршка на надлежните државни органи, вклучително и Министерството за внатрешни работи“, велат од Општина Кратово.

Пресудата од 12 март предвидува осомничените Стојна Димитровска Боотх и нејзинит татко Милош Димитровски заедно со здружението „Извор“-Кратово во рок од 15 дена од правосилноста да му го предадат на Музејот на град Кратово објектот како и дрвената куќичка брвнара и да го ослободат просторот од сите предмети и ствари.

Општината вели дека лицата Стојна и нејзиниот татко бесправно го присвоиле просторот за неовластено да наплатуваат влезници.

„Дополнително, истите лица вршат сериозно загрозување на сигурноста и безбедноста на посетителите преку заплашување, лажно претставување, насилничко однесување и заплашување со кучиња“.

• НИ КРИВИЧНА ПРИЈАВА НЕ ГИ СПРЕЧУВА ДА НАПЛАЌААТ НА ДИВО ВЛЕЗ ВО КУКЛИЦА Граѓани бараат итна реакција од надлежните

На социјалните мрежи денеска беше споделена кривична пријава од 24 јуни 2025 година кога Општината ги тужела Стојна и Милош. Но, Општината во соопштение открива дека не било првпат да пријави лицата. Општината ги пријавила лицата за узурпација на недвижности, пријави кои уште се во постапка пред надлежното обвинителство.

Покрај овие кривични пријави, општината вели дека испратила голем број пријави и писмени поднесоци до надлежни институции, меѓу кои Државниот пазарен инспекторат и Управата за јавни приходи. Во овие институции, според општината, огромен број претставки испратиле и оштетени граѓани.

„Меѓутоа за жал до овој момент, немаме добиено позитивни информации за превземени конкретни активности туку одредени паушални констатации“, велат од општина Кратово.

Општината порачува дека останува посветена на заштита на јавниот интерес, законитото управување со природното наследство и безбедноста на граѓаните и посетителите во рамките на своите надлежности но секако очекува поголема вклученост и ажурност и од други овластени институции.

НИ КРИВИЧНА ПРИЈАВА НЕ ГИ СПРЕЧУВА ДА НАПЛАЌААТ НА ДИВО ВЛЕЗ ВО КУКЛИЦА Граѓани бараат итна реакција од надлежните

The post OПШТИНАТА УШТЕ ВО МАРТ ГИ ДОБИЛА НА СУД „ГОСПОДАРИТЕ“ НА КУКЛИЦА Стојна и Милош ја обжалиле пресудата, се чека исход appeared first on plusinfo.mk.

Граѓани реагираат револтирано на социјалните мрежи дека извесна жена нелегално наплаќа влез за посета на локалитетот „Куклица“ во Кратовско, еден од најпознатите природни феномени во Македонија прогласен за Споменик на културата.

Марио Станојковски јавно побара институциите да ги проверат наводите за наплата на влез и ограничувањето на пристапот до локалитетот.

„Куклите кај Кратово се природно богатство кое им припаѓа на сите нас. Јавен простор, создаден од природата, даден за сите. Денес повторно бев спречен да влезам“, напиша тој.

Тој тврди дека туристи од Косово му кажале дека платиле по 10 евра за влез, додека при претходна посета им биле побарани по 20 евра од лице.

„Им било речено дека Куклите се приватна сопственост и тие поверувале бидејќи никој не им ја кажал вистината. Младенци плаќале за свадбени фотографии“, наведува Станојковски.

По објавата на Станојковски се појавија десетици коментари од граѓани кои тврдат дека имале слични искуства.

„Денес со сопругата и внукот решивме да ги посетиме Кратово и Куклите, но наидовме на жена која ни бараше пари за влез, велејќи дека тоа е нејзин приватен имот“, пишува во еден од коментарите.

Петар Слејановски наведува дека со семејството бил спречен да го посети локалитетот затоа што од нив била побарана наплата за влез.

„Жената со нејзиното дрско однесување извади клучеви и ми се закани дека ќе ми ја изгребе колата и ќе ми ги дупне гумите ако продолжам, а не платам 240 денари за влез“, тврди Слејановски.

Сара Драгевска пишува дека на пат кон локалитетот биле запрени од полицајци, кои ги посоветувале да не одат на локалитетот.

„Ние денес тргнавме натаму, по пат не сретнаа полициски службеници и најкултурно и професионално нѐ прашаа каде одиме? Дали кај куклите или во кафаната? Ние одговоривме кај куклите. При што полицајците ни рекоа најубаво е да се вратиме зашто до сега се расправале со ‘некој’ кој наплаќал скапо влез за таму а не издавал фискална сметка за истото. И дека не можат да реагираат соодветно сега. За да не нѐ ограбуваат поединци за џабе, најубаво би било да се вратиме. По возилото во кое беа полицајците имаше уште неколку возила позади нив најверојатно посетители што се вратиле. И ние го послушавме нивниот совет и се вративме“, пишува Драгевска.

На социјалните мрежи се споделува објава на Општина Кратово од 24 јуни 2025 година, во која локалната самоуправа соопштува дека до Основното јавно обвинителство поднела кривична пријава поврзана со локалитетот „Куклица“.

Во тогашното соопштение Општината тврди дека објектот и земјиштето на локалитетот се узурпирани од физички лица кои вршеле „неосновано и бесправно управување со просторот и користење на одредени права на стопанисување без основ и без согласност на ниту една надлежна институција“.

„Подолг временски период во континуитет Здружението Извор Кратово на чело со Милош Димитровски и лицето Стојна Д. вршат кривични дела на узурпација, присвојување и неосновано користење на Дрвена куќичка (Брвнара) во локалитетот Камени кукли во селото Куклица, каде вршат неосновано и бесправно управување со просторот и користење на определени права на стопанисување без основ и без согласност на ниту една надлежна иснституција и Општина Кратово“, објави лани Општина Кратово.

Според сведоштвата на граѓаните, проблемот сѐ уште не е решен.

The post НИ КРИВИЧНА ПРИЈАВА НЕ ГИ СПРЕЧУВА ДА НАПЛАЌААТ НА ДИВО ВЛЕЗ ВО КУКЛИЦА Граѓани бараат итна реакција од надлежните appeared first on plusinfo.mk.

– За трагичниот настан од ЦУК и од МВР е побарано да се спроведе внатрешна контрола за проверување на надлежните службеници за случајот. Интенцијата е расчистување на случајот, итно лоцирање на одговорноста и соодветни мерки – рече Хоџа.

The post Хоџа: Николовски треба итно да најде кој е одговорен за случајот со овчарот appeared first on plusinfo.mk.