Полицијата го расчисти случајот со оштетувањето на канделабрите во парк на подрачјето на Општина Карпош, откако утврди дека зад вандалскиот чин стои 13-годишно момче од Скопје.

Од Министерството за внатрешни работи информираа дека на 12 јуни, во 21:30 часот, во Полициската станица Карпош бил извршен службен разговор со 48-годишен скопјанец, татко на малолетникот.

Според информациите, по преземените мерки и постапувањето по претходна пријава поднесена од Општина Карпош, полициските службеници од СВР Скопје – Полициска станица Карпош утврдиле дека на 11 јуни, околу 21:30 часот, на улицата Волгоградска, во близина на фитнес-игралиштето, 13-годишникот оштетил и откорнал канделабри за улично осветлување.

Случајот предизвика реакции во јавноста откако на социјалните мрежи беше објавено видео на кое се гледа како малолетници вандалски се однесуваат кон урбаната опрема во еден од парковите во Карпош.

Од МВР посочуваат дека по целосното документирање на случајот ќе бидат поднесени соодветни пријави согласно законските процедури.

 

View this post on Instagram

 

A post shared by Plusinfo.mk (@plusinfo.mk)

The post 📽️ 13-ГОДИШНИК ГИ ОТКОРНА КАНДЕЛАБРИТЕ ВО КАРПОШ Полицијата го повика родителот во станица, следат санкции appeared first on plusinfo.mk.

Советот на општина Карпош донесе одлука со која им доделува еднократна парична помош на четири семејства, чии најблиски членови загинаа во сообраќајната несреќа на скопската обиколница, која се случи кон крајот на минатиот месец.

Општина Карпош изрази искрено жалење за овој трагичен настан и како израз на солидарност кон семејствата, им доделува парична помош во износ од 100.000 денари за секое починато лице.

Во тешката несреќа животот го загуби оперскиот пејач Ристе Велков (51) кој загина заедно со својот син Адам Велков (20), како и неговите другари Марко Ѓорѓиевски (20) и Петар Миланов (20).

Трагедијата се случи откако камион ја проби заштитната ограда на скопската обиколница и заврши во спротивниот правец, удирајќи директно во автомобилот со кој управувал Ристе, по што возилото се запалило.

„Со оваа финансиска поддршка локалната самоуправа има за цел барем делумно да им излезе во пресрет на погодените семејства во овие исклучително тешки моменти“ – соопшти Општината.

The post ОПШТИНА КАРПОШ ДОДЕЛИ ПОМОШ ЗА НАСТРАДАНИТЕ НА СКОПСКАТА ОБИКОЛНИЦА Семејствата ќе добијат по 100.000 денари за настрадан член appeared first on plusinfo.mk.

Поранешниот градоначалник на Општина Карпош, Стевче Јакимовски, на вонредна прес-конференција изјави дека пресудата за затворска казна против него ја смета за политички мотивирана и дека е осуден не затоа што сторил кривично дело или ја злоупотребил службената положба, туку поради, како што рече, политички причини.

Апелациониот суд денеска ја потврди првостепената пресуда против поранешниот градоначалник на Општина Карпош, Стевчо Јакимовски, со која му е изречена казна затвор од една година за кривичното дело „бесправно градење“.

– Осуден сум политички. Не затоа што сум направил кривично дело или сум ја злоупотребил својата положба и овластувања, туку затоа што на некого му пречам – изјави Јакимовски.

Тој посочи дека предметот се однесува на две бараки поставени во дворот на Основното училиште „Лазо Трповски“, за кои тврди дека претставуваат времени објекти.

Според него, станува збор за конструкции изработени од гипс-картон и челична конструкција, кои можат да бидат демонтирани и преместени на друга локација, поради што не можат да се третираат како трајни градби.

– Цело време докажуваме дека станува збор за времени објекти. Сепак, судот донесе пресуда како да се работи за цврста градба, што според мене е неточно – рече Јакимовски.

Тој обвини и за постоење на два фалсификувани документи во предметот, за кои, како што наведе, биле ангажирани вештаци и форензичари. Според неговите тврдења, на стручните лица не им бил овозможен целосен пристап до предметот за да утврдат кој стои зад наводните фалсификати.

Јакимовски оцени дека пресудата има политичка позадина и дека нејзината цел е да го спречи повторно да се кандидира за градоначалник на Општина Карпош на претстојните локални избори.

– Во оваа ситуација не е важно дали сте виновни или не. Очигледно постои потреба да бидам осуден и на тој начин да бидам спречен повторно да се кандидирам за градоначалник на Општина Карпош – изјави Јакимовски.

The post СТЕВЧЕ ЈАКИМОВСКИ ВЕЛИ ДЕКА ПРЕСУДАТА ПРОТИВ НЕГО Е ПОЛИТИЧКА „Цело време докажуваме дека објектите се времени“ appeared first on plusinfo.mk.

Премиерот Христијан Мицкоски вели дека градоначалникот на Општина Карпош Сотир Лукрвоски не дал оставка, туку оти од здравствени причини е на боледување. Додека се врати од боледување, нагласува Мицкоски, во Општината има законски избран заменик кој ќе го заменува во извршувањето на обврските и надлежностите.

– Градоначалникот на Општина Карпош Сотир Лукровски нема дадено оставка. Тој е на боледување. Во моментов во Oпштината има законски избран заменик-градоначалник кој што го заменува градоначалникот додека е на боледување поради одредени здравствени проблеми. Иако имаше и такви политички глодари кои што излегуваа и се ситеа на здравствена состојба на човек, јас нема да ги коментирам тие политички глодари. Му посакувам брзо опоравување на градоначалникот и што поскоро да се врати на својата работна позиција – рече Мицкоски во одговор на новинарско прашање по увидот во реконструираниот дел од ГОБ „8 Септември“.

Во меѓувреме, до тој момент, нагласи премиерот Мицкоски, ќе го заменува заменик градоначалникот кој согласно закон е именуван од страна на градоначалникот.

– Повеќе детали околу здравствената состојба ниту сум овластен, ниту би сакал да споделам – нагласи премиерот Мицкоски.

The post МИЦКОСКИ ВЕЛИ ДЕКА ЛУКРОВСКИ НЕ ДАЛ ОСТАВКА Додека е на боледување ќе го заменува заменик градоначалникот appeared first on plusinfo.mk.

Општина Карпош ги демантира наводите дека градоначалникот Сотир Лукровски си има поднесено оставка. Тој, како што велат, во овој момент користи боледување и е привремено отсутен поради здравствени причини, за што замолуваме за разбирање.

„Уверуваме дека Општина Карпош продолжува да функционира непречено, со целосен капацитет и посветеност кон потребите на граѓаните“,  посочуваат од локалната самоуправа.

Нагласуваат дека согласно законските процедури, надлежности привремено ќе ги извршува членот на Советот, Неделчо Крстевски.

„Општина Карпош апелира до јавноста и до медиумите за разбирање и почитување на приватноста на градоначалникот и неговото семејство во овој период“, порачуваат од локалната самоуправа.

The post ЛУКРОВСКИ НЕМА ПОДНЕСЕНО ОСТАВКА, НА БОЛЕДУВАЊЕ Е Општина Карпош ги демантира шпекулациите appeared first on plusinfo.mk.

Стевчо Јакимовски одржа последна прес конференција како градоначалник на општина Карпош на која се пофали дека ја остава Општината во добра финансиска кондиција.

Тој рече дека кога на 4 ноември, 2021 година, ја презел функкцијата од неговиот претходник наследил 330 милиони денари блокирана сметка и уште една блокада од УЈП на 39 милиони денари, или вкупна блокада на 369 милиони денари, а Буџетот на Општина Карпош во 2020 година бил 363 милиони.

– На денешен ден, четири години и три дена потоа, оставам општина со: 72 милиони денари на жиро сметка, со измирени сите тековни обврски, судски пресуди кои уредно се сервисираат. До денес, Општина Карпош има приходи од 700 милиони денари, а до крајот на годината ќе има скоро 800 милиони денари. Или, сум презел општина со 6 милиони евра приход и 6,5 милиони евра долг, а денес оставам општина со 13 милиони евра приход – рече Јакимовски.

Тој вели дека во моментов во Карпош се градат една висококатница, два објекта во Момин Поток и три помали објекти од пет ката.

– Ова покажува колку сме биле вешти во менаџирањето на приходите и како општина Карпош, со покачување на даночните приходи успеа да ја стабилизира општината и од неа да направи самоодржлив проект. Денес оставам: 4 проекти во тек, 12 проекти за кои се склучени договори, 4 проекти за кои течат тенедрски постапки и уште 6 проекти одобрени од Владата со вкупна вредност над 9,5 милиони евра. Нарачани се уште 10 инфраструктурни проекти, меѓу кои и катна гаража за Карпош 1 – рече Јакимовски.

The post ЈАКИМОВСКИ СЕ ОДЈАВИ ОД ОПШТИНА КАРПОШ Наследил 6,5 милиони евра долг, а се пофали дека остава Општина со 13 милиони евра приход appeared first on plusinfo.mk.

Стевчо Јакимовски е очаен и во паника поради најавената ревизија во Карпош која ќе го разобличи неговото работење и злоупотребите, соопшти ВМРО-ДПМНЕ.

„Стевчо Јакимовски наместо да покаже политичка култура и да честита на изборниот победник, се обидува да го минимизира поразот и да бара изговори преку создавање алиби за изборни нерегуларности. Јакимовски наместо да се теши по неуспехот во Карпош, треба да се помири со фактот дека граѓаните го испратија во политичка пензија, народот избра визија, напредок и работа“, соопшти ВМРО-ДПМНЕ.

Од што се плаши Јакимовски, прашува партијата.

„Дали поради тоа што знае дека следи ревизија во Карпош на неговата криминална работа? Дали Јакимовски се плаши дека ќе излезат на виделина сите криминали, тендери во 4 очи и матни зделки за време на неговиот мандат? Јакимовски е свесен за неговите злоупотреби и нерегуларности во работата и токму поради тоа сега е во паника. Јакимовски се плаши од ревизијата што ќе го разобличи неговото работење во општината и се обидува да го пренасочи вниманието кон измислени изборни нерегуларности“, се вели во соопштението.

Јакимовски, додава ВМРО-ДПМНЕ, е одговорен за бетонизацијата на Карпош, а карпошани го казнија токму заради тоа што Јакимовски работеше за личните интереси и интересите на урбаната мафија, наместо за интересите на граѓаните.

„Јакимовски да не се обидува очајнички во овие неколку дена да ги заштити структурите од урбаната мафија и да не потпишува документи, бидејќи ќе следи ревизија на целосното негово работење. Целосна ревизија на финансиското и урбанистичкото работење во општина Карпош“, порачува ВМРО-ДПМНЕ.

Новото раководство на Карпош ќе работи посветено во интерес на граѓаните, додава партијата.

„Карпош ќе се развива преку проекти и работа, чесно и транспарентно. Карпош на чело со Лукровски ќе биде пример за успешна и модерна општина“, соопшти ВМРО-ДПМНЕ.

The post СТЕВЧО ЈАКИМОВСКИ ДА НЕ ПОТПИШУВА ДОКУМЕНТИ ЗА ДА ЈА ЗАШТИТИ УРБАНАТА МАФИЈА Со ревизија ќе се откријат сите криминали, му порача ВМРО-ДПМНЕ appeared first on plusinfo.mk.

Претседателот на ВМРО-ДПМНЕ и премиер Христијан Мицкоски денеска одговарајќи на новинарско прашање околу заедничката фотографија на Маја Мојсовска и кандидатот на ВМРО-ДПМНЕ за Карпош Сотир Лукровски и дали постои договор за поддршка, одговори дека карпошани на овие избори избрале да не поддржат човек кој е на црната листа на стратешкиот партнер САД.

– Карпошани на овие избори избраа да не поддржат човек кој е на црната листа на нашиот стартешки партнер САД, избраа да не поддржат човек којшто е осуден за криминал од прв степен од Основниот суд, и карпошани во првиот круг му дадоа огромна доверба на Сотир Лукровски, кој пред неговиот противкандидат води со 1.500 гласа разлика. Претпоставувам дека останатите кандидати и политички чинители во Македонија исто така ќе се согласат со ова што ќе го кажам, а тоа е дека нема да поддржат кандидати кои се наоѓаат на црната листа поради криминал кај нашиот стратешки партнер САД и нема да поддржат осудени во прв степен лица кои на овие локални избори излегуваат и се обидуваат со старите трикови да ја добијат поддршката на карпошани – рече Мицкоски денеска на мини митингот во Центар.

Тој појасни дека во тој контекст ја гледа и средбата меѓу кандидатката на СДСМ Маја Мојсова и како што рече, идниот градоначалник на Општина Карпош Сотир Лукровски.

– Можеби вистинското прашање за претседателот на СДСМ е дали тој поддржува лице кое е на црната листа за сторен криминал кај нашиот стратешки партнер и дали поддржува лице кое е осудено во прв степен поради сторен криминал. Можеби тоа е вистинското прашање – оцени лидерот на ВМРО-ДПМНЕ.

Венко Филипче денеска на прес-конференција го припиша на политичко неискуство, гестот на Мојсова да се фотографира со Лукровски.

The post ПРАШАЊЕ ЗА ФИЛИПЧЕ Е ДАЛИ ПОДДРЖУВА ЛИЦЕ ШТО Е НА ЦРНА ЛИСТА Мицкоски вели дека граѓаните нема да поддржат осудено лице appeared first on plusinfo.mk.

Kандидатот за градоначалник на Општина Карпош, Сотир Лукровски, нуди хумано решение за безбеден живот поради сè поголемиот број улични кучиња.

„Граѓаните на Скопје, а особено на Општина Карпош, со години живеат со чувство на страв и несигурност поради сè поголемиот број улични кучиња. Многумина избегнуваат вечерни прошетки, родителите се плашат да ги пуштат децата сами надвор, а постарите лица се затвораат во своите домови. Ова не е начин на живот што го заслужуваме ние, граѓаните на Карпош. Крајно време е, со конкретни мерки, да се реши овој проблем, а не како досега, да се игнорира!

Јас, Сотир Лукровски, во мојата програма имам хумано и одржливо решение за сите бездомни кучиња во Карпош. Хуманото и ефикасното решение e перманентно засолниште за уличните кучиња! Овој проблем не се решава со игнорирање или со сурови мерки. Во текот на мојата кампања ги слушнав сите можни предлози, но малкумина понудија вистинско, долгорочно решение – перманентно и хумано отстранување на сите бездомни кучиња од територијата на Карпош.

Јас лично имам две кучиња и не дозволувам никакво нечовечно постапување кон животните. Меѓутоа, моето решение е јасно, спроведливо и фер. Тоа се темели на ангажман на приватно прифатилиште, каде што секое куче ќе биде третирано со грижа, почит и со човечност.

Во прифатилиштето, кучињата ќе бидат првенствено стерилизирани и вакцинирани. Секое кутре ќе имаат редовна исхрана и чиста вода, ветеринарна грижа и хигиенски услови за престој, и најважно, можност за вдомување и нов живот.

Клучот на успехот лежи токму во вдомувањето – преку соработка со странски организации, љубители на животни и доброволци, особено туристи од северно европските земји, со кои ќе овозможиме многу од овие животни да најдат свои нови семејства. Ова е четиригодишен проект, со јасен план, контрола и одговорност. Со ваков четиригодишен пристап, обезбедуваме двоен бенефит – граѓаните повторно ќе се чувствуваат безбедно затоа што кутрињата ќе се дислоцираат уште во првите 6 месеци, а животните ќе имаат достоинствен и убав живот.

Мојата визија и решение за Карпош е општина без страв, општина со љубов кон животните и почит кон човекот. Општината мора да биде пример за европско управување – со хуман, модерен и одговорен пристап кон секој проблем. Карпош е далеку од некаква паланка и не смее да дозволи сегашното (дваесет години глутници по улиците) да стане нормално. Тоа јас нема да го дозволам!

Преку партнерство со приватно засолниште за кучиња – повеќегодишен договор за деловна соработка, и редовна контрола од општинските служби, ќе воспоставам транспарентен систем кој е и одржлив, и етички исправен.

Партиципацијата на граѓаните е суштински дел од овој проект. Ги повикувам сите жители на Карпош да ми се придружат во оваа мисија. Да покажеме дека еднаш можеме, да живееме во безбеден и нормален Карпош. Да создадеме општина каде што децата повторно ќе играат на улиците без страв, старите лица ќе шетаат со спокој, а секое улично кутре ќе има место каде ќе биде згрижено, нахрането и сакано.

Јас сум убеден сум дека примерот што Карпош ќе го постави, брзо ќе биде прифатен и од останатите општини – и во Скопје, и низ цела Македонија.

Овој проект не е само мерка – ова е визија за безбеден и хуман Карпош. Со правилен пристап, транспарентност и грижа, можеме да го решиме проблемот кој повеќе од две децении создава страв, поделби и непријатност.

Карпош без страв. Карпош со љубов!“, порача Лукровски.

The post ЛУКРОВСКИ ЌЕ ГО ОСЛОБОДИ КАРПОШ ОД УЛИЧНИ КУЧИЊА Ќе гради прифатилиште за кучиња appeared first on plusinfo.mk.

Христо Саракинов, носител на советничка листа на Општина Карпош од ВМРО-ДПМНЕ ги повика карпошани на масовна излезност во вториот круг.

– Карпошани го кренаа гласаа гласот против урбаната мафија и Стевчо Јакимовски, кој поддржан од Венко Филипче и од Зоран Заев сака да продолжи да го држи Карпош заробен во канџите на приватните интереси за висококатници, нови ДУП-ови и маркици со дебели профити. Карпошани во уште поголем број ќе излезат во вториот круг, и ќе гласаат за Сотир Лукровски, за ВМРО-ДПМНЕ, за бројот 9 – рече Саракинов.

Тој потсети дека Сотир Лукровски и ВМРО-ДПМНЕ ветуваат: Стоп за бетонизацијата, ревизија на сите ДУП-ови, формирање на општинско претпријатие Карпош-план, кое ќе ги подготвува сите идни ДУП-ови, каде ќе бидат вклучени и консултирани и граѓаните и активистите.

Меѓу ветувањата се и чист Карпош, изградба на нови катни и монтажни гаражи. Паркингот за карпошани да биде бесплатен, решавање на проблемот со бездомните кучиња и поголема безбедност.

The post КАРПОШАНИ ИЗБРАА ПРОМЕНИ Лукровски вети ревизија на ДУП-овите и бесплатен паркинг appeared first on plusinfo.mk.