Хаќим Рамадани кандидатот за градоначалник на Општина Брвеница од Коалицијата Вреди кој досега ја извршуваше функцијата директор на Државниот инспекторат за локална самоуправа, преку социјалните мрежи објави дека од денес е без работа и дека бара вработување исклучиво во приватниот сектор.

На локалните избори, Рамадани не успеа да победи, неговиот противкандидат од ВМРО-ДПМНЕ, Јовица Илиевски, освои повеќе гласови и ќе ја преземе функцијата градоначалник на Брвеница.

Премиерот Христијан Мицкоски претходно најави дека Рамадани ќе биде разрешен и од директорската позиција во Инспекторатот.

„Од денес сум невработен. Сум дипломиран економист и барам работа само во приватни компании“, напиша Рамадани на социјалните мрежи.

The post ХАЌИМ РАМАДАНИ ОД БРВЕНИЦА ОД ДЕНЕСКА НЕВРАБОТЕН Веќе нема да му текне на државна работа appeared first on plusinfo.mk.

Лидерот на ВМРО-ДПМНЕ Христијан Мицкоски вечерва пристигна во Брвеница за да му честита на Јовица Илиевски за новиот мандат.

– Покажавме дека општина Брвеница е за соживот, не за етнички поделби. Благодарност до сите жители, докажавме дека сме мултиетничка општина и таква ќе останеме. Благодарност до претседателот Мицкоски за максималната поддршка – рече Илиевски.

Мицкоски му ја честиташе победата на Илиевски и рече дека заедно со Владата ќе се направат многу проекти за општина Брвеница.

– Честитки на Јовица што издржа, веруваме дека иднината е во заедништвото. Сите кои мислат дека можат да бидат лидери на начин на кој ќе разделуваат грешат. Тој концепт се покажа погрешен. Им благодарам на сите жители на општина Брвеница кои ја дадоа поддршката и застанаа зад овој концепт на обединување – рече Мицкоски.

The post БРВЕНИЦА ПОКАЖА ДЕКА Е ЗА СОЖИВОТ Ќе следат многу проекти во општината appeared first on plusinfo.mk.

– Никој не е против дигитализацијата во наставата, но бараме тоа да биде помошно средство. За објаснување. Книгата да биде главно средство за наставата. Учебник е учебник. Образованието е бесплатно за сите, а ваму сме приморани да печатиме учебници. Немаат сите можности ниту да печатат учебници ниту да купуваат таблети или други уреди за следење на наставата  изјави Ненад Ѓорѓески, родител и член на училишниот одбор во ОУ „7 Март“ во Милетино.

Граѓанската иницијатива „Учебници и настава мора да има“ е иницијатор на денешниот предупредувачки бојкот на наставата.

The post РОДИТЕЛИТЕ БАРААТ ПЕЧАТЕНИ УЧЕБНИЦИ Предупредувачки бојкот на наставата во тетовско appeared first on plusinfo.mk.