Иднина која инспирира, е називот на новата платформа на dm за која информиравме пред неколку дена, но дури денес имавме можност да се увериме во тоа дека станува збор за нешто навистина инспиративно.

Оваа иницијатива замислена за да ги поврзе граѓаните во заеднички општествен ангажман е токму она што му треба на нашето заспано општество. Наместо да плукаме по институциите и урламе за промени, да ги земеме работите во свои раце и да почнеме да менуваме.

Од денешниот настан во организација на dm, си заминавме некако исполнети, задоволни, среќни и полетни и тоа само затоа што сите спакувавме по некоја кутија со нивните производи, наменети за донации за Кризен центар „Надеж“ и за Националната мрежа против насилство врз жени и семејно насилство и барем за момент се почувствувавме онака како што само волонтерството и правењето добри дела можат да ве направат да се чувствувате. Патем, одејќи назад до работното место, смисливме неколку начини на кои би можеле, наместо да си го губиме слободното време, да го вложиме во нешто корисно за сите. Токму онака како што прават Андреј, алијас Градинарот и Филип, алијас Кеса на десет.

За оние кои се уште не знаат кои се тие, а искрено, и ние дознавме неодамна, тоа се двајца млади момци кои независно еден од друг, почнале да „хараат“ низ градов и да прават нешто за што повеќето други, вклучувајќи не и нас, само знаат да џавкаат? За нив ќе пишуваме повеќе во следните денови.

А токму за да има повеќе такви како нив, се грижи оваа општествено одговорна компанија – dm, чија нова платформа има за цел да ги поттикне граѓаните, организациите и заедниците активно да учествуваат во иницијативи за солидарност, еднаквост и заштита на животната средина.

Новата платформа на dm за поттикнување општествен ангажман „Иднина која инспирира“ беше претставена денес во Innox Innovation Center во Скопје, на настан кој ги обедини претставниците на граѓанскиот сектор, компаниите и активните поединци околу идејата за заедничко дејствување за подобро заедничко општество.

Станува збор за платформа која, освен во Македонија, е активна и во други 12 европски земји во кои егзистира компанијата и чија цел е да ги мотивира луѓето да го препознаат значењето на личниот придонес на секој од нас. Без оглед дали станува збор за чистење на смет, грижа за бездомни животни, бездомни луѓе, напуштени деца или стари луѓе или нешто сосема друго од што ќе има полза целата заедница.

Според организаторите, идејата произлегла од потребата да се потсетиме себеси и другите за важноста на личната одговорност и активното учество во заедницата. Промената започнува од секој од нас па затоа секој од нас треба да дејствува онаму кадешто може и сака да помогне.

Компанијата ДМ која зад иницијативата нагласи дека сака да биде партнер на заедницата, да ги поддржува добрите идеи и да создаде простор каде инспиративните иницијативи ќе можат да се развиваат и да оживеат.

Платформата ќе бара и поддржува инспиративни приказни и проекти што придонесуваат за подобрување во три клучни области: заедништво и меѓусебна поддршка, заштита на животната средина и општествен развој преку еднаквост, инклузија и образование.

Во рамки на иницијативата ќе се опфатат теми како интеграција и инклузија, образование, социјална еднаквост, критичко размислување, заштита на животната средина, како и активности поврзани со чистење на јавни површини, пошумување, рециклирање и други практики што придонесуваат за заштита на климата и природата. Дел од фокусот ќе биде ставен и на социјалната близина, поддршката за луѓе во потреба и активности кои обезбедуваат континуирана поддршка за заедницата.

Платформата е наменета и за организации и за поединци. Право на учество ќе имаат регистрирани невладини организации, здруженија, институции, училишта и единици на локална самоуправа со седиште во Македонија, како и физички лица постари од 18 години кои сакаат да споделат или реализираат сопствен волонтерски ангажман.

Па повелете, вклучете се!

The post НАМЕСТО ДА СЕДИТЕ ПРЕД ЕКРАНИТЕ, БИДЕТЕ КОРИСНИ – ВОЛОНТЕРИ! Ако можат тие, зошто да не можеме и сите ние?! appeared first on plusinfo.mk.

„Во текот на оваа јубилејна година за ОКТА реализиравме неколку значајни општествено одговорни проекти во образовниот систем на земјата, а ја завршуваме годината со донација која треба да овозможи подобро изведување на наставата и поголема интерактивност со учениците. Во рамки на оваа донација ги вклучивме и најмалите ученици од нашето соседство, кои ги изненадивме со новогодишни пакетчиња со цел да придонесеме кон повесела празничната атмосфера. Оваа донација е уште еден доказ за нашето долгорочно партнерство со жителите од локалната заедница во која што делуваме како компанија“, изјави Марија Ставрева, менаџер за корпоративна општествена одговорност и комуникации на ОКТА.

Новогодишните пакетчиња ќе бидат доделени на дечињата од прво до трето одделение во споменатите локални основни училишта.

„Како вистински партнер, ОКТА секогаш е подготвена да одговори на нашите барања и потреби. Така беше и во овој случај, со донацијата на телевизорите кои ќе бидат особено корисни во наставата, придонесувајќи за подобра визуелизација на наставните содржини што им се предаваат на учениците. Дополнително и оваа година нашите најмлади ученици добиваат и новогодишни пакетчиња, на кои особено им се радуваат“, истакна директорот на централното основно училиште „Браќа Миладиновци“, Дарко Петковски, заблагодарувајќи му се на тимот на ОКТА за најновите донации.

„Образованието и младите се едни од главните области во чии развој ОКТА континуирано низ годините ги насочува своите општествено одговорни проекти и вложувања, а таквиот вид поддршка ќе продолжи и во иднина“, се вели во соопштението на компанијата.

The post НОВОГОДИШНА ДОНАЦИЈА ОД ОКТА ЗА НАЈМАЛИТЕ ОСНОВЦИ ВО ОПШТИНА ИЛИНДЕН Комшиските основни училишта добија и телевизори appeared first on plusinfo.mk.

Во речиси целодневен програм, учениците од паралелките од шесто одделение најпрво можеа да уживаат во предавање за значењето на дрвјата за екосистемот од страна на проф. д-р Кирил Сотировски – Декан на Факултетот за шумарски науки „Ханс ем“, а потоа заедно со вработените од dm дрогерие маркт, наставниот кадар и вработени во ЈП Комуналец Струмица успеаја да засадат 200 нови садници со цел разубавување на училишниот двор.

– Навистина нѐ  радува што еден ваков убав проект успеавме да го доближиме и до најмладата популација. Втора година по ред поставуваме позитивни примери за еколошки стандарди во нашето општество. Хортикултурното уредување на училишниот двор на ОУ „Никола Вапцаров“ во Струмица е само почеток на овогодинешната сезона на проектот Пошумуваме заедно за позелено утре – изјавија од компанијата по повод стартот на новата сезона на проектот.

Покрај ова за ноември од компанијата најавија и реализација на две дополнителни активности. На 12 ноември, во рамките на овој проект, компанијата најави пошумување на трим-патека во парк шумата Гази Баба во Скопје со нови 400 дрвја, додека пак за 26 ноември најавија и пошумување на неодамна опожарено земјиште во близина на Куманово со 30.000 нови садници.

Сите заинтересирани, повеќе за овие активности може да дознаат на веб страната на dm дрогерие маркт: dm.mk/poshumuvame-zaedno, каде можат и да се пријават за присуство на пошумувањето.

Само за потсетување, минатата година компанијата го лансираше овој еколошки проект со засадување на 27.000 стебла на 10 хектари површина во атарот на скопското село Миладиновци.

dm дрогерие маркт на македонскиот пазар постои веќе 11 години, а од самото основање до ден денес важи за општествено одговорна компанија која има реализирано низа општествено одговорни активности кои придонесуваат кон унапредување на условите за работа во различни здравствени и образовни институции, како и кон подобрување на квалитетот на животот на социјално-загрозените категории на сограѓани. Само за проектот „Пошумуваме заедно за позелено утре“ компанијата во изминатата година донираше повеќе од 1 милион денари општествени донации, а за оваа сезона издвојува повеќе од 1.3 милиони денари донации.

The post ОУ „НИКОЛА ВАПЦАРОВ“ ДОБИ ПОУБАВ И ПОЗЕЛЕН ДВОР Донација од дм за струмичкото училиште appeared first on plusinfo.mk.

Преку деловната одлука на грчката национална енергетска компанија PPC SA (Public power corporations) стратешки да инвестира во Република Северна Македонија, ЕДС во 2018 година стана дел од корпорацијата која што важи за енергетски гигант во југоисточна Европа.

– Особено сме горди на она што ЕДС го постигна изминатите 10 години. Остануваме лидери на македонскиот пазар кој што снабдува електрична енергија кон најголемата балансна група и има најголемо учество на македонскиот пазар. Наша цел е да продолжиме во таа насока и во наредниот период, да го зацврстиме и зголемиме нашето учество на пазарот, да ги подобриме услугите кон нашите клиенти. Со таа цел, во пресрет на јубилејот изградивме нова интернет страница, којашто во наредниот период на клиентите ќе им овозможи користење нови дигитални услуги, како електронско фактурирање и плаќање, ќе инкорпорираме и онлајн платформи за контрола и увид во потрошувачката на електрична енергија – истакна по повод одбележувањето на јубилејот, главниот извршен директор на ЕДС, Јанис Јанопулос.

Во овој момент, балансната група која што ЕДС ја снабдува со електрична енергија ја сочинуваат 578 правни субјекти, од кои 264 се јавни претпријатија и институции, а 314 се приватни компании. Планот на компанијата е во наредниот период да продолжи со добрите деловни пракси, да го инкорпорира корпоративниот бренд на PPC SA во своето работење и континуирано да го зголемува своето портфолио.

– Во текот на 2021 и 2022 година ЕДС забрзано го зголеми своето портфолио на клиенти, откако многу наши конкуренти им ги откажуваат договорите на потрошувачите. Нашите интерни процени се дека во моментов на македонскиот енергетски пазар имаме учество поголемо од 30 отсто од отворениот дел од пазарот. Наша цел е да го зголеми тој процент до крајот на година и со тоа темпо да продолжиме и во текот на 2023 година. Уверени сме дека на македонскиот пазар во моментов ЕДС е најдобрата опција за снабдување со електрична енергија на слободниот пазар имајќи ја предвид нашата понуда која што е особено поволна за клиентите, предвидливоста која што има ја овозможува во однос на планирање на нивните трошоци и секако гаранцијата дека секогаш ќе имаат навремена и непрекината испорака – вели Илијас Тсукалас, главен финансиски директор.

И покрај неизвесноста којашто ја носи енергетската криза, ЕДС може да гарантира сигурна и стабилна испорака на електрична енергија.  Очекувањата се дека ЕДС 2022 година ќе заврши со вкупно учество на македонскиот пазар за квалификувани потрошувачи од 33 отсто.

– На нашиот пазар ЕДС е компанија со најголем основачки капитал од близу 5,5 милиони евра и со тоа ЕДС ја гарантира својата стабилност пред домашните комерцијални банки, кои нѐ подржуваат во нашето оперативно работење. ЕДС никогаш не откажала и нема да откаже договор заради неможност да набави енергија. Нашите сопствени финансиски капацитети, поткрепени дополнително со корпоративна гаранција од нашата мајка фирма (PPC SA) се сосема доволни да обезбедиме енергија за целата наша балансна група. Во моментов, следејќи ги пазарните движења на цените како и однесувањето на конкуренцијата, покрај веќе склучените договори за кои гарантираме испорака на енергија согласно договорените цени, за нови договори нудиме модел на претплата со што компаниите можат да заштедат уште некој процент од цената, бидејќи претплатата на ЕДС ги намалува финансиските трошоци за користење на рамковни кредити од комерцијалните банки. Претплатата може да биде месец за месец или на годишно ниво за што следи уште дополнителен попуст – вели Златко Черепналкоски, извршен директор за продажба и маркетинг во ЕДС.

Енергетската криза наметна голем број предизвици, не само за компаниите од енергетскиот сектор, туку за секоја компанија. Драстичниот раст на цената на електрична енергија предизвикаа неизвесност кај компаниите, а тоа пак проблеми и во наплатата на испорачаната електрична енергија.

– Она што нам ни е претставува загриженост во изминатиот период, а стравуваме дека доколку не се најдат соодветните механизми, ќе продолжи да биде проблем и во наредниот период е наплатата од јавните претпријатија, особено оние чии основачи се единиците на локалната самоуправа. За да обезбедиме непречено снабдување со енергија особено во ситуација кога цената на електричната енергија се менува од час во час, а ЕДС истата ја плаќа авансно односно однапред, континуитетот на снабдување за целата балансна група понекогаш зависи од ажурноста со која што клиентите ги подмируваат своите финансиски обврски согласно договорите. Нашата компанија има целосно разбирање за предизвиците со кои што се соочуваат сите деловни субјекти, во енергетска и во финансиска смисла, и кога некои од нашите клиенти ќе се соочат со сериозно доцнење со плаќањето се обидуваме да постигнеме договор во заемен интерес, како плаќање на долгот на рати, но, за жал понекогаш доаѓаме во ситуација во која што за да ја заштитиме целата баланса група и стабилноста во снабдувањето, принудени сме да ја прекинеме испораката кон некој од клиентите – вели Димитар Ивановски, раководител на правен оддел во ЕДС.

Сепак, како општествено одговорна компанија, апелира до општините, јавните претпријатија и јавноста дека во постојните услови во енергетскиот сектор од клучно значење е редовното и навремено подмирување на сметките за електрична енергија, разумното и одговорно планирање на буџетите за потрошувачка на електрична енергија од страна на надлежните сектори во општините и јавните претпријатија и секако рационално користење на енергијата.

По повод јубилејот, компанија ќе спроведе низа активности за негово одбележување како општествено одговорни акции и реализација на проекти кои што ќе допринесат по подобри услови за работа на енергетски пазар, како за компаниите снабдувачи со електрична енергија така и за нeјзините клиенти.

Инаку, ЕДС ги има единствените лиценцирани брокери на берзата за струја, а компанијата е членка и на меѓународната берза набавка на струја, со што компаниите и домаќинствата кои набавуваат струја од нашата компанија ќе бидат сигурни во договорената цена и квалитетот на испораката. Во текот на своето постоење ЕДС изгради и своја регионална мрежа со претставништва во Бугарија, Србија, Косово, Хрватска, Црна Гора, Романија, Унгарија и во Словачка.

The post СТАБИЛЕН СНАБДУВАЧ И СИГУРЕН ПАРТНЕР Компанијата ЕДС одбележува 10 години постоење appeared first on plusinfo.mk.

Сите настани на кои Групацијата Никоб беше покровител исклучиво промовираа јавни политики кои имаа за цел да продуцираат здрави навики и животни стилови, младинска, спортска култура, медицинска и здравствена едукација.

– Горди сме што бевме спонзори и покровители на 43. Интернационален медицински конгрес во Охрид, реномираниот триатлон „Триоги рејсинг“, Саемот за автомобили Авто плус стрит шоу, мотоцикли и електрични велосипеди во Скопје, „Вози право, вози здраво“ во Скопје и прекрасниот струмички маратон Струмица на улица и како и многу други настани – велат од Групацијата.

Групацијата Никоб спонзорира и поддржува и неколку спортски клубови во Македонија, како на пример одбојкарскиот шампион ОК Струмица, КК Ангели од Кисела Вода и ФК Кул.

The post НИКОБ – ЕДНА ОД НАЈПОСВЕТЕНИТЕ ОПШТЕСТВЕНО ОДГОВОРНИ ГРУПАЦИИ Поддржа неколку големи настани appeared first on plusinfo.mk.

Наградата беше врачена на манифестацијата организирана од Банка за храна по повод остварувањата и наградување за сите општествено одговорни поединци, субјекти и институции во битката со ковид-19.

– Како компанија што е дел од заедницата, општествената одговорност на Витаминка кон граѓаните е дел од нашето секојдневно работење. На донациите во храна, не гледаме само како на обврска туку како помош кон некому што му е потребна, затоа што најголема несреќа е некој да нема храна и средства да го нахрани семејството. Оваa награда денеска е доказ дека вистински сме придонеле за тоа и сме помогнале каде и кога било најпотребно. Но, проблемот со недостигот на храна е голем и сериозен и затоа во секоја можност се обидуваме што повеќе да помогнеме, да донираме што поголеми количини храна, да нахраниме што повеќе семејства но исто така и да поттикнеме и другите компании, ресторани, ланци маркети да се вклучат во проекти за донирање храна и со тоа да помогнеме и да предизвикаме позитивна промена – истакна Симона Симоновска, шеф на маркетинг во Витаминка.

Препознаена како општествено одговорна компанија со фокус на семејствата во социјален ризик, Витаминка заради ваквата своја активност доби признание и од Хуманитарната организација „Свети Спас“ поради постојаната поддршка на иницијативите на организацијата и честите донации во храна и производи за штитениците.

Витаминка е компанија со интензивна и постојано активна општествена одговорност, а овие активности особено ги засили од почетокот и во текот на целиот период на пандемијата со чести и континуирани донации на средства, храна и прехранбени производи со вкупна вредност од околу 5 милиони денари наменети за ранливи категории, лица и социјално загрозени семејства, на тој начин придонесувајќи за полесно справување со секојдневните предизвици.

The post „ЅВЕЗДА ПРОТИВ КОВИД-19“ Награда за Витаминка за општествена одговорност од Банка за храна appeared first on plusinfo.mk.