Резултатот од локалните избори е најлош во историјата на Социјалдемократскиот сојуз на Македонија, изјави пратеникот и поранешен министер за внатрешни работи Оливер Спасовски, во интервју за телевизија Алсат-М. Тој порача дека партијата се наоѓа во сериозна криза која бара длабока анализа и редефинирање на нејзините политики.

– Резултатот од 126.000 гласови претставува дно и јас би сакал тоа да биде дното на кое сите ќе застанеме. Тоа ме загрижува, но и мотивира да видиме што треба да се направи понатаму – изјави Спасовски.

Тој нагласи дека СДСМ останува идеја со длабоки корени во македонското општество, но дека за нејзино опстојување се неопходни суштински промени – не само во кадровскиот состав, туку и во пристапот.

– Персоналните решенија во овој момент нема да ја решат работата. Ако мислиме дека само со заменување личности ќе дојдеме до посакуваниот ефект, тоа е погрешна логика – предупреди Спасовски, додавајќи дека не сака да навлегува во дебати за конкретни кадровски промени.

На прашањето дали ќе бара оставка или одговорност од актуелниот партиски лидер Венко Филипче, Спасовски одговори дека секој што се кандидирал за претседател презел одговорност и за најдобрите и за најлошите резултати.

– Оставките се личен чин, длабоко морален и високо етички. Но решението не е во јавни повици и медиумски дебати, туку во сериозна внатрепартиска анализа и разговор во рамките на партиските органи – изјави тој.

Спасовски оцени дека СДСМ мора да спроведе темелна реформа во три насоки: редефинирање на политичката платформа, промена на организациската структура и зајакнување на коалицискиот капацитет.

– Без внатрешна дебата нема да има ни решение. Имаме капацитет да разговараме и да го избереме она што е најдобро за СДСМ – рече тој.

Во врска со тврдењата за „таен договор“ меѓу СДСМ и ВМРО-ДПМНЕ за исходот на изборите, Спасовски предупреди дека перцепцијата е најопасното оружје во политиката.

– Кога една перцепција ќе се создаде, а не ја менувате, таа станува вистина. Сега се создаде перцепција за некаква соработка меѓу ВМРО-ДПМНЕ и СДСМ и ние мора да ја разбиеме ако тоа не е вистина – изјави тој.

Тој посочи дека е направена сериозна грешка што СДСМ немал свои кандидати за градоначалници во дел од општините, меѓу кои Кичево и Струга, што придонело за послаб изборен резултат.

– Ако имавме кандидати во сите општини, ќе имавме поинаков резултат и на советничките листи. Сакаме да се бориме за СДСМ, а не против некого – порача Спасовски.

Тој смета дека во вториот изборен круг требало да се обезбеди соработка со сите што не ја поддржуваат власта, а неутралниот став и оставената слобода за одлучување направиле штета на партијата.

– СДСМ мора да има јасен став и порака до членството. Не станува збор за соработка со ДУИ, туку за создавање опозициски фронт – истакна Спасовски.

Tој ја предупреди ВМРО-ДПМНЕ дека апсолутната власт секогаш претставува и врв и почеток на падот.

The post ДНО – ТОА Е РЕЗУЛТАТОТ НА СДСМ НА ОВИЕ ИЗБОРИ Оливер Спасовски заговара реформи во партијата и создавање опозициски фронт appeared first on plusinfo.mk.

Ковачевски: Не прифаќаме уцени!

– Процеси коишто се од стратешко значење не можат да бидат предмет на уценување. Прашањето за уставите измени е сериозно, тоа е државничко прашање – изјави тој на денешната прес-конференција и нагласи дека следните избори ќе се одржат во редовниот термин во 2024 година.

За СДСМ тоа е веќе апсолвирано прашање. Но, не и за Беса. Доколку власта не го прифати нивното барање за предвремени избори, Касами најави радикализација.

– Ќе се разгледа можноста, од пролет, ако власта нема слух за проблемите и да излезе да се соочи со граѓаните на предвремени избори, заедно со другиот дел од албанската опозиција да се организираат на протести и секаков вид притисок врз власта, за да се слушне гласот на граѓаните и што побрзо да се оди на предвремени избори – рече тој.

Муцунски: Окрупнувањето на опозицијата е добра идеја

ВМРО-ДПМНЕ би можело да ја поддржи Беса во барањата за предвремени избори и во најавите за протести оваа пролет со кои би се окрупнил опозицискиот фронт, најави потпретседателот на партијата, Тимчо  Муцунски.

– Поддржуваме окрупнување на опозицискиот фронт  – дали е тоа Беса, дали е тоа друг политички субјект со кој што веруваме дека можеме понатаму да ја движиме Македонија во правилна насока врз основа на политики, а не на тесни интереси како што прави оваа влада на ДУИ, поддржана од СДСМ. Треба да преземеме сè што е возможно заеднички врз основа на принципи, зошто да не – вклучително и вакви мерки како протести, зашто тоа е во интерес на јавноста – рече градоначалникот на Аеродром Муцунски.

ВМРО-ДПМНЕ под овие услови на прифаќа да се разговара за уставни измени и со такво нешто пратениците на оваа партија нема да се согласат, нагласи Муцунски.

Пак Левица на тапет

За СДСМ ваквите барања се „дневна политика“ и „борба за ситни поени“. Ковачевски денеска изјави дека зачленување на Северна Македонија во ЕУ, додавајќи дека уште тешки одлуки ќе има на тој пат. Но, за него тоа е „неповратен процес и единствено може да биде закочуван од страна на оние коишто се противат на членството на Северна Македонија во ЕУ“.

– Таква партија има. Тоа е партијата Левица. Таа веќе има земено друга партија во свое заложништво, тоа е партијата ВМРО-ДПМНЕ. И јас не сакам да верувам дека господинот Касами се има, исто така, ставено во позиција да бидеш заложник на партијата Левица – изјави Ковачевски.

Апасиев: Со СДСМ ќе се пресметаме во прво полувреме

Зачестените прозивки од страна на лидерот на СДСМ партијата Левица ги доживува како обид за демонизирање на таа партија, како пи-ар стратегија смислена под странско влијание. Претседателот на Левица, Димитар Апасиев, изјави дека тоа говори за стравот на СДСМ од неговата партија и заклучува:

– На идните избори ние целиме во првотп полувреме да се соочиме дирекно со нив, бидејќи СДСМ е најголемата анти-македонска партија. И тие и ние се претставуваме дека сме деца на партизаните и на АСНОМ, меѓутоа ние тоа го правиме многу искрено и достоинствено, за разлика од нив. кои што спрема странците се сервилни, а спрема македонскиот народ се потценувачки.  СДСМ е црвена буржоазија, која ќе доживее дебакл на наредни избори и нема да се соземат после тоа. Ова е незапирлив процес и следниот судир на СДСМ нема да им биде со ДПМНЕ, туку ќе им биде со Левица.

The post КАСАМИ ГО ПРЕДИЗВИКА КОВАЧЕВСКИ, ОВОЈ ПАК СЕ НАСТРВИ НА АПАСИЕВ Темата „предвремени избори“ очигледно го нервира СДСМ appeared first on plusinfo.mk.