Таа е обвинета за заговор за соборување на авторитарниот режим на претседателот Александар Лукашенко.

Случајот против 39-годишната Колесникова, кој започна на почетокот на август, доаѓа по неколкумесечна политичка репресија во Белорусија. Илјадници противници на режимот беа уапсени и приведени по контроверзните претседателски избори минатата година, кога Лукашенко освои нов мандат.

Веќе 11 месеци опозиционерката се наоѓа во притвор. На неа и се суди заедно со нејзиниот поранешен адвокат Максим Знак.

– На Колесникова и Знак им се заканува затворска казна до 12 години. Случајот денеска беше разгледуван зад затворени врати, а обвинителот во случајот официјално побара казна од 12 години, се наведува во соопштението од прес-службата на опозицискиот политичар Виктор Бабарико, за кого работеа Колесникова и Знак. Бабарико беше осуден на 14 години затвор во јули.

Колесникова беше уапсена во септември откако се спротивстави на обидите на властите да ја протераат од земјата.

Се очекува пресудата да биде донесена на 6 септември.

The post ПОБАРАНИ 12 ГОДИНИ ЗАТВОР ЗА КОЛЕСНИКОВА Белоруската опозиционерка е обвинета за заговор appeared first on plusinfo.mk.

Во понеделникот беше објавена неофицијална информација дека истакнатата опозиционерка „исчезнала“, односно дека маскирани лица насила ја внеле во минибус.

Белоруските државни медиуми објавија дека Колесникова е приведена на границата со Украина при „нелегален обид за премин“, а агенцијата Интерфакс-Украина објави дека тие всушност сакале да ја депортираат Колесников во Украина, но дека таа го искинала својот пасош со цел да ги спречи властите во тоа.

Таа е истакнат лидер на протестите кои бараат оставка од Александар Лукашенко по претседателските избори на 9 август, за кои опозицијата тврди дека биле наместени. Лукашенко негира кражба на изборите.

Максим Знак, истакнат белоруски опозициски активист, исто така бил пресретнат и однесен од улица во Минск од непознати маскирани лица, тврдат неговите приврзаници.

Занк е познат белоруски адвокат, а исто така е и член на опозицискиот Совет за координација. Утрово требаше да учествува на претходно закажаниот видео состанок, но не се појави.

Сведоците тврдат дека маскирани лица го однеле преку една од централните улици во Минск.

The post Белоруската опозиционерка Колесникова не исчезнала, туку била приведена appeared first on plusinfo.mk.

Британските медиуми јавуваат дека соработниците на Колесникова ги проверувале овие извештаи на медиумите.

Белоруската полиција исто така ја испитува веродостојноста на информацијата, а истовремено таа денеска соопшти дека 633 лица се уапсени за време на демонстрациите што вчера се одржаа во главниот град Минск поради контроверзниот реизбор на Александар Лукашенко за претседател.

„Вчера беа приведени вкупно 633 лица за кршење на законот за масовни собири“, се наведува во соопштението на белоруското Министерство за внатрешни работи, прецизирајќи дека дури 363 од нив се притворени.

Ова е досега најмасовното апсење демонстранти од првите протести по спорните претседателски избори на 9 август.

Вчера, четврти викенд по ред, во Минск протестираа повеќе од 100.000 лица, а во градот беа распоредени и голем број полицајци и војници.

Протести имаше и во неколку други белоруски градови, особено во Гродно и Брест, во западниот дел од земјата.

Фото: EPA/TATIANA ZENKOVICH

The post Киднапирана белоруската опозиционерка Марија Колесникова appeared first on plusinfo.mk.