Нотирано е во одредени маркети зголемување на бруто маржата, споредбено со минатата година од 2 до 5% и тие ќе бидат повикани на состанок и јасно ќе им се каже дека тоа е недозволиво, изјави премиерот Христијан Мицкоски.

-Да, да бидам конкретен со пример – ако минатата година во јуни бруто маржата била 10%, сега е 12 или 15%. Тоа се тие дополнителни 2 до 5% и тоа ние нема да го толерираме и многу јасна порака ќе испратиме кон нив. Кога би се намалиле тие 2 до 5%, тогаш практично, ние би биле земја со најниска инфлација во Европа, во овој момент, иако очекувам стабилизирање на инфлацијата во јуни -рече Мицкоски.

Тој информира дека за една недела треба да се објават тие параметри, врз основа на бројките кои што ги добиваат од Државниот пазарен инспекторат.

– Исто така, ја дефинираме онаа група од 600-700 производи, каде што правиме анализа, таму ќе ни треба малку повеќе време, бидејќи се влезни-излезни фактори, маржа која што ја имаат дистрибутерите и производителите, визави бруто маржа, која што ја имаат ланците маркети. Малку е посложена анализата, лично јас ја работам, така што можеби ќе ни треба малку повеќе време – рече Мицкоски.

The post ВЛАДАТА НЕМА ДА ДОЗВОЛИ НЕЗАКОНСКО ЗГОЛЕМУВАЊЕ НА БРУТО МАРЖИТЕ ЗА ХРАНА Мицкоски најави дека маркетите што го сторите тоа ќе добијат опомена appeared first on plusinfo.mk.

Повеќе од четири ипол илјади тони отпад биле собрани во акцијата за чистење на Скопје што ја започна новиот градоначалник Орце Ѓорѓиевски веднаш по преземањето на функцијата. Во операцијата, која траела 72 часа, учествувале повеќе од две ипол илјади работници.

– Освен што беа исчистени сите микролокации со контејнерите, го расчистивме и речното корито на Вардар, кој по долго време повторно тече нормално. Плоштадот „Македонија“ и кејот се целосно третирани, како и Градскиот парк, Жена парк и сите други места што беа срам за градот. Нема да дозволам повторно да ја гледаме грдата слика на валкано Скопје – изјави Ѓорѓиевски.

Акцијата не завршила само со чистење. Според градоначалникот, биле изречени над 40 казни и 70 опомени за физички и правни лица кои неправилно го одлагале отпадот.

– Казнети се и физички и правни лица. Во следниот период ќе се направи сериозна анализа за секој правен субјект да добие соодветен контејнер од јавното комунално претпријатие. Нека не ни замерат. Тоа било пропуст од минатото. Тоа е отежнување за сите, дури и за домаќинствата. Сериозни фирми и правни субјекти немале пристап до контејнери. Но, не смееме поради 2 или 3 проценти несовесни граѓани сите да страдаме. Оние кои се совесни ќе бидат наградувани, несовесните повторно ќе бидат казнети – дециден беше Ѓорѓиевски.

Ѓорѓиевски најави дека казните ќе продолжат и во следниот период за сите што ќе ја нарушуваат јавната хигиена. Притоа истакна дека приоритет му е да го одржи Скопје чисто и достојно, како што му доликува на главниот град.

– Ќе спроведуваме акции за расчистување на кабаст отпад, тие ќе станат редовни. Граѓаните ќе можат да се обратат до службите и веднаш ќе се интервенира. Собирањето на кабаст отпад беше дел од и оваа акција, што беше дополнително отежнување. Замолувам на свесност за правилно одлагање отпад – вели новиот градоначалник на Скопје.

The post 4.500 ТОНИ ОТПАД СОБРАНИ ЗА 72 ЧАСА, 40 КАЗНИ И 70 ОПОМЕНИ ВО СКОПЈЕ Совесните ќе бидат наградувани, казни за несовесните, вели Ѓорѓиевски appeared first on plusinfo.mk.

Министерот за внатрешни работи Панче Тошковски рече дека очекува Сејф Сити да се прилагоди, да се утврдат процедурите, ќе треба судовите да бидат подготвени да изрекуваат голем број казни на дневно ниво. Tошковски очекува системот целосно да биде ставен во функција веќе следната година во Скопје, Тетово и Куманово.

– Проектот иако планиран и почнат од порано не се предвиделе системските решенија како ќе се имплементира и низ другите институции како судовите. Законските измени ќе бидат во насока на усогласување на нашето законодавство со европското законодавство. Измените се однесуваат на воведување на нови членови во Законот за безбедност на сообраќајот на патиштата кои директно се однесуваат на сопственикот на возилото (или оној со правото на користење на возилото) со кое е сторен сообраќајниот прекршок. Сообраќајниот прекршок ќе биде документиран со соодветни технички средства и уреди за снимање при што на сопственикот на возилото ќе му биде доставен соодветен поднесок за сторениот сообраќаен прекршок. Дорегулирањето на постапката за заштита на личните податоци е во тек, односно во периодот што следи, запазувајќи ги сите законски регулативи. Секако ќе има период на информирање на граѓаните, нивно прилагодување кон системот со цел да стартуваме сите спремни и заедно да градиме сообраќајна култура која ќе резултира со ред во сообраќајот без жртви – потенцираше Тошковски.

Инаку системот ќе регистрира сообраќајни прекршоци како што се минување на затворен сигнал (црвено светло), возење со брзина поголема од дозволената и непрописно паркирање со крајна цел зголемување на сообраќајната култура и намалување на сообраќајните несреќи со човечки жртви чии бројки се очекува драстично да се намалат.

Тошковски истакна дека Министерството е целосно посветено кон креирање на опремена, обучена и модерна европска полиција која ќе ја штити безбедноста на сите свои граѓани и бескомпромисно ќе се бори со сите видови криминал и корупција кои ја нагризуваат функционалноста и просперитетот на општеството.

Министерот рече дека при преземањето на функцијата иако начеканата состојба била катастрофална во поглед на организација и ресурсим сепак и со тие ресурси и голема посветеност резултатите во борбата со организираниот криминал и корупцијата дава значително подобри резултати од претходно. Тој додаде дека за разлика од минатото, повеќе нема протекување на информации од нивните редови, па затоа акциите се успешни.

– Еден врховен судија и еден член на Совет на јавни обвинители со правосилна пресуда повеќе не се дел од рекетарски систем којшто институционално го граделе години наназад. Во една недела за два дена имавме две сеопфатни акции, едната на територија на Југоисточна Македонија и едната на Западна Македонија. Разликата од претходно во спроведување на таков тип на акции е што тогаш на денот на акцијата некако магично првите луѓе на тие криминални групи секогаш беа надвор од државата и недостапни за полицијата, а беа апсени луѓе кои не се носители на криминалот. Е сега таква информација која ќе им дозволи да избегаат не протекува и затоа акциите се успешни и ќе продолжат да бидат успешни – дециден беше министерот.

The post СЛЕДНАТА ГОДИНА ЌЕ ПРОРАБОТИ СЕЈФ СИТИ Судовите да се подготват, дневно ќе се изрекуваат илјадници казни appeared first on plusinfo.mk.

Таа изрекла опомени за вицепремиерот и министер за политички систем Артан Груби, но и за шефот на дипломатијата Бујар Османи и за поранешниот министер за животна средина Насер Нуредини, поради користење службени возила за партиски цели врз основа на документација од Антикорупциската комисија.

– Изречени се опомени, и тоа претходно за Артан Груби, а во најновиот случај и за министерот за надворешни работи Бујар Османи и тогаш актуелниот министер за животна средина Насер Нуредини. Не е во ред да се повторува истата работа за која претходно биле опоменати. Ќе провериме дали откако им беа изречени опомените имало нови вакви ситуации и ќе провериме врз етичкиот кодекс што би можеле да преземеме – вели Грковска.

Прашана во однос на судирот на интереси за фирмата на братот на вицепремиерот Артан Груби, која добила средства од Владата, таа истакна дека очекува ова прашање да го покрене и испита Државната комисија за спречување корупција (ДКСК), бидејќи тоа е, вели, во нивна надлежност.

За играњето фудбал во канцелариите на вицепремиерот Груби, кое не беше добро прифатено од јавноста, вели дека тоа не е начин на кој треба да се однесуваат функционерите.

– Морам да признам дека тоа не беше добро прифатено од јавноста. Не сметам дека е тоа начин на којшто функционерите би требало да се однесуваат и сметам дека треба да се има малку повеќе сензибилитет за тоа како функционерите би требало да се однесуваат и каква слика даваат пред граѓаните – смета Грковска.

Што се однесува на случајот во Агенцијата за млади и спорт во врска со наодите од Државниот завод за ревизија вицепремиерката појасни дека наодите на ДЗР биле разгледани на Комисијата за човечки ресурси и одржлив развој и дека предметот е во процедура.

– Јас ѝ дадов обврска на Агенцијата во рок од две недели да даде детален извештај до Владата за сите наоди во ДЗР. Тоа беше направено, го разгледавме на Комисијата. Меѓутоа, со оглед на тоа што недостасуваа сериозни аргументи од страна на Агенцијата им дадовме време, направивме една работна група со членови од мојот кабинет, од ДЗР и од Агенцијата да бидат на јасно што точно треба да достават на ДЗР, а врз основа на тоа ќе го покренеме прашањето официјално на Влада – рече вицепремиерката Грковска.

Таа во одговор на новинарско прашање за коментар за пораките на високиот претствник за надворешна и безбедносна политика и потпретседател на ЕК Жосеп Борел и на еврокомесарот за соседска политика и проширување Оливер Вархеји дека земјата треба да се фокусира на справувањето со корупцијата за напредок во евроинтеграциите, подвлекува дека во делот на нејзините ингеренции се креирање политики за добро владеење во што спаѓа детектирање на слабости во системот и изнаоѓање начини како тие да се надминат, како и координација со останатите антикорупциски институции во смисла на зголемување на нивните капацитети и сето она што е потребно за да ги зајакнат нивните активности за борба против корупцијата и организираниот криминал.

– Секоја институција во тој систем има своја улога и тоа сум го кажала многу пати, секој од нас треба да си ја врши најодговорно и најпрофесионално својата задача и обврска што ја има во општеството. За жал, најслабата карика ни е правосудниот систем и се надевам дека конечно сите пораки што ги добиваме и од меѓународниот фактор, меѓутоа и од сите граѓани во нашата држава ќе допрат до правосудниот систем и ќе видиме драстична промена во односот и во начинот на којшто се справува правосудниот систем со борбата против корупцијата и организираниот криминал. Затоа што тоа што граѓаните сакаат да го видат е да видат правда и дека секој е еднаков пред законот. Најголемата улога во оваа смисла ја има правосудството и очекувам сериозен исчекор во таа смисла – изјави Грковска која учествуваше на меѓународниот научен и стручен симпозиум посветен на високото образование и дигиталната технологија на Американскиот универзитет на Европа – ФОН.

The post ГРКОВСКА ГИ ОПОМЕНАЛА ГРУБИ, ОСМАНИ И НУРЕДИНИ Наместо да играат фудбал, министрите да имаат повеќе сензибилитет appeared first on plusinfo.mk.

– Кај одредени компании пуштени се опомени и по извесниот рок на опомената се врши присилна наплата. Некаде веќе е завршена присилната наплата, односно се блокирани и одземени тие средства, а некаде се уште сме во фаза на спроведување на дејствија на присилна наплата – рече Лукаревска, одговарајќи на новинарско прашање.

Во тек се интензивни контроли во соработка со Државниот инспекторат за труд за исплата на државната помош за ноември. Директорката Лукаревска најави повеќе детали за скоро време.

– За ноември има поднесени 13.851 барање за 13.090 компании кои добиле помош, а се однесува за 65.537 вработени. Анализата ја правиме во делот на оваа ноемвриска плата дали е исплатена државната помош и за многу кратко ќе излеземе со информација – рече Лукаревска на прес-конференцијата во Владата.

The post Лукаревска: За злоупотреба на државната помош некаде е извршена присилна наплата appeared first on plusinfo.mk.

Воведените мерки, како што информираат од Министерството за здравство, се клучни во превенцијата од ширењето на коронавирусот.

Граѓаните, како заштитна опрема може да користат респираторна маска, хируршка маска за еднократна употреба, текстилна маска за повеќекратна употреба, памучна марама или шал, бандана и слично, кои ќе овозможат прекин на преносот на вирусот.

– Носење на заштитната опрема за покривање на носот и устата е задолжително во сите јавни затворени простори како што се средствата за јавен превоз, маркети, банки, пошти, амбуланти, болници, институции, како и на отворени простори каде што нема можност за одржување на дистанца од два метрa меѓу граѓаните како што се пазари, отворени трговски центри, тесни улици, автобуски постојки и слично – информира Министерството.

Оваа заштитна опрема не е задолжителна при престојот во домот, во сопствен двор или тераса, при спортување, возење велосипед или прошетка на отворен простор со одржување дистанца поголема од два метри.

Што се однесува до мерката за олеснување на забраната за движење, граѓаните не смеат да се движат секој работен ден, од понеделник до петок од 19 часот до 5 часот наутро. Лицата над 67-годишна возраст можат да се движат секој работен ден од 5 до 12 часот. Младите лица до 18 години ќе може да излегуваат од понеделник до петок од 13 до 19 часот.

За време на викендите, забраната за движење ќе почнува од 15 часот во сабота, а ќе трае до понеделник до 5 часот наутро. Во сабота, за лицата над 67-годишна возраст ќе биде дозволено движење од 5 до 11 часот наутро, а младите лица до 18 години ќе може да излегуваат од 12 до 15 часот.

Со олеснувањето на рестрикциите во движењето, неколку дуќани, бутици, цвеќари во одредени општини веќе почнаа да работат со скратено работно време.

Во Куманово, сопствениците на трговските објекти претпазливо го најавија почетокот на работата на социјалните мрежи. Најголем дел од нив ќе работат со скратено работно време од 11 до 15 часот, додека во сабота ќе работат од 11 до 13 часот, согласно препораките на Владата.

Тие посочуваат дека ќе пуштаат по еден купувач, согласно уредбата на Владата. Граѓаните, како што велат, се должни да носат маска и ракавици при влегување во дуќаните.

– Ние ќе држиме дистанца од два метра. Со нови сили, позитивни мисли од наша и од страна на клиентите, очекуваме да ја пребродиме кризата, затоа што сметаме дека само заеднички може да опстанеме во ова време-невреме. Ќе се потрудиме да бидеме пофлексибилни во однос на цените и отворени за секаков вид соработка, со цел да помогнеме да се раздвижи локалната економија – вели сопственичка на цвеќарница од Куманово.

Од денеска стапи на сила и укинувањето на забраната за движење во шума и на шумско земјиште. Министерот за земјоделство, шумарство и водостопанство Трајан Димковски, на барање на ЈП „Национални шуми“ во текот на вчерашниот ден ја отповика забраната за движење во шума и шумско земјиште со кои стопанисува ЈП „Национални шуми“, донесена на 16 април годинава.

– Со промената на временските услови и пролетното развивање на вегетацијата, се намали опасноста од појава на пожари на отворено и поради новосоздадените услови Министерството за земјоделство, на барање на ЈП „Национални шуми“, ја укинува забраната за движење во шума и шумско земјиште – истакна Димковски.

Сепак, и по укинувањето на рестриктивните мерки, како што истакна министерот за здравство, Венко Филипче, животот нема да биде каков што бил. Мерките, како што додаде, ќе останат сѐ додека не се пронајде вакцина за коронавирусот.

Тој додаде дека на есен, кога се очекува нов пик, ќе има поинаква организација на многу животни процеси. Ќе остане носењето на маска, дистанца при седење во училиштата, во рестораните, на работните места, во големите производствени сали.

– Животот нема да биде ист како што беше. Не само кај нас, туку и во светот. Секоја држава има своја специфика, но, универзалните мерки остануваат, а тоа се одржувањето на физичка дистанца, носењето маски, да нема групирање. На есен, кога се очекува нов пик, ќе имаме поинаква организација на многу животни процеси. Нема исто да биде организиран и јавниот превоз. Значи, секаде ќе треба да се одржува оваа дистанца од метар, метар и половина. Тоа ќе биде така до појавата на вакцината и на таков начин да се стекне имунитет – истакна министерот Филипче.

The post Маските задолжителни – до мај опомени, а потоа казни за неносење appeared first on plusinfo.mk.