Тројца млади лица биле лишени од слобода рано утрово во Скопје, откако полицијата ги сопрела со автомобил во кој биле пронајдени украдени книги од Државниот архив, информираше полицијата.

Полицајците кон 04:45 часот го сопреле возилото „Опел Тигра“ со скопски регистарски таблички меѓу булеварот Партизански Одреди и улицата Московска. Возилото го управувал 18-годишниот Е.Д., а со него биле и 19-годишниот Х.Е. и малолетник на 17 години – сите од Скопје.

По претходно добиени оперативни сознанија, полициските службеници извршиле преглед на возилото и ги пронашле книгите, за кои подоцна било утврдено дека се сопственост на Државниот архив.

„Украдените материјали се одземени и ќе бидат вратени на институцијата, а по целосното документирање на случајот ќе биде поднесена соодветна кривична пријава“, соопшти Министерството за внатрешни работи.

The post ЗДИПЛИЛЕ КНИГИ ОД ДРЖАВНИОТ АРХИВ Тинејџери уапсени во „опел“ на Партизанска appeared first on plusinfo.mk.