Новата генерација на Opel Astra пристигнува со освежен дизајн, нови технологии и проширена понуда на електрифицирани погони, а моделот првпат го добива препознатливиот Opel Vizor со осветлено Opel Blitz лого. Воедно, компактниот бестселер на германскиот производител добива и најнова генерација на Intelli-Lux HD осветлување, поголема автономија кај електричната верзија и подобрен комфор во кабината.

Новата Opel Astra Sports Tourer заедно со хечбек изведбата ја имаа светската премиера на Brussels Motor Show, а модернизираните верзии се достапни за нарачка од февруари 2026 година. Моделот е дизајниран, развиен и произведен во седиштето на Opel во Риселсхајм и носи нови технологии, подобрен комфор и понагласен изглед.

Нов изглед со осветлено лого и Intelli-Lux HD светла

На прв поглед, новата Astra изгледа помодерно и поостро. Централно поставеното Blitz лого е интегрирано во потесниот Vizor, а за првпат е и осветлено. Предниот дел содржи елементи инспирирани од концептот Opel Corsa GSE Vision Gran Turismo. Новите 17- и 18-инчни алуминиумски тркала и новите бои „Kontur White“ и „Klover Green“ дополнително го нагласуваат изгледот, особено со контрастен црн покрив.

Како технолошка кулминација, достапно е наградуваното Intelli-Lux HD осветлување со повеќе од 50.000 елементи. Системот ја осветлува патеката според условите на возење, ги препознава сообраќајните знаци и автоматски ги затемнува LED светлата за да избегне рефлексија. Во највисокото ниво „Ultimate“, ова осветлување е стандардно.

Поголем комфор и одржливи материјали во кабината

Внатрешноста е оптимизирана со почист кокпит, нова графика и подобра читливост на дисплеите. Intelli-седиштата се стандардни во сите верзии и имаат централен канал што го намалува притисокот на ’рбетот. Од нивото GS, возачкото седиште добива сертификат од AGR, а во опцијата ReNewKnit и двете предни седишта се сертифицирани.

Во духот на одржливоста, воланот е обложен со вегански материјали, а навлаките може да бидат од ReNewKnit, материјал со изглед на велур кожа.

Електрична верзија со поголема автономија

Новата Opel Astra Electric располага со мотор од 115 kW (156 КС) и батерија од 58 kWh, што овозможува автономија до 454 километри според WLTP. Тоа е околу 35 километри повеќе од претходната верзија. Новина е и функцијата V2L (Vehicle-to-Load), која овозможува напојување на надворешни уреди, како електрични велосипеди.

Купувачите имаат избор и од други погони: хибридна верзија со 107 kW (145 КС), plug-in хибрид со 144 kW (196 КС), како и дизел мотор 1.5 со 96 kW (130 КС).

Цени во Македонија

Во Македонија, моделите се достапни со следниве почетни цени:

Astra Electric од 39.300 евра
Astra Plug-in Hybrid од 39.900 евра
Astra Hybrid од 27.900 евра
Astra Diesel од 26.490 евра

Електричната верзија со батерија од 58 kWh нуди до 454 километри автономија без локални емисии, додека хибридната верзија со 145 КС започнува од 27.900 евра.

Практичност и простор

Astra ги задржува и практичните предности, со багажник до 1.339 литри кај хечбек верзијата и до 1.634 литри кај Sports Tourer. Задните седишта се преклопуваат во однос 40:20:40, овозможувајќи поголема флексибилност.

The post OPEL ЈА ОСВЕЖИ ASTRA Електричната верзија стигнува до 454 километри appeared first on plusinfo.mk.

„Еуроимпекс“ е македонска компанија, првенствено препознаена по своето застапништво на еден од најпознатите автомобилски брендови – Peugeot во Македонија и регионот, но во исто време и генерален увозник на брендовите: „TotalEnergies“, „Milwaukee“, „Bahco“, „Irimo“, одговорна за раководење и развојот на ловиштето Ниџе, а од 2020 година и генерален застапник за германскиот бренд – „Opel“ на територијата на Македонија, Србија, Косово, Албанија и Црна Гора.

Еуроимпекс го започнува своето работење во далечната 1990 година, за во 2025 година да одбележи цели 35 години успешно постоење, кои ги прослави со свечен настан во „кирилична“, еден од ретките на нашата територија.

Сличен настан од национално значение претставува и реномираниот Избор за најпосакуван автомобил во Македонија „Златно Тркало“ кој својот почеток го бележи во 2020 година, за во меѓувреме да измине низ шест успешни репетиции.

Златно Тркало е всушност нов оригинален начин да го избереме најпосакуваниот автомобил, на кој сите граѓани на Македонија кои имаат пристап до интернет и социјалните мрежи, можат да го дадат својот глас и за на тој начин добиените резултати да го искажат вистинскиот афинитет на реалните љубители и купувачи на автомобили.

– Ние (Еуроимпекс) како прва автомобилска компанија во Македонија, искрено ги цениме и особено ни се драги нашите македонски награди и признанија, особено оние кои се изгласани од нашата македонска јавност. Таков пример претставува националниот избор за најпосакуван автомобил „Златно Тркало“, каде Еуроимпекс со своите водечки автомобилски брендови Peugeot и Opel до сега има освоено вкупно 7 награди во различни категории! Го поздравуваме изборот и посакуваме да се множат националните признанија и награди – изјави Зоран Серафимовски – Извршен директор во Еуроимпекс.

Најпосакуван градски автомобил за 2021 – Peugeot 2008

Со освоени над 35% од гласовите, новиот Peugeot 2008 извојува убедлива победа и ја освои титулата за најпосакуван градски автомобил.

Најпосакуван електрифициран автомобил за 2021 – Peugeot e-208

Електричниот е-208 – кој освои 45.93% од гласовите – беше логичниот избор за храбрите.

Најпосакуван градски автомобил 2022 година – Peugeot 308

Со освоени 37.70% од гласовите, Peugeot 308 се наметна како доминантен во категоријата.

Најпоскуван нов автомобил за 2023 – Peugeot 408

Peugeot 408 беше изборот на 30.62% од гласачите во категоријата и заслужено е избран за Најпосакуван нов автомобил во Македонија за 2023!

Најпосакуван градски автомобил за 2024 – Opel Corsa

Достапна и како целосно-електрично возило, Opel Corsa ги освои гласовите и со 47.53 проценти во категоријата беше прогласена за Најпосакуван Градски Автомобил.

Најпосакуван семеен автомобил за 2025 – Opel Grandland

Големиот Grandland е знаменосецот на SUV гамата на Opel и освои 39% од гласовите.

Најпосакуван електрифициран автомобил за 2025 – Peugeot 3008

Редефинираниот SUV на Peugeot освои 30% од гласовите во неговата категорија. Peugeot одлучи радикално да го редизајнира 3008 и да го трансформира во еден поинаков, нестандарден SUV.

– Со овие награди изгласани токму од нашата јавност низ годините покажуваме дека имаме водечки брендови на автомобили кои јавноста ги препознава и ги посакува. На тоа сме особено горди! – изјави Ивана Манчева Михајловска – Заменик извршен директор во Еуроимпекс.

И оваа година 2026, финалистите на Еуроимпекс се натпреваруваат во три категории:

• Најпосакуван семеен автомобил за 2026 – Opel Frontera
• Најпосакуван градски автомобил за 2026 – Peugeot 308

• Најпосакуван автомобил за 2026 (Главна награда) – Opel Frontera

Гласањето on-line ќе започне на 15ти март 2026 година на веб страницата на „Златно Тркало“.

The post ЕУРОИМПЕКС СО 35 ГОДИНИ УСПЕХ Седум награди од „Златно Тркало“ за Peugeot и Opel appeared first on plusinfo.mk.

Новата генерација на Opel Astra ќе ја има својата светска премиера на Саемот за автомобили во Брисел, од 9 до 18 јануари 2026 година. Овој исклучително популарен модел од компактната класа, кој се дизајнира, развива и произведува во Риселсхајм, пристигнува со целосно освежен дизајн, нови технологии, зголемена удобност и целосно рециклирани материјали во внатрешноста.

Во Opel велат дека по успешното лансирање на SUV-офанзивата во 2025 година, со моделите Opel Mokka, Opel Frontera и Grandland Electric, 2026 година ќе биде „година на Astra“.

„Нашата нова Opel Astra е поостра, помодерна и поодржлива од кога било“, изјави извршниот директор на Opel, Флориан Хетл. „Со нови дизајнерски и технолошки елементи – како осветлениот Opel Blitz или иновативното Intelli-Lux HD осветлување – го носиме нашиот бестселер на повисоко ниво. Новата Astra ќе ги воодушеви клиентите и ќе го продолжи деценискиот успех на овој модел.“

Осветлен Opel Blitz и дизајн инспириран од Vision Gran Turismo

Новата Astra доаѓа со редизајниран Opel Vizor, кој е потесен и поизразен, а за прв пат моделот добива и осветлен Opel Blitz амблем во центарот на предниот дел.

Овој нов визуелен идентитет е директно инспириран од концептот Opel Corsa GSE Vision Gran Turismo. Инженерите додаваат и хоризонтални светлосни ленти во предните светла, како и вертикални елементи во капакот, создавајќи ја првата досега осветлена верзија на Opel Compass, дизајнерскиот лајтмотив на брендот.

Палетата на бои се проширува со новите металик нијанси „Kontur White“ и „Klover Green“, додека новите 17- и 18-инчни алуминиумски фелни го заокружуваат динамичниот изглед.

Intelli-Lux HD – 50.000 елементи за најпрецизно осветлување во класата

Инспирирана од врвниот Grandland, новата Astra добива премиум адаптивни Matrix светла со неверојатни 50.000 поединечни компоненти.

„Ова е најнапредниот систем за осветлување што некогаш сме го понудиле во компактната класа“, велат од Opel. Технологијата автоматски ги затемнува возилата од спротивна насока, го прилагодува интензитетот на светлина на дождливи патишта, ги избегнува одблесоците од патните знаци и динамички го насочува светлосниот сноп во свиоци.

Во магла, дожд или ограничена видливост, системот сам ја приспособува осветленоста за максимална безбедност.

Intelli-Seats – ново ниво на удобност од основниот модел

Внатрешноста ја следи револуцијата во дизајнот. Новата Astra добива поелегантна кабина и значително подобрена удобност при седење.

За прв пат, уште во основната опрема доаѓаат Intelli-Seats, специјално развиени од Opel и инспирирани од велосипедски седишта.

Овие седишта имаат ергономска вдлабнатина што го намалува притисокот врз опашната коска и нуди удобност дури и на долги релации. Клиентите ќе можат да ги надградат со AGR-сертифицирани седишта со греење, масажа, лумбална поддршка и материјал ReNewKnit – целосно рециклиран велур.

Greenovation – 100% рециклирана внатрешност и Astra Electric со опсег до 454 km

Во духот на пристапот „Greenovation“, Opel целосно ја рециклира внатрешноста на моделот. Материјалите се одржливи, високо квалитетни и лесни за повторна обработка.

Електричната Astra Electric доаѓа со батерија од 58 kWh и овозможува до 454 километри WLTP опсег, што е за 34 километри повеќе од претходната генерација.

Моделот за прв пат нуди V2L (Vehicle-to-Load) технологија, што им овозможува на сопствениците да полнат електрични велосипеди или други уреди директно од автомобилот.

Повеќе простор и практичност

Како и досега, Astra нуди високо ниво на практичност:

– hatchback верзијата нуди до 1.339 литри багажен простор,

– Sports Tourer до 1.634 литри,

– задните седишта се преклопуваат во сооднос 40:20:40.

The post ОВА Е НОВАТА ASTRA НА OPEL Моделот дебитира во Брисел со поостар дизајн и рекордни технологии appeared first on plusinfo.mk.

Секој може да биде херој во очите на своето дете, но само еден е семеен херој во очите на сите – токму со ова мото беше промовирана новата „Opel Frontera“, најновиот „SUV“ модел што доаѓа на македонскиот пазар преку „Еуроимпекс“.

Настанот се одржа во дворот на „Roosty“, каде присутните имаа можност да се запознаат со двете верзии на „Frontera“ во вистинска германска атмосфера.

Посетителите уживаа во впечатливиот „Kanyon“ портокалов „GS“ модел и во „Khaki“ зелената „Edition“ верзија, која со бел кров и ретро челични тркала го доловува духот на авантурата.

Најголемо внимание привлече моделот со кровен шатор за четири лица, совршен за љубителите на патувања и природа.

– Новата „Opel Frontera“ е секојдневен херој кој семејствата го посакуваат. Со својот робустен дизајн, комфор, голем простор и достапна цена, овој автомобил е создаден за сите ваши животни авантури. И не, не е само за семејства – туку за сите што сакаат повеќе од своето возило – изјави Томислав Нафидов, бренд менаџер во „Еуроимпекс“.

Новата „Frontera“ се нуди на македонскиот пазар по фантастична цена од 21.000 евра за „Edition“ ниво на опременост со 110 КС, „HYBRID“ верзија и автоматски менувач.

За дополнителни 1.000 евра, купувачите добиваат кожен управувач, наслон за рака, 10-инчен екран со навигација, камера за возење наназад и безжичен полнач за телефон.

– Вистинската супермоќ на „Opel Frontera“ е нејзиниот фокус на деталите. Од јасниот, робустен изглед до воздушестиот, флексибилен ентериер, сè е дизајнирано за комфор и практичност – изјави Драган Јовев, продукт менаџер на Опел во „Еуроимпекс“.

Тој додаде дека багажниот простор изнесува дури 1.600 литри, а функцијата „Intelli-Seat“ за возачот и совозачот овозможува уникатна удобност и иновативен дизајн.

„Frontera“, за разлика од многу нови автомобили, нуди едноставно и интуитивно управување со инфозабавниот систем, а од основното ниво доаѓа со стандардна станица за паметни телефони.

Новата Frontera може да биде и целосно електрична.

Моделот „Frontera Electric“ со моќност од 83 kW (113 КС) и батерија од 44 kWh овозможува досег до 305 km со едно полнење (според WLTP).

Батеријата може да се наполни до 80% за само 26 минути на брза станица од 100 kW DC.

Во иднина се очекува и верзија со долг опсег, која ќе овозможи патување до 400 километри со едно полнење.

Со новата „Opel Frontera“, „Еуроимпекс“ го проширува „SUV“-портфолиото на македонскиот пазар и нуди комбинација на германска технологија, авантуристички дизајн и пристапна цена, токму она што го бараат современите семејства и љубители на возење.

The post 📷 НОВИОТ „OPEL FRONTERA“ ПРИСТИГНА ВО МАКЕДОНИЈА Германски стил, авантуристички дух и цена што ги изненади сите appeared first on plusinfo.mk.

Во средата, на 10 септември 2025 година, првата приватна македонска компанија со дејност од автомобилската индустрија, „Еуроимпекс“, одбележа јубилеј од 35 години успешно стопанисување. Настанот беше посветен на тимот на вработени во компанијата, а организаторите најавија дека оваа прослава ќе остане долго да се памети.

„Еуроимпекс“ започна со работа во 1990 година, во време кога во Македонија немаше ниту една приватна компанија за продажба на автомобили. Основана од семејството Воиновски, компанијата започна скромно со само тројца вработени, а денес се гордее со тим од 150 вработени во Скопје и Белград, застапувајќи два автомобилски бренда на пазарот во пет држави од регионот.

– Бележиме автомобилска традиција од три поколенија… почнувајќи од нашиот дедо, потоа нашиот татко, сега јас и брат ми, а веќе и следната, четврта генерација Воиновски е тука, подготвена да продолжи по истиот пат. Од тука потекнуваат и оние вистински семејни вредности кои се рефлектираат во целокупното работење, како кон клиентите, така и кон нашиот тим. Нашиот тим е компактен, постојан, кој секогаш се грижи за своите клиенти. Со таков пристап се градат нераскинливи врски помеѓу компанијата, клиентите и соработниците. Ние сите заедно, преку доверба, создаваме иднина – изјави Кирил Воиновски, генерален директор на „Еуроимпекс“.

Компанијата е најпрепознатлива по застапништвото на Peugeot во Македонија и регионот, но е и генерален увозник на „TotalEnergies“, „Milwaukee“, „Bahco“ и „Irimo“. Дополнително, се грижи за развојот на ловиштето Ниџе, а од 2020 година е генерален застапник и на германскиот бренд „Opel“ во Македонија, Србија, Косово, Албанија и Црна Гора.

– Горди сме на нашата 35-годишна традиција на раст и развој. Но, тука не застануваме. Чест ми е да најавам дека заедно со тимот на „Еуроимпекс“, работиме во насока на изградба на два нови репрезентативни деловни центри – едниот во Скопје, другиот во Белград. Заедно целиме кон уште подобри 35 години! – изјави Даниел Воиновски, генерален директор на компанијата.

Свеченоста беше обоена со македонски симболи и традиција. Гостите беа пречекани од лица во народни носии кои послужуваа локум, а пред нив беа изложени историски „Peugeot“ возила, осветлени со најновите модели на „Peugeot“ и „Opel“. Добредојде во ресторанот им беше посакано со шампањ и малини, симболичен гест кој ја најави иднината на компанијата.

За музичкиот дел се погрижија Дина и „The Ringtones“, кои ги изведоа најпознатите македонски шлагери, додека специјален настап имаше Калиопи – амбасадор на „Peugeot“ брендот во Македонија. Нејзиниот настап предизвика бурни аплаузи и овации од присутните гости. Забавата продолжи со настапи на кирилица, а гостите беа испратени со ракија и домашен мед.

Настанот не беше само прослава, туку и признание за вредностите на „Еуроимпекс“ – компанија која 35 години ја гради својата приказна со посветеност кон клиентите, соработниците и семејните вредности.

The post СЕМЕЈНА ПРИКАЗНА ОД 4 ПОКОЛЕНИЈА „Еуроимпекс“ со голема прослава го одбележа 35-годишниот јубилеј appeared first on plusinfo.mk.

Резултат: исклучителен успех на социјалните мрежи на брендот и изгласани 6 камуфлажни дизајни!

Во мај, десет иновативни и ефективни камуфлажни дизајни од дизајнерите на PEUGEOT беа поднесени на гласање на јавноста на социјалните мрежи на брендот. Овие десет дизајни ќе ги прикриваат формите на новиот PEUGEOT 3008 притоа влевајќи многу возбуда и креативност кај фановите,  преку инспириран и оптимистички пристап.

Имаше илјадници придонеси од јавноста на различните страници на социјалните медиуми на брендот: Facebook, Instagram, Twitter и LinkedIn.

Од десетте опции од дизајнерите на PEUGEOT, шесте кои добија најмногу гласови беа следните:

• Боја од темата „Улична уметност“,
• Menthol од темата „Оптичка уметност“,
• Jazzy од темата „Proto’type“,
• Neon од темата „Улична уметност“,
• Marrakech за темата „Оптичка уметност“,
• Tokyo за темата „Proto’type“.

Шесте камуфлажи избрани од јавноста ќе бидат произведени во јуни и ќе се користат за покривање на новиот PEUGEOT 3008 кој ќе се тестира на европските патишта помеѓу 15 јули и 15 август.

Потоа, брендот ќе организира извлекување меѓу пријавените за да се одредат 6 победници, кои ќе бидат поканети да дојдат и да го тестираат автомобилот во 2024 година.

Peugeot спроведува стратегија на соработки и партнерства со млади дизајнери од почетокот на 2023 година. Овој пат, брендот ја прошири оваа соработка на поширока, меѓународна публика преку социјалните медиуми, со цел максимално да го промовира дизајнерското знаење на Peugeot.

The post ЛУЃЕТО ГЛАСАА ЗА ШЕСТЕ КАМУФЛАЖИ НА PEUGEOT 3008 Дизајните ќе бидат произведени и тестирани ова лето appeared first on plusinfo.mk.