Тој бил колатерална штета при пукањето помеѓу две семејства, а сега го минува најтешкиот период во неговиот живот.

– Имам скршени коски и куршуми во себе повеќе од една недела, ова е фрустрирачки – рече Валдез.

Тој вели дека сите се изненадени што по повеќе од една недела, тој немал операција за повредите на рамото, вратот и градите, каде што бил застрелан.

Во болницата Бен Тауб, каде Валдез чека операција, капацитетот за интензивна нега беше во понеделникот на 103%, а една третина од тие паѓа на пациенти со ковид-19.

Слична е ситуацијата и во другите болници во Тексас.

Аманда Каловеј, портпаролка на здравствениот систем, рече дека поради ограничените ресурси и мноштвото пациенти кои постојано доаѓаат на интензивна нега, се случуваат вакви случаи.

The post КОРОНАТА ГО ОСТАВИ БЕЗ ОПЕРАЦИЈА Американец 10 дена чека да му бидат извадени шест куршуми (ВИДЕО) appeared first on plusinfo.mk.

Целта на новиот американски претседател Џо Бајден за 100 милиони дози вакцина против коронавирусот во текот на првите 100 дена од неговиот мандат е „изводлива“, изјави Ентони Фаучи, кој ќе биде главен советник на Бајден за ковид-19.

– Сосема е јасно дека тоа е изводливо, изјави Фаучи за Ен-Би-Си. Тој беше и главен советник за ковид-19 на претседателот во заминување Доналд Трамп.

Иако две вакцини се тестирани и одобрени за рекордно време, темпото на вакцинација е под критика во САД. Според Центрите за контрола и превенција на болести, веќе се испорачани 31,1 милиони дози, но искористени се помалку од 40 проценти.

Покрај тоа, некои држави, вклучително и Њујорк, предупредија дека следната недела може да останат без вакцини поради недоволна испорака координирана од сојузната влада, откако значително ја забрзаа кампањата за вакцинација

Во исто време, земјата минува низ најлошата фаза од пандемијата досега, САД во вторникот имаа реорден број на смртни случаи од 4.470 за 24 часа. Речиси 20.000 луѓе починаа во изминатите пет дена.

Идниот шеф на Кабинетот на Бајден, Рон Клајн, вчера призна дека очекува во февруари да се надмине прагот од 500.000 смртни случаи од Ковид-19. Во САД во моментов има повеќе од 395.000 смртни случаи.

Клајн предупреди во изјава за Си-Ен-Ен дека „пандемијата ќе се влоши пред да се подобри ситуацијата“.

The post Фаучи: Изводлива е операцијата 100 милиони дози во првите 100 дена на Бајден appeared first on plusinfo.mk.