Поранешната членка на Spice Girls, Џери Халивел-Хорнер, годинашниот 54. роденден го прослави на начин што, како што самата призна, никогаш нема да го заборави. За време на снимањето на новата сезона од серијата „Only Murders in the Building“, легендарната актерка Мерил Стрип ѝ ја отпеа песната „Happy Birthday“, а видеото од емотивниот момент Џери го сподели со своите следбеници на Инстаграм.

На снимката двете стојат прегрнати, додека Мерил Стрип со насмевка ја пее роденденската песна, а потоа ја бакнува Џери во образ. Пејачката го опиша тоа како „најдобриот роденденски подарок досега“, додавајќи дека моментот поминат со една од најголемите актерки во историјата ќе го чува засекогаш како драгоцен спомен.

 

View this post on Instagram

 

A post shared by Geri (@gerihalliwellhorner)

Иако на прв поглед изгледа како необично пријателство, двете се запознале на снимањето на шестата сезона од хит-серијата „Only Murders in the Building“. Новата сезона е сместена во Лондон, а Џери е едно од новите засилувања во актерската екипа, заедно со Мартин Фримен, Џенифер Сондерс, Дерек Џекоби и други познати имиња. Мерил Стрип, пак, се враќа во својата улога на Лорета Даркин.

Објавата на Џери веднаш привлече илјадници реакции. Меѓу првите што ѝ честитаа роденден беа и нејзините поранешни колешки од Spice Girls – Викторија Бекам, Мелани Си, Мел Би и Ема Бантон. Не изостана ниту честитката од нејзиниот сопруг, Кристијан Хорнер, кој на социјалните мрежи објави заедничка фотографија со порака полна љубов.

За Џери, ова е ново поглавје во кариерата. По светската слава што ја стекна како „Ginger Spice“, во последните години сè повеќе се посветува на актерството и пишувањето книги. Улогата во „Only Murders in the Building“ е едно од нејзините најголеми актерски ангажмани во последниот период и веќе предизвикува голем интерес кај публиката.

Многумина на социјалните мрежи коментираат дека токму ваквите искрени моменти ја покажуваат топлата страна на Мерил Стрип, која со децении важи за една од најценетите актерки во Холивуд.

The post 🎥 МЕРИЛ СТРИП Ѝ ЈА ЗАПЕА „СРЕЌЕН РОДЕНДЕН“ НА ПОРАНЕШНАТА СПАЈС ДЕВОЈКА Џери Халивел имаше незаборавен роденден со легендарната актерка appeared first on plusinfo.mk.