„Со задоволство ве информираме дека само во текот на вчерашниот ден, на Платформата беа најавени над 88.000 активни корисници. Истите придонесоа за успешно идентификување и дефинирање на предизвиците кои произлегуваат од оптоварување на Платформата во оваа фаза на нејзина имплементација. Резултатите од тестирањето на терен се целосно сондирани, и е започната оптимизација на ресурсите во сите три кластери на сервери (серверите за базите со податоци (database servers); серверите за балансирање на оптоварување (load balancer), и серверите за опслужување на корисниците (web servers). Тестирањето продолжува и во текот на денешниот ден. Како резултат на истото, посочуваме дека е возможно повремено да добивате порака за грешка при поврзување со базата (error database connection), што е очекувано во предметната фаза на тестирање“, се вели во соопштението.

Овој процес, наведено е таму, ќе помогне не само за успешно ставање на Платформата во функција, туку и ќе поддржи изградба на интероперабилност помеѓу различните системи во рамки на Министерството за образование и наука, во насока на ефективно следење на секој ученик во текот на целокупниот процес на негово образование.

„Нашата крајна цел е не само да овозможиме континуитет на образовниот процес во вонредни околности, како што е тековниот со пандемијата со ковид-19, туку да создадеме солидни темели за понатамошно унапредување на квалитетот на целокупниот образовен процес во земјата. Ве охрабруваме да продолжите со поврзување на Националната платформа за учење на далечина и во наредните денови, и редовно да ги следите новите содржини кои ги поставуваме на главната страница (www.schools.mk). Продолжуваме посветено да работиме на подобрување на корисничкото искуство на сите корисници на Платформата“, наведено е во соопштението од МОН.

The post Продолжува тестирањето на Платформата за онлајн учење, вчера се најавиле 88.000 корисници appeared first on plusinfo.mk.

Но, платформата го падна тестот. Системот од утрово не функционира. Единствената порака што учениците и родителите ја добиваат кога ќе се обидат да се логираат гласи: „Се враќаме за кратко“.

Од Министерството за образование и наука смируваат и тврдат дека станува само за моментални проблеми со поврзувањето на платформата.

The post Платформата за онлајн учење го падна првиот тест (ФОТО) appeared first on plusinfo.mk.

– Горди сме што за првпат создадовме единствена Национална платформа за онлајн учење, што ја креиравме со домашни ресурси и експерти. Ова нè охрабрува, бидејќи таа е едноставна за користење и убеден сум дека ќе ја засакаат и учениците и наставниците. Програмата нуди учење на пет јазици – освен на македонски, прилагодена е за држење настава на албански, турски, српски и бошњачки јазик. Со ова ги потврдуваме цврстите заложби на Владата за негување на соживотот и еднаквоста во нашето општество. Голем е предизвикот да се започне учебната година на ваков начин. Ова искуство ни е важно затоа што ќе ни укаже како треба во иднина навреме да ги планираме инвестициите во образованието. Подготвеноста на институциите е сам по себе доказ за силна посветеност кон долгорочните цели. Затоа, ние како Влада и јас како премиер ја даваме безрезервната поддршка за имплементација на овој процес. Сакам да ги повикам родителите да бидат партнери на наставниците како важна алатка во пренесувањето на знаењето на учениците. Почитувани наставници, вие сте клучни за подготвувањето нови генерации и искрено ви симнувам капа. Државата ќе продолжи да го вреднува вашиот труд и квалитет. Верувам дека оваа платформа ќе ви користи и дополнително, а воедно ќе ги зајакне капацитетите на нашиот образовен систем – рече Заев.

Тој им упати порака и на учениците.

– Драги деца, истражувајте ги новите можности. Иднината е во дигитализацијата. Натаму се движи светот и нашата држава е на тој пат. Зграпчете ги сите можности, бидејќи доброто образование гради слободни граѓани и ја зацврстува слободата – истакна премиерот.

The post Заев: Платформата за онлајн учење е едноставна за користење, ќе ја засакаат и наставниците и учениците appeared first on plusinfo.mk.