– Пандемијата и мерките кои ги презема државата за заштита од ковид-19 сериозно влијаат на работата на спортските обложувалници. Конкретно, само во изминатите два дена драстично е намален прометот во објектите. Ние целосно ги разбираме и почитуваме мерките и протоколите за работа, но сето ова ги доведува во прашање опстанокот на бизнисот и ги загрозува работните места на вработените во спортските обложувалници. Од тука, сметаме дека он-лајн игрите на среќа се безбедно решение за играчите и одржливо решение за нашата индустрија која има силен социо-економски придонес во државната економија, особено во ситуација на актуелната пандемија со која се справуваат државата и светот – велат од АСОМ.

Според АСОМ Уредбата која владата ја донесе минатата година, а со која времено се овозможи он-лајн игри на среќа преку македонските лиценцирани сајтови се покажа како одлично решение за бизнисот и за државата. Уредбата придонесе спортските обложувалници да ги задржат сите вработени, но и да се овозможи прилив на средства во државниот буџет и кревката економија погодена од ковидкризата. Таа се покажа како одличен механизам за одржливост на оваа стопанска гранка која вработува околу 3.500 луѓе и придонесува во државниот буџет со над 250 милиони евра годишно.

Од АСОМ велат дека во периодот додека на важност беше Уредбата од мај до декември 2020 година, од 4 отсто посебна давачка за он-лајн се слеале околу 35 милиони денари, а од 15 отсто данок на личен доход, околу 65 милиони денари, или вкупно 100 милиони денари за пет месеци, само од он-лајн. Перспективно, само од оваа услуга, државата би инкасирала многу поголеми средства во буџетот.

– Непреточувањето на Уредбата во трајно законско решение придонесе играчите повторно да се вратат на странските сајтови, со што го избегнуваат данокот на личен доход кој изнесува 15 отсто на секоја остварена добивка. На овој начин парите за данокот, наместо во буџетот, се одлеваат надвор од државата. Според податоците со кои располагаме, станува збор за 40 до 50 милиони евра годишно, а ова се средства кои се од значаен интерес за домашната економија, задржување и отворање на нови работни места и инвестиции – велат од АСОМ.

Оттаму потсетуваат дека и пред истекот на Уредбата, во декември минатата година, АСОМ бараше од Владата и институциите истата да ја преточат во трајно законско решение, но за жал иако беше ветено, тоа не се случи.

Дополнителна придобивка од воведувањето на он-лајн игрите на среќа преку домашните лиценцирани сајтови е превенција од нелегално спортско обложување на странски сајтови, кое е спротивно на Член 19 од Законот за игри на среќа и не гарантира никаква безбедност во однос на уплатите и исплатите, но беше и за жал сé уште е пракса помеѓу играчите.

– Земајќи ги предвид сите овие аргументи, бараме од Владата во најкус можен рок, со Уредба или соодветно законско решение да им овозможи на македонските лиценцирани обложувалници да приредуваат он-лајн игри на среќа, дотолку повеќе што ние сме една од ретките земји во која, во време на дигитализација, оваа услуга не е достапна – истакнуваат од АСОМ.

За потсетување, Владата ја донесе времената Уредба со која се овозможи он-лајн спортско обложување преку сајтовите на македонските лиценцирани обложувалници на 24 април, 2020 година со важност до 22 декември.

Уредбата поттикна инвестиции во софтер, хардвер и маркетинг за он-лајн обложување кај домашните лиценцирани спортски обложувалници, средства кои, доколку повторно не се овозможи он-лајн услугата излегува дека се залудно вложени.

Инаку, секоја година од индустријата на игри на среќа државниот и локалните буџети инкасираат повеќе од 250 милиони евра. Тука се вклучени директни и индиректни приходи, придонеси и даноци за плати, закуп на деловен простор. Воведувањето на он-лајн игрите на среќа преку домашните лиценцирани обложувалници ќе значи дополнително зголемување на овие средства, односно уште поголем прилив во државниот буџет и повеќе средства кои понатаму се вложуваат во подобрување на квалитетот на животот на граѓаните. Ова е особено важно во време кога државата се соочува со здравствена криза, која ја разниша економијата тука и секаде во светот.

The post 50 МИЛИОНИ ЕВРА ГОДИШНО ОДАТ ВО ДРУГИ ДРЖАВИ Обложувалниците бараат законски да се дозволи онлајн обложување appeared first on plusinfo.mk.

– Согласно податоците за месец септември од приредувачите на интернет игри на среќа кои добиле одобрение и неодамна започнаа да нудат онлајн обложување и објавените податоци на НБРСМ, тие учествуваат со околу 8 отсто или речиси една десетина во вкупната вредност која Македонците ја реализирале кон домашни е-трговци – наведуваат од асоцијацијата.

Оттаму потенцираат дека оваа индустрија значително влијае кон развојот на е-трговијата во нашата земја, кон зголемување на дигиталните плаќања, а со тоа и директно придонесува кон зголемување на вредноста во е-трговијата кон домашни е-трговци. Дополнително, има значително влијае и врз зголемувањето на дигиталните вештини на корисниците на нивните услуги, кои се потребни за учество во онлајн купување, кои според аназлизата за е-трговија во Македонија, се главна пречка за раст и развој на домашните е-трговци.

Растот на е-трговијата е предуслов за забрзан економски развој на нови дигитални индустрии оценуваат од Асоцијацијата и сметаат дека ќе охрабри инвестиции на компании во иновативни пристапи за овозможување и подобрување на е-трговијата.

– Компаниите кои добија одобренија за интернет игри на среќа инвестираа значајно во развој на софтверските решенија, брза адаптација и маркетинг. Од друга страна истите очекуваа долготрајно решение, односно овозможувањето на приредување Интернет игри на среќа да биде преточено во законско решение. Истовремено, надлежните институции треба да преземаат мерки и системски решенија за спречување на нелегалните странски сајтови за игри на среќа преку кои се одлеваат значајни средства на штета на Буџетот и регистираните домашни комапнии, стои во соопштението.

Додаваат дека глобализацијата и интернетот носат нови можности, но и нови предизвици, па така милиони евра низ годините се одлеваат кон странски сајтови за игри на среќа кои нелегално се достапни за домашните граѓани со што државата губи приходи, како по основ на посебната давачка која ја плаќаат домашните приредувачи, така и по основ на данокот на личен доход.

Учеството на давачките од игри на среќа се значајни за буџетските приходи, а уште повеќе во време на криза во услови на намалени буџетски приходи, при зголемени потреби за финансирање на здравствените потребни, социо-еконономски мерки и инвестиции.

– Добрата законска регулатива, како предуслов за принципиелна конкуренција и високи стандарди за квалитет на обезбедување на услуги во областа на игри на среќа, нужно доведува до поттикнување на здрава пазарна економија, сузбивање на сивата економија во оваа област, спречување одлив на пари по основ на игри на среќа од македонската економија и во странски нелиценцирани правни лица, како и создавање на услови за раст на приходите во буџетот од игри на среќа – велат од Асоцијацијата за Е-трговија.

Порачуваат дека придонесот треба да се гледа холистички – да се согледаат и другите поврзани индустрии (компаниите инвестираа во развој на софтверски решенија и маркетинг), бројот на вработени (кои само во обложувалниците изнесува над 4.000), а потоа и придонесот кон зајакнување на дигиталните вештини на населението.

Асоцијацијата за е-трговија на Македонија, чии членки се и приредувачите кои овозможија онлајн обложување (Моцарт, Спорт Лајф и Евротип) се залага за раст и развој на е-трговијата и уште повеќе во време на пандемија за искористување на можностите за забрзан раст на индустријата.

The post АЕТМ: Интернет игрите на среќа се важни за Буџетот и за развојот на е-трговијата appeared first on plusinfo.mk.

„Прво, Уредбата со законска сила за примена на Законот за игри на среќа и забавните игри за време на вонредна состојба (Службен весник на Република Северна Македонија бр.108 од 24.04.2020 година и заведена под број 44-3323/1), со која приредувачите на игри на среќа имаа право, преку интернет, да ги приредуваат игрите на среќа кои ги имаат уредено со Правилата за игри на среќа одобрени од страна на Министерството за финансии, согласно издадената лиценца, престанува да важи од 22.12.2020 година, односно сите приредувачи на интернет игрите на среќа кои вршеле приредување на интернет игри на среќа врз основа на Уредбата мора да прекинат со приредување на интернет игрите на среќа преку нивните платформи.

Второ, Државна Виделотарија на Македонија, како друштво основано со заедничко вложување на Државна лотарија на Македонија и Касинос Аустриа Интернатионал ДОО, согласно член 7 од Законот за игрите на среќа и за забавните игри (ЗИСИЗИ) има право да ги приредува и интернет игрите на среќа до истекот на траењето на Договорот за основање, а овластувањето за приредување на интернет игрите го има од самиот закон (ex lege) и не подлежи на системот на лиценцирање како што подлежат другите приредувачи кои имаат намера да ги приредуваат и интернет игрите на среќа.

Уште еднаш потенцираме дека правото на Државна Видеолотарија на Македонија да приредува интернет игри на среќа е уредено, дозволено и временски неограничено според Законот за игрите на среќа. Услугите на 2win.mk се достапни од 2015 година и ќе бидат непрекинато достапни и во иднина“, се наведува во реакцијата од ДВЛМ.

The post Државна видеолотарија: Не подлежиме на системот на лиценцирање appeared first on plusinfo.mk.

„Уредбата која на 24 април овозможи онлајн обложување во земјата по пат на домашни лиценцирани сајтови мораше да биде претворена и во трајно законско решение, бидејќи тоа е двострана корист и за државата и за индустријата. Наместо тоа, уредбата е укината, со што на играчите им е одземен најбезбедниот начин да се забавуваат, а на приредувачите им е одземена можноста за непречено работење. Македонија со воведувањето на Уредбата за онлајн обложување покажа дека ги следи европските процеси, се овозможи и понатамошно континуирано полнење на државниот буџет и чување на десетици илјади работни места среде кризата која сè уште е во полн ек. Легалните приредувачи на игри на среќа очекуваа дека и идните законски решенија ќе го следат тој пример, но повторно наидуваат на препрека. Во услови на пандемија и намалено движење на граѓаните во зима, со укинување на уредбата за онлајн обложување доаѓа до огромни намалувања на приходот во оваа индустрија, што драстично ќе се одрази на приливот од стотина милиони евра во државниот буџет годишно“, реагираат спортските обложувалници преку соопштение.

На тој начин, додаваат оттаму, предност повторно се дава на странските сајтови за онлајн обложување на кои играчите повторно масовно ќе заминуваат, што е огромна загуба за државата – помеѓу 40 и 50 милиони евра годишно.

„Уредбата на Владата усвоена на 24-ти април е донесена како одговор на криза и таа помогна да се сочуваат многу работни места кои директно и индиректно ги поддржува индустријата – повеќе од 70.000 луѓе во потполност или делумно се зависни од генерирање на личен доход во еден цел ланец на вредности кој го создаде оваа индустрија. Уредбата помогна на приредувачите да ги задржат своите вработени, но и да продолжнат да влеваат средства во државниот буџет, кој на годишно ниво изнесува 280 милиони евра. Уредбата се покажа како одлично решение за одржливост на оваа индустрија, која директно вработува околу 10.000 луѓе и има силен придонес кон државната економија, особено што спортското обложување беше една од најпогодените гранки во кризата. Прво заради стопирањето на сите спортски натпревари ширум светот, а покасно и заради тоа што спортските обложувалници беа затворени речиси два месеца согласно рестриктивните мерки на Владата. Индустријата на игри на среќа плаќа високи даноци и учествува со неверојатни 4% удел во бруто домашниот производ, а придонесот на индустријата на игри на среќа кон јавниот буџет годишно се зголеми околу 40 отсто“, наведено е во соопштението.

The post Обложувалниците реагираат на забраната за онлајн-обложување: Државата ќе губи 50 милиони евра годишно, а странски сајтови ќе тријат раце appeared first on plusinfo.mk.

Право на учество имаат сите играчи кои ќе се регистрираат согласно правилата за онлајн-обложување на сајтот на Sport Life и кои ќе уплатат по прв пат депозит од најмалку 300 денари на својата корисничка сметка. Максималниот бонус што може да го добие секој корисник изнесува 500 денари, а при помала уплата од 500 денари, добива бонус еднаков на уплатата.

За користење на овој онлајн-бонус, потребно е првоуплатениот депозит да биде искористен за одигрување на еден или повеќе тикети со најмалку три натпревари со поединечна квота од 1,50 или повеќе. Во моментот кога ќе се одигра целосно првиот внесен депозит под овие услови, бонусот ќе биде префрлен на корисничката сметка на играчот. Добиениот бонус, пак, треба да се искористи 4 пати, односно да се одиграат тикети по претходно наведените услови, четири пати во износот на бонусот (пр. 4х500), за да може да се ослободи депозитот за исплата.

Корисникот во секој момент може да има увид во својата сметка и да провери уште колку е потребно да се одигра за да се ослободи износот на бонусот. Одиграниот тикет мора да добие конечен статус, било добитен или недобитен, за да се евидентира.

Во акциската понуда не влегуваат системските тикети, тикетите уплатени со ваучер, и тикетите кои се исплатени со опцијата „кеш аут“.

Уплаќањето на средства се одвива или преку e-banking или со уплатница на трансакциска сметка во банка или пошта, а наскоро и преку платежни картички.

Сите детали околу новиот бонус на „Sport Life“ можете да ги откриете ТУКА.

The post Изненадување за онлајн обложувачите на „Sport life“ – до 500 денари бонус на прва уплата! appeared first on plusinfo.mk.