Повеќе од 45 години по обидот за атентат врз Роналд Реган, Џон Хинкли Jуниор повторно јавно проговори за Џоди Фостер – актерката поради која го направил обидот за атентат. Во ретко интервју за „The Mark Joseph Show“, денес 71-годишниот Хинкли упати кратка порака до Фостер: Само ѝ посакувам сè најдобро на Џоди Фостер… се надевам дека има добар живот.

Тој додал дека повеќе не ги гледа нејзините филмови.

Хинкли имал само 25 години кога на 30 март 1981 година, пред хотелот „Вашингтон Хилтон“ во Вашингтон, испукал шест куршуми кон Реган додека претседателот заминувал од хотелот. Реган бил тешко повреден, а ранети биле и неговиот секретар за печат Џејмс Брејди, полицаецот Томас Делаханти и агентот на Тајната служба Тим Мекарти. Брејди останал трајно парализиран и починал во 2014 година од компликации поврзани со повредите.

Причината за нападот била неговата опсесија со тогаш младата Фостер, која ја гледал во филмот „Taxi Driver“ од 1976 година. Хинкли ја следел нејзината кариера, а откако дознал дека студира на Универзитетот Јејл, се преселил во Њу Хејвен и се обидувал да стапи во контакт со неа, оставајќи ѝ писма и пораки. Во својата нарушена перцепција верувал дека атентатот врз претседателот ќе ја импресионира актерката и дека на некој начин двајцата потоа ќе бидат заедно.

Во новото интервју тој отворено признава колку нереална била неговата тогашна претстава за иднината. Хинкли објаснил дека верувал оти по нападот ќе воспостави врска со Фостер и дека таа ќе му се придружи без разлика дали тој ќе заврши во затвор или во психијатриска установа. Денес неговите тогашни убедувања ги опишува како заблуди.

На судењето во 1982 година Хинкли бил прогласен за невин поради непресметливост и бил сместен во психијатриска установа. Со децении бил под судски надзор и со различни ограничувања. Во 2016 година добил дозвола да живее надвор од установата под строги услови, додека во јуни 2022 година бил целосно ослободен од судскиот надзор. Меѓу ограничувањата со години било и тоа да нема контакт со Фостер, семејството на Реган и другите жртви.

Фостер, која денес има 63 години, низ годините ретко зборувала за трауматичното искуство. Таа претходно открила дека случувањата длабоко влијаеле врз нејзиниот живот и дека по нападот живеела со обезбедување и во сигурна куќа. Во едно интервју во 2024 година зборувала и за тоа како целата ситуација влијаела врз нејзиниот однос кон настапите во живо. Иако денес Хинкли вели дека ѝ посакува само добро, неговото име засекогаш останува поврзано со еден од највознемирувачките случки во нејзиниот живот.

The post 🎥 НЕКОГАШНИОТ АТЕНТАТОР НА РОНАЛД РЕГАН ИСПРАТИ ПОРАКА ДО АКТЕРКАТА КОЈА САКАЛ ДА ЈА ИМПРЕСИОНИРА „Само ѝ посакувам сè најдобро на Џоди Фостер“ appeared first on plusinfo.mk.

Џон Хинкли помладиот, човекот кој во 1981 година се обиде да го убие американскиот претседател Роналд Реган, повторно ја вознемири јавноста со бизарна изјава дека „е причината зошто Џоди Фостер станала лезбејка“.

Во интервју за TMZ, Хинкли тврдеше дека неговиот неуспешен обид за атентат толку ја потресол актерката што „се одвратила од мажите“.

– Мислам дека ја трауматизирав и дека мојата фасцинација со неа остави длабоки последици – изјавил тој, промовирајќи ги своите мемоари „Џон Хинкли Џуниор: Кој сум јас навистина“.

Ronald Reagan Attempted Assassin John Hinckley Jr. Believes He Turned Jodie Foster Lesbian https://t.co/SkMRUBr53x pic.twitter.com/11PiFezB8n

— TMZ (@TMZ) January 15, 2026

Хинкли, кој во младоста бил опседнат со актерката уште од филмот „Таксист“, во кој таа глумела малолетничка проститутка, признал дека додека студирала на Јеил успеал да го дознае бројот на нејзината соба и дури ѝ пуштал песни под врата.

– Се гледав себеси како Травис од ’Таксист‘. Мислев дека ако го убијам претседателот, ќе ја импресионирам Џоди – рекол Хинкли.

Во март 1981 година тој навистина заминал во Вашингтон со револвер со калибар 22 и испукал шест куршуми за 1,7 секунди, ранувајќи го тогашниот претседател Реган и уште тројца членови на обезбедувањето. Поротата го прогласи за невин поради лудило, а следните 3 децении ги помина во психијатриска установа.

– Поротата направи правилна работа – тврди Хинкли денес, додавајќи дека повеќе не зема лекови и живее „мирен живот“.

TMZ контактирал со тимот на Џоди Фостер, но таа досега не дала коментар.

Во филмот „Таксист“ во кој игра Фостер, главниот лик сепак прави нешот друго. Тревис, ликот, не пука во претседателскиот кандидат, тукузавршува како локален херој убивајќи тројца мажи кои сексуално ја експлоатираат малолетната Ирис (која ја игра Џоди).

The post ЏОДИ ФОСТЕР СТАНА ЛЕЗБЕЈКА ПОРАДИ МЕНЕ Атенаторот на Реган повторно шокира appeared first on plusinfo.mk.

Хинкли беше пуштен од душевната болница кон средината на 2016 година, бидејќи живее со својата мајка во Вилијамсбург, Вирџинија, пишува „Всшингтон пост“

– Доколку не се обидеше да убие претседател, тој ќе беше ослободен многу, многу, многу порано – рече судијата Пол Фридман.

Судијата објасни дека бил воден од принципите на правото, фактите и науката при донесувањето на одлуката.

На 30 март 1981 година, Хинкли го застрела Реган пред хотел во Вашингтон. Покрај тогашниот претседател на САД, повредени беа уште три лица.

Пред пет години, лекарите објавија дека Хинкли, кој беше прогласен за невин поради непресметливост, повеќе не страда од менталната болест која го натерала да пука во Реган.

The post ТОЈ СТРЕЛАШЕ ВО РОНАЛД РЕГАН Судот го ослободи Хинкли и го прогласи непресметлив appeared first on plusinfo.mk.