Комесарот за добрососедска политика и проширување Оливер Вархеи изјави дека изградбата на Европски колеџ во Тирана со финансирање од ЕУ е „јасен сигнал дека членството на Албанија во Унијата е блиску“, јави Топ чанел.

– Охрабрен сум од посветеноста на албанската влада да продолжи со агендата на ЕУ. Мило ми е што успеавме да најдеме средства за кампусот на европскиот колеџ. Ова е јасен сигнал дека членството е блиску. Затоа со голема гордост можам да соопштам дека приемниот процес ќе можеме да го започнеме во септември оваа година. Ни треба зграда, убаво место каде што може да се смести факултетот. Се надевам дека во втората половина од оваа година ќе има големи случувања во патувањето на Албанија кон ЕУ – рече Вархеи на заедничката прес-конференција во Тирана со високиот претставник на ЕУ за надворешни работи и безбедносна политика и потпретседател на Европската комисија, Жозеп Борел и албанскиот премиер Еди Рама.

Во Тирана денеска беше одржан 12. Совет за стабилизација и асоцијација ЕУ-Албанија. Албанија ја претставуваше премиерот Рама, а  Европската комисија Вархеи.

The post ВО СЕПТЕМВРИ ЗАПОЧНУВА ПРИЕМОТ НА АЛБАНИЈА ВО ЕУ? Вархеи вели дека членството е блиску, „ќе почне процесот“ appeared first on plusinfo.mk.

– Познавајќи ја европската бирократија, го разбирам господинот Вархеји кој како политичар во ЕУ сака уште едно завршено поглавје на своето биро, уште едно затворено прашање. И воедно, јасно ми е дека од негова гледна точка тешко е да се разбере она што за нас е исклучително важно, а тоа е нашиот идентитет и правото како немногуброен народ да опстоиме и тоа во состојба кога нашиот сосед има аспирации и неоправдано нѐ блокира, искористувајќи ја слабата и корумпирана влада, која не можејќи да испорача резултати – тргува со идентитетските обележја. Но исто така и комесарот треба да сфати дека во ситуација кога никој од владата не ја консултираше опозицијата при изработка на документот кој беше усвоен како преговарачка рамка, кога целосно беше игнорирана опозицијата и нашите барања јавно да се објави текстот од протоколот каде седат бугарските мегаломански барања, кога се прифати преговарачка рамка по која немаме вистински старт на преговорите туку обична фото-сесија и истите проблеми кои останаа, единствената црвена линија која се помина е таа на здравиот разум, на идентитетското распознавање на Македонија и народот како и бескрајната толеранција на Европската Унија на неразумните блокади и тапкањето во место. Воедно и Европската Унија го троши својот кредибилитет кога се удоволуваат мегаломанските барања на поединечни држави. Единствено што сакам и на што опстојувам е доследно почитување на вредностите врз кои почива ЕУ, а тоа е почитување на различностите, на силно вреднување на солидарноста, затоа што ниту Европа ниту Бугарија ќе има поголема корист од тоа што криминална влада и условени политичари исполниле мегаломански барања преку кои довеле една земја и народ во потчинета состојба – вели Мицкоски.

За унгарскиот премиер Виктор Орбан, со кого се сретна неодамна, Мицкоски вели дека е пријател на Македонија и голем поддржувач на стратешките интереси.

– Одблиску го запознав со деталите околу преговарачката рамка, и тоа што нам ни пречи, а тоа е правото кое се дозволува на земја членка на Унијата да ги менува нашите учебници, нашиот Устав, да го негира нашиот јазик, а за возврат ние сѐ уште да сме пред портите на ЕУ, сѐ додека некој од Бугарија не рече – доволно е обезличување, сега можете да влезете. Разговаравме и за состојбите во регионот, енергетската криза и ред други теми и прашања. Пријателска и средечна средба – рече Мицкоски.

На прашањето зошто неговите опоненти велат дека со ВМРО-ДПМНЕ сѐ уште раководи Никола Груевски, дека оттаму добива инструкции, Мицкоски одговара:

– Смешни се тие обвинувања и само ја покажуваат немоќта на СДСМ и нивните инсталации наменети да ја шират нивната невистинита пропаганда. Таквите дезинформации се и дефокус од реалните теми кои ги интересираат граѓаните, како што е инфлацијата, енергетската криза и асимилација преку прифаќање на протокол кој јавноста го виде откако се потпиша. Можеше да се претпостават реакциите на СДСМ, тие се истите копи-пејст од минатиот пат кога се видов со Орбан. Јасно им е и на тие инсталации позади кои седи интересот на СДСМ, дека доаѓа ВМРО-ДПМНЕ и сега преку ваков или сличен притисок тие инсталации сакаат да фатат приклучок. Тоа е јасен показател дека ВМРО-ДПМНЕ е реструктуирана, реформирана народна партија за македонско национално единство. Додека јас сум претседател ВМРО-ДПМНЕ ќе биде народна партија која ќе се темели на чест, работа и напредок, нема таков полусвет да крои политики во ВМРО-ДПМНЕ.

На прашањето до каде се консултациите за референдумското прашање, но и за шпекулациите дека Собранието ќе се прогласи за ненадлежно околу распишување на референдумот, бидејќи рамката ја усвојува Владата, Мицкоски вели дека не се сомнева дека власта ќе направи сѐ само за да не се соочи со народот.

– Бегаат од референдум, бегаат од избори, а суштината е дека бегаат од народот. Ако Собранието било ненадлежно, зошто тогаш носеа заклучоци… На крајот, во заклучоците стои дека Собранието ѝ препорачува на Владата да ја усвои и прифати предложената рамка. И тука нема бегање преку барање на процедурално алиби. Воедно за сите детали околу самото прашање на референдумот, консултациите се во тек и во втората половина на наредниот месец ќе излеземе со прецизни решенија кои ќе значат плебисцитарно изјаснување на народот и давање можност да се срушат овие штетни политики и очигледни блокади – вели тој.

За што точно станува збор во случајот со Наќе Чулев?

– Наќе Чулев е врвен професионалец кој повеќе од 25 години работи во безбедносните структури, штитејќи го уставниот поредок и безбедноста на Македонија. Тоа парче хартија кое се пишува во политичките кабинети на безбедносните служби е само хартија каде по партиска директива и со мериторно мислење се прави партиски реваншизам. Изговорот е дека Чулев бил екстремист и радикал, а тој секогаш бил во првите редови за Македонија. Одземањето на безбедносниот сертификат е политичка нарачка. Впрочем причините за неговото отпуштање од службата по цели 25 години работа за Македонија е зашто Чулев им ги ловеше криминалите. Е затоа, за жал, во Македонија се останува без работа. Мојата целосна поддршка е за Чулев и знам дека нема никаква грешка направено, затоа што за мене е доблест, а не е грешка сакањето и работењето за Македонија – вели Мицкоски во интервјуото за Дојче веле.

The post НЕКОЈ ДРУГ ЈА ПРЕМИНА ЦРВЕНАТА ЛИНИЈА НА ЗДРАВИОТ РАЗУМ Мицкоски му одговори на еврокомесарот Вархеи appeared first on plusinfo.mk.

Ова е момент за отрезнување за Северна Македонија, но и за опозицијата. Палењето документи во пленарната сала, туркањето на луѓето кон насилство и поттикнувањето омраза не носат ништо, само штета, оценува еврокомесдарот за проширување Оливер Вархеи во интервју за Еурактив.

Вархеи вели и дека „волјата за проширување се враќа, ние сме подготвени да се движиме брзо“.

Бриселскиот портал наведува дека откако Скопје го реши долгогодишниот спор со соседната членка на ЕУ, Бугарија, Албанија се очекува веднаш да ги започне пристапните преговори. Во однос на Северна Македонија, посочува дека таа прво ќе треба да го промени својот устав за да ги вклучи Бугарите, за што го нема потребниот консензус во парламентот.

Ова, се наведува во текстот, ја поттикна националистичката опозиција да организира протести во Скопје, за кои Вархеи вели дека ги преминуваат основните демократски црвени линии.

– За Северна Македонија ова треба да биде момент за отрезнување, но и за опозицијата. Палењето документи во пленарната сала, туркањето на луѓето на насилство и поттикнувањето омраза не носат ништо, само штета. Постојат многу јасни граници за европскиот начин на водење политика, многу јасни граници за цивилизираната политика, а моја проценка е дека многу од тие црвени линии беа поминати од опозицијата – додаде еврокомесарот.

Во исто време, тој посочи дека „Албанија покажа вистинска солидарност со Северна Македонија и зрелост во разбирањето дека земји-членки сакаат двете држави да одат напред“, но додава дека Тирана сега може да продолжи и сама.

Целиот процес на проширување се заснова на заслуги, вели Вархеи, а сега трката е во тек, кој и да испорача прв, треба да има право да се приклучи прв.

– Она што е важно е дека ако тие испорачуваат брзо, ние сме подготвени да се движиме брзо, (…) и бидејќи сега сме одговорни, конечно, брзината ќе биде многу, многу поразлична – рече Вархеи, додавајќи дека Комисијата ја започна процедурата за скрининг веднаш откако земјите-членки дадоа зелено светло минатата недела.

Во интервјуто Вархеи оценува дека војната на Русија против Украина ја отрезни дебатата околу процесот на проширување на ЕУ и ја покажа потребата за забрзување на процедурите, суштински запрени од претходната Комисија. Кандидатскиот статус на Украина и Молдавија како сигнал за солидарност како одговор на руската агресија и зеленото светло за почетокот на долго одложуваните пристапни преговори со Северна Македонија и Албанија, според него, е „можеби единственото позитивно влијание на војната во Украина бидејќи ја отрезни дискусијата околу проширувањето, како и капацитетот за апсорпција на ЕУ“.

– Ние Европејците, сега не само што сфаќаме, туку сме подготвени да го исполниме тоа, дека Европа нема да ужива безбедност, стабилност и просперитет без Западен Балкан да биде целосно интегриран – вели еврокомесарот за проширување.

Во последниве години, потсетува Еурактив, имаше „мал апетит“ за проширување во рамките на ЕУ, а некои земји-членки повикаа на реформи во Унијата пред да примат нови членки.

– Не заборавајте, ја презедовме функцијата од претходната Европска комисија која рече „нема проширување“ и штетата беше направена таму – рече Вархеи, додавајќи дека кон втората половина од нејзиниот мандат, Комисијата на Јункер „сфати дека тоа е стратешка грешка“.

– Она што го очекувам, и она што ќе биде огромна одговорност за Европската комисија, е дека сега постои јасна политичка волја, која не беше секогаш очигледна – вели Вархеји.

Запрашан за предлогот на францускиот претседател Емануел Макрон за европска политичка заедница, која ќе ги зајакне врските на блокот со земјите кои не се членки на ЕУ во неговото блиско соседство, Вархеи рече само дека тоа „може да додаде уште еден слој“.

The post ПОЧНА ТРКАТА МЕЃУ ТИРАНА И СКОПЈЕ Вархеи ја искара опозицијата дека ги преминала црвените линии во Собранието appeared first on plusinfo.mk.

– Не ја посетував Софија зашто имав решение, па затоа и ќе продолжам да ја посетувам, сѐ додека не најдеме решение. Пораките кои ги добив таму не беа ништо ново, да бидам искрен. Се вртиме околу истите теми, но се трудиме да најдеме различни опции како да ги одблокираме работите. Во оваа фаза е прерано да се каже, но се надевам дека со уште работа ќе стигнеме до целта – подвлече Вархеи и додаде:

– Не сум по обложувањето, туку сум по работењето. Сѐ додека постои и најмала шанса, ќе продолжам да работам. Од тука заминувам веднаш во Софија и ќе продолжам да работам за решение во јуни, рече еврокомесарот на прашањето какви се шансите на Северна Македонија со оглед дека останаа уште две недели до Самитот на ЕУ.

На прашањето што ако земјава ја пропушти оваа шанса да ги почне прегворите и дали ќе добие место во некоја нова политичка организација како што најави Макрон, Вархеи повтори дека Северна Македонија мора да успее.

– Ако почнам сега да зборувам што ќе се случи ако не успееме, ќе станам најлош адвокат на мојата сопствена работа. Нема да го направам тоа. Тука сме за да ја завршиме работата, тука сме за да успееме. Северна Македонија мора да успее и сите ние мора да работиме на тоа. Овој политички чадор, како што јас го нарекувам, е дополнителен елемент и имавме доста јасно објаснување од оние што го предложија тоа. Станува збор за комплементарен елемент кој ќе креира многу повеќе дијалог во регионот на едно повисоко политичко ниво. Ова ќе го доближи регионот кон Европа, но секако ќе треба да проодлжиме со процесот на проширување и затоа може да донесе опипливи бенефиции за регионот – истакна еврокомесарот.

Во врска со вчерашната потврда на Макрон дека постои можност за нов договор меѓу Северна Македонија и Бугарија, Вархеи рече дека работи многу блиску со француското претседателство, но во оваа фаза би било прерано да се каже.

– Нема да оставиме непрвртен ниту еден камен за да го завршиме ова. Француското претседателство е исклучително посветено. Макрон е лично ангажиран во сето ова. Mислам дека сите сакаат резултат, резултат кој е прифатлив за двете земји и со кој би можеле да продолжиме понатаму и конечно да ја одржиме првата меѓувладина конференција и да продолжиме со пристапниот процес на Северна Македонија – рече Вархеи.

Прашан дали може Северна Македонија и Албанија да бидат одвоени на европскиот пат и што ако тоа се случи, еврокомесарот повтори дека се работи на тоа Северна Македонија да успее во јуни.

– Мораме да успееме – порача уште еднаш Вархеи.

The post СЕ ВРТИМЕ ОКОЛУ ИСТИТЕ ТЕМИ ВО СОФИЈА Вархеји ќе продолжи да ја посетува Бугарија дур не се најде решение appeared first on plusinfo.mk.

Португалскиот министер за надворешни работи Аугусто Сантош Силва, во име на Претседателството со Советот на Европската Унија, и комесарот за соседство и проширување Оливер Вархеи, денеска ќе ги посетат Бугарија и Северна Македонија за да разговараат со властите на двете земји на теми поврзани со процесот на проширување на ЕУ.

Претпладнево во Софија, тие ќе се сретнат со претседателот Румен Радев, како и со премиерот и со министерот за надворешни работи во новата влада, а попладне во Скопје со претседателот Стево Пендаровски, како и со премиерот Зоран Заев, заедно со заменик-претседателот на владата и со министерот за надворешни работи, најави Делегацијата на ЕУ во Скопје. 

Премиерот Зоран Заев завчера од Брисел најави дека се подготвува ваква посета во пресрет на одлучувачкиот Совет за општи работи на ЕУ на 22 јуни кога ќе се одлучува за усвојување на преговарачката рамка и првата меѓувладина конференција помеѓу ЕУ и Северна Македонија, со што би започнале и формално преговорите за членство во ЕУ година и половина откако беа одобрени.

The post Европска офанзива денеска во Софија и во Скопје appeared first on plusinfo.mk.

Тој потсети дека предвремените избори беа побарани од опозицијата во октомври поради тогашната блокада на нашиот евроинтеграциски пат.

– Денеска Северна Македонија е членка на НАТО со зелено светло за почнување на преговорите за членство во ЕУ. Еврокомесарот Вархеи најави дека до 15 јуни ќе ја добиеме  преговарачката рамка за отпочнување на преговорите и ќе треба да се закаже првата меѓувладина  седница. Лошо е, а не знам ни дали е воопшто возможно целиот овој процес да го води техничка Влада  и без активно Собрание. Ова мора да го имаме предвид, бидејќи ние немаме луксуз уште долго време да седиме без Собрание – наглси Манчевски.

Според него, најдобро сценарио е до датумот за избори да се дојде со консензус. За него е неразбрливо лицитирањето со изборниот датум за една недела порано или подоцна, кога е јасно дека станува збор за временскиот перод по завршување на вонредната состојба, за тој прозорец што и на глобално ниво се нуди и којшто треба да го искористиме. Бидејќи, со отворањето на границите, со отворањето на градинките, училиштата ризикот се зголемува.

– Во делот на пандемијата сите домашни и странски експерти укажуваат дека наесен е можен нов бран на вирусот. Не смееме да чекаме, па да бидеме притиснати од роковите бидејќи во декември истекуваат сите уставни рокови за одржување на избори. Но и за економијата е од исклучително значење изборите да се одржат  веднаш штом за тоа ќе има услови. Секако, изборниот процес ќе се одвива во согласност со препораките и протоколите од Комисијата за заразни болести и од здравствените експерти. И не само начинот на гласање, туку и начинот на кој ќе ја водиме кампањата,  без  масовни митинзи, ќе има помали групирања, со физичка дистанца, со заштитни маски, кампања преку медиумите и социјалните мрежи – додаде Манчевски.

Тој нагласи дека постои одредена временска рамка  до кога треба да се постигне договор за изборниот датум.

– Вонредната состојба завршува на 30 мај и потоа ќе се соочиме со еден вид безвластие. Без Собрание, со техничка Влада, а без изборен датум е навистина нелогично да продолжиме да функционираме – додаде Манчевски.

The post Манчевски: Ја очекуваме преговарачката рамка од ЕУ, не смееме да функционираме со техничка влада и без парламент appeared first on plusinfo.mk.