Вака вели познатиот режисер Оливер Стоун во интервју за српска „Политика“. Тој вели причината за војната во Украина е фактот што САД ја претвораат Украина во антируска земја од 2014 година па наваму.

Она што моментално се случува во Украина „воопшто не е едноставно“, додаде Стоун, но на Запад тоа се упростува со фразата дека, ете, „Русите окупираат“.

– Не се споменува ништо што се случува во Донбас од 2014 година, ниту колку луѓе беа раселени затоа што САД ја вооружуваа Украина – вели режисерот пред да влезе на Меѓународниот филмски фестивал на Црвеното Море во Џеда во Саудиска Арабија каде ќе биде дел од жирито.

– Од 2014 година, Украина повеќе не беше неутрална, туку антируска, и тоа е она што ја наруши рамнотежата – подвлече Стоун, додавајќи дека „секоја војна има причини и последици“, ако некој е подготвен да обрне внимание.

Режисерот на познатиот документарец „Сноуден“ продуцираше два документарни филмови за настаните во Киев, „Украина во пламен“ во 2016 година и „Откривајќи ја Украина“ во 2019 година. И двата филма се соочија со забрани, бојкоти и напади во текот на оваа година.

– САД брзо ја осудуваат која било земја во светот коагја наводно го прекршува меѓународниот поредок заснован на правила, но Америка ги крши сите правила кога сака и вие тоа го знаете – му рече Стоун на својот српски интервјуер.

Тој изрази жалење што гласал за Џо Бајден, велејќи дека овој „дедо“ се покажал како многу опасен, со неговиот  „сон“ за промена на режимот во Москва за да можат САД повторно да ја контролираат Русија како во 1990-тите. Тој вели дека и изборот на Обама како човек кој требало да ги помири левицата и десница во САД бил грешка. За Стоун, единствена надеж за САД би била појавата на трета партија, бидејќи и левицата и десница му должат на воено-индустрискиот комплекс.

Најновиот документарен филм на Стоун, „Нуклеар“, се осврнува на улогата на атомската енергија во справувањето со климатските промени. Ќе биде прикажан и на фестивалот во Саудиска Арабија.

На прашањето дали сè уште е бунтовник, Стоун одговори дека старее и дека има проблеми со видот и слухот, но претпочита „да живеам на нозе отколку да умрам на колена“.

The post КОИ СМЕ НИЕ ДА ПОКАЖУВАМЕ СО ПРСТ? Оливер Стоун проговори за војната во Украина која Западот сака да ја „упрости“ appeared first on plusinfo.mk.

Станува збор за четиричасовен филм „Интервјуа на Путин“, кој го снимал од јули 2015 до февруари 2017 година, поради што добил дозвола од Путин да ги следи во чекор и да снима додека извршува секојдневни активности.

А, се чини дека тие двајца тогаш мошне се зближиле, бидејќи Стоун сега на социјалните мрежи ја коментираше војната во Украина и понуди неколку „анализи“ кои одат во корист на Русија. Режисерот смета дека треба да се согледа „поширокиот контекст на руската инвазија на Украина“.

Тој тврди дека западните медиуми хистерично пристапуваат на целата ситуација во Украина и дека многу гласно се жалат на постапките на Владимир Путин, додавајќи дека ги испуштаат клучните информации кога тие, како што вели, не им одговараат. Потоа навел четири текста од светските медиуми за кои смета дека се искрени анализи на ситуацијата во Украина.

 

View this post on Instagram

 

A post shared by Oliver Stone (@officialoliverstone)

ФОТО: Инстаграм

The post ОЛИВЕР СТОУН ЗАСТАНА ВО ОДБРАНА НА ПУТИН Славниот режисер изненади многумина со својот став (ФОТО) appeared first on plusinfo.mk.

– Ја примив вакцината пред неколку дена. Сè уште не знам колку руската вакцина е ефикасна, но слушнав многу позитивни реакции за неа. Ми претстои да се вакцинирам уште една, ќе биде потребно да дојдам повторно –  рекол Стоун.

Тој изјавил дека руската вакцина е корисна, пренесува „Спутник“.

– Не разбирам зошто на Запад ја игнорираат, печатот едноставно ги премолчува сите информации – рекол Стоун за рускиот „Прв канал“.

Претходно беше објавено дека трикратниот добитник на Оскар снима филм во нуклеарната електрана Белојарск во регионот Свердловск.

The post Славниот режисер Оливер Стоун ја прими руската вакцина против коронавирусот appeared first on plusinfo.mk.