Антонио Милошоски од ВМРО-ДПМНЕ во вечерашната дебата на „360 степени“ најави поддршка за Димитриевски.

– Ние во нашиот настап не гледаме да навредуваме други кандити или други политички партии, туку гледаме каде што можеме да победиме заедно со Алијанса за Албанците и Алтернатива. Но, таму каде што не сме во игра да дадеме поддршка на кандидати кои може да победат како што е случајот со Куманово. Ние таму не влеговме во вториот круг, но гледаме дека врз еден од кандидатите се врши полициски притисок и нашите симпатизери ни даваат препорака да покажеме солидарност и да му помогнеме на тој кандидат – рече Миошоски.

The post МИЛОШОСКИ НАЈАВИ ПОДДРШКА ЗА ДИМИТРИЕВСКИ Во Куманово се врши полициски притисок ВМРО-ДПМНЕ ќе му помогне на Максим appeared first on plusinfo.mk.

Тој му посочи на Димитриевски да не манипулира со граѓаните и да не се претставува како нивен кандидат. 

– ВМРО и Димитриевски соработувале, тоа го дознавме, негов шеф на штаб заедно со претседател на ВМРО Куманово преговарале и договарале – рече Илиевски. 

Илиевски го праша Димитриевски од каде толку скапа кампања?

– Слушнавме дека се преговара за јавни претпријатија Водовод, Чистота, Пазаришта, ветувања кон врхушката на ВМРО, слушнавме за станови давани на високи функционери на ВМРО, овие драматургии на Димитриевски се само да не зборува за тоа што не го изгради во Куманово – рече Илиевски.

Димитриевски објасни дека не можел да се дистанцира од никого во кампањата.

– Може и на СДСМ утре ќе им текне да ме поддржат. Куманово од секогаш бил левичарски град, но ги запоставија правата на работниците и тоа им се врати – рече Димитриевски.

The post МАКСИМ ПРЕГОВАРА СО ВРХУШКАТА НА ВМРО-ДПМНЕ И ТРОШИ МИЛИОН ЕВРА Илиевски обвини дека неговиот противкандидат манипулира appeared first on plusinfo.mk.

Тој се осврна на прес конференцијата на која денеска СДСМ излезе со обвинување дека Димитриевски додека ја извршувал функцијата градоначалник се стекнал со илјадници квадратни метри државно земјиште.

– И двајцата денеска излегоа со информација за моја наводна злоупотреба на службената положба за купување на државно земјиште. Кандидатот за градоначалник Илиевски во дебатна емисија дезинформира дека имотот сум го стекнал кога сум бил претседател на Советот во општината, додека пак пратеничката Тасевска дезинформира дека имотот сум го стекнал додека сум
бил градоначалник. Пред да изнесувате вакви информации потребно е претходно да ги знаете фактите! Точно е дека имам земјиште, но за него се водеше постапка 9 години, а тогаш немав ништо со политика. Како и многу други мои сограѓани работев во Ирак, спечалив пари и купив земјиште, кое не е државно како што вие дезинформирате, туку е купено од приватно лице како и многу други купувачи од мојот град во тоа време кои купија имот на таа локација „Црвенки”. Ова земјиште е уредно пријавено, со документи и сите постапки како мој имот и тоа се гледа во мојата пријавена имотна состојба во ДКСК – вели Димитриевски.

Тој им порача на Илиевски и Тасевска пред да излезат заеднички во јавност со дезинформации и обвинувања, потребно е подобро да се спремат.

– Со ваквите неосновани напади кои сакате да ги злоупотребувате во политички цели само докажувате дека вашата цел е да победите на локалните избори со лаги и притисоци. Граѓанската иницијатива „За наше Куманово“ континуирано во текот на целата кампања се соочува со закани, притисоци, местенки, но тој начин за доаѓање на власт повеќе не поминува! Доколку пратеничката Тасевска во рок од 48 часа не се извини, ќе биде покрената тужба – вели Димитриевски.

The post ЗЕМЈИШТЕТО ГО КУПИВ СО ПАРИ ОД ИРАК Димитриевски бара пратеничката од СДСМ да му се извини или ќе ја тужи за сите лаги досега appeared first on plusinfo.mk.