Младиот италијански пејач Оли од Џенова е победник на овогодинешното 75-то издание на фестивалот Санремо.

Оли победи со песната „Balorda Nostalgia“, откако гласовите на новинарското жири, радио жирито и телевизиското гласање од првите три вечери на фестивалот беа комбинирани со резултатите во финалето.

Победникот на Санремо 2025 не станува автоматски италијански претставник на Евровизија, туку добива право прв да ја прифати или одбие оваа можност. Доколку победникот ја одбие поканата, тогаш Раи ќе му ја понуди на изведувачот кој го зазел второто место, потоа третото и така натаму.

 

View this post on Instagram

 

A post shared by Sanremo Rai (@sanremorai)

Оли победи со 31 отсто од гласовите, Лусио Корси е втор со 25,7 отсто, а Брунори Сас на третото место со 16,6 отсто.

„Тоа не ми изгледа реално, толку сум среќен. Не знам што да кажам, делувам вознемирено, но многу сум среќен. Лусио, ти си многу моќен кантавтор. Поздрав до сите“, изјави победникот по гласањето.

Сцената на театарот „Аристон“, како и секогаш, беше домаќин на познати уметници, поранешни учесници на Евровизија, а сите настапија со оркестар.

Интересно е што Оли настапи со Горан Бреговиќ на четвртата вечер на Санремо, која уште се нарекува и насловна вечер. Оли изведе прекрасна обработка на иконската песна „Il Pescatore“ на легендарниот пејач и текстописец Фабрицио Де Андре, а Бреговиќ и неговиот оркестар му дадоа посебна енергија на целиот настап.

Оли е роден на 5 мај 2001 година во Џенова како Федерико Оливиери, од татко адвокат и мајка судија.

Како тинејџер се запишал на конзерваториум и во 2014 година на 14 години го напишал својот прв текст.

The post 🎥 МЛАДИОТ ПЕЈАЧ ОЛИ Е ПОБЕДНИК НА САНРЕМО На фестивалот настапи и со Горан Бреговиќ appeared first on plusinfo.mk.

Актерката Анџелина Џоли е решена да ја продолжи својата борба против Бред Пит откако судијата му додели на актерот еднакви права со неговата поранешна сопруга за старателство над децата.

Минатата недела американските медиуми ја објавија одлуката во случајот меѓу Џоли и Пит. На крајот од долготрајната истрага, при што беа испитани многу засегнати страни (вклучително и лекари и вработени), судијата пресуди во корист на 57-годишниот актер, давајќи му еднакво заедничко старателство над нивните деца.

Џоли (46) повеќе од четири години се обидуваше да добие единствено старателство над Пакс (17), Захара (16), Шајло (15), Нокс и Вивиен (12).

Двајцата веќе се жалат на оваа одлука.

„Таа никогаш нема да му прости, постојано повторува дека ова е далеку од крај и сè уште верува дека правдата ќе надвладее“, објави тимот на актерката.

The post Бред Пит доби еднакви права со Анџелина Џоли за старателство над децата appeared first on plusinfo.mk.

На официјалниот профил на Амнести Интернешнал членовите откриле дека холивудската актерка во соработка со нив работи на нова книга.

Станува збор за книга која на пазарот би требало да се појави во септември идната година и тоа под името „Know Your Rights (And Claim Them)“, која е наменета на младите за да сфатат кои се нивните основни човекови права.

– Денес младите се ангажирани и спремни за борба, но многумина се борат со дезинформации кои ги добиваат од возрасните, со недостиг од свест за својте права, како и со недостиг на знаење за тоа како да ги користат својте права, применувајќи ги на околностите во кои живеат. Мора да им дадеме алатка со која ќе ојакнат за борба и која ќе ги охрабри – порачала Џоли.

The post Анџелина Џоли пишува книга, еве за што appeared first on plusinfo.mk.